بعد ان تفاجأ أعداء الداخل قبل الخارج، بقدرة الجيش المصري ما بين عامي 2011 و2013 وما بعدها في انقاذ الاقتصاد قبل الامن، السياسة قبل الحدود، مؤسسة الرئاسة قبل باقى مؤسسات الدولة.. أصبحت رؤية العدو هو توريط واستدراج الجيش المصري في معركة خارجية لانهاكه وتكرار سيناريو "يمن الستينات".
قالوا لك لازم تروح تحارب في سوريا وتنقذ الإقليم لا مؤخذة الشمالي.. روح بس والمساعدات الاقتصادية الغربية هتنزل عليك زي المطر بس روح يلا..
طاه عاجبك اللى بيحصل في ليبيا ؟
طب روح اليمن وسوف يتم شطب كافة الديون المصرية وهنفتح صفحة جديدة..
مش نافع ؟ طيب فيه توتر جديد في السودان وانت الجار التاريخي وبعدين ما السودان كانت مصرية لـ آلاف السنين .. الحق جنودك والحق بعثك والحق سودانك يلا..
طاه يلا نحارب الحبشة ناو .. هو صحيح الملء الأول والثاني والثالث فشل واساسا المفروض لما الملء الأول يفشل يبقا التاني اسمه محاولة استكمال الملء الأول مش تقعد تعد ع الفاضى .. صحيح توربينات عطلانة ومولدات كهربا عطلانة وبحيرة السد مش قادرة تحتجز المياه اصلاً والسد فيه شقوق وجيولوجيا مبني على تربة لا تتحمله وفى المكان الغلط لانه في قلب حزام زلازل حبشي تاريخي ومفيش شبكة كهربا في اثيوبيا أصلا لحد دلوقتي تستقبل الكهرباء المزعومة من السد ومفيش عقد واحد أتوقع بين اثيوبيا وجيرانها للتصدير المزعوم للكهرباء في شرق افريقيا واغلب منشآت السد غارقة تحت مياه النيل الأزرق واثيوبيا تشهد حرب أهلية وتدخل عسكري من اريتريا وتيجراى واورومو وليلة كبيرة سعادتك بس انت لازم تقلق من سد الضحك الاثيوبي لانه اللجان عايزة كدا..
كل دا مش نافع ؟
طب تركيا ؟ ما هو الغرب شايف 3 قوى في الدائرة العربية لازم يتم الشقاق بينهم مصر وسوريا والعراق .. ايه ضااا انت بترجع العلاقات مع العراق وتصبح اول رئيس مصري يزرو بغداد من 31 سنة ؟ ومرصود علاقاتك بسوريا حتى في اعتي لحظات المؤامرة على سوريا ؟ طيب الغرب شايف ان 3 قوي في الدائرة الإسلامية لازم يتم الشقاق بينهم مصر وتركيا وايران .. اوعا تفوت الفرصة على الغرب وتلعب سياسة صح .. مينفعش اصلاً .. امل دنقل قال مينفعش خلاص .. لازم تحارب تركيا ناو
كل دا مش نافع ؟
لنشيطن القضية الفلسطينية والفصائل الفلسطينية ولتتوجه بندقية المقاومة الى صدور المصريين .. بيع القضية وسفلت غزة وما بعد غزة لو حابب وانسى بقا وهم انك كنت بتحمي فلسطين حتى من قبل ظهور ما الإسلام او ما يسمى بالعروبة .. اصبر بس يا اخي داخل تعمر غزة وسط احتفالات شعبية بهيجة ازاى بس ؟ وبعدين عايز تصالح حماس ع فتح ع الجهاد ازاى اذا كانت الناس دى باوامر مني بتعمل لك مشاكل .. دورك التاريخي وفهمك لانه لازم تفوت الفرصة على العدو وتصلح مسار القضية المركزية مش هيبقا مفهوم قدام شعبك وهنسرح لجان الاغتيال المعنوي على مدار 24 ساعة.
طيب يا مصر .. طيب
طاه نطلع الكارت الأخير .. حتى لو فيها إهانة للطفل المدلل للغرب في الشرق الأوسط .. حتى لو فيها هزيمة عسكرية لهذا الطفل مقابل الانهاك .. شوف شوف شوف واحد منكم صفى خمسة ببندقية رش .. امال لو حاربت بقا يا غالي .. إسرائيل في اضعف حالتها ولازم تحارب الكيان الصهيوني ناو.. يا ريت اللى حصل يتكرر تاني وتالت وانسوا بقا الكلام البلدي بتاع عصيان الأوامر العسكرية والجيش له قيادة والدولة لها راس هي اللى تحدد امتا ومش امتا.. احنا في زمن الميلشيات يا صاحبي.
الخ.. الخ.. الخ..
متخليش العدو يضع لك اجندة امنك القومي
ولا العدو هو اللى يحدد لك جدول اعمالك
ولا العدو هو اللى يحدد موعد حروبك وتحركات جيشك
هنحارب عدو معين في توقيت معين بعد ما نستكمل اهداف معينة..
ومش كل دولة وظيفية او قوى وظيفية يكون الرد عليها بتحقيق اهداف العدو .. تفكيك اهداف العدو هو الهدف الأهم لصيانة الامن القومي وصيانة استقلالية القرار الوطني..
يا رب نفهم ونعقل.
#منقول