أسوأ تجربة ممكن تمر ببها لما السرسجي يحكم بلد ويتحكم في إدارة الدولة ويفرض معتقداته وهمجيته على صانع القرار.. بالذات على مستوى المحافظات.
مرة قعدت مع مسؤول من المحافظة بالصدفة وسألته.. ليه معظم الكورنيش من المنتزة للسلسلة اتحجب و اتملا قهاوي؟
رد في ثقة انهم لو تركوه حيتملا سرسجية ليلا.. وحشاشين والخ.. هم كده ضربوا عصفورين بحجر.. منعوا السرسجة واجروا الشط لمقهى وكسبوا فلوس.
السرسجي هنا غير هيئة مدينة سياحية ساحلية كاملة حسبما يرى بالضغط على صانع القرار.. مرة أخرى كنت ماشي على كوبري ستانلي ولقيت الرصيف من ناحية البحر المفتوح مغلق بكردون وعليه عسكري.. ممنوع مرور المشاة.. سألته عن السبب فقال.. ان في"شباب صيع" بتقعد على الافريز وممكن تقع في البحر وتجيبلهم مصيبة.. هززت رأسي متفهما.. ونزلت انا المواطن العادي الصالح.. امشي تحت الرصيف وسط السيارات المندفعة اللي جاية عكس اتجاهي.. لو مت فدا فداء لأن سرسجي ما.. "احتمال" كان يؤذي نفسه.
ممنوع الدرونز والمنظار المقرب والتليسكوب.. آسفين أصل السرسجي ممكن يصور بيهم مراتك جوا شقتكم.. منعناهم لاجل عيون السرسجة ولتذهب السياحة والبحث العلمي الحر للجحيم. معلش قفلنا الشارع اللي بنتك بتروح منه لخالتها.. كله سرسجية بالليل اصل.. معلش منعنا معدات الصيد تمت الماء لأن السرسجية بتتعارك بيها ويمزقوا أحشاء بعض.
تحرش ووفاة واغتصاب وقتل.. اطمن ما تقلقش.. في شيخ سرسجي مجنون حيبرر الموقف ويمر مجتمعيا عادي ونشتم الضحية.. ونربي جيل سرسجية جدد.
السياح بتشتكي ومابتجيش؟ معلش السرسجية بيسرقوهم ويتحرشوا بيهم.. طفل بيقتل قط او بيتنمر بطفل ضعيف؟ معلش طفل سرسجي و"ياختشششي الولد بيلعب".. البحر ملوث!؟ قفلناه لان السرسجي بيه جه رمي فيه كياس شيبس وكانزات مياه غازية وقوالح ذرة. حننضفه ونتكلف مليارات ماتقلقش.
في دوشة تحت نوافذ مستشفى وللا دار مسنين؟ اقفلوا الشبابيك وقلوا راحتكم معلش.. السرسجي قرر ييجي بالموتوسيكل اللي مسميه "مكنة" يسمع اغنية مهرجانات لسرسجي آخر تحت شباكك.
مستثمرين؟ طبعا عمال كتير سرسجية بتتحشر وسط العمال الشرفاء.. قصص شرب الجوزة والحشيش في بنزينة مش خيال.. ممكن نسرق صاحب الشغل نفسه ونهرب.
بنتك ما ينفعش تلبس على ذوقها او ذوقك.. لازم تلبس على ذوق السرسجي والا يتهددها ويروعها.
الآثار؟ في سرسجية حفروا عليها قلوب وبطابيط ونقشوا اسمهم. نفسك تخرج مع خطيبتك؟ نقبها بقي مانت تبقي غلطان لو سبتها بشعرها وسىرسجي اتحرش بيها وفتح كرشك.
بتصور في وسط البلد مثلا او مكان آخر؟ حيستوقفك الأمن.. وبعد شك وريبة "آسفين اصل في سرسجية بتصور وتعمل فوتوشوب وتطلع اشاعات"..
أدوية كتير عادية زي أدوية الكحة نزلناها جدول.. آسفين اصل السرسجية بتشربها وتعمل دماغ.. وتدور عليك عشان تغزك.
نفسك تخرج مع مراتك او خطيبتك في العيد؟ بلاش احسن.. فجأة موقف ميكروباصات وتكاتك قدام بيت أمك او مدرسة عيالك او تحت بيتك؟
معلش دا البيه السرسجي بياكل عيش.. المحافظة ساكتة عشان تتقي شره بدل ما يتجه للجريمة... كشك فجأة سد مدخل عمارتك؟ آه دا البيه السرسجي قرر يعمل بيزنس.. منادي عربيات سرسجي وعايز ٤٠ جنيه ولو مدفعتش يخربش العربية وينيم العجل؟؟ وماله.. غلبان.. مش عاجبك؟؟ اخرس.. انت مش حاسس بالغلابة وللا ايه؟
سرسجي بيقل ادبه ع السوشل ميديا؟ يا راجل دا لعب عيال بلا تفاهة.
بتتعلم وتدرس وتشطر الذرة؟ السرسجي مش مبسوط وحيعملك مسخة. لازم تنضم له عشان يرضى عنك.
صبغتي شعرك؟؟ يللا يا ساقطة.. فين جوزك عشان السرسجي يتهمه بالدياثة لانك مش على مزاجه؟؟
معلش حنصادر الكلب.. اصل السرسجي بيروع الآمنين بكلاب مفترسة فحظرناها على المواطن العادي.. السرسجي فرض قانونه ويا إما هو يا إما المنع.
البيه السرسجي بيتجوز فدبس أمه في جهاز هو مش أده ومش منطقي.. معلش تبرعوا.. ادفع لحرية أم السرسجية اللي مخلفة ١٤ سرسجي بييجي برزقه وسرسجته مع بعض.
دفعت دم قلبك وعملت كوبري وشاطيء ومشروع؟ معلش السرسجي بوظهولك.. غلبان وعيل مش فاهم.
السرسجي عبارة عن إرهابي بس بشكل مختلف.. مسخ بلا عقل بتحركه شهوة الأكل والجنس.. تماما كصرصار المجاري. لأ معلش سييهم.. اهو احسن ما يعملوا مصايب.. كأن كل ما سبق لوحات تكعيبية مش مصائب.
السرسجي = إرهابي.
الله سرسجية ومطربين صيع وشمامين وحشاشين.. استني نعملهم نجوم في الإعلام.. مجدي يعقوب مين اللي نقدمه عندنا في الإعلام كقدوة.. انت عبيط وللا ايه؟؟
ايه دا انت ضربت عيل سرسجي اتحرش ببنتك او مراتك وفتحت دماغه؟؟ انت اتجننت؟؟؟ اقبضوا عليه.. البلد فيها قانون يا أفندي يا منحرف!
بدل ما السرسجي ياخد بالجزمة.. انا بتعاقب لاني ممشيتش على قواعده.
محدش يعرف اتحول لسرسجي ازاي عشان اعرف اعيش الله يستركم؟
https://www.facebook.com/