مرحبا بك في منتدى الشرق الأوسط للعلوم العسكرية

[hazem]

من فضلك, تسجيل الدخول أو تسجيل لعرض المحتوى !

أيوة هل ده سبب أن الدولة متنفذش القانون يبقي أحنا كده بنهزر

بص يا أستاذنا من غير لف ودوران خراب الدولة دي لحد دلوقتي في جهاز السلطة التنفيذية والقضائية

الي بيحصل حاجة من ٢ يا مفيش حكم أصلا علشان المحاضر والورق بيتستف يأما لو في حكم مش بيتنفذ الشعب والسلطة التنفيذية في ما بينهم اتفاق ضمني علي تمرير الفساد ونخلصها بالحب

علشان كده ممكن احسن قانون يبوظ بسبب أمين شرطة

أحنا مش هندفن راسنا في الرمل طبعا مسئوليه الحكومة تنفيذ القوانين

كمية صحابي المصريين اللي اتثبتوا في الهرم متعدش وانا شخصيا اتثبت في النزلة مرة في ٢٠١٧ وربنا نجاني بشخصي باعجوبة

في آخر سفرية شغل في أمريكا بنت كانت قبلها من أسبوعين في مصر والسعودية كان نفسي اسجلكم ال١٠ دقائق اللي بتتكلم فيها عن التجربتين اقسم بالله كنت هعيط قصادها واخر كلمها انها عايزة تعيش في السعودية

الموضوع معروف لأي حد ليه صحاب من برة الأجانب بيتقلعوا ملط هنا وبيتنصب عليهم من أول المرشد اللي بياخد نسبة من بزارات الحسين لحد صاحب المحل اللي بيضرب لهم الاسعار في ٥

وبالمناسبة مش مصر بس كده في حتت تانية زي تركيا بس الفكرة أننا المفروض نحافظ علي دولار دلوقتي لازم إدارة جديدة للملف ده من اول شرطة متعلمة ونظيفة وتساعد والشرطة اللي موجودة تلم العبط اللي بيحصل ده

خد بالك القدرة موجودة بدليل مؤتمر الشباب بتاع شرم البلد كانت زي الساعة في أحنا لما بنعوز حاجة بنعملها بس هو كسل مش اكتر

 

[IRIS-T]

من فضلك, تسجيل الدخول أو تسجيل لعرض المحتوى !

انا عاوز اقولك ان فى صديق برتغالى كلمته يجى مصر سياحه ويشوف البلد
وللاسف حجز فندق في وسط البلد
بقوله ايه انطباعك الاول
قالى انه كان نايم حاسس انه فى كابوس من كتر كلاكس العربيات وانه لحد دلوقتى فى ودنه ومش عارف هينام النهارده ازاى تخيل ده اول حاجه شافها فى مصر فى اول ليله قبل ما نتقابل او افرجه اى حاجه
مع انه كان منبهر بحاجات كتير فى البلد وقالى ازاى بلد جميله زي دى ادارة السياحه فيها بالشكل ده خصوصا لما راح الاهرامات واتعرضنا لمضايقات ولو مكنتش معاه كان زمانه حرفيا بيلعن اليوم اللى راح فيه
فللاسف كلامك فى جزء كبير صح

راح الغردقه بعدها 4 ايام بيقولىمن احلى الشواطىء اللى نزلتها فى حياتى وكان مبسوط جدا

 

[IRIS-T]

انا شايف من وجهة نظرى الموضوع حلوله سهله وبسيطه بس محتاجه اهتمام

الموضوع هيتحل بوجود مناقصات تمسكها شركات خاصه

اولا عمل هوية بصريه كامله للمدن السياحيه عندك وما يتطلبها من فيديوهات ترويجيه وصور عالميه
دعوه مشاهير السوشيال ميديا حتى لو هتدفعلهم فلوس بالملايين نفس الكلام مع ال food reviewers وابراز سياحة الاكل فى مصر لانها من اكبر اسسباب السياحه عالميا دلوقتى
اسناد الحراسه وتامين الاماكن السياحيه لشركه خاصه تابعه لوزارة الداخليه ( افراد الامن مش بالضروره يكونوا افراد شرطه ولازم يكونو ع قدر ما من اللباقه والاناقه واجاده اكثر من لغة ويقدرو يساعدوا السياح )
اصدار قانون قوي وصارم لاى حد يتعرض لسائح او يتحرش لفظيا
اسناد ادارة الاماكن السياحيه الكبيره لشركات خاصه وتوفير جميع الصلاحيات
انا شايف ان سياحة الاثار دى مع الوقت بتقل
والسياحه دلوقتى سياحه ترفيهيه وسياحه الاكل فى المقام الاول تخيل بقى عندك ترفيه واكل قوى واثار مش موجوده فى حته ف العالم ودخلك من السياحه بالشكل ده
حاجه تزعل ​

 

[dantedilemma]

من فضلك, تسجيل الدخول أو تسجيل لعرض المحتوى !

استاذي الفاضل الكلام ده بيتقال من غير ما حتى الدولة تعمل اي حاجة سواء عملت او معملتش هيتقال وبيتقال، لو فضلنا نسمع لكل اللي بيتقال ده مش هنتحرك خطوة واحدة، لازم قطع العرق وتسيح دمه لان كل سائح بيروح لدولة تانية في جوارك او بيمشي من عندك غير راضي يبقى خسارة كانت المفروض في جيبك، ونفس الشخص اللي هيقعد ينظر ده هينظر علي الاقتصاد ويقول لك ضعيف ومفيش فلوس والحوارات ديه، احنا بنشتغل عشان الوطن مش عشان فئات طالما مش بنضر بيهم فعليا لكن جو اللطميات ديه مش بياكل عيش
توضيح هام كلامي للفئة ديه وعنهم مش عن حضرتك

 

[dantedilemma]

من فضلك, تسجيل الدخول أو تسجيل لعرض المحتوى !

انا ضد استغلال القطاع الخاص بالقدر العملاق ده
في اساسيات لازم تظبطها في جهازك الاداري و جهازك التنفيذي لانك لو معرفتش تظبطهم يبقى ايه فايدتك حكومة او فائدة الوزير المعني بالامر؟
يعني وزارة الداخلية سهل جدا عليها انها تحط شروط معينة لانتقاء طباط السياحة وسهل جدا ان يكون تأمين المناطق السياحية من الامن العام كونك مش هتعرف تطبق ده علي ارض الواقع يبقى السلطة التنفيذية عندك فاشلة ومحتاجة مراجعة
سهل جدا علي وزارة الاتصالات تعمل برنامج كامل الكتروني للمناطق السياحية وغيره

سهل جدا زي ما بيتم زيادة الضرائب ومشروع القانون بيتطبق علي طول يتم انشاء مشروع قانون خاص بحماية السائح طالما مش بيخالف الاداب العامة والقوانين

الموضوع مش محتاج القطاع الخاص بالشكل العنيف ده الا لو كان عندك اصلا اساسيات، القطاع الخاص ممكن يدخل شريك في الفنادق في منتجعات في حدائق ترفيهية يدخل في قطاع النقل يدخل في شركات سياحة لكن انك ترمي كل حاجة للقطاع الخاص يبقى انت ايه دورك كدولة انك مش عارف تدير امورك؟

 

[dantedilemma]

من فضلك, تسجيل الدخول أو تسجيل لعرض المحتوى !

تسلم راسك وايدك يا استاذي، ده حقيقة اغلب الفساد بيكون في الجهاز التنفيذي من حفظ المحاضر لغيره، القضاء في اكثر من درجة تقاضي تقدر تطعن فيها وتقدم دفعوك.

لو السلطة التنفيذية مش قادرة تطبق القوانين وفشلنا في الجزئية ديه يبقى البقاء لله فيه وفي الحكومة.

 

[hazem]

من فضلك, تسجيل الدخول أو تسجيل لعرض المحتوى !

أصلا سبب اساسي من اسباب إعتماد الرئيس علي المؤسسة العسكرية هو ده أن مفيش انضباط في اي جهة تانية للأسف

حتي القطاع الخاص اتعلم اللف والدوران الموضوع مسمع من أصغر ملف لأكبر ملف مش سياحة وبس

أنا كنت عاذر الدولة أيام الإرهاب بس من ٢٠٢٠ مفيش مبرر الصراحة أن الحياة تستمر بالشكل ده غير الكسل مش لاقي كبرر خالص

دي حاجات بسيطة وتتلم في شهور يجيبوا دفعة من كلية السن مع اوئل كلية حقوق وياخدوا دورة ٦ شهور ويتبدوا بيهم في الهرم والحسين ويجربوا وبعد كده التجربة تعمم ونزود عليها

إنما استمرار الوضع كده غريب الحقيقة ومش مريح خالص

وبرضه علشان نبقي منصفين دي تركة من تركات الماضي بس خلاص جه وقت ولازم حل

 

[dantedilemma]

من فضلك, تسجيل الدخول أو تسجيل لعرض المحتوى !

ده حقيقة ده قنبلة موقتة معانا وغصب عننا وانا صراحة اتعاملت علي المستوى الشخصي مع الجهاز التنفيذي والجهاز القضائي وتجربتي الشخصية الاقدر احكم من خلالها ان اغلب الفساد بيكون في الجهاز التنفيذي وده لا يعني ان الجهاز القضائي مفيهوش فساد فيه طبعا لكن مش بقدر الجهاز التنفيذي وزي ما حضرتك قلت ممكن واقعة عمر القضاء ما يسمع بيها لمجرد انها وقفت عند امين شرطة فاسد
وحتى اغلب امناء الشرطة ورجال الشرطة ولا يعرفوا القانون من أساسه ومجرد بيمارسوا، زي اما تجيب سباك متعلم الصنعة من ابوه وهكذا
بجد مش عارف ليه الصبر علي ده كله؟

 

[الباز أفندي]

 

[الباز أفندي]

 

[الباز أفندي]

 

[الباز أفندي]

 

[الباز أفندي]

 

[الباز أفندي]

 

[dantedilemma]

حقيقي مشفتش اسوء من الناس ديه، الفيديو عبارة عن تلاتة سياح من جنسيات مختلفة ومعاهم مصري حاصل علي الجنسية الامريكية قرروا انهم عايزين يركبوا عجل من اول القاهرة لحد دولة جنوب افريقيا وناشرين فيديو لرحلتهم خلال مصر، الفيديو طبعا بيتضمن اسلوب في منتهى القذارة في تعاملهم، انا اول مرة اشوف الشرطة في قمة الاحترام والادب ده، الشرطة معملتش معاهم اي مشاكل وشرحوا لهم ان الموضوع مش امان لان طبعا كلنا عارفين ان لو اي سايح حصل له حاجة بيحصل ايه للسياحة وسفارتهم بتطلع تعمل لنا حوارات لكن اصروا انهم يركبوا العجل بتاعهم لحد جنوب مصر والشرطة اضطرت كل يوم تصاحبهم بعربيات وموتوسيكلات عشان تأمنهم والسياح مصرين يمشوا من طرق زراعية وسط القرى عشان يهربوا من الشرطة، حاجة في منتهى القذارة والقرف منهم بصراحة، غير انهم بيتعاملوا مع الشرطة كانهم عبيد عندهم.

 

[Shokry]

من فضلك, تسجيل الدخول أو تسجيل لعرض المحتوى !

فيديو حلو جدا

 

[dantedilemma]

من فضلك, تسجيل الدخول أو تسجيل لعرض المحتوى !

من ناحية ايه يا شكري؟

 

[Shokry]

من فضلك, تسجيل الدخول أو تسجيل لعرض المحتوى !

مبهج وواقعي

 

[dantedilemma]

من فضلك, تسجيل الدخول أو تسجيل لعرض المحتوى !

مش عارف انا شايف ان اسلوبه كان فيه كمية من الاستحقاقية مريبة وتهجم بنسبة كبيرة على الشرطة
يعني الفيديو عبارة عن ٢٨ دقيقة من انه عمال يتهجم علي اسلوب الشرطة وعلى الاجراءات ودقيقتين في الاخر بيقول انا فاهم انهم بيعملوا كده عشان السياحة والكلام ده وبرضه في الفيديو روج لفكرة ان سينا لسه فيها ارهاب وان الحدود الغربية فيها ارهاب

 

[Shokry]

من فضلك, تسجيل الدخول أو تسجيل لعرض المحتوى !

يمكن عشان شوفت الشرطة في اوروبا ومساوئهم مش متضايق لدرجة كبيرة من الشرطة المصرية

ومثالي هنا ان فيه كذا حد اتنصب عليه في المانيا والناس معاها ارقام الحسابات البنكية واسماء النصابين ومحدش جابلهم حقهم بجانب انك لو كلمت البوليس في المانيا بصيغة انت مش حضرتك ممكن يحبسك لان فيها عدم احترام..والواد هنا مكانش بيتكلم بكل احترام وطبعا مفهوم انه متضايق

بالنسبالنا مقتنع ان كل كوادر الشرطة محتاجة تأهيل ونظامها عقيم

لكن مش هبقى انا الفيلسوف اللي عايز كل حاجة مثالية..كل اللي هتمناه ان الريس ربنا يقدره ويغير للاحسن في ملفات كتير

لانها مش مشكلة الشرطة بس..السياحة كمان والتعليم والصحة وعد زي ماتحب