هل بيحصل علي الارض من تحركات إسرائيلية ستفضي الي شئ و خصوصا أن القضاء على حماس و اخواتها لازم تلاحم قتالي للقضاء علي 500 كم من الإنفاق تحت الارض
بصراحة أنا معاك أن الأطراف المتقاتلة ادائهم مريب و خسائرهم ضئيلة جدا و فقا لطبيعة العملية العسكرية القائمة و خصوصا أنها عملية انتقام استراتيجية و خصوصا أن اللي حصل لإسرائيل ينسف تماماً نظرية الأمن الاسرائيلي
مفيش غير المدنيين الغلابة في غزة هما دول اللي أعدادهم في تزايد و تتناسب مع حجم المشهد و لا حول ولا قوه الا بالله
فانت ايه رؤيتك يا استاذ
@JOKer 88 لقادم العمليات الفترة القادمة على الأرض ؟
و هل إسرائيل قادرة علي القضاء على حماس ؟ أو حتي تقويض قدرات حماس بشكل مؤثر ؟
خصوصا مع الانطباع السائد أن الموقف حصل له تجميد و أن كلا الطرفين مش عايز يخسر بشكل دموي كارثي يحيل أنه خسر الحرب حيث أنه من الواضح أن إسرائيل تلقت الضربة في 7 اكتوبر و بعدها نتنياهو عمل نفخة الاسطبل و سنقضي علي حماس و نغير الشرق الأوسط و انا عتريس و 60 عتريس و انا بلوة مسيحة و في النهاية قصف جوي للمدنيين و علي الارض خايف اشتبك مع حماس لاحسن اتعور و بتعملي واوا
أما حماس فكل تصريحاتهم سنحرر الأقصى و من البحر الى النهر و اول ما عدوا السياج و عملوا ضربة موجعة ، و قفوا مش فاهمين حاجه ، طب و بعدين خلاص كده و لا نهتف و لا نضرب صاروخين في الهوا نحيي الفرح و المعازيم و لا اقولك استخبي تاني في الإنفاق بسرعة ، لا توجد رؤية لما بعد العملية ، و المعر* هنية يقولك مستعدين نتفاوض و نقبل بحل الدولتين علي حدود 1967 ازاي يا جدع
و لكن احقاقا للحق إسرائيل و حماس متقفين علي حاجة واحدة و كأنهم علي قلب رجل واحد أن سيناء تكون مكان التهجير لفلسطنيي غزة
و عجبي
ربنا ينصرنا علي الجيرة الملعونة ده