•• كيفين هارت والمركزية الأفريقية رسميًا في مصر ••
الدولة المصرية الفترة دي بتشهد تزايد كبير جدًا وملحوظ من دعاة المركزية الأفريقية (الأفروسنتريزم) ومجيئهم لمصر واللي بدأوا يعلنوا عن نفسهم صراحة بدون أي خوف أو قلق جوة الأراضي المصرية تمهيدًا لخطوتهم الجاية والتصعيدية..
الأول كانت ناعومي كامبل الموديل المشهورة في عرض الأزياء ديور واللي صرحت إنها بلدها وحضارتها وأجدادها بشكل مباشر من قدام الأهرامات ومرت مرور الكرام محدش وقفها حتى بتصريح ينفي كلامها.
وحاليًا "كيفن هارت" الممثل الأمريكي من أصل أفريقي جاي عندنا مصر في جولة وعرض له وكله تحت أعين المسؤولين المصريين بدون وعي وإدراك للكوارث والأفكار اللي بيحملها شخص زيه..
كيفن هارت من أكبر الداعمين للمركزية الأفريقية وشايف إن التاريخ الأفريقي مهدور حقه ومزور، في سبيل ده يوم ٤ نوفمبر اشترت شركة هارتبيت المملوكة للممثل "كيفن هارت" حصة ملكية في شركة بلاك ساندز / الرمال السوداء وقرر انتاج نشر كرتون للأطفال اسمه "Guide to black history" واللي فيه بيعلم الأطفال الأفارقة واللي من أصل أفريقي تاريخهم "الحقيقي" علي حد زعمه وإنهم كانوا ملوك مش عبي.د زي ما بيتم تعليمهم..
كيفن هارت مصر هتستضيفه يعمل عرض من عروضه الكوميدية رغم انه بيساهم في فبركة التاريخ المصري وكونه لا يحترم المصريين ويراهم غزاه عرب طردوا المصريين "الأصليين" من بلدهم..
فمناشدة للمسؤولين إن مكنتوش هتمنعوا المهازل دي بحق الشعب المصري في ظل ما الدولة المصرية متصدرة باسم العرب والعروبة فعلي الأقل لا بد من تصاريح رسمية من جهات رسمية تنفي كلامهم بشكل دايم ومستمر..وإلا فإحنا متجهين لما هو اسوأ..
والأسوأ هو مشروع أصحاب فكر المركزية الأفريقية المسمى ب"إمحتب" وتفاصيله المشروع ده وخطتهم تخلي أي حد يقشعر من اللي مخططينه لمصر والمصريين خلال العقد الجاي..تفاصيل أكتر في بوست منفصل.
ده الإعلان عن عرضه..خشوا أبدوا رفضكم بالمصادر وبدون عنصرية لأنها مرفوضة:
#القومية_المصرية
#الهوية_المصرية
#المركزية_الأفريقية
#وعي_مصر