بيع عشان تسدد تلال الديون اللي عليك وتنفذ رؤيتك الإبداعية لتطوير المحروسة ونبقي أد الدنيا ومتدورش اتباعت لمين
-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
دعوة للنقاش برأيك هل تقوم الأمارات بدور المُحلل لشراء أصول مصرية ؟
- بادئ الموضوع Mohamed Gamal
- تاريخ البدء
دعوة للنقاش
لست سعودياً لأختص بسؤالك
مصير مصر هيكون نفس مصير اقتصاد تركيا بعد مايتكمل مشروع تملك الاجانب للاقتصاد المصري هيبدا تتدفق عليها استثمارات كبيره ومعاها حزمه ديون لإنشاء بنيه تحتيه تخدم عليها وهتنتهي الحال بان تكون مصر
دوله يملكها الاجانب في الواقع وتحقق معدلات عاليه من النمو الاقتصادي واذدهار التصدير ولكن خيرها من نمو اقتصادها طالع بره اول باول لمن يملكه من الاجانب وشعبها في الواقع خدام للرأسماليه الغربيه والشركات الكبري اللي مالكه اقتصاده. وده مش شيء جديد ..
سبق نفذته امريكا علي دول امريكا الاتينيه في التمانينات والتسعينات
الامارات وقطر هما مقاولان من الباطن للمشروع الانجلوسكسوني في المنطقه
واحد يلعب علي الدول المحكومه بحكومات او ميليشيات اسلاميه
وواحد بيلعب علي الدول للمحكومه بنزعه عسكريه علمانيه والاتنين بيسلموهم للسيد الامريكي ومعهم مقدرات هذه الشعوب وثرواتها لحد باب بيته في واشنطن
دوله يملكها الاجانب في الواقع وتحقق معدلات عاليه من النمو الاقتصادي واذدهار التصدير ولكن خيرها من نمو اقتصادها طالع بره اول باول لمن يملكه من الاجانب وشعبها في الواقع خدام للرأسماليه الغربيه والشركات الكبري اللي مالكه اقتصاده. وده مش شيء جديد ..
سبق نفذته امريكا علي دول امريكا الاتينيه في التمانينات والتسعينات
الامارات وقطر هما مقاولان من الباطن للمشروع الانجلوسكسوني في المنطقه
واحد يلعب علي الدول المحكومه بحكومات او ميليشيات اسلاميه
وواحد بيلعب علي الدول للمحكومه بنزعه عسكريه علمانيه والاتنين بيسلموهم للسيد الامريكي ومعهم مقدرات هذه الشعوب وثرواتها لحد باب بيته في واشنطن
التعديل الأخير:
أي بيع هذا حق يراد به باطل المملكة طرحت 1.5% من أصول أرامكو نسبة لا تذكر
لم تدلل على شركاتها وتستجدي العالم لشراء أصولها بحثاً عن الدولار أملا في سداد جزء هين من ديونها
لم تدلل على شركاتها وتستجدي العالم لشراء أصولها بحثاً عن الدولار أملا في سداد جزء هين من ديونها
أكتب على جوجل كده فضيحة تجسس الأمارات و شوف كمية الأخبار اللي هتطلعلك من دول مالهاش حصر زي سلطنة عمان و الجزائر و اليمن و غزة و خلافه و أغلبيتهم بيتكلموا عن تجسس لصالح الموساد
و أيوه المباني جوا بلدك بس هم اللي هيطوروها و يديروها و أنا كلامي كان واضح و قولت فكرة زرع الكاميرات في الغرف لأبتزاز اشخاص عشان تجنيدهم خصوصآ أن الكلام ده أتقال عن فنادق دبي كذا مرة
السؤال اللي فوق أستنكاري! ردآ على مقارنتك بالشركات الأمريكية اللي تحت أدارة او ملكية يهودية بالشركات الأسرائيلية
لُب الموضوع في باقي الرد
مش منطق اصلا نسأل عن علاقة اليهود و اسرائيل
واسرائيل اطماعها معروفة وقانون التملك اللي أستاذ تأمر ذكره فيه فقرة بتدي وزير الدفاع حق سحب أي أراضي
وبالنسبة للإمارات لو راجعت مشاركاتي هتعرف رأيي فيها وفي تحركاتها
اللي مش فاهمه هو هياج البعض خصوصا ع الميديا وإسراعهم لتصوير مصر بتبيع اصولها وتاريخها
اللي هو ازاي؟ شركة مصرية اشترت ٣٩٪ من ٧ فنادق مهمين في مصر من ١٢٠٠ فندق وجت شركة اماراتية اشترت ٤٠٪ من الشركة المصرية يعني بالأرقام تملك ١٥.٦٪ من ٧ فنادق من ١٢٠٠ فندق في مصر
طب لو بيعنا ال ٧ كلهم…كده مصر بتبيع اصولها؟؟؟
طب ايه هو الاستثمار المباشر؟ ان المستثمر يبني؟ طب ماه بيبني بمليارات!!
اسرائيل هتشغل الامارات لحسابها..طب ايه المفاجأة ماهي دولة وظيفية لأمريكا وبريطانيا اللي شغالين لحساب اسرائيل؟
طب بريطانيا راس الافعى بتستثمر عندك مليارات..الناس معترضتش ليه؟
عشان فيه ناس بيحبوا اللطم..دا مش حب للبلد لان لو بنحب بلدنا نفهم ونعرف قبل ما نصوت بلدنا بتضيع
1- بالنسبة للأمارات نعم نتفق و عارف رأيك
2- أنا ماقولتش مصر بتبيع أصولها بالمناسبة و مش معترض على فكرة الخصخصة من حيث المبدأ لو تم أستغلالها بشكل سليم
الفارق و سبب الأعتراض و التخوف أن بريطانيا مش محسوبة عليك بالنسبة لشعبك بل بالعكس كتير بيكرهوها لأنها المحتل الحقير اللي دمرك أكتر من نصف قرن و نهب ثرواتك يزيد عليه أنهم أجانب في المطلق و المصريين دائمآ عندهم حذر من فكرة أن يكون الأجانب جواسيس بفعل الخبرات المتراكمة لأجدادهم و أباءهم مع تلك النقطة بالتحديد
على عكس الأمارات اللي بتتحرك في الشارع المصري بحرية على أنها منك و أخوة من حيث اللغة و الدين و أقتراب الثقافات و بالتالي مخاطرهم أكبر بمراحل من بريطانيا أو امريكا من حيث أجتذاب المصريين إلى صفوفهم عن جهل من بعض أفراد الشعب تحت مسميات العروبة و خلافه
لازم نتقبل أختلاف وجهات النظر يا أستاذ شكري و أختلاف مستوى الحساسية و التوجس لدى البعض تجاه أمور معينة ماينفعش نقولب الناس أحنا مش أخوان و لا سلفية و لا يساريين و لا شيوعيين عشان نتبع جميعآ فكر موحد و نتبنى نفس الأراء بلا أدنى أختلاف لأن أغلبية الناس هنا غير مؤدلجة سياسيآ من الأساس
بالعكس أختلافاتنا دي كمصريين وطنيين فيها رحمة و مصلحة للوطن لو تم السيطرة على مستوى الحدة في النقاش و حدود حرية الرأي و بينتج عنها أفكار مميزة ناتجة عن الأختلاف في الأراء
و في بعض الأحيان بتلفت نظر المسئولون لثغرات قد تكون غابت عن بالهم من كثرة المسئوليات أو أفكار جديدة لمواجهة شيئآ ما
أو على أقل تقدير بالبلدي ( بتنور في دماغه لمبة ) لشئ أخر ليس له علاقة بالموضوع اللي النقاش داير عنه أصلآ.
مش مختلفين على كل اللي قولته ياغالي
حابب بس اسألك هل العربان مش خطر على مصر؟
طب مخانوش مصر قبل كده؟
طب لو الناس مش عارفه الكلام وبتخانق بدون لا فهم ولا معرفة..يبقى دا ايه؟
الأعراب خانوا مصر قطعآ في عدة مناسبات قديمة أهمها النكسة و من قبلها حرب اليمن و حاليآ مستمرين في الخيانة و التآمر على مصر
لكن الفارق أن مصر علمت أبناءها كل شئ عن المحتليين الأجانب و الأعداء القدامى أمثال بريطانيا و فرنسا و التتر و المغول و الفرس ألــــخ في المناهج التعليمية الرسمية
و على النقيض لم تعلمهم أي شئ عن خيانات الأعراب لها في أي عصر من العصور منذ الفتح الأسلامي و حتى اليوم
و بالتالي قطاع كبير من المصريون يعتبرون كل أخً عربي أخي كما تم تربيتهم عبر أعلام الدولة الرسمي و عبر المناهج التعليمية و لا يرون خطرآ علينا منهم
ألا مؤخرآ بسبب أشتداد التآمر و الخيانة ألتي أصبحت تظهر بجلاء لمتابعي الشئون السياسية و العسكرية و المهتمين بتفاصيل الأمور من المصريين متتبعي أخبار سد أثيوبيا و حرب السودان و التطبيع الأبراهيمي و الأخبار الأقتصادية و خلافه
و اللوم كل اللوم على الأعلام الرسمي للدولة و الأعلام الخاص الموازي للرسمي على عدم تعرية هؤلاء و تقديم كل الأدلة على تورطهم في التآمر على مصر حتى يكون تعاملهم و تحركهم بين المصريين كحركة جاسوس صهيوني متخفي يخاف مصيره بالأنكشاف للعامة!
شوف يا أخ @hawk أنا اللي كتبت الموضوع ده,
و أحنا بندور و بنتكلم عادي و بننتقد و بنهاجم بكل حرية من داخل بلدنا من أصغر مسئول في الدولة حتى رئيس الجمهورية نفسه لأننا شعب أحرار
على عكس بلاد أخرى تقع شرق البحر المعارض أو صاحب الرأي المخالف فيها لا يسلم شر صفيحة المنشار حتى لو كان خارج أراضيها!
استاذ شكرى معلش توضيح بس عشان انت قولت وبالنسبه لقانون التملك اللى انا اتكلمت عنه
كلامك غير دقيق انا اشرت اليك بتعديل قانون تنمية سيناء اللى هو قانون رقم 14 لسنة 2012 بتعديله فى بعض المناطق سنة 2022 من حق الانتفاع للتملك روحت انت جايب فقرة الاخيره اللى خاصه بضرورة موافقة القوات المسلحه
انا اشرت اليك بتعديلات مارس فى قانون التنمية المتكامله شبه جزيرة سيناء عشان تحيط علما ارحع لاشارتى الخاصه بيه
لكن تعديل قانون 143 لسنة 1981 هو ده قانون التملك للاراضى الصحراويه ومافيش شرط موافقة القوات المسلحه وتم تعديل الماده 11 و12 لكن مافهوش شرط موافقة القوات المسلحه على التملك عشان ماحدش يتلغبط وياخد منك معلومه غلط
تحياتى استاذنا العزيز
التعديل الأخير:
كلام غير دقيق ياغالي وزير الدفاع بيحدد المناطق
يصدر وزير الدفاع قرارا بتحديد المناطق الاستراتيجية ذات الأهمية العسكرية من الأراضى الصحراوية التى لايجوز تملكها
ومش عرف شوفت آخر رد في حوارنا ولا لا
يا استاذنا اقرأ كويس وشوفت تعليقك ياريت تقرأ تعليقى دى خاصه بقانون تنمية سيناء قانون 14 لسنة 2012مش قانون تملك الاراضى الصحراويه اللى هو قانون 143 لسنة 1981
قريته يافندم وقولتلك ان استثناء شرم ودهب لا يلغي الآتي وشوف التعديلات بنفسك
وفي جميع الأحوال لا يجوز تملك أو تخصيص الأراضي أو العقارات أو الوحدات بغرض الإقامة أو منح حق الانتفاع أو إجراء أي تصرفات بها عقاريـة أو عينيـة سـواء للمصريين أو الأجانب إلا بعد الحصول على موافقة وزارتي الدفاع والداخلية والمخابرات العامة دون غيرها، ويقع باطلاً بطلانا مطلقا أي عقد يبرم على خـلاف ذلـك ولكـل ذي شأن التمسك بالبطلان أو طلب الحكم به وعلى المحكمة أن تقضى به من تلقاء نفسها.
ايوه بس ده مش قانون التملك ده قانون تنمية سيناء وده اللى بحاول اقولهولك من بدرى عشان تاخد بالك قانون التملك للاراضى الصحراويه قانون تانى اللى هو قانون 143 لسنة 1981 انت جايب فقرة الاخيرة من قانون تنمية سيناء قانون 14 لسنة 2012 وصلت
المواضيع المشابهة
