هقولك انا فاهم الدراسه الجدوى بتاعت المشروع ازاى وانت طلع الاجابه
اولا انت عندك دول السياحه بتعتهم قايمه علي السائح اللوكل العادى زى تايلاند وماليزيا وقبرص واليونان وتركيا
ثانيا انك بدأت تفتح سياحه اليخوت فى البحر المتوسط الي هينافس دول تانيه زى قبرص واليونان
وإيطاليا الي اصلا الناس ملت منهم علي مدار ٢٠ سنه الي فاتت فالي هو خلاص بقي نشوف حتت جديدة شويه
وتقفل السكه من فوق كده علي نيوم وجدة وتبقي انت رقم١ للسائح واقربلهم
وكل ده بيصب فى مصلحه الإمارات لانها عندها خبرة كبيرة فى النوع ده من الاستثمارات وتعرف تديرة ازاى بصراحة،
وانت مشارك معاهم فى التورته
اولا المدينه دى علي أرضك
ثانيا لما السايح الي فى البحر المتوسط يعوز ينزل من اليخت بتاعه هيلاقي أماكن كتير ينزل فيها مارينا بعددها والعالمين ورأس الحكمه واسكندريه
وبيع بقي وأجر شقق وفنادق وخدمات ودولارات وبدل ما السايح هيشترى او يأجر شقه هناك فى نيوم ولا جدة لانه مل من الدول التانيه ممكن عندك يشترى شاليه او فيلا بنفس السعر
زى ما قبرص واليونان وتركيا عملت واستفادت لفترة كبيرة فى تارخها وقدرت تجذب الناس من ألمانيا وفرنسا وانجلترا والدول دى وبرده سعرك وسعر الخدمات مهما كانت رفاهية هتكون ارخص بكتير بمقارنه بيهم
فأنا اعتقد ان العالمين الجديدة هيترجتوا بيها الفئه المتوسطه من السياح ورأس الحكمه للطبقه الايليت حبتين.
وفى حاجه مهمه جدا الصين دلوقتي ابتدا يرتفع مستوى الدخل للفرد هناك ومتوقع انه هيرتفع السنين الي جايه يعني قوة جبارة وانت عارف الصينيين عينه الروس هههههه فشرم والغردقه مش هتكون كفايه ولا نيوم وجدة هتكون مناسبه ليهم لان العمله بتعتهم مرتفعه وكذالك بقيه الدول علي البحر المتوسط عملتها اعلي من الصين وانت الخيار رقم ١ ليهم بمقارنه بفرق العمله بردة فانت عايز مدن زيهم كده وبرده علشان تجدد والناس متملش ويبقي عندك اوبشنز كتير
ده غير أن المعيشه فى أوروبا وأمريكا حاليا بقت غاليه علي المواطن نفسه الي هو أصلا بيوفر ملمين علشان يقدر يسافر والي فى ناس كتير بقى بند السفر ده مكلف بالنسبة ليهم
فسوق السياحه فى الإمارات هيبدأ يقل
وعلشان كده تلاقيهم ابتدا ينزلوا تأشيرة الشهر لبحث عن العمل
وحته الاعتماد علي السائح الايليت بقي مش موجدي اوى
ف الي بتعمله الإمارات مش بس علشان تنافس السعودية لا الإمارات بتنسخ نفسها او تجربتها فى مكان جديد عندك يعني هتكون موجوده تحت وفوق
وهى أولي من اى دوله تانيه والتكلفة اقل
وبدل متنافس السعودية لا هتنافس الدول السياحيه فى البحر المتوسط
فهى كسبانه من كل الاتجاهات
ويارب يكمل ونشوفه علي خير ونشوف مدينه جديدة فى شمال سيناء يبقي انت كده فشخت الواقع بصراحه
وحزمت السوق زى مابيقوا ههههه