مرحبا بك في منتدى الشرق الأوسط للعلوم العسكرية

[TOPOL]

من وسط كل أربع سائحين في العالم فيهم واحد بيحدد وجهته بناءً علي مكان شافه في فيلم او مسلسل !

من فضلك, تسجيل الدخول أو تسجيل لعرض المحتوي!

النهاردة هنتكلم عن تأثير صناعة السينما في السياحة والاقتصاد داخل مصر وفي أماكن كتير من العالم .. وهنبدأ بالكلام عن مصر ..
في ٢٠١٨ تم الإعلان رسمياً إن مدينة الإنتاج الإعلامي هي الجهة والمسئول المباشر الوحيد عن التعامل مع الأفلام الأجنبية .. يعني أي جهة أجنبية حابة تصور في مصر مش مضطرة تتواصل مع جهات كتير زي ما سبق من وقت عشان تحصل علي تصاريح .. و وقتها تم التشديد علي أهمية صناعة السينما وكونها تاني أكبر مساهم في الإقتصاد المصري بعد صناعة القطن .. وكثرة وأهمية اللوكيشنات وتنوع ثقافاتها وأنواعها ووجود النيل وبحرين (الأبيض والأحمر) .. وطول مدة استمرار الشمس يومياً اللي ممكن تصل ل ١٤ ساعة ونُدرة حدوث ده في أي حتة في العالم .. مع التنبيه لجاهزية المدينة ب ٧٠ ستوديو علي أعلي مستوي و تنوع الأماكن داخل المدينة نفسها (الحي الريفي والفرعوني وهكذا).. ولكن في ٢٠٢٢ يوصل عدد الأفلام الأجنبية اللي اتصورت في مصر من وقت إعلان ما سبق لصفر افلام وصفر أرباح ..
والأسباب بقا كلها مبنية علي بعض ومرتبطة ببعض ..

1. صعوبة الإحتكاك لإن مفيش أرضية حوار مشتركة موجودة ثابتة بين اللي عندك وبين الإنتاج الأجنبي
2. الغلاء .. سعر التصوير في مصر يساوي ٣ أضعاف سعر التصوير عند المنافس المباشر اللي هو المغرب
3. وبعد الخصم ال ٣٠٪ اللي الدولة مخصصاه للأجانب .. يوصل السعر لضعفين سعر المنافس برضو
4. الروتين الورقي .. حتي بعد تخصيص مدينة الإنتاج فقط للتعامل

لدرجة إن ..

• مدة الرد علي الطلب الأجنبي للتصوير داخل المغرب لا تتجاوز التلات أيام سواء كان رد بالقبول أو الرفض
• مدة الرد في مصر تصل أحياناً لتلات شهور
• السمعة السيئة اللي هي بسبب عدم الإحتكاك (العالم ميعرفش عن ضخامة صناعتنا حاجة غير نماذج شخصية فردية).. وفي نفس الوقت السمعة هي أحد أسباب عدم الإحتكاك أصلا لإن مفيش أجنبي مستعد يخاطر (دائرة مغلقة) ..فيعتبر السبب الرئيسي فيها هو التلفزيون. المصري وعناوين الأخبار السيئة المشهورة والدائمة زي (مصر تحارب الإرهاب) اللي بنشوفها كتير في التلفزيون في أحداث كتير لدرجة إنك لو كتبت علي يوتيوب الجملة ديه هيطلعلك محتوي بالعنوان ده كتير اوي وفي مؤتمرات خاصة باجهزة الدولة الكبري .. وده بيخلي الشركات تخاف علي أمنهم.
• و بسبب عدم الإحتكاك والسمعة .. فالاجنبي مقتنع إن مفيش crew مصري مجهز .. وبالتالي الأجنبي مضطر يجيب فنيين معاه من بلده علي حسابه يعني دولارات أكتر
• ومقتنع كمان إنه لو اتعامل مع crew مصري هيستهلك وقت أكتر في التصوير لضعف الكفاءة .. يعني برضو دولارات أكتر وميزانية أكبر
• عدم التسويق .. وديه واضحة .. بدليل إن محدش من الجمهور المصري العادي تقريباً يعرف حاجة عن الإعلان اللي حصل في ٢٠١٨ علي الأقل
• البطء في بناء الديكور وإعادة تدويره

وده بسبب :

• الاستوديوهات موجودة وكتير ومجهزة فعلاً بس بتقنيات قديمة لدرجة إن المباني داخل المدينة معظمها معمولة بخرسانة .. يعني صعب تعمل حريقة كبيرة من غير ما تبوظ المكان .. صعب تهد وتبني في حين إن إحنا خارج المدينة عندنا من التقنيات والامكانيات ما يكفي لمستويات عالمية أولي
• وحالياً عدد السياح الوافدين علي مصر بفضل صناعة السينما لا يتجاوز ٥٪ .. والسينما تساهم في الإقتصاد المصري ب ٦٠ مليون دولار فقط تقريباً ..

مع العلم وطبقا للأبحاث المصرية .. الإهتمام بالافلام الأجنبية وسياحة السينما هيساهم في زيادة عدد السائحين في مصر بنسبة ٨٠٪
ومع العلم كمان إن هوليوود تساهم في الإقتصاد الأمريكي ب ٥٠٤ مليار دولار وبتوفر ٤٩٢ ألف فرصة عمل بشكل دائم
ولو عايز أمثلة أكتر علي أهمية صناعة السينما وترويج أعمالك المحلية اللي شبه منعدم لأسباب ذكرناها في ظروف سابقة وحجم مساهمتها ومساهمة إستضافة الأعمال الأجنبية في السياحة والإقتصاد ..

فالامثلة كتير وده جزء منها :

• السينما بتساهم في الإقتصاد الصيني ب ١٤٦ مليار يوان
• السينما هي المساهم الأول في تسويق السياحة في الهند وتركيا
• لدرجة إن ١٠٪ من السياح اللي بيزوروا بريطانيا بيزوروها عشان يشوفوا مواقع التصوير اللي شافوها في الأفلام
• ده خلي جزء كبير من دول شرق أسيا يشترطوا علي صناع السينما تصوير ٢٥٪ من مشاهد أي عمل فني في أماكن سياحية وإلا مش هيتوافق عليه رقابياً
• نيوزيلندا دخلت الخريطة السياحية العالمية باستضافة سلسلة lord of the rings وتصويره فيها .. لدرجة إن نسبة السياح زادت بعد الجزء الأول بس من السلسلة بنسبة ٥٠٪ .. الحكومة استغلت الفيلم تسويقياً بكل الطرق لدرجة إنهم أصدروا طوابع بريدية عليها وجوه الشخصيات
• بسبب تصوير أجزاء من مسلسل game of thrones في ايسلندا .. حجم السياحة وصل تلات أضعاف حجمه قبل بداية المسلسل في ٢٠١١
• بسبب GOT برضو .. السياحة في كرواتيا شهدت نمو بنسبة ١٢٠٪
• عدد السائحين زاد ٥٠٪ في بريطانيا بسبب الناس اللي جاية تشوف مواقع تصوير فيلم Harry potter
• فيلم Troy أنعش السياحة في المدينة اللي اتصور فيها في تركيا بنسبة ٧٣٪
• ايرادات إيرلندا الشمالية من زيارة أماكن التصوير تصل ل ١٠١ مليون دولار سنوياً

كل ده موجود علي النت وسهل توصله من Google .. وسهل توصل لمعلومات أكتر وأمثلة اكتر كمان .. تفتكروا ايه اللي ممكن يغير الوضع المصري اللي ذكرناه ؟

من فضلك, تسجيل الدخول أو تسجيل لعرض المحتوي!

من فضلك, تسجيل الدخول أو تسجيل لعرض المحتوي!

من فضلك, تسجيل الدخول أو تسجيل لعرض المحتوي!

 

[برومثيوس]

it's easy
علشان احنا مش عايزين نجذب شركات التصوير
لاعتبارات امنية وحاجات تتعلق بالامن القومي الخ

 

[Bright sky]

العقلية الامنية ، تصاريح امنية الخ الخ
ده السائح بيتعرض لمضايقات لما بيصور و الدرونات ممنوعة ، لو عندك مكان امني مهم زوده باجهزة تشويش و اعاقة و خلاص لكن هم بيريحوا راسهم و يمنعوا الدرونات و التصوير

 

[IOM&IOT]

كويس انك فتحت موضوع زي ده


عشان احنا عندنا عقليات غبية


عقلية اللي تبع الجيش يمسك الادارة و ناس موظفة ما عندها ذرة احترافية قي شغلها

و واقفبن محلك سر

 

[IOM&IOT]

والله انا تعبت من البلد دي

 

[BungeeGUM]

من فضلك, تسجيل الدخول أو تسجيل لعرض المحتوى !

الي هي؟....مخبين صواريخ نووية عند الهرم
والتصوير في الشوارع ممنوع ليه سر خلطة الكشري موجود في الشارع؟

 

[IOM&IOT]

طول ما احنا بنعتمد على شوية موظفين و بقشيش رايح جي و واجرءات روتينية عقيمة جدا عمرنا ما هنعمل حاجة

 

[BungeeGUM]

من فضلك, تسجيل الدخول أو تسجيل لعرض المحتوى !

العقلية المتخلفة بتاعة ريح دماغك وامنع وخلصنا بدون تقديم اسباب مقنعة

 

[IOM&IOT]

من فضلك, تسجيل الدخول أو تسجيل لعرض المحتوى !

زي برده لغاية دلوقتي مانعين دخول الناس للاستادات باستيعاب الاستاد بالكامل بحجج امنية

 

[مرمبتاح]

الخصخصه بشرط يجي مستثمر يضيف للمكان ..
فكر القطاع العام عمره ماهيحرك شيء
بس الخصخصه ماتكونش لمستثمر خليجي لانه لو دخل هيدخل يموت المكان لصالح بلده زي ميناء العين السخنه كده

 

[برومثيوس]

من فضلك, تسجيل الدخول أو تسجيل لعرض المحتوى !

بصراحة مش شايفها مشكلة لما نقيم وضعنا
طبقا لاولويتنا وظروفنا
مش شرط اللي ينفع عند غيرنا ينفع عندنا
تجربة النص قرن الماضيه خلت الاعتبار الامني اولوية
عند متخذ القرار في مصر قبل حتي المكاسب المادية
والا كان ممكن يكون عندنا تسهيلات في حاجات تانية
هتجيب فلوس اكتر بكتير من استقطاب شركات زي مارفل وورنر بروز
علشان تصور كام مشهد من افلام السوبرهيروز الزبالة بتاعتها

 

[BungeeGUM]

من فضلك, تسجيل الدخول أو تسجيل لعرض المحتوى !

مش شايفلها اي مبرر ولا قادر اعددلهم اسباب ....سبوبة حلوةوفلوس وسياحة وصورة للبلد وبنرفسها عشان ايه عشان ناس من القرن الي فات لسه مطلعتش منه

 

[مرمبتاح]

عقليه العاملين في وزاره السياحه مش قادره تخرج من بوتقه ان السياحه هي ما الا سايح جاي ببيكني للغردقه وشرم او يزور الاثار والمتخف
مايغرفوش ان سياحه الأفلام والفورمولا وان تجيب دخل من فيلم وتسويق مجاني قد استقبال ٥٠ الف سايح مثلا
زي فهمهم ان التسويق السياحي هو انك تعمل صوره علي أتوبيس في اوروبا بيكلف ملايين الدولارات مقابل عاءد قليل مقارنه بحملات سوشيال ميديا واستضافه يوتيوبرز ليها مشاهدات مليونيه او فيلم سينما
ممكن يعمل ليك نفس تاثير هذه الحملات واكتر وبشكل شبه مستدام
مسؤولين الواسطه خربوا البلد والمشكله انهم في الأماكن الحساسه للبلد كالوزاىات بتبقي امه ولا ابوه ماسك مدير في بنك ولا مسؤول قي وزاره تانيه فبيخلي صاحبه يعين ابنه ولا بنته قي مكان حساس في وزاره بالواسطة مقابل انه يعين هو التاني بنته في وزاره تانيه او يفوت ليه مصلحه وهكذا
ولما تتعرض البلد لازمه او تحتاج تتحرك تتشل وتقف ليه لان الاي بيتم اصدار الأوامر ليهم والقائمين عاي تنفيذها غير قادرين لان القادرين ماتعينوش اصلا لاما طفشوا لاما غيروا المجال
ويطلعوا يسالوا ببلاهه نفسهم امام الشاشات هو ليه مؤسسات البلد مشلوله
يجب عمل قانون الفصل من العمل ل
الحكومي لو البلد دي عاوزه تتقدم ..
إنما موظف تنبل او موظفه بفلانكات فاكره انها الشغل هو انها تكتب ورق مش تفكر ومنتج عمل هتفضل البلد دي كده لان الموظف لا يوجد عقاب عليه وايضا لا يوجد ثواب مجزي ليه
فالبيءه الدافعيه للعامل والموظف بيتم تنفيذها ويتحول لموظف قرفان غير منتج والنتيجه اتشلت مؤسسات البلد

 

[Abdo445]

بصراحة إحنا غلطانين وعندنا مشكلة كبيرة … يعني معقولة يروحوا يصوروا فلم زي ذا ممي الي هو اصلا عن الفراعنة والاهرامات يروحوا يصوروه في صحراء المغرب ؟! ليه لم يصوروه عند الاهرامات مثلا و في مناطق زي الاقصر و غيرها ؟!

 

[JOKer 88]

مون كينج اتصور في مصر وقلب الدنيا حرفيا حتي عنبه اتشهر
ده لازم يحصل فعلا موضوع السماح بالتصوير ده

 

[Egyptian ~strength]

من فضلك, تسجيل الدخول أو تسجيل لعرض المحتوى !

متصورش كله في مصر للاسف والمخرج محمد دياب طلع يشتكي من موضوع التصاريح

 

[JOKer 88]

من فضلك, تسجيل الدخول أو تسجيل لعرض المحتوى !

مهو لازم يشتكي التصاربح من اكثر من جهه صعبه طبعا عندك الجلاله والعلمرن دول حاجه عظمه ولسه العاصمه ايضا بالفعل هي مشكله كبيره

 

[BungeeGUM]

من فضلك, تسجيل الدخول أو تسجيل لعرض المحتوى !

متصورش في مصر يصديقي اتصور في اوربا واستغلوا ميزانيتهم انهم يعملوا زي حتت مشابهة لمصر وجابوا ناس من الجالية المصرية تأدي الدور بتاع المواطنين في المشاهد الي المفروض في مصر ( حاجة محترمة من المخرج انه يوري الناس مصر عامله ازاي علي قد ميقدر وشكل المصريين بجد)

 

[Egyptian ~strength]

من فضلك, تسجيل الدخول أو تسجيل لعرض المحتوى !

لا اتصور منه اجزاء في مصر بالفعل

 

[BungeeGUM]

من فضلك, تسجيل الدخول أو تسجيل لعرض المحتوى !

معلومة جديدة بالنسبة لي ....كويس والله بس لاحظ ان دا حصل بسبب رغبة المخرج القوية والاستديو للمسلسل دا بتمثيل مصر ...لكن شوف حجات تانية في نفس الوقت ومتصورش صورة حتي