جيلان حسب ماتابعتها بشكل اولي وده طبعا مش كافي لتكوين رأي صحيح
بس لحد ماقريت ليها هي .. بتكتب ٢٠% حقيقه وتبني عليها ٨٠% استنتاجات بأشياء مالهاش علاقه ببعض.. والهوي الشخصي داخل في كتير من كتاباتها
اي حد مهتم بالتاريخ خاصه السياسي أو منهج البحث العلمي عامه القايم علي التجرد ومحاوله الموضوعيه هيعرف أن كلامها شعبوي اكتر منه مبني علي شبه ادله أو حتي قراءن بسيطه
هي بتحاول تقلد الكاتب الكندي الشهير وليام جاي في نظريه المؤامره وهي فعلا موجوده من بدايه الخلق ليومنا هذا كطبيعه بشريه يسعي كل فرد أو دوله لاستمرار هيمنته أو التخلص من ضعفه سواء بالعمل للأمام واضعاف منافسيه في نفس الوقت ..
بس شتان الفرق
بالنسبه القناه فرأيها صحيح .. القاهره الاخباربه
هي النيل للأخبار واكسترا نيوز مع اختلاف الاستوديوهات ذات الديكور السيء والمحتوي الضعيف اللهم من كم مذيع ..
دون مناخ حريه علي الاقل في مهاجمه الدول الأخرى ولو من تحت لتحت يبقي مش هتعرف تجيب زباين لانك مش فارق عن تليفزيونه الرسمي المليان بعشرات القنوات
بمعني اصح لو اتكلمنا كتسويق
ايه الميزة النسبيه اللي تخليني كمشاهد اسيب قنوات قديمه وكبيره وعشرات المواقع واروح اتابع القاهره الاخباريه؟
لو فيه ياريت حد يقولي
كمان هو داخلين بخط العروبه لكسب مصداقيه وانتشار بس عشان تعمل كده لازم سياساتك كمصر تكون علي الاقل بتعمل كده واولهم تخش من حته التخبيط في اسراءيل زي قطر واردوغان من الحتت اللي بتعجب الجماهير العربيه بعقلها الحنجوري
واحنا طبعا مش هنعمل كده لأسباب كثيره
اذن
هيبقي فيه خط سياسي الدوله صاحبه القناه مختلف عن خط سياسي الدوله االرسميه ولللي اسم القناه مرتبط بيها فلذلك فعمر ماهتيجي مصداقيه ودي اهم شيء في الاعلام الان ..
كان زمان سرعه نقل المعلومه هي معيار المنافسه الان أصبح مصداقيه المعلومه
كتاب الكاتب الكندي بنفس عنوان جيلان
والي عاوز يقرأ في نفس خطها يقرأ لناعوم تسومسكي زي ماذا يريد العم سام لكن هو ليس موضوعي فيساريته حكماه بس بيبين جوانب اخري السياسه الامريكيه خاصه من الداخل الأمريكي وانعكاس علي سياسات امريكا الخارجيه وكتب اخري هنزلها قريب في موضوع كتب متنوعه