مرحبا بك في منتدى الشرق الأوسط للعلوم العسكرية

[مرمبتاح]

هل المصريون عرب عرقيا ؟
اقرا الموضوع ده وانت تعرف
https://www.memilitary.com/threads/خطأ-شديد-المصريين-عرب.2630/

طيب بلاش هل اثر الرومان في مصر عرقيا ؟
اقرا بقي ياجدع وفوق يخربيت كسلك

هل اثر الاغريق في مصر جينيا؟ اليكم الاجابه

هل اثر الروم/الاغريق في المصريين جينيا؟ الاجابه : لا بحسب دراسة Shunmen et al 2017 بتؤكد الاستمرارية الجينيه بين المصريين ما قبل العصر البطلمي و الروماني و المصريين بعد العصر البطلمي و الروماني و ان تواجد الرومان و الإغريق في مصر كان محدود و كان بيقتصر على فئة النخبه فقط صورة رقم(1) هل الغزو...

www.memilitary.com

 

[مرمبتاح]

هل مات لغتنا المصريه ؟ اي لغه نتحدث ؟ لماذا لا نستطيع كمصريون نطق حروف اللغه العربيه جيدا او نقوم بتغيرها كالثاء في ثعبان وثوم نحولها تاء فتبقي تعبان .. توم
او ينطقوها حرف مقارب للثاء كالسين ومثلا في ثانيه .. تبقي سانيه وايضا نطق
والزال
ليه اهل الصعيد بيعطشوا الجيم زي العرب هل هم عرب في الأغلب؟
الاجابه هي لهجه اخميم المصريه القديمة
وليه المصريين في لهجتهم مافيهاش قواعد ترابيه زي اللغه العربيه ورغم كده بتتفهم لهجتهم مهما غير وضع الكلمات
علي سبيل المثال
أين هذا المكان ؟
في اللغه العربيه يكون الترتيب هكذا
قي اللغه المصريه الحديثه ممكن تكون
فين المكان ده
المكان ده فين
المكان فين ده
غيرت مكان وترتيب الكلمات دون أن يختل المعني في اللغه المصريه الحديثه ليه ؟
لان اللغه المصريه الحديثه مبنيه علي اللغه المصريه القديمه اللي هي لغه تعبيريه وليست لغه انشاءيه بلاغيه كاللغه العربيه
فقصه القواعد وتغيير ترتيب الكلمات غير ذا اهميه في الحصول علي المعني وبسبب بساطه اللغه دي المصري لحد الان مش عارف يتخلي عنها بالفصحى
وعشان كده بنقول احنا بنتكلم مصري احنا مصريين وبس
واليكم الموضوع باستفاضه .

اللغه المصريه القديمه.. لغتنا الحبيبه الباكيه وسبل بعثها

www.memilitary.com

 

[مرمبتاح]

شهادة تاريخية لرئيس وزراء مصر الأسبق أيام الرئيس السادات الله دكتور "مصطفى خليل" عن بداية إنتشار الفكر القومي العربي و دور القومية المصرية في استقلال مصر و استرداد حكم المصريين لأنفسهم و تأثيرها علي الأجيال و نصيحة منه لكل الشباب سواء القومي أو لأ ❤️ الفيديو في أول تعليق في المقابلة بتاعته مع الإعلامية هالة سرحان علي قناة ART.

#القومية_المصرية
#وعي_مصر
#جمهورية_اللاجئين

 

[مرمبتاح]

مكرر
بمناسبة شهادة دكتور مصطفى خليل رئيس وزراء مصر تعالوا نعرف ازاي كان رواد القومية العربية نفسهم شايفين مصر و الشعب المصري ازاي..ده بالظبط اللي قاله القومي العربي السوري ساطع الحصري في سنة ١٩٣١ أثناء زيارته إلى مصر.. ❤️

#القومية_المصرية
#وعي_مصر

 

[مرمبتاح]

طه حسين أحد أهم رواد الفكر القومي المصري عن الهوية المصرية منذ الحضارة المصرية كأساس للمصري و عن رأيه عن دخول مصر في وحدة مع الدول العربية و اللي تحقق فعلًا لحد اللحظة في مقالة له في مجلة "كوكب الشرق" سنة ١٩٣٣..تصبحوا علي خير

#القومية_المصرية
#وعي_مصر

 

[مرمبتاح]

🔴 يلا عشان نقود الحضارة ا̶ل̶م̶ص̶ر̶ية العربية!

و بتستمر منطق وزارة التربية والتعليم علي نهج ترسيخ إن المصري جزء من العربي و إن المصري لا يستحق يكون له هويته المستقلة المميزة عن الهوية و الثقافة العربية..

في آخر حاجة للسيد الوزير بعد ما صرح بإن الكلام العامي المصري "ركيك" حاليًا هنعد أولادنا عشان يقودوا حضارة عربية جديدة! اه والله زي ما قريتم..

في خلط بشع في المفاهيم ما بين الدول الإسلامية اللي ساهمت في انتاجها الثقافي و الفني و اللغوي و الديني و المعماري و التراثي شعوب كتير زي الشام و العراق و فارس و مصر و إننا بدل من إننا نفهم طلابنا أمتهم المصرية كان شأنها و دورها ايه في الدول الإسلامية و المعمار و الفن و التراث..و نخليهم يستلهموا من هويتهم المصرية الفريدة..هنهيأهم عشان يقودوا الحضارة العربية..!

🔴 المصريين أولى بحضارتهم يا سيادة الوزير

المصريين حضارتهم من اعظم الحضارات في التاريخ البشري و ألف اختراع و اختراع بالمقارنة مع تأسيس علوم الطب و الفلك و الميمياء و الإدارة و العسكرية و الهندسة و الميثولوجيا و الفلسفة هو الأولى لينا إننا نهيأ ليه أولادنا و أجيالنا الحديدة عشان يقودوا حضارتهم المصرية الجديدة و يستكملوا بناء دولهم علي نهج أجدادهم.

آن الأوان للمسؤولين يفهموا إن الهوية المصرية مش جزء من هوية أخرى او تابعة او متجزأة أو تزاحمها أي هوية تانية..بى الهوية المصرية هي المكون الأساسي و الرئيسي للدولة المصرية و تاريخها و حضارتها و أمتنا المصرية.

🔴 الحضارة العربية؟

العرب لهم تراثهم و هويتهم و ثقافتهم و تاريخهم اللي بيعتزوا و يفتخروا بيه و ده ميمنعش او يتنافى مع تعاوننا و تكاملنا سوا بل يشجع عليه و عالتنافس الصحي..و ده مش انعزالية ولا عن.صرية ولا تط.رف بل هي حقايق العرب نفيهم عارفينها وجه الوقت نفوق من شعارات العروبة لحقبة #الجمهوريةالجديدة اللي أساسها القومية المصرية و الهوية المصرية المستقلة..

🔴 ختامًا

مصر و حضارتها و شعبها مش هيبنوا دولة غير بلدهم ولا هيستكملوا حضارة غير حضارتهم باختلاف معتقداتهم سواء مسلمين او مسيحيين او حتى لادينيين زي ما دابما بتأكد الدولة حاليًا.

#القومية_المصرية
#الهوية_المصرية
#وعي_مصر

 

[armr]

اسمحولى اختلف

اولا......الامه المصرية هى فى الاساس ثقافة و طريقة حياه(way of life) بمعنى ان المصريين القدماء لم يكونوا يوما عرقا او جنسا متميزا عما حولة و انما ثقافة و علم يتبنى الاحتواء بدلا من الطرد و التفاعل بدلا من التمايز ....فمصر منذ فجر التاريخ و هى مثل الواحة التى ياوى اليها الجميع عند الشدائد و لم تطرد احدا يوما بل دائما تسع الجميع و فى رايي ان هذه هى العبقرية التى جعلت مصر الدولة الوحيدة التى لم تقسم او تتغير حدودها بصورة كبيرة على مدار التاريخ

ثانيا....المصرى هو من يعمل لمصلحة هذة الامه و هذة الارض بغض النظر عن عرق او دين و لدينا من الامثلة التاريخية الكثير من اول شيشنق و مرورا بالاسكندر الى بدر الجمالى و صلاح الدين الايوبى و محمد على فى العصر الحديث

ثالثا.....مصر دولة عريقة و غير صحيح انها احتلت معظم فترات التاريخ بل على العكس مصر لم تكن مستعمرة الا حوالى 1000 سنه فقط من عمرها الممتد 5000 عام و بالمقارنه بامريكا مثلا فاكثر من نصف عمرها منذ عرفت حوالى 300 سنه و هى مستعمرة لانجليز1494 من الى 1775

 

[الرحال]

من فضلك, تسجيل الدخول أو تسجيل لعرض المحتوى !

اظن ده رد كافي علي حضرتك

من فضلك, تسجيل الدخول أو تسجيل لعرض المحتوى !

 

[الرحال]

من فضلك, تسجيل الدخول أو تسجيل لعرض المحتوى !

المصريين عرق وليسوا ثقافة فقط

 

[tayga]

من فضلك, تسجيل الدخول أو تسجيل لعرض المحتوى !

كلام خاطى تماما , هذة المشاركة تتكلم عن العرق المصرى ونسبة الجينات المصرية فى ال DNA للمصريين الحاليين وبالمصادر

(هام جداً) جماعة الAfrocentrism ومحاولات سرقة التاريخ المصرى القديم

من هم جماعة ال Afrocentrism ماذا لو دخلت علي احدي المواقع الامريكية وكتبت تعليقا يحمل اسمك وهويتك المصرية هتلاقي من يسلبك هويتك في ثانية ويقول لك لا انت لست مصريا انت محتل عربي لمصر المصريون الاصليون في مصر انتهوا تتسمر امام التعليقات الغريبة وتحاول ان تفهم وتقسم بكل المقدسات انك مصري ولا تجد...

www.memilitary.com

من فضلك, تسجيل الدخول أو تسجيل لعرض المحتوى !

كلام خاطىء الحضارة المصرية كانت متميزة حتى الاهرامات والتى توجد فى كثير من الحضارات الاخرى اذا نظرت اليها ستجد ان الاهرامات المصرية مختلفة

من فضلك, تسجيل الدخول أو تسجيل لعرض المحتوى !

خطا مرة اخرى الهكسوس عندما اتوا كانوا لاجئين وبعدما تزايدت اعدادهم احتلوا النصف الشمالى من مصر وفى الاخر تم طردهم من مصر

من فضلك, تسجيل الدخول أو تسجيل لعرض المحتوى !

خطا الاسكندر كان محتلا مثل الفرس من قبلة كل ما فى الامر انة استخدم التسامح واللعب على العاطفة الدينية كقيامة بالصلاة للالة المصرى امون او حتى اظهار نفسة كمخلص ومنقذ للمصريين من الفرس والمضحك انة استخدم كل هذة الاساليب مع كل البلاد الاخرى التى ضمها الى امبراطوريتة

فى النهاية كلامك ملىء بالمغالطات المتاثرة بالفكر العروبى الناصرى المعادى للوطنية المصرية

 

[مرمبتاح]

الخلايا النايمه الاخوانيه والعروبيه في وزاره التعليم واجهزه الإعلام المصريه وعداؤهم للهويه المصريه
وزير التعليم نموذجا

 

[مرمبتاح]

 

[Shokry]

@مرمبتاح
مانركز هنا ع الفكر القومي المصري و نعمل سلسلة مواضيع عن القوميات المختلفة واقترح نبدأ بالعربية و بعدها التركية او الكمالية و بعدهم ممكن الكردية و غيره

 

[مرمبتاح]

 

[Shokry]

 

[صانع]

من فضلك, تسجيل الدخول أو تسجيل لعرض المحتوى !

كلام سليم وراجل محترم

 

[صانع]

من فضلك, تسجيل الدخول أو تسجيل لعرض المحتوى !

👍👍👍👍👍👍

 

[مرمبتاح]

حتى بصوا الحركة دي& حتى بصوا اللقطة دي اللي فات مش مات لا 😍🇪🇬
جيل اللعبة دي فين؟؟
#افتخر_كونك_مصري

 

[مرمبتاح]

⚠️"حاجات لازم نعرفها كويس اوي عن مصر القديمة "

💥رمسيس التاني مش فرعون موسي

💥مفيش حاجه اسمها اطلاقا لعنة فراعنة

💥مفيش حاجة اسمها اللغة الهيروغليفية .. الهيروغليفي خط مش لغة .. لغتنا تسمي اللغه المصرية القديمة و ليها ٣
خطوط هيروغليفي هيراطيقي ديموطيقي

💥مفيش حاجة اسمها عروسه النيل زي ما كان للاسف بتعرض الافلام دي كدبه الفها المؤرخين و زودوا عليها و كبروها مصر كانت دولة عظيمة و مفيهاش قرابين بشرية

💥زواح الاخوة في مصر كان بيتم للحفاظ علي السلاله الملكية و كان في حالات معينه يس يعني مش كل النلوك تزوجت من اخواتها و مكنش موجود في عامة الشعب.

💥مصر فيها اكتر من١٠٠ هرم ..

💥الملك تحتمس التالت دخل ١٧ حمله عسكرية و كسبهم و بني امبراطورية عظمي وصلت من النوبة الي الفرات ..

💥الملك رمسيس التاني بني امبراطوريه مصر التانية من شمال سوريا للشلال الرابع و كان ملك عظيم و برضوا مش فرعون موسي.

💥توت عنخ آمون هو ابن اخناتون من سيدة مجهوله معروفه بالسيدة الصغري و مش من نفرتيتي.

💥الملك رمسيس التاني مات و هو ٩٣ عام و كان عنده خشونه فالركبة و المفاصل و هو مش فرعون موسي

💥نفرتيتي ملهاش مقبرة و لا موميا و لحد دلوقتي بندور عليها هي و ايمحوتب المهندس باني هرم زوسر

💥اسمهم مصريين قدماء مش فراعنة .. لان مصر و ملوكها العظماء لن يرتبطوا ابدا بملك ذُكر بالطغيان و الظلم ..

💥المصريين تعرضوا لاول غزو حقيقي علي يد الهكسوس و اتصدموا بالعجلات الحربية و الاحصنة و مسكتوش لا بدأوا يعملوا عجلات حربية هما احدث و افضل بكتير و هزموا الهكسوس و طردوهم خارج البلاد

💥مصر حكمها سيدات كتير و اطولهم حكما كانت حتشبسوت لمده ٢٠ عام في الحكم

💥مصر كانت بلد تعرف الاخلاق تفصل بين الرجال و السيدات و اكثر بلد حافظت علي حقوق المرأة بشهادة العالم اجمع..

💥اللي بنوا الهرم المصريين القدماء اجدادنا و الادله كتير برديات و نقوش و مقابر للعمال للمصريين اللي اشتغلوا في بناء الهرم بجانب الهرم و طريقة نقل احجاره محفوظه في برديات تدعي برديات وادي الجرف.

💥و اخيرا المصريين القدماء هم اجدادك و جيناتك الاصلية و اصل كل فخرك..

 

[مرمبتاح]

من أول ما بدأ الفكر القومي المصري ينتشر بسرعة بين الشباب من كام سنة شباب كتير جدًا وجدت في الفكر ده المعبر عنها و عن افكارها بخصوص شكل بلدها و شعبنا..

🔴 حرية الإعتقاد إلا ربع

و بما إن الفكر القومي المصري غير عقائدي و يرسخ مبادىء حرية اختيار العقيدة للفرد و حرية الإيمان من عدمه، و مع ظهور اللادينية في مجتمعنا المصري شباب كتير لاديني مصري وجد نفسه في فكر بيعبر عن هويته كشخص و عن طموحاته و أحلامه للدولة المصرية المدنية الحديثة القائمة علي أساس المواطنة و اللي بتعامل الكل بالعدل و التساوي التام دون التفرقة علي أساس عقائدي.

🔴 التطرف...اللا-ديني؟

و ده للناظر عمومًا يلاقيه شيء إيجابي وجميل ظاهريًا ولكن الحلو ميكملش..و يبدأ قطاع واسع من الشباب اللاديني المتحفز/الغاضب و القامت علي الأديان يبدأ يتخذ من القومية المصرية ستار له للهجوم علي المعتقدات الشخصية لعموم المصريين.

سباب و إهانة و سخرية و طعن مباشر في الغير و الحجة كانت إن كل الأديان دي صنيعة بشرية من شعوب زينا دخيلة علينا و إن كنت قومي بحق و حقيقي واجبك الأول و الأخير تفكيك الأديان دي لكونها أحد أهم أسباب تخلف الدولة المصرية و انتشار التطرف ومساهتمها في تراجع هويتنا كمصريين و التأثر بالغير.

ده غير خطابات الكراهية و العنصرية الحادة تجاه الشعوب و منهم العرب مع ذكرهم بكل الألفاظ و الإهانات المقتبسة من الثقافة العربية البدوية و خلافه و مننساش اسوأ انواع الكراهية ضد أي بنت تحب تعتز به بهويتها المصرية و هي لابسة الحجاب باعتبار ان الحجاب شيء مكنش موجود في مصر زمان.

🔴 عودة الديانة الكيمتية؟

البعض راح لما هو أبعد من كده، فبما إن في البعض لحد اللحظة من الأجانب و هم قلة مهوسين هوس شديد بمصر لدرجة تقديسهم للرموز المصرية القديمة و حتى اعتناق بعض الأفارقة ليها باعتبارهم مؤمنين بالمركزية الأفريقية، فراح البعض كمان سواء بدافع النكاية او الاستفزاز او حتى بدافع استلهام الفلسفات العظيمة اللي تتوافق مع حاضرنا استرجع إما جزء من المعتقد المصري أو أكتر و التصق بيهم مصطلح "الكمايتة" بما ان جزء منهم عاوز يمحي كل التأثير اللي حصل من بعد آخر أسرة مصرية حكمت.

🔴 الشعب المتدين بطبعه!

لازم نفهم سوا ان المصريين من أوائل الأمم اللي كونت منظومة فلسفية دينية أخلاقية في التاريخ و إن الدولة المصرية تاريخيًا كانت دولة قومية صاحبة ديانة قومية خاصة بيها، و تأثير مصر علي محيطها و خصوصًا الفلسفة اليونانية فيما بعد كان كبير جدًا خصوصًا لما نعرف إن ده كله كان بيتدرس في أقدم جامعة في العالم جامعة أون.

بعد ما أكدنا ده لازم نفهم إن تطور الفكر و الفلسفة البشرية هي متطورة و متراكمة و مع ظهور الأديان اليهودية و الإسلام و المسيحية كان ليهم تأثير مش بس علي مصر و إنما علي العالم كله و أحداثه و طبعًا مصر بحكم موقعها فهي في قلب التأثير.

إنتشار الأديان سواء الإسلام أو المسيحية كان شيء حتمي في التاريخ مهما كانت السيناريوهات المحتملة او البديلة الفرق اللي هنتناقش فيه هي النسبة مش أكتر..و دي سنّة البشر و الحياة حتى في الأديان كلها نفسها.

و إن المصريين بشكل أو بآخر مصرّوا أجزاء من الممارسات الدينية بتاعتهم حتى بعد تغيير معتقداتهم و شفنا أمثلة بارزة علي ده في عيد الأوبت و الموالد و عيد الغطاس و غيره و غيره..

و إن مصر فقدت إستقلالها بعد حل جيشها عقب الاحتلال الفارسي و من لحظتها كانت تعاقبات حكم اجنبي مش هزائم و خساير زي ما بيتصدر للناس..

سنّة البشر الأساسية هي الصراع و انت يا منتصر يا مهزوم و كل أمة خصوصً في حضارات الشرق الأدنى القديم داقت حصتها خصوصًا مصر اللي بتعتبر أكتر دولة استمرت كقوة سياسية و عسكرية تاريخيًا و كذا الاحتلالات اللي مرت علي الدولة المصرية.

🔴 فعلًا كنا بخير حتى استعربونا؟

جملة سمعناها كتير بتتردد لكن ايه مدى صحتها؟ و احنا عارفين كويس ان المصريين ثقافتهم مختلفة تماما عن العرب و عاداتهم و تقاليدهم و كتير من المصريين محتفظين بمظاهر الثقافة المصرية من اللهجة المصرية للتراث للعادات و التقاليد و المناسبات و غيرها و غيرها..أومال ايه المشكلة؟ دخول العرب لمصر و استبدال اللغة المصرية!

من منظور القومية المصرية مصر إستقلت رسميًا بذاتها عن كل و كافة الإحتلالات بعد ثورة يوليو و بما ان القومية المصرية مبتنظرش نظرة دينية للتاريخ سواء هل ده فتح أو غزو و إنما بينظر اليه كتعاقب حكام غير مصريين علي حكم مصر سواء حكام إيجابيين سابوا تاريخ جيد في مصر أو سابوا تاريخ بشع في مصر، و ده ينطبق علي اللغة المصرية كمثال.

🔴 الليبرالية الكلاسيكية و النيوليبرالية

آباء القومية المصرية من أمثال أستاذ الجيل أحمد لطفي السيد كان توجههم الرئيسي هي الليبرالية الكلاسيكية و هي مذهب فكري وسياسي ينادي بالحرية الاقتصادية والسياسية والاجتماعية والثقافية، والتركيز على مبدأ الاستقلالية للأفراد والمجتمعات والدول على حدٍ سواء.

و بعد العولمة ظهور "النيوليبرالية" علي الساحة العالمية ترتب عليها و ساعدت علي توافر بيئة مناسبة للترويج للمثلية الجنسية في المجتمعات وكان بعض* اللادينيين من أسهل الفئات اللي يروجوا للمسألة كذلك، و منها و بالتالي الى إن الفكر القومي بيدعمها بالضرورة و ده مش صحيح.

🔴 طعن مباشر في القومية المصرية

القومية المصرية مفهوم قائم علي الحفاظ وحدة و استقلالية الشعب المصري بغض النظر عن المعتقد أو الأصل، أساسه الانتماء للأمة المصرية وتاريخها و حضارتها.

و بتاريخها هنا مش مقصود بيه حقبة معينة و إنما كل و كافة تاريخ الشعب المصري من أول حضارته المصرية و تأسيس أقدم دولة مركزية في التاريخ مرورا بكل و كافة فترات التاريخ اللي مرت علي شعبنا و تفاعل معاها.

حاليًا أغلب الشعب المصري معتنق الدين الإسلامي و الجزء الآخر حافظ علي مسيحيته و كذا اللادينيين.

🔴 ختامًا و توضيح

البوست ده مش مقصود بيه نهائيًا مناقشة دينية عن فلسفات اللادينية و توجهاتها أو عن مقارنة للاديان و خلافه ولا هو مصادرة لحق الإنسان في الإيمان و عدم الإيمان و إن توضيح لموقف الفكر القومي المصري و تبرئته من تهم لا شأن له بها..

تهم نشر اللادينية و المثلية الجنسية و العنصرية و الشوفينية و خطابات الكراهية تجاه الشعوب، و نتمنى البوست ده يكون بمثابة توضيح جلي للفكر القومي بعيدًا عن الأهواء الشخصية.

البوست مش موجه ضد فئة بعينها وإنما بيوضح الفرق ما بين القومي المصري حتى لو كان لا يؤمن و إنما بيقدم فكره القومي الهادف لما هو في صالح المجتمع و الحفاظ علي وحدته فوق أي معتقد شخصي وما بين اللاديني المتحفز ضد الأديان و الشعوب لأسباب و دوافع شخصية و تاريخية و عنده الغاية تبرر الوسيلة حتى لو في تناقض تام مع مبادئ القومية المصرية.

كتير من القوميين مصريين معتزين بدياناتهم و معتقداتهم سواء مسلمين او مسيحيين بل حتى معانا شباب من أعظم ما يمكن قومي وإما بيدرس في الأزهر الشريف أو تعليم أزهري..و كذا بطبيعة الحال القوميين المصريين المسيحيين.

حق الاعتزاز بالدين و المعتقد شيء طبيعي وبديهي وحب الوطن و للاعتزاز بيه و التضحية دفاعا عنه غير متناقض مع الأوامر الدينية بل مأمور ومكلف به.

القومية المصرية تتعارض مع الأفكار الأممية الغير معترفة بمبدأ الوطنية واستقلال الأمة المصرية ومنها الإسلام السياسي الهادف بالأساس لهدم الوطن و سلخ الشعب من تاريخه و هويته و لا يتم خلط ده بالتعارض مع الدين.

مفيش مكان للتطرف الديني او اللاديني في القومية المصرية بأي شكل من الأشكال.

حجة كراهية الشعوب بسبب احداث حصلت من مئات/آلاف للسنين غير مبررة و إنما هي عبرة و عظة للحاضر و المستقبل.

شاركوا البوست عشان مهم و هيفيد غيركم و صحابكم و عرفوهم يعني ايه قومية مصرية و إنها شرف و انتماء.

#القومية_المصرية
#وعي_مصر