صندوق النقد الدولي يطالب مصر بمرونة سعر الصرف

صانع · 9 ديسمبر 2022

Youssef قال:
خلينا نستبعد تركيا لأن سياستهم فاشلة من قبل الحرب و عملتهم مدعومة دعم رهيب عشان الانتخابات. و برضو نسبعد شبه الدول الفي منطقتنا لانهم عندهم مشاكل قبل الحرب.

متفق معاك

Youssef قال:
انا بتكلم عن اقتصادات ناجحة تأثرت مباشرة بسبب الحرب مثل اوروبا و بريطانيا مع ان في اخطاء اقتصادية من جانبهم لكن لم يوصلوا لمرحلة تضهور حاد للعملة في حالتنا من اجل قرض.

الدول دى بالفعل اتاثرت والدولار أصبح تقوى من عملتهم وبلادهم الغلاء بها شديد أيضاً
وفى موضوع عن تأثر الغرب من حرب روسيا وأوكرانيا

الموضوع 'لاثار الازمة الاقتصادية العنيفة الناتجة عن الحرب الاوكرانية حول العالم' https://www.memilitary.com/threads/...-الناتجة-عن-الحرب-الاوكرانية-حول-العالم.4023/

Youssef قال:
كيف سيستخدم القرض ليفيد الاقتصاد؟

الموضوع مش استفاده من القرض نفسه ولكن لتأكيد الثقة فى قدرة السوق المصرى.

القرض حجمه ليس بالكبير الذى يؤثر تأثير يغير حال العمله فى مصر.

Youssef قال:
و متى سنستفيد من عواءد المشروعات القومية لسد عجز الميزانية؟

هذا يعتمد على مدة البدأ فى تشغيل هذه المشروعات وهى لن تدخل كمرحلة واحد هى متتابعة وكل يوم فى مشاريع جديدة.

معلومة المناطق الصناعية التابعة لمحافظة القاهرة لا يوجد بها اماكن للحجز الآن وانتهت كاراضى وأيضا كمنشأت جاهزه.

والمتوفرة حالياً هو فى مدينة السادات والصعيد.

واعتقد هذا مؤشر يدل على أن الوضع سيكون أفضل أن شاء الله فى القريب

صانع · 10 ديسمبر 2022

( J O K E R ) قال:
يباشا ده الهدف من تحرير سعر الصرف
لكن علي العكس وارداتنا اكثر من صادراتنا بمراحل

ده صحيح ولكن المشروعات التى تتم بالتاكيد هتقلل الاستيراد ومع الوقت لو فضل الوضع بالشكل ده فى منتجات هيتم الاستغناء عنها تماما

( J O K E R ) قال:
يبقي مستحيل الدولار يقل

دى مش حاجه معروفة بشكل قاطع صحيح احنا متعودين أن ما يزيد لا يرجع لما كان عليه ولكن بالنسبة الدولار حدث فى ٢٠١٦ قبل التعويم ورجع من الزيادة اللى حدثت فى السوق السوداء

( J O K E R ) قال:
والله مش عارف الحكومه بتفكر ازاي
يظلم ملايين عشان٣ مليار دولار

الدولة اتعرضت لضربات آخرهم الكورونا وحرب روسيا وأوكرانيا فما تم من قروض هو ليس فقط لتدعيم الدولار ولكن أيضا لاكتساب غطاء اقتصادى وسياسى للتأكيد على سلامة السوق وقدرت البلد على تحمل هذه التعاملات.

إنما القصة ليست بالشكل الذى حضرتك وصفته بالتاكيد الدولة لا تريد تدمير نفسها بنفسها هذا غير منطقي.

( J O K E R ) قال:
وياريتهم هينفعوا وياريتك هتاخدهم مره واحده

ده صحيح هم بالفعل مش مره واحده او دفعه حوالى ٧٦٠ مليون دولار تقريباً

( J O K E R ) قال:
يعني ترفع الدعم وتحرر الصرف في عز ازمه عالميه

رفع الدعم كان هدف الدولة من البداية والكلام معروف وبالتأكيد لا ينفع ابدا انك تعمل دعم مع تحرير سعر الصرف لأن الدولة هى اللى ستتحمل كل الفرق وبالتالى يا هيتم رفع الضرائب بشكل كبير جدا لتعويض الفرق أو رسوم وغلاء فى كل قطاع بشكل كبير جدا.

إنما الان الدعم مخصص لفئات محدده والحقيقة أنا أعرف ناس لسه محتاجه تحرج من الدعم لأنها بتاخد ما لا تستحقه وبالفعل هم عبئ.

( J O K E R ) قال:
والله ملعون ابو الروس الي سببوا الحرب

عندك حق واتمنى انها تنتهى والحقيقة أن العالم يحارب معهم بشكل غير مباشر.

صانع · 10 ديسمبر 2022

alyaldeen قال:
ياباشا هؤلاء يريدون خراب مصر احنا فين من الكلام ده نسمع كلمهم ليه اروح ابيع فرخه بتبيض ذهب بتراب الفلوس زى ابو قير للاسمده فين توفير العمله الصعبه الارباح ستحول للمشترى بايه بكوز ذره ولا بالدولار

بصرف النظر عن موضوع صندوق النقد الدولي
وتم الحديث فيه فى الموضوع ككل.

إنما جزء صفة ابو قير فيها كلام محتاج توضيح لأنه غير سليم

أبو قير للأسمدة: 3 جهات حكومية تخارجت لصالح الصندوق السعودي بقيمة 7.27 مليار جنيه

الصفقة نفذت بسعر 23.26 جنيه للسهم

أعلنت شركة أبو قير للأسمدة والصناعات الكيماوية تخارج ثلاث جهات حكومية من هيكل الملكية لصالح صندوق الاستثمارات العامة السعودي بقيمة7.27 مليار جنيه تقريبا، وفقا لثلاث إفصاحات مرسلة للبورصة الخميس.

وأظهر إفصاح أول منشور على شاشة التداول تخارج الهيئة العامة للتنمية الصناعية بالتخارج من كامل حصته فى أبو قير للأسمدة (10% تقريبا) لصالح صندوق الاستثمارات السعودي بقيمة إجمالية 3.69 مليار جنيه.

بينما أظهر إفصاح ثانى تخارج شركة الأهلي كابيتال القابضة من حصتها البالغة 4.18% لصالح الصندوق السعودي بقيمة إجمالية قدرها 1.53 مليار جنيه تقريبا.

كما أظهر إفصاح ثالث منشور على الشاشة تخارج شركة مصر للتأمين من غالبية حصتها البالغة 3.19% بقيمة إجمالية قدرها 1.16مليار جنيه تقريبا،ليتبقى لها حصة صغيرة (0.02%).

وبلغ متوسط سعر السهم في الصفقات الثلات 23.26 جنيه، وجرى تنفيذها عبر شركة الأهلى فاروس لتداول الأوراق المالية، ولم تظهر الإفصاحات ارتباط الجهات الحكومية المتخارجة بأى أطراف أخرى مساهمة فى الشركة باستثناء مصر للتأمين التى ترتبط بشركة شقيقة تستحوذ على 0.023% (مصر لتأمينات الحياة).

من فضلك, تسجيل الدخول أو تسجيل لعرض المحتوي!

يعنى الإجمالي بالكامل هو ١٧.٣٩ ٪ من حصص الاسهم للشركة لصالح الصندوق السعودي كده اسمه بيع؟!

alyaldeen · 10 ديسمبر 2022

اولا سعدتك انا بضرب مثال وبعدين الشركات الى خرجت من البورصه خرجت بعد دراسه ولا بالامر المباشر يا فندم انا نفسى اكون غلطان ولكن نحن لا نعى ما نفعل واشكك فى النوايا الموجوده حاليا

من فضلك, تسجيل الدخول أو تسجيل لعرض المحتوي!

صانع · 10 ديسمبر 2022

alyaldeen قال:
اولا سعدتك انا بضرب مثال وبعدين الشركات الى خرجت من البورصه خرجت بعد دراسه ولا بالامر المباشر يا فندم انا نفسى اكون غلطان ولكن نحن لا نعى ما نفعل واشكك فى النوايا الموجوده حاليا

من فضلك, تسجيل الدخول أو تسجيل لعرض المحتوي!

يا خسارة كنت اتمنى يكون نقاش مبنى على معلومات وحقائق وكلام سليم وليس بأدلة ومعلومات من صفحات الإرهاب والارهابيين

وكمان فيديو مفبرك والله عيب التضليل ده ولا يصح أن يتم الاستهزاء بالعقول لهذه الدرجة.

نحن منتدى عسكرى فى الأساس وكل المشاركات تبنى على مقالات أجنبية وعربية ومحلية ولا يتم عرض معلومة بشكل علنى وعام الا إذا تم الإعلان عنها رسمياً.

وهذا ينطبق على كل ما يتم مشاركته هنا فى المنتدى ولكن أنا لن امسح هذه المشاركه وسوف تظل حتى يعرف كل من يقرأ كيف يتم التضليل للعقول.

الفيديو المضاف من الاستاذ alyaldeen

https://www.facebook.com/

الفيديو الاصلى من اليوتيوب من فترة حكم الإخوانى الخائن

المسلماني بعد يوم واحد من خطاب مرسي الدولار يسحق الجنية

Egypt 2017 · 10 ديسمبر 2022

صانع قال:
الدولار للاسف فى السوق السوداء ٣١ إلى ٣٦ فى سوق الدهب للاسف.

ولكن عند تحرير العمله دون التحكم من البنك المركزي يلغى السوق السوداء والمضاربة على زيادة سعر الدولار.

واعتقد أن التحرر من الاستيراد من الدولار مع الصين وروسيا هيفرق كتير مع سعر الدولار مع الوقت.

و احنا عندنا مشاريع كتير واستثمارات تم ضخها بالفعل من فترة والمصانع والشركات دى تحت الانشاء أو سيتم افتتاحها في القريب وده بالتاكيد بيقلل الاستيراد وبالتالي الطلب على الدولار.

ولكن أيضاً ما يحدث من تطور بسبب حرب روسيا وأوكرانيا وما يحدث من البنك الفدرالي الأمريكي ورفع الفائدة بشكل قاسى بيعمل أزمة لكل دول العالم وبالتالى بياثر علينا أيضاً

صحيح هى أزمة وهتستمر ولكن اعتقد ان الوضع هيتحسن بالنسبة لنا بعد المشاريع التى يتم التحضير لافتتحها وأيضا ما يتم الإعلان عنه من اكتشافات للغاز والبترول.

وكل مشروعات الربط الكهربائي والهيدروجين التى سوف تعطى قوه للعمله وتتحسن مع الوقت.

وربنا يحفظ بلدنا حتى نمر من هذه الظروف الصعبة

صندوق النقد بيستهبل مفيش دوله بتترك سعر الدولار للسوق والا كل يوم العملات هتنزل وتطلع زي البيتكوين كل الدول بتثبت سعر عملتها عشان الاستقرار الاقتصادي

للاسف المشكله الي بتواجهنا مش ارتفاع الأسعار ولكن الاسوء هو هروب المستثمرين من البلد وخساره آلاف فرص العمل

طول ما فيه عدم استقرار في العمله وسوق سودا المستثمرين هيهربو أموالهم والي كان هييستثمر هيأجل او هيكنسل ويشوف سوق جديد غير مصر

صانع · 10 ديسمبر 2022

Egypt 2017 قال:
صندوق النقد بيستهبل مفيش دوله بتترك سعر الدولار للسوق والا كل يوم العملات هتنزل وتطلع زي البيتكوين كل الدول بتثبت سعر عملتها عشان الاستقرار الاقتصادي

الدول يدعمها اقتصادها وحجم التصدير وحجم الاستثمارات التى تجذبها وأغلب الدول لا تدعم عملاتها الدعم ياتى من اقتصاد ثابت ومتزن

Egypt 2017 قال:
للاسف المشكله الي بتواجهنا مش ارتفاع الأسعار ولكن الاسوء هو هروب المستثمرين من البلد وخساره آلاف فرص العمل

مافيش هروب لأى مستثمر احنا فى حالة اضطراب عالمية بسبب ظروف كورونا وظروف الحرب

Egypt 2017 قال:
طول ما فيه عدم استقرار في العمله وسوق سودا المستثمرين هيهربو أموالهم والي كان هييستثمر هيأجل او هيكنسل ويشوف سوق جديد غير مصر

الدولة المصرية مستقرة ولا يوجد أى اضطرابات بها المشكلة فى ما يحدث فى العالم وهو ما يؤثر على اقتصاد الدول جميعها ونحن ليس استثناء

المايسترو · 10 ديسمبر 2022

جميع المغالطات التي تحدث الان للدوله المصريه من اشخاص وليس مؤسسه ماليه او مؤسسه تعليميه ماليه
الان الوضع اختلف كثيرا
صندوق النقد الدولي لن يفرض شئ علي مصر في العموم
لو هذا البنك يري ان مصر لن تستطيع ان تفي بوعودها ما كان سيقدم خطوه واحده علي تقديم اي قرض لمصر
خبر اخر من الممكن ان يكون له دافع في امر كهذا
صندوق النقد الدولي لن يقدم قروض فقط
بل الامر سيصل الي دعم التنميه الشامله بعد نجاح تجربه تكافل وكرامه وتجربه حياه كريمه وما تم في ارض الواقع
البنك الدولي يقدم منح لمصر لايقاف ١٢ محطه قديمه تعتمد علي محروقات المازوت وتلوث البيئة بعد نجاح التجربه المصريه في ملف الطاقه وتغيرها الي محطات دوره مركبه اكثر كفاءة واعلي نتاجيه بمعني ان وحده انتاج واحده بمقام محطه انتاج كامله من ٤ او ٦ وحدات سواء بخاريه او غازيه
نتخيل ١٢ محطه علي مستوي الجمهوريه ماذا ستقدم للشبكه الوطنيه والتصدير
الامر الاخر الدلتا الجديده وصوامع القمح والغلال زياده الامر لتعويض الفارق وتاثر العالم بالحرب وسلاسل الامداد وهذا له مردود قادم وبسبب رد فعل ايضا ان معظم اراضي اوكرانيا الخصبه لزراعه القمح تحت ايدي الروس واكثر مناطق انتاج مخلي اوكراني تحت ايدي الروس اقليم الدونباس ككل مع باقي المقاطعات
الامر الاخر الهيدروجين بانواعه وتصديره وده الاخوه الافاضل

المايسترو · 10 ديسمبر 2022

تونس تلهس لقرض ولم تستطيع اخذ شي

المايسترو · 10 ديسمبر 2022

يوجد محطات علي خط القناه سيتم تغيرها بالكامل وسيضيف طاقه اكبر واقل تكلفه وبصوره امنه
تم تشغيل محطه كهرباء بشرم الشيخ اثناء المؤتمر بهيدروجين اخضر ونجاح التجربه الفعليه لشركه الكهرباء
مصر خلال السنوات القادمه ستكون رقم صعب جدا في الطاقه والغذاء

JOKer 88 · 10 ديسمبر 2022

alyaldeen قال:
الدولار سوق سوداء ٣٣.٥ بالاضافه ٥٪ عمولة البنوك= ٣٥ جنيه
انا كنت صابر ومفكر ان الدنيا هتظبط لكن للاسف البلد لبست فى حيطه وده كلام مزوق

ياريت نلبس في حيطه زي الاتفاقيات الي بتتوقع او منح البنك الدولي لتمويل برامج اصلاح اتمني ذلك

JOKer 88 · 10 ديسمبر 2022

Egypt 2017 قال:
صندوق النقد بيستهبل مفيش دوله بتترك سعر الدولار للسوق والا كل يوم العملات هتنزل وتطلع زي البيتكوين كل الدول بتثبت سعر عملتها عشان الاستقرار الاقتصادي

للاسف المشكله الي بتواجهنا مش ارتفاع الأسعار ولكن الاسوء هو هروب المستثمرين من البلد وخساره آلاف فرص العمل

طول ما فيه عدم استقرار في العمله وسوق سودا المستثمرين هيهربو أموالهم والي كان هييستثمر هيأجل او هيكنسل ويشوف سوق جديد غير مصر

علي الرغم BMW وبيجو هيفتحو في مصر انتاج تفتكر هتكنسل ولا هتاجل مع ان الكلام ده خلال الاسبوع ده 🤔

JOKer 88 · 10 ديسمبر 2022

Egypt 2017 قال:
يبقى كده هنحصل السودان لان هنبقى تحت رحمة السوق السوداء الي الدولار حاليا بيتابع على ٣٢

السوق السودا دي اقرب مثال او تعتبره ماكيت ومصغر من الي بنشوفه هنا او مصر عموما تقريبا كده البلد كلها بقت خبيره اقتصاد

alyaldeen · 10 ديسمبر 2022

صانع قال:
يا خسارة كنت اتمنى يكون نقاش مبنى على معلومات وحقائق وكلام سليم وليس بأدلة ومعلومات من صفحات الإرهاب والارهابيين

وكمان فيديو مفبرك والله عيب التضليل ده ولا يصح أن يتم الاستهزاء بالعقول لهذه الدرجة.

نحن منتدى عسكرى فى الأساس وكل المشاركات تبنى على مقالات أجنبية وعربية ومحلية ولا يتم عرض معلومة بشكل علنى وعام الا إذا تم الإعلان عنها رسمياً.

وهذا ينطبق على كل ما يتم مشاركته هنا فى المنتدى ولكن أنا لن امسح هذه المشاركه وسوف تظل حتى يعرف كل من يقرأ كيف يتم التضليل للعقول.

الفيديو المضاف من الاستاذ alyaldeen

https://www.facebook.com/
مشاهدة المرفق 14651

الفيديو الاصلى من اليوتيوب من فترة حكم الإخوانى الخائن

المسلماني بعد يوم واحد من خطاب مرسي الدولار يسحق الجنية

يا خساره كنت اتمنى انك ترد عليا مش تتلك بفيديو انا مكملتوش للاخر حتى
الخلاصه فى الموضوع انك شايف الاقتصاد المصرى عملاق وانه يمشى واثق الخطوة ملكا حضرتك السوق كله واقف لا بيع ولا شراء الاسعار بزياده مستمره ولا حدود لها
ملحوظه فى حياتى مكهرتش حد زى الاخوان ودائما بصفهم بانهم فرقه ضاله لتحسبنى عليهم او اكون ارهابى وانا مش واخد بالى

alyaldeen · 10 ديسمبر 2022

JOKer 88 قال:
ياريت نلبس في حيطه زي الاتفاقيات الي بتتوقع او منح البنك الدولي لتمويل برامج اصلاح اتمني ذلك

المشكله للناس الى بترد انها معندهاش خبره عمليه بالسوق وبالتجاره

وليد المصري · 10 ديسمبر 2022

OSORIS قال:
هتعدي بعون الله ...

بالشكل ده مش هتعدي كل انسان وله اخر ومش هيقدر يتحمل الضغط الي ما لا نهاية

Abdo445 · 10 ديسمبر 2022

صندوق " النكد " الدولي

Egypt 2017 · 10 ديسمبر 2022

صانع قال:
الدول يدعمها اقتصادها وحجم التصدير وحجم الاستثمارات التى تجذبها وأغلب الدول لا تدعم عملاتها الدعم ياتى من اقتصاد ثابت ومتزن

مافيش هروب لأى مستثمر احنا فى حالة اضطراب عالمية بسبب ظروف كورونا وظروف الحرب

الدولة المصرية مستقرة ولا يوجد أى اضطرابات بها المشكلة فى ما يحدث فى العالم وهو ما يؤثر على اقتصاد الدول جميعها ونحن ليس استثناء

للاسف العمله المصريه من اسوء العملات في العالم أداء تقريبا العمله الأوكرانية والروسيه لم تتأثر مثل ما تأثر الجنيه
بحكم عملي في التجارة احب اقولك ان فيه تجار اتخرب بيتها وفيه مصانع متوقفه

انا عارف ان فيه ازمه عالمية عموما والعالم كله متأثر بس معتقدش ان كل الدول بتلجأ للنقد الدولي كل سنه وعملتها بتهتز بالشكل ده وبالنسبه للمستثمرين
تخيل مستثمر دخل مليون دولار من حوالي ٦شهور وقت ان كان الدولار ب١٥ جنيه يعني ١٥ مليون وبيفكر يسحب استثماراته او يبيعها تفتكر ال١٥ مليون جنيه لما يحسبهم هيعملو كام؟؟؟ ٥٠٠ الف دولار او ٤٠٠ تقريبا
طيب تفتكر المستثمر الأجنبي الي بيفكر يدخل مصر لما يلاقي زميله خسر الخسارة الكبيره دي هل هيفكر يدخل السوق المصري حتى لو بعد كام سنه

للاسف لو العالم كله بيتعرض لازمه اقتصاديه فأحنا في مصيبه اقتصاديه

Egypt 2017 · 10 ديسمبر 2022

JOKer 88 قال:
السوق السودا دي اقرب مثال او تعتبره ماكيت ومصغر من الي بنشوفه هنا او مصر عموما تقريبا كده البلد كلها بقت خبيره اقتصاد

محدش قال انه خبير اقتصادى بس فيه بديهيات مش مستاهله ان الواحد يبقى خبير اقتصادى عشان يعرف ان الي احنا فيه ده شيء عادي زي كل دول العالم ولا ازمتنا مختلفه وبناخد الحرب الأوكرانية شماعه للوضع الاقتصادي الي احنا فيه

Shokry · 10 ديسمبر 2022

alyaldeen قال:
يا خساره كنت اتمنى انك ترد عليا مش تتلك بفيديو انا مكملتوش للاخر حتى
الخلاصه فى الموضوع انك شايف الاقتصاد المصرى عملاق وانه يمشى واثق الخطوة ملكا حضرتك السوق كله واقف لا بيع ولا شراء الاسعار بزياده مستمره ولا حدود لها
ملحوظه فى حياتى مكهرتش حد زى الاخوان ودائما بصفهم بانهم فرقه ضاله لتحسبنى عليهم او اكون ارهابى وانا مش واخد بالى

يعني مشوفتش المصدر اللي بتستشهد بيه وبتلوم الناس انها مش فاهمة؟

صندوق النقد الدولي يطالب مصر بمرونة سعر الصرف

صانع

صانع

صانع

alyaldeen

عضو معروف

صانع

Egypt 2017

عضو معروف

صانع

المايسترو

عضو نشط

المايسترو

عضو نشط

المايسترو

عضو نشط

JOKer 88

اذا نبح خلفك 100كلب فاعلم انك ذئب(العوده)

JOKer 88

اذا نبح خلفك 100كلب فاعلم انك ذئب(العوده)

JOKer 88

اذا نبح خلفك 100كلب فاعلم انك ذئب(العوده)

alyaldeen

عضو معروف

alyaldeen

عضو معروف

وليد المصري

عضو مميز

Abdo445

عضو مميز

Egypt 2017

عضو معروف

Egypt 2017

عضو معروف

Shokry

ولقلبي أنتِ بعد الدين دين

المواضيع المشابهة

الذين يشاهدون الموضوع الآن

صندوق النقد الدولي يطالب مصر بمرونة سعر الصرف

عضو معروف

عضو معروف

عضو نشط

عضو نشط

عضو نشط

اذا نبح خلفك 100كلب فاعلم انك ذئب(العوده)

اذا نبح خلفك 100كلب فاعلم انك ذئب(العوده)

اذا نبح خلفك 100كلب فاعلم انك ذئب(العوده)

عضو معروف

عضو معروف

عضو مميز

عضو مميز

عضو معروف

عضو معروف

ولقلبي أنتِ بعد الدين دين

المواضيع المشابهة

الذين يشاهدون الموضوع الآن

Privacy & Transparency

Privacy & Transparency