تحياتي لك ياصديقي .
نفس اللي بفكر فيه وهو انه أمامنا حلول كتير بس مش عارف احنا ك هواه بنفكر كده متخذ القرار في هيئة التسليح فكره إيه الله اعلم :
#اولا بالنسبه للقوات البريه .
1-المدرعات متفقين اننا في احتياج لدبابه قتال جديده ومن الاخبار انحصر الاختيار بين الليوبارد الالماني والK2 الكوري .
اي واحده فيهم هتفرق معانا كتير جدا وليكن العدد بين 500-600دبابه .
2-المدرعات ذات الجنزير احنا عملنا تطوير محترم جدا للM113 جعلها قويه وليست تاكسي ميدان للنقل فقط هتجنن ليه التطوير متعممش وخاصه انه محلي واعداد المدرعه بالآلاف.
3-مدرعه تانيه خفيفه وممتازه لو تم التعديل عليها بوضع برج قتالي مع عمل بعض التطويرات الداخليه هتكون ممتازه وهي الpmp .
طبعا النوعين اللي فاتو بالأخص مش هينفع نستبدلهم بحاجه تانيه لان اعدادهم مهوله.
4-محتاجين مدرعه جديده ولتكن البيزارو الاسباني ولو حاجه اقوي ممكن اللينكس الألماني بعدد 600-500 كعدد اولي وتاتي هذه النوعيه كصف اول ويعمل تحتها m113-pmpالمطوره .
5-بستغرب من أصحاب الرأي بإخراج m60 من الخدمه ،دبابه ممكن يتعمل لها تعديل محلي محترم ومش لازم نخترع العجله عندنا الاردن وإيطاليا عندهم تطويرات محترمه وتشتغل مكان المدرعات الشرقي لان الT90 شكلها باي باي .
6- محتاجين تطوير الM1A1لاي معيار اعلي من الحالي بس مش عارف المشكله عندنا ولا عند الامريكان .
##ولكن كل اللي فات محتاج تفكير اقصد المعدات اللي محتاجه تطوير ده بخلاف نوعية الدبابه والمدرعه الجديده لان دول هيكونوا تصنيع مشترك .
إيه موقفنا التقني والتصنيعي لو حبينا نفصص المدرعات بمفردنا او بالتعاون مع بعض الدول الصديقه :
1-اجهزة إدارة النيران .
2-التدريع .
3-الذخائر الحديثه .
4-المدفع ،الجنازير، البرج وباقي الأجزاء.
5- وده الأهم منظومة حمايه ايجابيه ،سلبيه .
6-مش هنتكلم عن المحرك لانه يمكن تدبيره من اي دوله بعيد عن أمريكا.
#هل لو بنمتلك بعض النقاط اللي فاتت هنقدر نعدل علي منظومه زي M1 بعيد عن أمريكا ولا لازم توافق ؟؟؟
7- المدرعات المدولبه شغالين كويس جدا بس ياريت تدخل الخدمه وتتعمم .
#ثانيا المدفعيه .
1- بدخول المدفع K9 هيفرق كتير .
2-اعداد m109 ممتازه ولكن لو ينفع يشتغل عليه ذخاير ذكيه نفس العيار هنعتبره مدفع جديد وسند قوي للk9 .
3- عندنا فكرة اننا نمتلك مدفع مدولب ليه الترقيع مع العيار 130M،122Mاللي عفي عليهم الزمن وليه ميبقاش 155M وعندنا الرائع Alexander الصربي .
4- مشروع صاروخ م/د بخاصية الهجوم العلوي هنا مفيش غير الصين .
5-راجمة صواريخ ثقيله بعيدة المدي وأعتقد بعض الأعضاء اكدوا علي وجود عدة مشاريع +التوسع في تعميم جعل راجمات الصقر موجهه .
#ثالثا الدفاع الجوي .
1- نتمني ان تكون اخبار منظومة الدفاع الجوي متوسط المدي مع دول الخليج صحيحه لأنها هتفرق ف اكتر من 60%لاحلال المنظومات متوسطة المدي العامله بالخدمه.
2- الرادارات اعتقد بدأنا محلي حتي لو دون المستوي هناك بدائل كثيره وبتصنيع مشترك بعيد عن امربكا .
3-يجب إيجاد حلول لمشكلة المنظومات الروسيه العامله بالخدمه لانه واضح انها تعاني من مشكلة التشويش وعيوبها ظهرت في حرب اوكرانيا فما بالنا لو المواجهه مع عدو قوي زي إسرائيل.
#رابعا وده الأهم،القوات الجويه .
1-مشكلتنا مش مع الفالكون بس ،لا هناك الأهم وهي طائرات الحرب الالكترونيه والانذار المبكر .
#الf16شوكه في حلق قواتنا الجويه ،ولكن هناك بدائل يمكن أن تكون اعلي من مستواها تقنيا وتسليحيا زي j10 الصينيه ،ومن تحتها ك مقاتله اخف التيجاس الهنديه .
#مع الاستمرار في جلب مزيد من الرافال والتايفون.
#النقل أمامنا البرازيل ،نقل او تانكر.
#الحرب الالكترونيه ممكن مع ليوناردو وتاليس يخترعولنا حاجه خاصه بينا علي اي منصه طائره ولكن عامل التكلفه هيكون عالي .
#الاواكس ومش عارف دي هنحلها ازاي .
#التوسع في إنتاج الدرونز عندنا صربيا ويمكن اخذ منتجاتها كقاعده لتطوير منتجاتها مستقبلا .
#اخيرا غالبية الحلول اللي فاتت بعيدا عن الفلك الأمريكي وهتنقل قواتنا نقله نوعيه محترمه ،لأنها من مصادر بعيد عنها .
يمكن أن نقدم ونعمل الكثير بعيدا عن الامريكان ولكن لاأعلم من فين التأخير او عدم التفكير في هكذا الحلول .# بحريا ماشيين كويس جدا .
اسف علي الاطاله ياصديقي .
اشكرك ....