منظور لكيف ينظر الغرب لمصر من اليونانيين وصولا للامريكان.
-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
هام يعنى ايه قومية مصرية؟
- بادئ الموضوع tayga
- تاريخ البدء
هام
❗️موضوع حابين نتكلم فيه لانه ما ينفعش يتسكت عليه أكتر من كده للاسف القومية المصرية بتواجه حرب شرسه و الحرب دي يمكن هتقولوا من الاخوان و السلفيين او اليسار.
🔶️ فهنرد نقول طبعا دول جزء كبير من الي بيحربونا لكن للاسف الشديد الواضح دلوقتي اتضح ان في ناس محسوبه علي القوميين هما نفسهم خطر علي القوميه اكتر من الاطراف الي ذكرناها دول.
🔷️ بدون اي تجريح او تشخيص احنا فعلا مش فاهمين ايه غرضهم من قتل التيار الي تم بعثه للحياه مره تانيه في فتره مهمه و شديده الحساسيه زي دي و هي فتره عودة انتشار الفكر.
🔴 الدولة المصرية تعدادها 110 مليون نسمه الغالبيه العظمي من الرقم ده اصحابهم علي ديانتي الاسلام و المسيحيه انت بقي ايه هدفك لما تشوه اي معتقدات او شرائع من الديانات دي و تخلي الناس العامه العاديين الي بنستهدف بحسن نيه نشر الفكر القومي منهم يخافوا منا و من الافكار المتطرفة دي.
🔵 وعشان نكون منصفين هنا نقصد الاسلام بالتحديد..انت كده عايز تنتشر ؟ انت كده عايز تنشر في كل بيوت المصريين الفكر القومي؟ انت كده دمك خفيف اصلا لما تقعد تسخر من ديانات الناس؟
🔹️انت بالظبط بتثبت الي بيحاول يقوله العيال الي بنشوفها علي الجروبات سواء جروبات التصميمات ولا الحروبات التانيه الي يروح حاطط لك صوره مقاتل عربي و تحت رجله رمسيس العيال دي شغلها الشاغل تكفرنا.
🔸️وانت بغباءك بتساعده و بتروج لفكرته و بتقويها لانه بكل بساطه هياخد عبطك ده و ينشره و يقول بوصوا القوميين مش قولنالكم مش بيحترموا اديان وتقتل الفكره والعامه من الناس تاخد جنب منا و من افكارنا الي هي ببساطه حريه و احترام جميع المعتقدات مسلم مسيحي يهودي ملحد يا جماعه الدين لنفسك الي يهمنا ولائك لدولتك بس.
⚠️فمعلش لو انت بفكر ده هتستمر في كده انت لا تمثلنا ولا بتمثل القوميه لانك خطر عليها و علي انتشارها الي الغرض منه ان احنا نقضي علي الدونيه الي انتشرت و نرجع الشباب تاني تحب بلادها الدونية الي انتشرت واتبررت بسبب الظروف .
⚠️⚠️مره تانيه وكلامي هنا لاي شخص لا ينتمي لاي تيار او فكر و سمع ان القومية معاده اديان... الكلام ده ظلم و كدب حتي و ان خرج من بعض الي حاسبين نفسهم جزء من التيار.. انك تكون قومي مش انك تحط لي صورة رمسيس و حورس و قناع توت عنخ امون و تمشي تسب لي في معتقدات غيرك.
🔶️🔷️ قوميتك هي انك تكون مسؤل و تقف جنب بلدك و تساعد غيرك من ابناء التيار في عوده الفكر ده لشرائح المجتمع المصري و تحترم معتقداته مهما كانت.
✅️ واخيرا التيار القومي المصري بيحترم كل الاديان الاسلام المسيحيه او غيرها و لو ملحد بردو ليه كامل الاحترام له حقوق زي ما عليه واجبات.
⚠️⚠️ وكمراجعه عامه لاي حد بيقرا عن القومية لاول مره او عايز يستكشف ابعادها القوميه المصرية هي ان تكون مأمن و مخلص بحب لبلدك و تراعي مصالحها و تحترم اديان ابناء البلد غير كده و اي حد يخرج عن الاطار العام لا يمثل غير نفسه هنا في قومي فيه المسلم و المسيحي ده العادي و الطبيعي اختلاف الاديان والاختلاف عاما دي سنه من سنن الحياه.
🔴 دينك بينك و بين ربك لكن هنا القوميه يهمها مدي ولائك و حبك لتراب البلد و اخلاصك ليها مهما كانت الظروف و انك تدافع عنها و عن مصالحها و تكون قضايا بلدك هي القضايا الاولي الي بتعير اهتمامك للدفاع عنها.
🔶️ فهنرد نقول طبعا دول جزء كبير من الي بيحربونا لكن للاسف الشديد الواضح دلوقتي اتضح ان في ناس محسوبه علي القوميين هما نفسهم خطر علي القوميه اكتر من الاطراف الي ذكرناها دول.
🔷️ بدون اي تجريح او تشخيص احنا فعلا مش فاهمين ايه غرضهم من قتل التيار الي تم بعثه للحياه مره تانيه في فتره مهمه و شديده الحساسيه زي دي و هي فتره عودة انتشار الفكر.
🔴 الدولة المصرية تعدادها 110 مليون نسمه الغالبيه العظمي من الرقم ده اصحابهم علي ديانتي الاسلام و المسيحيه انت بقي ايه هدفك لما تشوه اي معتقدات او شرائع من الديانات دي و تخلي الناس العامه العاديين الي بنستهدف بحسن نيه نشر الفكر القومي منهم يخافوا منا و من الافكار المتطرفة دي.
🔵 وعشان نكون منصفين هنا نقصد الاسلام بالتحديد..انت كده عايز تنتشر ؟ انت كده عايز تنشر في كل بيوت المصريين الفكر القومي؟ انت كده دمك خفيف اصلا لما تقعد تسخر من ديانات الناس؟
🔹️انت بالظبط بتثبت الي بيحاول يقوله العيال الي بنشوفها علي الجروبات سواء جروبات التصميمات ولا الحروبات التانيه الي يروح حاطط لك صوره مقاتل عربي و تحت رجله رمسيس العيال دي شغلها الشاغل تكفرنا.
🔸️وانت بغباءك بتساعده و بتروج لفكرته و بتقويها لانه بكل بساطه هياخد عبطك ده و ينشره و يقول بوصوا القوميين مش قولنالكم مش بيحترموا اديان وتقتل الفكره والعامه من الناس تاخد جنب منا و من افكارنا الي هي ببساطه حريه و احترام جميع المعتقدات مسلم مسيحي يهودي ملحد يا جماعه الدين لنفسك الي يهمنا ولائك لدولتك بس.
⚠️فمعلش لو انت بفكر ده هتستمر في كده انت لا تمثلنا ولا بتمثل القوميه لانك خطر عليها و علي انتشارها الي الغرض منه ان احنا نقضي علي الدونيه الي انتشرت و نرجع الشباب تاني تحب بلادها الدونية الي انتشرت واتبررت بسبب الظروف .
⚠️⚠️مره تانيه وكلامي هنا لاي شخص لا ينتمي لاي تيار او فكر و سمع ان القومية معاده اديان... الكلام ده ظلم و كدب حتي و ان خرج من بعض الي حاسبين نفسهم جزء من التيار.. انك تكون قومي مش انك تحط لي صورة رمسيس و حورس و قناع توت عنخ امون و تمشي تسب لي في معتقدات غيرك.
🔶️🔷️ قوميتك هي انك تكون مسؤل و تقف جنب بلدك و تساعد غيرك من ابناء التيار في عوده الفكر ده لشرائح المجتمع المصري و تحترم معتقداته مهما كانت.
✅️ واخيرا التيار القومي المصري بيحترم كل الاديان الاسلام المسيحيه او غيرها و لو ملحد بردو ليه كامل الاحترام له حقوق زي ما عليه واجبات.
⚠️⚠️ وكمراجعه عامه لاي حد بيقرا عن القومية لاول مره او عايز يستكشف ابعادها القوميه المصرية هي ان تكون مأمن و مخلص بحب لبلدك و تراعي مصالحها و تحترم اديان ابناء البلد غير كده و اي حد يخرج عن الاطار العام لا يمثل غير نفسه هنا في قومي فيه المسلم و المسيحي ده العادي و الطبيعي اختلاف الاديان والاختلاف عاما دي سنه من سنن الحياه.
🔴 دينك بينك و بين ربك لكن هنا القوميه يهمها مدي ولائك و حبك لتراب البلد و اخلاصك ليها مهما كانت الظروف و انك تدافع عنها و عن مصالحها و تكون قضايا بلدك هي القضايا الاولي الي بتعير اهتمامك للدفاع عنها.
من فضلك,
تسجيل الدخول
أو
تسجيل
لعرض المحتوي!
١٣ يونيو ١٩٠٦ كانت حادثة دنشواي الشهيرة مكان المشنقة اللي اتعدم عليها رجال دنشواي ..حاول مصطفي كامل يبني مدرسة و للاسف لم تكتمل حتي منتصف التلاتينات من القرن الماضي
التعديل الأخير:
قلبنا الترابيزة و بقت Egyptcentric
الحقيقة كلام منطقة جدا , مصر وجودها فى شمال السودان الحالى كبير جدا و هو جزء من مصر الطبيعية . شاء من شاء و ابى من ابى
حضرتك أولا كدا وبدون احترام ليك انت ملكش دعوه بمصر ولا ليك انك تتكلم عنها بأي شكل من الأشكال. ورغم كدا خلينا نستعرض كذبك في اكتر من نقطة.
١. مصر دولة مدنية مش دينية ونص المادة الأولى من الدستور المصري الصادر في ٢٠١٩ بيقول عن نظام الدولة المصرية " نظامها جمهوري ديمقراطي يقوم على أساس المواطنة وسيادة القانون"
٢. اللهجة المصرية اللي بيتكلم بيها اكتر من 90 مليون مصري يعني اكتر من 90% من الشعب هي خليط بين اللغة العربية واللغة المصرية سواء في كلمات أو في قواعد لغة بل ان حضرتك كخليجي اصلا بتتكلم كلمات مصرية فعلا زي كلمة "أيوة" وكلمات غيرها كتير مينفعش اقولها وفي بعض المحافظات أغلبية مواطنيها بيتكلموا اللغة المصرية.
٣. الثقافة المصرية ثابتة من آلاف السنين ولغاية دلوقتي بنحتفل بالأعياد المصرية زي عيد شم النسيم وغيره وكمان بيتم استخدام الشهور القبطية اللي هي طوبة وامشير وبابة وغيرهم، وحالياً كمان بنحتفل برأس السنة المصرية. ده غير الأطفال اللي بيتم تسميتهم بأسامي مصرية.
٤. احنا دخلنا الجزيرة العربية اكتر من مرة كحكام وكنا فارضين عليكوا الجزية وتقديم الهدايا للملك ولسة انتوا بنفسكوا مكتشفين آثار للملك رمسيس التاني في السعودية. وكل ده قبل م انتوا تبقوا موجودين أساسا وساعتها مكنتوش تعرفوا يعني ايه بناء ولا أي مظهر من مظاهر الحضر.
يعني انت اتكلمت في 4 نقط كلهم غلط
١. مصر دولة مدنية مش دينية ونص المادة الأولى من الدستور المصري الصادر في ٢٠١٩ بيقول عن نظام الدولة المصرية " نظامها جمهوري ديمقراطي يقوم على أساس المواطنة وسيادة القانون"
٢. اللهجة المصرية اللي بيتكلم بيها اكتر من 90 مليون مصري يعني اكتر من 90% من الشعب هي خليط بين اللغة العربية واللغة المصرية سواء في كلمات أو في قواعد لغة بل ان حضرتك كخليجي اصلا بتتكلم كلمات مصرية فعلا زي كلمة "أيوة" وكلمات غيرها كتير مينفعش اقولها وفي بعض المحافظات أغلبية مواطنيها بيتكلموا اللغة المصرية.
٣. الثقافة المصرية ثابتة من آلاف السنين ولغاية دلوقتي بنحتفل بالأعياد المصرية زي عيد شم النسيم وغيره وكمان بيتم استخدام الشهور القبطية اللي هي طوبة وامشير وبابة وغيرهم، وحالياً كمان بنحتفل برأس السنة المصرية. ده غير الأطفال اللي بيتم تسميتهم بأسامي مصرية.
٤. احنا دخلنا الجزيرة العربية اكتر من مرة كحكام وكنا فارضين عليكوا الجزية وتقديم الهدايا للملك ولسة انتوا بنفسكوا مكتشفين آثار للملك رمسيس التاني في السعودية. وكل ده قبل م انتوا تبقوا موجودين أساسا وساعتها مكنتوش تعرفوا يعني ايه بناء ولا أي مظهر من مظاهر الحضر.
يعني انت اتكلمت في 4 نقط كلهم غلط
ايه آثار رمسيس التاني الفي السعودية دي. وضح
فيديو ال BBC فقعالي بيضاني احييه هو دي صحافة
- إنضم
- 20 نوفمبر 2021
- المشاركات
- 3,234
- مستوى التفاعل
- 9,735
- المستوي
- 3
- الرتب
- 3
لو سمحت يا صاحبى ياريت تفرغ التويتة دى والاثنين اللى قبليها كلام وصور بشكل مباشر على المنتدى عن طريق تنزيل الصور على جهازك وتحميلها تانى والكلام اعملة كوبى بيست على المنتدى علشان البوستات اللى زى كدة بتتمسح بعد فترة سواء كان من على الفيس او التويتر
ولو ممكن تعمل تعديل على نفس المشاركة بدل ما تحت مشاركات جديدة
- إنضم
- 20 نوفمبر 2021
- المشاركات
- 3,234
- مستوى التفاعل
- 9,735
- المستوي
- 3
- الرتب
- 3
انا عندى راى من تحليلى الشخصى حابب اشاركة معاكم وانا عارف ان فية ناس كتيرة هاتشوف ان الكلام دة خيالى ولكن انا اتمنى انكم تفكروا فى الكلام دة شوية قبل ما تحكموا
احنا كمصريين عندنا ازمة هوية ودة بسبب فترة طويلة من الاستعمار واخيرا لما حاول بعض المصريين ارجاع الهوية المصرية فشلوا بسبب محاولة اجبار المصريين على الهوية العربية (معروف مين بس مش موضوعنا دلوقتى) ولكن فشلنا فى اننا نبقى عرب وهذا ادى لتردى حال المجتمع المصرى وبعدها مع الانفتاح حاولنا اننا نبقى غربيين علشان الغرب متقدم وبرضة فشلنا وانتهى بينا الامر اننا مش عارفين نعمل اية
الحضارة الغربية حاليا تعتبر الى حد ما حضارة عالمية ولكن المشكلة ان الحضارة دى اخترعها الغربيين علشان انفسهم مش علشان كل العالم وان كانوا بيحاولوا ينشروها بالترغيب احيانا او الاجبار احيانا اخرى كنوع من الغزو الثقافى هدفة الهيمنة على العالم وعلشان الغرب يقنع العالم بالحضارة الغربية بداوا يسموها بالحضارة الانسانية
ولكن احنا هنا فى مصر مش عارفين نتماشى مع الحضارة الغربية لاسباب كتيرة اهمها اننا مش غربيين دا غير اننا لما حاولنا اننا نقلد الثقافة الغربية على حد وصف ابن خلدون للمجتمعات (ان المهزوم مولع دائما بتقليد ثقافة المنتصر) كل اللى اخدناة منهم هو السلبيات ودى نقطة مهمة لازم تناقش لان من فترة فى الغرب تم عمل بحث لتبين لماذا اغلب ممثلين الجنس فى الغرب من دول شرق اوروبا؟ والنتيجة ان واحدة من الاسباب بجانب الفقر كانت هى رغبة الشرق اوروبيين لتقليد امريكا بصفتها الدولة الغربية الاقوى والاغنى والاكثر تقدما فى العالم علشان كدة بيحاولوا يقلدوها علشان يبقوا زى الامريكيين ولكن الشرق اوروبيين انتهوا الى تقليد الجانب السلبى فقط والكلام دة فى شرق اوروبا اللى يعتبروا جزء من العالم الغربى فما بالكم بينا🤦♂️ , لانة احيانا محاولة تقليد (الناجح- القوى- المنتصر) مش هى الحل ولكن الحل انك تعترف انة عندك عيوب وسلبيات وتحاول تصلحها وتعدل عليها فى الثقافة بتاعتك
احنا فى مصر معندناش فقر فى الميراث الحضارى بالعكس احنا عندنا ميراث حضارى ثرى ولكن للاسف منسى ومكروة من المصريين نفسهم (لاسباب كثيرة) وكل اللى احنا محتاجينة هو الاعتراف بالعيوب والسلبيات اللى عندنا ومحاولة استعادة ثقافتنا المصرية الراقية المنسية واننا نحاول اننا نبنى الحضارة المصرية من جديد طبعا انا عارف ان الكلام دة مستحيل يحصل فى اى وقت قريب واننا محتاجين على الاقل 70 سنة من التفانى والعمل الجاد علشان نبنى الحضارة المصرية من جديد
من فوائد اعادة بناء الحضارة المصرية هى اننا يكون عندنا حضارة خاصة بينا نعرفها بدل ما احنا بنحاول نعتنق الحضارة الغربية اللى هى غريبة عنا وكل اللى اخدنا منها لغاية دلوقتى هى الجانب السلبى دة طبعا غير هجرة العقول المصرية اللامعة لمختلف الدول الغربية واسهاماتهم فى الدول الغربية فى الوقت اللى احنا بنزداد تخلفا
وطبعا فى الكون اللى احنا فية مفيش مثالية ودة معناة اننا لما نعيد الحضارة المصرية هاتكون فية ايجابيات اللى احنا عاوزينها ولكن برضة هاتكون فية سلبيات ولكن السلبيات دى هاتكون مختلفة عن سلبيات الحضارة الغربية نتيجة لاختلاف السمات ومع الوعى المجتمعى السلبيات دى ممكن تكون فى ادنى مستوى ليها
احنا كمصريين عندنا ازمة هوية ودة بسبب فترة طويلة من الاستعمار واخيرا لما حاول بعض المصريين ارجاع الهوية المصرية فشلوا بسبب محاولة اجبار المصريين على الهوية العربية (معروف مين بس مش موضوعنا دلوقتى) ولكن فشلنا فى اننا نبقى عرب وهذا ادى لتردى حال المجتمع المصرى وبعدها مع الانفتاح حاولنا اننا نبقى غربيين علشان الغرب متقدم وبرضة فشلنا وانتهى بينا الامر اننا مش عارفين نعمل اية
الحضارة الغربية حاليا تعتبر الى حد ما حضارة عالمية ولكن المشكلة ان الحضارة دى اخترعها الغربيين علشان انفسهم مش علشان كل العالم وان كانوا بيحاولوا ينشروها بالترغيب احيانا او الاجبار احيانا اخرى كنوع من الغزو الثقافى هدفة الهيمنة على العالم وعلشان الغرب يقنع العالم بالحضارة الغربية بداوا يسموها بالحضارة الانسانية
ولكن احنا هنا فى مصر مش عارفين نتماشى مع الحضارة الغربية لاسباب كتيرة اهمها اننا مش غربيين دا غير اننا لما حاولنا اننا نقلد الثقافة الغربية على حد وصف ابن خلدون للمجتمعات (ان المهزوم مولع دائما بتقليد ثقافة المنتصر) كل اللى اخدناة منهم هو السلبيات ودى نقطة مهمة لازم تناقش لان من فترة فى الغرب تم عمل بحث لتبين لماذا اغلب ممثلين الجنس فى الغرب من دول شرق اوروبا؟ والنتيجة ان واحدة من الاسباب بجانب الفقر كانت هى رغبة الشرق اوروبيين لتقليد امريكا بصفتها الدولة الغربية الاقوى والاغنى والاكثر تقدما فى العالم علشان كدة بيحاولوا يقلدوها علشان يبقوا زى الامريكيين ولكن الشرق اوروبيين انتهوا الى تقليد الجانب السلبى فقط والكلام دة فى شرق اوروبا اللى يعتبروا جزء من العالم الغربى فما بالكم بينا🤦♂️ , لانة احيانا محاولة تقليد (الناجح- القوى- المنتصر) مش هى الحل ولكن الحل انك تعترف انة عندك عيوب وسلبيات وتحاول تصلحها وتعدل عليها فى الثقافة بتاعتك
احنا فى مصر معندناش فقر فى الميراث الحضارى بالعكس احنا عندنا ميراث حضارى ثرى ولكن للاسف منسى ومكروة من المصريين نفسهم (لاسباب كثيرة) وكل اللى احنا محتاجينة هو الاعتراف بالعيوب والسلبيات اللى عندنا ومحاولة استعادة ثقافتنا المصرية الراقية المنسية واننا نحاول اننا نبنى الحضارة المصرية من جديد طبعا انا عارف ان الكلام دة مستحيل يحصل فى اى وقت قريب واننا محتاجين على الاقل 70 سنة من التفانى والعمل الجاد علشان نبنى الحضارة المصرية من جديد
من فوائد اعادة بناء الحضارة المصرية هى اننا يكون عندنا حضارة خاصة بينا نعرفها بدل ما احنا بنحاول نعتنق الحضارة الغربية اللى هى غريبة عنا وكل اللى اخدنا منها لغاية دلوقتى هى الجانب السلبى دة طبعا غير هجرة العقول المصرية اللامعة لمختلف الدول الغربية واسهاماتهم فى الدول الغربية فى الوقت اللى احنا بنزداد تخلفا
وطبعا فى الكون اللى احنا فية مفيش مثالية ودة معناة اننا لما نعيد الحضارة المصرية هاتكون فية ايجابيات اللى احنا عاوزينها ولكن برضة هاتكون فية سلبيات ولكن السلبيات دى هاتكون مختلفة عن سلبيات الحضارة الغربية نتيجة لاختلاف السمات ومع الوعى المجتمعى السلبيات دى ممكن تكون فى ادنى مستوى ليها
التعديل الأخير:
من فضلك,
تسجيل الدخول
أو
تسجيل
لعرض المحتوي!
كلمة السر صديقي العزيز تلخصت في وصف عميد الادب العربي و احد رواد الدعوة للقومية المصرية طه حسين في كتابه الرائع وصف مستقبل الثقافة في مصر ..((هي ان على المصريين ان يستوعبوا انهم دولة افريقية ذات وجه متوسطي وميراث عربي حينها ستسطيع احياء مجدها القديم وتستعيد شخصيتها السليبة لتقود العالم حضاريا مرة اخرى ))
فالتراث المصرى القديم والتراث العربى الإسلامى وما كسبته مصر وتكتسبه كل يوم من خير ما أثمرت الحياة الأوربية الحديثة هو المزيج اللي لو تم زرعه بشكل مميز عبر دعاة بعث واحياء القومية المصرية فسوف يتلقاها المصري المعاصر متوسط التعليم ببساطة لانها لم تغفل اي تكوين من تكاوبن شخصيته الفريدة ...لكن هنا نتكلم عن ترتيب الاهتمامات فتاتي مصريته اولا ثم ارثه العربي ثالثا ثم مكتسبات الغرب المفيدة له ثالثا
عملية تحتاج لمشرط جراح ثقافي من ذهب ...
التعديل الأخير:
- إنضم
- 23 نوفمبر 2021
- المشاركات
- 415
- مستوى التفاعل
- 2,386
رداً على من يقول بجهالة ان مصر دولة عربية
تعداد المصريين " من اصل عرباني " عام 1907
تعداد المصريين " من اصل عرباني " عام 1907
تأمر يا صديقى , عملتها و هاخد بالى فى اللى جى ان شاء الله
حينما فك شامبليون رموز اللغة المصرية القديمة، اول من هرول له لم يكن حكام فرنسا او السلطات الحاكمة فى مصر، ولكن الى بابا روما، الفاتيكان اليوم
كانت رسالة شامبليون واضحة.. "قداسة البابا .. في العهد القديم (التوراة) الذى نؤمن به ونقدسه كما العهد الجديد (الانجيل)، يحدد الرب موعد طوفان نوح، ولكني اليوم اجد فى مصر وثائق تفيد انه فى الزمن الذى تتحدثون فيه عن غرق العالم، كان هنالك شعب ولغة وحضارة ودين.. ان توقيات التوراة ليست مضبوطة قداستك.. ان تلك الاحداث اما قد جرت فى وقت اقدم بكثير مما تذكره نصوصنا المقدسة، او لم تحدث على الاطلاق"
توفى شامبليون عن 41 عاما فحسب دون ان يقدم لنا التاريخ سبب حقيقي لوفاته سوى انه تعب صحيا من رحلته للقاهرة وفضل تعبان يا قلبي عشر سنين من تراب مصر لحد ما مات
بس مع كل كشف اثري .. كان اللغز يزداد..
فين موسي ؟ فين يوسف ؟ فين مملكة اسرائيل؟ مصر دولة وحضارة سجلت كل شئ.. حتى الملوك اللى الغزو الفارسي مسحهم عرفنا نجيب تاريخهم من قلب التاريخ.. ازاى حادثة زي شق البحر لم تجد لها كاتب واحد عبر التاريخ المصري
ازاى الارض كلها غرقت فى طوفان نوح ومفيش اثر فى الكلام دا عند المصريين
ولما بدات اللغات العراقية والايرانية القديمة يتم اكتشافها بعد اللغة المصرية القديمة ازداد اللغز عمقاً
الميثولوجيا العراقية والايرانية تكاد تكون النسخ الاولي من الاديان السماوية، وبتواريخ اقدم بكتير مما يذكر لنا فى الاديان السماوية
ومع حقيقة ان التوراة لم يكتب الا عقب 500 سنة من ظهوره ع السنة القبائل الاسرائيلية، واتكتب تحديدا فى سنوات السبي البابلي يعني كانوا قاعدين فى العراق يغترفوا من التراث العراقي والايراني القديم .. كان فيه اشارة ربط واضحة الى "المصدر"
ولما وصلنا الى تاريخ الملك سرجون الأكدي ملك سومر (اجزاء من العراق اليوم) .. كان واضح اننا قدام النبي موسي.. حتى ان مؤرخ يهودي زي سيجموند فرويد فى كتابه "موسى والتوحيد" اشار صراحة الى ان الدين اليهودي بكل كتبه مقتبس من الاديان الميثولوجية المصرية والعراقية والايرانية القديمة.. خصوصا انه العالم فى زمنه اهتز - ما عدا الغيبوبة اللى اسمها العالم الاسلامي - لما تم اكتشاف النصوص المقدسة اللى دونها الملك المصري اخناتون .. مكنش الاكتشاف هو سبب الزلزال، ولكن لانه وبحسب الاكتشاف فان برديات اخناتون اللى هي اقدم من اى نسخة للتوراة فيها نصوص واضحة مذكورة تالياً فى التوراة وبالتالى بات واضحا انه "المؤلف" اقتبس من الدين المصري القديم
تم اتهام فرويد بمعاداة السامية ومحو معلومة انه كان مؤرخ عتيد من الثقافة الجمعية والاكتفاء باطروحاته النفسية اللى اساسا كانت نشاط هامشي جنب عمله الضخم فى علم التاريخ وحقيقة انه اساسا كان يهودي وبالتالى اى طعن فى اغراض المؤرخ فرويد مكنش لها مكان
بعد المرحلة دي ظهرت الدعوة لاعادة قراءة التوراة باللغة العبرية وترجمته من العبرية وليس من النسخ اليونانية والانجليزية المتاحة، الفكرة انه اساسا اللغة العبرية كانت لغة منقرضة قبل الحركة الصهيونيةوكان يهود العالم بيتكلموا لغات الدول اللى بينتموا اليها، وبالتالى مكنش فيه قراءة للتوراة بنصها العبري الا لدى قلة من رجالات الدين
ومع القراءة الجديدة، زي ترجمة فاضل الربيعي للتوراة من العبرية للعربية فى القرن الحادي والعشرين.. نكتشف انه مصر اتذكرت بثلاثة اسماء مختلفة فى التوراة منها مصر ومصرايم
او انه القدس واورشليم كلاهما ذكر فى التوراة باعتبارهم مكانين مختلفين وموجودين فى نفس الزمن
البروفيسور الإسرائيلي شلومو ساند جمع تعب السنين دا ، وفى كتابه "اختراع الشعب اليهودي" اللى اتنشر فى اسرائيل ذاتها وعنده مصدقية وشعبية هائلة فى كل مكان فى العالم عدا مصر، قالك يا ابن عمي احنا بنحفر وبندور اساسا فى المكان الغلط .. الكلام دا مستحيل يكون حصل فى مصر فى اى زمن من الازمنة
مصر فى اللغات القديمة خاصة اللغة العربية لغة القران معناها قطر او بلد، وبالتالى اليمن يعتبر مصر والعراق يعتبر مصر وجزر الواق واق لو كانت موجودة وقتها فهى مصر برضو
وخرجت دراسات اكثر ثقة مما سبق وقالك انه شعب اسرائيل هو ابتكار فارسي خالص، وانه فارس لما غزت الشرق الاوسط كانت بحاجة الى جماعة وظيفية، فابتكروا فكرة انه كان فيه شعب هنا اتاخذ ف سبي بابلي ولازم يرجع تاني عشان يحرس المصالح الفارسية .. حلوة الحتة اللى اسمها فلسطين دي .. ايوا هما جايين من هناك يا باشا .. 3000 سنة بنحفر ومفيش اثر عبري واحد مش مشكلة الشعوب بتصدق الاديان
"العدو" لم يصمت، مش لاسباب دينية نهائي، انما انت كدا بتضرب لى "اليهودية السياسية" اللى المفروض تبقا حصان طروادة للغرب داخل امبراطورية الشرق .. مؤامرة دولة اسرائيل الغرض منها لا يهود ولا اسلام .. الغرض منها ضرب التواصل التاريخي بين مصر وامتدادها فى الشام والاناضول .. امبراطورية الشرق اللى زلت الغرب فى الصراع التاريخي بين الشرق والغرب من قبل ظهور كل الاديان والايدولوجيات وهيفضل حتى لو اختفت كل الاديان والايدولوجيات
كان الحل هو التكفير .. اى حد يجيب سيرة الكلام دا يبقا كافر وبيخبط فى الاسلام قبل اليهودية والمسيحية، احنا هنبتكر اسلام سياسي ع مقاس اليهودية السياسية والمسيحية السياسية والكل يبقا فريق واحد لصالح الغرب
وشيطن اخناتون على وجه التحديد..
وشيطن الحضارة المصرية وقول فراعنة وقول اصنام وقول اهرامات بناها اى شعب غير المصريين
حتى ينعم السارق بالسرقة يجب ان يتم شيطنة المسروق
الاسلامجية هيخرسوا اصحاب الحق فى الكلام، اى كلمة عن الاصول المصرية لكل دا يبقا انت ضد سردية القران التاريخية
القران مش كتاب تاريخ
محدش قال القران غلط .. انما الاحداث دي حصلت فى مكان وزمن غير كل الكلام دا
مفيش خريطة مع التوراة والانجيل والقران عشان تقولي نوح فى تركيا وابراهيم فى العراق وموسي فى مصر اللى نعرفها
المصريين عمرهم ما سموا هاجر عشان نقول ابراهيم اتجوز من مصر اللى نعرفها اليوم.. العهد القديم اللى بيؤمن به اليهود والمسيحين بيقول انه هاجر كانت ابنة فرعون مصري .. لا احنا عندنا فرعون ولا عمر ملك مصري هيجوز بنته لاجنبي وكمان مش ملك او امير فى دولة قريبة عشان يبقا نسب ملوكي
وحتى لو كان ملك .. المصريين عمرهم ما جوزوا بنتاهم الاميرات للاجانب .. دى غيرة على الدم ميعرفهاش الا اى مصري اصيل .. المصاهرات القبائلية دي بتاعت البدو واللى دمه سارح فيه البدوية مع بدو الجزيرة العربية او بدو اليونان وفلاحين اوروبا وبدو اسيا الوسطي اللى بيدعوا انهم اتراك اليوم
كل الاحتقار لمن يردد سرديات العدو بحق الملك اخناتون، بحق الحضارة المصرية القديمة، كل الاحتقار لمن ارتضى تعطيل عقله وظن ان هذا هو الدين وهذا هو التدين وما هو عكس ذلك او تلك السطور السابقة طعن فى الدين
دا علم .. مالوش اى علاقة بالغاء الدين او نفى انه دين او نفى احداثه
مفيش حد قرا او كتب تاريخ بتجرد الا وحس بالاحساس اياه
فيه حاجة غلط يا جماعة
احفروا فى مصر وفلسطين والاناضول والشام وما بين نهرين الف سنة.. مش هتلاقوا حاجة .. دا كلام علماء الاركولوجي الاسرائيلين والغرب مش المصريين .. المصريين بقوا دواعش شغالين فى الاثار والسياحة خلاص .. الموجة الجديدة لكتابة التاريخ حول العالم وسوف تنتصر على كل اكاذيبكم هو انه اللى مالوش اثار يبقا محصلش
هو دا التاريخ
ولو الاثر قال عكس اى نص .. يبقا الاثر على حق
دا تاريخ.. تاريخ هينتصر على كل الاكاذيب مهما طال الزمن
#ايهاب_عمر
كانت رسالة شامبليون واضحة.. "قداسة البابا .. في العهد القديم (التوراة) الذى نؤمن به ونقدسه كما العهد الجديد (الانجيل)، يحدد الرب موعد طوفان نوح، ولكني اليوم اجد فى مصر وثائق تفيد انه فى الزمن الذى تتحدثون فيه عن غرق العالم، كان هنالك شعب ولغة وحضارة ودين.. ان توقيات التوراة ليست مضبوطة قداستك.. ان تلك الاحداث اما قد جرت فى وقت اقدم بكثير مما تذكره نصوصنا المقدسة، او لم تحدث على الاطلاق"
توفى شامبليون عن 41 عاما فحسب دون ان يقدم لنا التاريخ سبب حقيقي لوفاته سوى انه تعب صحيا من رحلته للقاهرة وفضل تعبان يا قلبي عشر سنين من تراب مصر لحد ما مات
بس مع كل كشف اثري .. كان اللغز يزداد..
فين موسي ؟ فين يوسف ؟ فين مملكة اسرائيل؟ مصر دولة وحضارة سجلت كل شئ.. حتى الملوك اللى الغزو الفارسي مسحهم عرفنا نجيب تاريخهم من قلب التاريخ.. ازاى حادثة زي شق البحر لم تجد لها كاتب واحد عبر التاريخ المصري
ازاى الارض كلها غرقت فى طوفان نوح ومفيش اثر فى الكلام دا عند المصريين
ولما بدات اللغات العراقية والايرانية القديمة يتم اكتشافها بعد اللغة المصرية القديمة ازداد اللغز عمقاً
الميثولوجيا العراقية والايرانية تكاد تكون النسخ الاولي من الاديان السماوية، وبتواريخ اقدم بكتير مما يذكر لنا فى الاديان السماوية
ومع حقيقة ان التوراة لم يكتب الا عقب 500 سنة من ظهوره ع السنة القبائل الاسرائيلية، واتكتب تحديدا فى سنوات السبي البابلي يعني كانوا قاعدين فى العراق يغترفوا من التراث العراقي والايراني القديم .. كان فيه اشارة ربط واضحة الى "المصدر"
ولما وصلنا الى تاريخ الملك سرجون الأكدي ملك سومر (اجزاء من العراق اليوم) .. كان واضح اننا قدام النبي موسي.. حتى ان مؤرخ يهودي زي سيجموند فرويد فى كتابه "موسى والتوحيد" اشار صراحة الى ان الدين اليهودي بكل كتبه مقتبس من الاديان الميثولوجية المصرية والعراقية والايرانية القديمة.. خصوصا انه العالم فى زمنه اهتز - ما عدا الغيبوبة اللى اسمها العالم الاسلامي - لما تم اكتشاف النصوص المقدسة اللى دونها الملك المصري اخناتون .. مكنش الاكتشاف هو سبب الزلزال، ولكن لانه وبحسب الاكتشاف فان برديات اخناتون اللى هي اقدم من اى نسخة للتوراة فيها نصوص واضحة مذكورة تالياً فى التوراة وبالتالى بات واضحا انه "المؤلف" اقتبس من الدين المصري القديم
تم اتهام فرويد بمعاداة السامية ومحو معلومة انه كان مؤرخ عتيد من الثقافة الجمعية والاكتفاء باطروحاته النفسية اللى اساسا كانت نشاط هامشي جنب عمله الضخم فى علم التاريخ وحقيقة انه اساسا كان يهودي وبالتالى اى طعن فى اغراض المؤرخ فرويد مكنش لها مكان
بعد المرحلة دي ظهرت الدعوة لاعادة قراءة التوراة باللغة العبرية وترجمته من العبرية وليس من النسخ اليونانية والانجليزية المتاحة، الفكرة انه اساسا اللغة العبرية كانت لغة منقرضة قبل الحركة الصهيونيةوكان يهود العالم بيتكلموا لغات الدول اللى بينتموا اليها، وبالتالى مكنش فيه قراءة للتوراة بنصها العبري الا لدى قلة من رجالات الدين
ومع القراءة الجديدة، زي ترجمة فاضل الربيعي للتوراة من العبرية للعربية فى القرن الحادي والعشرين.. نكتشف انه مصر اتذكرت بثلاثة اسماء مختلفة فى التوراة منها مصر ومصرايم
او انه القدس واورشليم كلاهما ذكر فى التوراة باعتبارهم مكانين مختلفين وموجودين فى نفس الزمن
البروفيسور الإسرائيلي شلومو ساند جمع تعب السنين دا ، وفى كتابه "اختراع الشعب اليهودي" اللى اتنشر فى اسرائيل ذاتها وعنده مصدقية وشعبية هائلة فى كل مكان فى العالم عدا مصر، قالك يا ابن عمي احنا بنحفر وبندور اساسا فى المكان الغلط .. الكلام دا مستحيل يكون حصل فى مصر فى اى زمن من الازمنة
مصر فى اللغات القديمة خاصة اللغة العربية لغة القران معناها قطر او بلد، وبالتالى اليمن يعتبر مصر والعراق يعتبر مصر وجزر الواق واق لو كانت موجودة وقتها فهى مصر برضو
وخرجت دراسات اكثر ثقة مما سبق وقالك انه شعب اسرائيل هو ابتكار فارسي خالص، وانه فارس لما غزت الشرق الاوسط كانت بحاجة الى جماعة وظيفية، فابتكروا فكرة انه كان فيه شعب هنا اتاخذ ف سبي بابلي ولازم يرجع تاني عشان يحرس المصالح الفارسية .. حلوة الحتة اللى اسمها فلسطين دي .. ايوا هما جايين من هناك يا باشا .. 3000 سنة بنحفر ومفيش اثر عبري واحد مش مشكلة الشعوب بتصدق الاديان
"العدو" لم يصمت، مش لاسباب دينية نهائي، انما انت كدا بتضرب لى "اليهودية السياسية" اللى المفروض تبقا حصان طروادة للغرب داخل امبراطورية الشرق .. مؤامرة دولة اسرائيل الغرض منها لا يهود ولا اسلام .. الغرض منها ضرب التواصل التاريخي بين مصر وامتدادها فى الشام والاناضول .. امبراطورية الشرق اللى زلت الغرب فى الصراع التاريخي بين الشرق والغرب من قبل ظهور كل الاديان والايدولوجيات وهيفضل حتى لو اختفت كل الاديان والايدولوجيات
كان الحل هو التكفير .. اى حد يجيب سيرة الكلام دا يبقا كافر وبيخبط فى الاسلام قبل اليهودية والمسيحية، احنا هنبتكر اسلام سياسي ع مقاس اليهودية السياسية والمسيحية السياسية والكل يبقا فريق واحد لصالح الغرب
وشيطن اخناتون على وجه التحديد..
وشيطن الحضارة المصرية وقول فراعنة وقول اصنام وقول اهرامات بناها اى شعب غير المصريين
حتى ينعم السارق بالسرقة يجب ان يتم شيطنة المسروق
الاسلامجية هيخرسوا اصحاب الحق فى الكلام، اى كلمة عن الاصول المصرية لكل دا يبقا انت ضد سردية القران التاريخية
القران مش كتاب تاريخ
محدش قال القران غلط .. انما الاحداث دي حصلت فى مكان وزمن غير كل الكلام دا
مفيش خريطة مع التوراة والانجيل والقران عشان تقولي نوح فى تركيا وابراهيم فى العراق وموسي فى مصر اللى نعرفها
المصريين عمرهم ما سموا هاجر عشان نقول ابراهيم اتجوز من مصر اللى نعرفها اليوم.. العهد القديم اللى بيؤمن به اليهود والمسيحين بيقول انه هاجر كانت ابنة فرعون مصري .. لا احنا عندنا فرعون ولا عمر ملك مصري هيجوز بنته لاجنبي وكمان مش ملك او امير فى دولة قريبة عشان يبقا نسب ملوكي
وحتى لو كان ملك .. المصريين عمرهم ما جوزوا بنتاهم الاميرات للاجانب .. دى غيرة على الدم ميعرفهاش الا اى مصري اصيل .. المصاهرات القبائلية دي بتاعت البدو واللى دمه سارح فيه البدوية مع بدو الجزيرة العربية او بدو اليونان وفلاحين اوروبا وبدو اسيا الوسطي اللى بيدعوا انهم اتراك اليوم
كل الاحتقار لمن يردد سرديات العدو بحق الملك اخناتون، بحق الحضارة المصرية القديمة، كل الاحتقار لمن ارتضى تعطيل عقله وظن ان هذا هو الدين وهذا هو التدين وما هو عكس ذلك او تلك السطور السابقة طعن فى الدين
دا علم .. مالوش اى علاقة بالغاء الدين او نفى انه دين او نفى احداثه
مفيش حد قرا او كتب تاريخ بتجرد الا وحس بالاحساس اياه
فيه حاجة غلط يا جماعة
احفروا فى مصر وفلسطين والاناضول والشام وما بين نهرين الف سنة.. مش هتلاقوا حاجة .. دا كلام علماء الاركولوجي الاسرائيلين والغرب مش المصريين .. المصريين بقوا دواعش شغالين فى الاثار والسياحة خلاص .. الموجة الجديدة لكتابة التاريخ حول العالم وسوف تنتصر على كل اكاذيبكم هو انه اللى مالوش اثار يبقا محصلش
هو دا التاريخ
ولو الاثر قال عكس اى نص .. يبقا الاثر على حق
دا تاريخ.. تاريخ هينتصر على كل الاكاذيب مهما طال الزمن
#ايهاب_عمر
التعليم تعلن إضافة أنشطة بالمرحلة الابتدائية لتعريف الطلاب بمبادئ الهيروغليفية
عقد الدكتور رضا حجازى وزير التربية والتعليم والتعليم الفنى، بمقر الوزارة بالعاصمة الإدارية الجديدة اليوم، الأربعاء، اجتماعًا مع خبراء الإدارة المركزية لتطوير المناهج لمتابعة مستجدات تنفيذ خطة تطوير المناهج.
وفي مستهل الاجتماع، رحب الدكتور رضا حجازي بالحضور، مؤكدًا استمرار الوزارة في تطوير المناهج التعليمية بناء على ما تم خلال السنوات السابقة، وفقًا لنظام التعليم الجديد بالشكل الذي يحقق نواتج التعلم المرجوة.
ووجه الدكتور رضا حجازي، خلال الاجتماع، باستكمال تطوير المناهج والانتهاء من تطوير مناهج الصف السادس الابتدائي مبكرًا، مع ضرورة التركيز على المفاهيم الكبرى فى الكتب الدراسية بما لا يخل بنواتج التعلم وتنمية مهارات التفكير لدى الطلاب، فضلا عن أهمية إتاحة الروابط الالكترونية بالمناهج من الصف الرابع الابتدائي إلى الثالث الاعدادي بداية من العام المقبل لتعميق وإثراء الفهم لدى الطلاب.
كما شدد الدكتور رضا حجازي على أهمية وضع الإطار العام لمناهج المرحلة الإعدادية بناء على ما تم من تطوير فى المرحلة الابتدائية مع مراعاة المعايير العالمية فى تصميم المناهج.
وأشار الوزير إلى أهمية دمج التكنولوجيا الرقمية والذكاء الاصطناعي فى المنظومة التعليمية فى ضوء التحول الرقمى، وذلك من خلال إتاحة التدريب والمواد التعليمية الرقمية على موقع الوزارة، والاستفادة من مخزون الوزارة الرقمي لتنمية مهارات البحث العلمى لدى الطلاب، فضلًا عن أهمية المنصات التعليمية، وتعزيز تفعيل فترات المشاهدة التعليمية فى المدارس.
وقد وجه الوزير أيضا، خلال الاجتماع، بإضافة بعض الانشطة بداية من المرحلة الابتدائية تتضمن تعريف الطلاب بمبادئ اللغة المصرية القديمة "الهيروغليفية" بهدف تعزيز نشر ثقافة التعرف على الحضارة المصرية القديمة.
كما أكد الدكتور رضا حجازي على ضرورة توفير الأنشطة التي تحقق مبادئ المبادرة الرئاسية رفقاء "قادرون باختلاف" من خلال التطبيق العملي لمهارات لغة الاشارة، وذلك بعد أن عممت الوزارة لوحات استرشادية على جميع مدارس الجمهورية بالإشارات الأكثر استخدامًا للطلاب الصم والبكم يصاحبها QR كود يظهر حركة الاشارة.
جاء ذلك بحضور الدكتور أکرم حسن رئيس الإدارة المركزية لتطوير المناهج، وخبراء المناهج الدكتور جبريل أنور والدكتور إسماعيل عبد العاطي، والدكتورة حنان أبو العباس، والدكتور محمد محيي، والدكتورة أميرة فوزي، ودعاء على، والدكتور كامل الشناوى، والدكتور وليد طاهر، والدكتور طاهر عبد الحميد، والدكتورة عزة ممدوح، والدكتورة ثناء جمعة.
المواضيع المشابهة
