مرحبا بك في منتدى الشرق الأوسط للعلوم العسكرية

[Atum]

زار وفد من دولة قطر الشيخ إبراهيم العرجاني، رئيس اتحاد القبائل والعائلات، حيث قدموا له التهنئة.

وقال اتحاد القبائل العربية فى بيان، إنه تم خلال اللقاء بحث سبل التعاون المشترك في المجالات الصناعية والزراعية والتجارية، وإنشاء عدة شركات مشتركة في كافة المجالات.

كما تم الاتفاق علي توقيع بروتوكول تعاون بين الشركات الخاصة باتحاد القبائل والعائلات، ومجموعة شركات الشيخ جاسم.

 

[Atum]

 

[fo-235]

بدأنا

 

[عبد الله]

ان شاء الله نشوف مشاريع استثمارية كبيرة في سيناء

 

[مطلع الشمس]

من فضلك, تسجيل الدخول أو تسجيل لعرض المحتوى !

مش مطمن و مش حابب الدخول القطري في سيناء خالص​

 

[الباز أفندي]

اسوأ عصر مر على الدولة المصرية
عصر الاضمحلال

 

[أحمد الشافعي]

دويلة قطر في سيناء!!

 

[Egyptian lion]

انتو بجد فاكرين انو سين او صاد او عين
يقدر يتحرك يمين او شمال بدون علم الأجهزة
و موافقتها
دة مجرد اداة مش اكتر (واجهة)
زى حسين سالم وغيرة زمان

 

[عبد الله]

من فضلك, تسجيل الدخول أو تسجيل لعرض المحتوى !

مع احترامي ليك ابراهيم العرجاني كان واقف مع جيش بلده في وجه الارهاب و ده كان ممكن يتسبب في قتله هو او احدي افراد اسرته مينفعش نقول علي راجل وطني زيه مجرد اداة و تقارنه كمان بحسين سالم اللي اتحكم عليه احكام نهائية بالسجن في قضايا فساد

 

[عبد الله]

من فضلك, تسجيل الدخول أو تسجيل لعرض المحتوى !

يدخلوا في اي مكان احنا دولة كبيرة يا عزت مش صغيرة

 

[Egyptian lion]

من فضلك, تسجيل الدخول أو تسجيل لعرض المحتوى !

اداة او واجهة مش باغلط فية
جميع اجهزة المخابرات فى العالم تكون لها واجهات
(صحفيين,مراسلين,رجال أعمال,كتاب,مؤرخين
مراكز دراسات) وفية امثلة لا تعد ولا تحصى
دة شرف لية او لغيرة انو محل ثقة
وصياح الاخوان وابواقهم اكبر دليل
اما حسين سالم فهو رجل وطنى حقيقة
وكان يعمل بالاساس مندوبا للمخابرات فى الستينات
دة شىء معلن مش سر

 

[JOKer 88]

من فضلك, تسجيل الدخول أو تسجيل لعرض المحتوى !

هو اي حد يقف مع الدوله يبقي كده
معلش ما اهل القناه مش قدمو ولادهم بي لا بيوتهم بردو قبل كده ومطلبوش حاجه
فاهم قصدي
الي بيقدم للبلد ميستناش حاجه

 

[Ahmed Hassan]

هههههههههههه يا فخر السيناوية ...
دولة داخل الدولة ولا حول ولا قوة إلا بالله

 

[Lion84]

مش مرتاح

 

[گمال]

الناس اللي قلقانه من اللي بيحصل ومن حقهم لأننا مش فاهمين حاجه بس ايه المعركه اللي خسرها السيسي من يوم معرفناه واسمحولي اختصر الدوله في شخص السيسي
يعني واحد بالدماغ دي والشعبيه دي هيضيع البلد ؟؟
أجهزة الدوله هيتضحك عليها من قطر ولا غير قطر ولا هيتضحك عليها من شوية عربان ومهرب ؟؟

 

[Lion84]

من فضلك, تسجيل الدخول أو تسجيل لعرض المحتوى !

الفكرة مش في قطر أن غيرها
لكن تقوية شخص زي ده في منطقة زي دي (سيناء) محتاجه تعامل بمشرط جراح
يعني يكون ولاؤه مليون في الميه هو وكل اللي تبعه للدوله أو ربنا يستر

 

[Aymanop1522]

من فضلك, تسجيل الدخول أو تسجيل لعرض المحتوى !

هو عضو في جهاز تنمية سيناء وصاحب مجموعة العرجاني جروب هو مجرد واجهة

 

[Bright sky]

من فضلك, تسجيل الدخول أو تسجيل لعرض المحتوى !

مش للدرجاتي يا جدع

عصور الاضمحلال في مصر كانت دايما مرتبطة بحاكم ضعيف يفقد سيطرته علي الاقاليم و يضعف الجيش و تبدأ الاسرة في الانهيار، مصر متعرفش النهضة غير في وجود حاكم قوي و ده موجود، احنا عندنا صحيح ازمة اقتصادية طاحنة لكن الدولة ك نظام حكم قوية و مسيطرة و جيشنا قوي

موضوع العرجاني ده محدش فاهمه و محدش مؤيده لكن ايه وجه نظر الدولة في الموضوع ده محدش برده يعرف لان الدولة بمؤسستها الامنية و الاستخباراتية مش عبيطة ولا هبله ، ووصف العرجاني بحمدتي وصف ساذج سطحي لان مفيش مقارنة بين الحالتين

 

[Bright sky]

من فضلك, تسجيل الدخول أو تسجيل لعرض المحتوى !

رائي الشخصي في موضوع العرجاني ان الدولة عايزة تدمج اهل سيناء في التنمية البتحصل هناك و ده عن طريق واحد منهم علشان يكون فيه ثقة بين الدولة وأهل سيناء ، لان الثقة كانت منعدمة تقريبا بسبب ممارسات النظام السابق ضد اهل سيناء و معاملتهم معاملة مواطنين درجة عشرة 🔟، و قمعهم امنيا لذلك كثير منهم فقدوا الثقة في الدولة و اصبح لهم كيان خاص بهم، لو تعاملت معهم زمان كنت هتحس من كلامهم انهم مش مصريين انهم عرب و بدوا و ده مثلا عكس اهل مطروح لغتهم مختلفة قريبة للهجة الليبية لكن انتمائهم لبلدهم زي اي مصري

 

[مصر دمى]

من فضلك, تسجيل الدخول أو تسجيل لعرض المحتوى !

واجهة مصرية خالصة
يجى قطر او السعودية او الكويت او الامارات او امريكا او اروبا او الصين او روسيا
واجهة مصرية تحت القيادة الحكومية
المهم الاستثمار الصناعة الزراعة السياحة زيادة الكثافة السكانية فى سيناء الى ١٠ مليون نسمة تبقى اتعشت مصر ونامت فى امان وسلام