مرحبا بك في منتدى الشرق الأوسط للعلوم العسكرية

[IOM&IOT]

حدثت اليوم مشكلة كبيرة بين الصحفي سيف محمد (ماركر) و الدكتورة جيلان قاسم

بسبب اختلاف آراءهم في مسألة قناة القاهرة الإخبارية

بل وصل إلى وجود اتهامات من سيف الى جيلان بأنها من هي وكيف تعرف كل تلك الأخبار و أيضا تكلم بأنها تقول أخبار مغلوطة


مشكلة كبيرة حدثت للمتابعين خصوصا وانهم يتابعون الاثنين


لا أعلم سبب الهجوم من الطرفين

 

[صانع]

من فضلك, تسجيل الدخول أو تسجيل لعرض المحتوى !

كان من فترة قال إن فى مقابلة معاها ولكن لم يحدد متى ولم يتكلم بعدها مره اخرى عن هذا التنويه

 

[IOM&IOT]

من فضلك, تسجيل الدخول أو تسجيل لعرض المحتوى !

عارف عن الموضوع ده

بس فعلا الموضوع زاد اوي ما بينهم...لدرجة سيف عمل فديو ٢٥ دقيقة اتهامات

 

[صانع]

من فضلك, تسجيل الدخول أو تسجيل لعرض المحتوى !

فين على صفحته ولا اليوتيوب ولا فين

 

[Bright sky]

جيلان قاسم بحب اسلوبها في الكتابة و تحليلاتها للاحداث رغم اختلافي معها في كثير من التحليلات خصوصا ان تحليلاتها عن عقلية اشتراكية ناصرية واضحة في تحليلاتها ، لكن سيف ده بصراحة و لا تحليل و لا فن الالقاء و لا اي حاجة خالص ، الحسنة الوحيدة الاستاذ اسامة الدليل

 

[IOM&IOT]

من فضلك, تسجيل الدخول أو تسجيل لعرض المحتوى !

بدأت النهاردة الصبح بالفيديو ده

 

[IOM&IOT]

من فضلك, تسجيل الدخول أو تسجيل لعرض المحتوي!

 

[IOM&IOT]

 

[IOM&IOT]

تابع في صفحته في الكومنتات ...بعض المتابعين ايدوه و الاخر هاجمهم بشدة وفيه بعضهم اتعملوا بلوك .....حسب شهادتهم في جروب تليجرام عاملاه جيلان قاسم

 

[Hunter]

🔵 مساء الخير حبايبي
وجب التنبيه ان مفيش بيني و بين الاستاذ سيف محمود أي خلاف لا شخصي و لا غير شخصي
و مازلت بشدد علي انه انسان خلوق ومحترم جدا ومن الناس اللي انا ذكرتها لما قولت الشباب اللي بتتعب عشان توضح الحقيقة .. ومازلت بنصح الناس اللي حابة تسمع اخبار ايجابية تتابع قناة ماركر أنا نفسي subscriber فيها من فترة و كنت متابعة تغطيات مؤتمر المناخ منها و بتابع كل حلقات الفاضل الدكتور أسامة الدليل
و انا اصلا عرفت سيف من مدام اميرة صديقة بحبها جدا .. و اتفقنا اكون معاه في حلقة و اتفقنا تكون صوت عشان شغلي ... اعتقد انتوا عارفين كويس ان اكونتات الفيسبوك دلوقت جزء من مراجعات الشغل
و اتفقنا علي ميعاد يوم الخميس الساعة 4 ل 6 نسجل الحلقة عشان المونتاج وكده
و هو انشغل جدا و مكلمنيش و انا متكلمتش لأن الله أعلم بظروفه .. كلمني بعدها بفترة وقالي انه انشغل في شغل بيجهزه و هيرتب ميعاد تاني و انا قولت مفيش مشكلة طبعا
معرفش اختفيت فين و انا كنت دايما بكومنت علي اخباره الايجابية عن البلد و بيرد عليا و بيدخل معانا اصدقاء مشتركين
هل في خلاف بيني و بينه 👈🏻 اطلاقا
ازاي و انا ذاكراه بالاسم مع چون المصري و لؤي الخطيب و غيرهم
كل القصة انه بيتهمني اني بهاجم الاعلام المصري
و هنا السؤال هو انت شايف ان الاعلام المصري يستحق الاشادة اساسا .. و بهاجم المتحدة للاعلام
و ده محصلش
انا هاجمت القاهرة نيوز ومازلت عند رأي اداءها سئ جدااا و غير مشرفة بالمرة و مفيش فيها اي ميزة تنافسية حتي اقل من اكسترا بتاعت cbc
كلامي واضح وصريح
طب ايه اللي مزعله بقا .. هل لك فيها برنامج ولا عامل حسابك علي برنامج
بردو لو طلع دون المستوي الناس هتقول ومش هيعجبها
مش متضايقة من كلامه اللي بعتبره مجاملة لصديقه احمد الطاهري اللي انا شايفة انه معملش أي انجاز في القناة
كل اللي مضايقني هو موضوع اني بدعي الوطنية و بدس السم في العسل اتهام غير مقبول الحقيقة
التهديد بتاعه غير لائق و انأي بشخص في اخلاقه انه يستخدم الاساليب الابتزازية دي ... و لو مكلمتنيش انا هعمل و اخلي و المفروض اني اخاف بقا و اكلمه لا انا مش بخضع لابتزازات .. و اي تشهير هيتم بيا مجاملة لاي مخلوق مش هتقبله .. أي كلمة هيكون فيها اكاذيب عني او بناتي هتعتبر تشهير

الناس اللي من حقها تعرف انا مين عارفاني من تفاعلي معاهم
انا بقا فرد او منظمة كاملة ده ميخصش حد
اللي حابب يعرف اللي انا بكتبه مشرفني ووجوده علي دماغي .. اللي حابب ميعرفش بردو وجوده شرفني و معتقدش اني تعاملت مع حد الا بكل ود واحترام
لو باقي معايا 10 اشخاص بس انا هستمر معاهم احتراما ليهم
يوتيوب ايه اللي باخد منه بس ما الناس كلها متابعة اليوتيوبرز اللي حتي مبيغيروش الايفيهات بتاعتي .. وبردو انا مبلزمش حد يحترم مجهودي

انا قولتلكم امبارح ان انتقادي هيوصل للقاهرة نيوز نفسها ... والمفروض بقا اني اتربي عشان بنتقد السادة الالهة الفاشلين اعلاميا القائمين عليها
و كل ما يؤسفني ان حد ملوش علاقة اساسا بالموضوع يدخل نفسه في انتقادي و شخص انا بعزه و بحترمه وبشيد بيه زي سيف
و عموما انا لا بخاف من تهديدات و لا بخضع للابتزاز و انتوا جربتوني كتير .. كل واحد حر في تصرفاته مش انا اللي هفقد مصداقيتي و لا انا اللي هيتقال عني بفتعل حروب فارغة
انا اصلا مش هدخل الحوار ده كله
انا كتبت الكلام ده لما لقيت ناس بتسألني هو انتي في خلاف بينك و بين سيف محمود فاستغربت جدا و حبيت اوضح ان مفيش اي حاجة سيف من الناس اللي انا استفادت منها حقيقي

اضافة صغيرة
فيديوهات اليوتيوب بيعدها معايا صديق موجود معانا هنا بطريقة معينة وكنا بنعمل بروڤات فعلية و ان شاء الله قريب تكون جهزت .... و بردو صوت و شروحات معينة
خالص مودتي للجميع
#اللهو_الخفي

 

[صانع]

من فضلك, تسجيل الدخول أو تسجيل لعرض المحتوى !

شكرا لك يا صديقي على الفيديو

وياريت تضيف لو فى فيديوهات تانيه

 

[Hunter]

من فضلك, تسجيل الدخول أو تسجيل لعرض المحتوى !

تعليق جيلان قاسم عن الموضوع

 

[صانع]

من فضلك, تسجيل الدخول أو تسجيل لعرض المحتوى !

مش عجبنى كلامها ولا طريقة الرد واضح أن الموضوع مش تمام.

حتى لو مش عاجبها القناة ملهاش انها تكلم عليها مدام لا صله لها بها وشغلها اللى بتعمله هو لتوعية وتعريف الناس بما يحدث من أحداث من الدولة بالتالى المفترض بتشتغل لتوعية واضافه لم لا يصل إليه التلفزيون.

لذلك أعتقد أنها كده أثبتت أنها غير سليمة النية وكان المقالات هى ستار.

 

[IOM&IOT]

أنا والله مش عارف مين فيهم الصادق ومين عاوز الشهرة

 

[Hunter]

من فضلك, تسجيل الدخول أو تسجيل لعرض المحتوى !

اتفق معاك بخصوص اسلوبها
لكن لا اعتقد ان نيتها غير سليمة

 

[IOM&IOT]

من فضلك, تسجيل الدخول أو تسجيل لعرض المحتوى !

مش عارف بس هوا مش عادي النقض يتم توجيه للقناة ...لان فعلا شوفت بعض السقطات الغريبة في القاهرة الاخبارية بس ...يعني قولت لسا جداد وكده

 

[Golden Fingers]

من فضلك, تسجيل الدخول أو تسجيل لعرض المحتوى !

الحقيقه .. مواضيع قناة القاهره الإخباريه جيده …. لكن المونتاج والاضاءة والاستوديوهات اقل احترافيه من اكسترا نيوز فعلا

 

[Youssef]

من فضلك, تسجيل الدخول أو تسجيل لعرض المحتوى !

هو ده رأيها لكن المش عاجبني انها بتلسع في نص الكلام و تقولك في الاخر مفيش خلاف. قناة معدتش الشهر و احنا الهندفنها قبل متكمل الشهر بالاسلوب ده

 

[صانع]

من فضلك, تسجيل الدخول أو تسجيل لعرض المحتوى !

سيف محمود اقدم بكتير وكان بيعمل فيديوهات قليلة جدا وناس معينه واعتقد لايحتاج أنه يشتهر بهذا الشكل وعندنا ناس كتير فى اليوتيوب اشهر منه ولم يتكلم عنهم من أساسه وكان ينتقد بعض الآراء أو التلميحات عن معلومات لكن لم يصل لهذا الشكل من الردود من قبل مع اى احد

 

[صانع]

من فضلك, تسجيل الدخول أو تسجيل لعرض المحتوى !

متفق معاك القناة لسه لم يحدث حدث يقال عنها انها مقصرة أو ضعيفة حتى فكرة مقارنتها بالقنوات الاخباريه المصرية الأخرى هم ليس ضد بعضهم هم كلهم لتوعية وإيصال المعلومة وليس مقارنه من هو احسن ومن هو أقل