الدافع موجود بس كدولة مش بتسوق لتصرفات الأشقاء فالشارع مصر مش تويتر فين الاعلام تسعين فالميه من الشعب مسمعش كلمة افروسينتريك من اصله إنت لسه عندك احزاب واعلاميين بينادوا بالقومية العربيه!!الدافع لو تم ايجاده تبقى معركة كسبانة ان شاء الله
ودا ممكن يحصل في سياق القومية وتصرفات "الاشقاء" والافروسنتريك بتخدم لصالح القضية
نسبه كبيره من المصريبن المثقفين اصبح لهم واقع ملموس وده مخوف ناس كتير حتي الجيران مننا كشعب وليس كمؤسسه سياسيهيا أستاذنا أنا بشوفها معركه فاشله مستحيل الشعب يتقبل استبدال العربية
عليك نور هو ده التوجهالدافع موجود بس كدولة مش بتسوق لتصرفات الأشقاء فالشارع مصر مش تويتر فين الاعلام تسعين فالميه من الشعب مسمعش كلمة افروسينتريك من اصله إنت لسه عندك احزاب واعلاميين بينادوا بالقومية العربيه!!
انا بشوف الامل فالريس والراجل ده لو استمر هيعمل خطوه كبيره فالموضوع دا بس ربنا يكرمه في الازمه الحالية
ولو تصححلي هتلاقي ذكر مصطلح الأمة المصرية مرتين مرة في قنا والتانية في كلمة الجلسة الافتتاحية لمؤتمر الحوار الوطني
الكلام دا محدش قاله من بعد 52
ده منهج قديم ولا ايه منهج رابعة ابتدائي مبيطلش مدح في الحضارة المصرية القديمة متسمية كده مش الحضارة الفرعونية ده في سؤال اكتب اسمك بالهيروغليفي و الغلافات لكل الكتب maths مثلا عليه صورة الاهراماتالمناهج اللي غيروها
"بيبدأ إنهيار الدول والأمم لما يتزرع في من صغرهم شبابها كراهية دولتهم ووتاريخهم حينها تجد أنك خلقت شعب ذو إنتماء لغير وطنه الأم.."
لما بنيجي نفحص أسباب نفور كتير من الشباب المصري واحساسهم قطاع واسع منهم بعدم الإنتماء الحقيقة إن الأسباب الاقتصادية والاجتماعية هي شق وجزء بسيط من المعضلة..
لما بنيجي نبص للمناهج الدراسية اللي بتدرس في عقول أطفالنا وشبابنا من الصغر هنلاقي الكوارث دي..
🔴 ليه مرسمتيش الحدود يا نور؟
في درس أولى إعدادي باسم "نور والجغرافيا" المفروض المدرسة فيه بتبدأ تعلم نور خريطة المنطقة وازاي ترسم الحدود بين الدول.. فبيدأوا يخشوا نقاش لما المدرسة لقت إن نور مرسمتش الحدود بين الدول..
وقالها خدي بالك يا نور كده غلط.. انتي مرسمتيش الحدود.. فبتبدأ نور تردد كلام إن إزاي إنتي صح؟ وإزاي يكون في حدود بين الدول العربية وبعضها وده اسمه الوطن العربي الواحد مينفعش يكون في بيننا حدود.. لأننا شعب واحد وأمة عربية واحدة!
وهو برضه ينفع نحط حدود سيادية بين "الأقطار" وبعضها؟ وفكرت المدرسة في كلام نور شوية وقعدت تتخيل حرية التنقل والسفر بين الدول "العربية" وبعضها وفهمت إن نور مرسمتهاش مش عشان هي مش عارفة ترسمها ولكن عشان هي بتتمنى زوال حدود بلدها تماماً وإن بلدها تبقى "قطر" من أقطار كيان آخر بإسم الوطن العربي والجمهورية العربية المتحدة..
بصتلها المدرسة وقالت لها يا نور معاكي حق والله..
🔴 هراء التبعية باسم العروبة!
الهراء ده يا سادة بيتغذى في عقول شبابنا من الصغر.. إزالة حدود الدولة المصرية وإلغاء سيادتها المستقلة وترسيخ التبعية للغير من الصغر وإن الدولة المصرية دولة "قطر" من أقطار عديدة.. لازم الشباب اما يكبروا يسعوا سعي لإزالة حدودها تماماً لأننا شعب عربي واحد وأمة عربية واحدة..مفيش شيء بنخلتف عن بعض فيه.. تاريخ مشترك وهوية واحدة ومصير واحد ولغة واحدة..
🔴 ما الدستور بيقول كده!
محو تام يا حضرات للهوية المصرية وسيادة الدولة وتميز حدودها وثقافة شعبها وتاريخها وتبعية تامة باسم العروبة وده مش مستغرب أبداً لأن حتى الدستور المصري بيعترف ضمنياً إننا جزء من الأمة العربية وإننا لسنا أمة في ذاتنا.. وده طبيعي لأنه تم كتابته أثناء إنتشار أيديولوجية القومية العربية آن ذاك اللي لم تكد تتسببلنا إلا في نزيف حاد على مر عقود وعقود من جميع النواحي ويتبعها فشل ورا فشل في كل مشروع وحدوي عربي خرج للنور..
🔴 ختاماً والقومية المصرية!
إن كنا بحق عاوزين نتصدى لفكر المركزية الأفريقية وننفي عننا تماماً أي تبرؤ من مصريتنا.. فالبداية هتكون من المناهج الدراسية والتوعية باستقلالية الأمة المصرية وإننا شعب وأمة قائمة بذاتها غير تابعين لأي دولة أو كيان سياسي تحت أي مسمى..
وإن القومية المصرية هي أيديولوجية تحافظ على وحدة واستقلالية الشعب المصري مش تتمنى زوال حدوده.. الحدود اللي دفعنا فيها من دماؤنا الغالي والنفيس عشان نحافظ علينا!
نتمنى من وزارة التربية والتعليم أثناء مشروع تغيير مناهجنا الدراسية إزالة كل الهراء ده تماماً بلا رجعة من مناهجنا الدراسية واستبداله بدروس تعزز من جغرافية الدولة المصرية وتميز موقعها وخطورته الشديدة اللي بيجلب أطماع من جميع النواحي وإن واجب على نور مش بس تحفظ الحدود.. لا وتحافظ عليها أما تكبر!!
#القومية_المصرية
#مصر_للمصريين
#الهوية_المصرية
#وعي_مصر
مشاهدة المرفق 19208
لو انت حليت كلمات بالتدريج هتلاقي بعد فتره بيتكلمها علي سبيل المثال جدتي كانت بتنطق بشمل معين وليها لهجه معينه والان اختفتيا أستاذنا أنا بشوفها معركه فاشله مستحيل الشعب يتقبل استبدال العربية
@اسماعيل عبدالله شايف الناس القلودة
كلامه كله انشاءي بطبيعه الفكر اليساري يحط مصطلحات مالهاش علاقه بسرديته كتوع من تحسيس القاريء بالجهل والفوقيه حتي يتم تعميته عن التفكير في مدي سطحيه المحتوي وعدم ترابط افكارهم باختصاراقرا يا حج @مرمبتاح 🙂
ده مقال لصرصار محلي من صراصير اليسار الجديد ورايه في الموجة القومية الحالية ودور الدولة الداعم لها
كيف خرجت موجة الفاشية الجديدة من "كتاب أولى ثانوي"
من فضلك, تسجيل الدخول أو تسجيل لعرض المحتوي!
We use cookies and similar technologies for the following purposes:
Do you accept cookies and these technologies?
We use cookies and similar technologies for the following purposes:
Do you accept cookies and these technologies?