منذ ساعات تم قتل احد افراد امن الحراسات الخاصه من حراس (القنصليه الامريكيه) في (مدينه جده السعوديه) في هجوم مسلح على احد نقاط الحراسه في القنصليه الامريكيه
عايزكم بقى تشوفوا تعامل اعلام الاخوه العرب واعلام وقنوات السعوديه والأخ عموره الجعوره مع الحادثه دي وقارنوها مع تعاملهم مع أي حادث تافه في مصر أو أي حاجه سلبيه تخص مصر
قناه العربيه الاخباريه وقناه العربيه الحدث (وهما المتحدث الاعلامي الرسمي للسعوديه) اللي من يومين كانوا عاملين بث مباشر لمده ساعات عن سقوط عماره اسكندريه طوال النهار ومن موقع سقوط العماره وعموره الجعوره كمل الهبد في نفس الحادثه بالليل نفس ذات الإعلام ونفس القنوات دي في تعاملهم مع عمليه الهجوم المسلح على القنصليه الامريكيه في جده يعني على أرض السعوديه يادوب كل اللي عملوه وقالوه عنه مجرد خبر مقتضب جدا وصغير جدا كتبوه بشكل عابر على شريط الاخبار في قناه واحده بس لدرجه انك ممكن ما بتاخدش بالك اصلا من الخبر ولا فيه بقى بث مباشر من مكان الحادث ولو حتى صوره لمكان الحادث ولا فيه عشره عشرين محلل قعد يهبد في دوافع وأسباب الهجوم ولا في اي حاجه من اللي بيعملوها في اي خبر يخص مصر لو حتى حادثه ميكروباص مع توكتوك !!!!!! وطبعا الاخ عموره الجعوره حين يطل علينا بسحنته البهيه عبر برنامجه لن يجرؤ انه يجيب سيره اطلاقا عن الموضوع كله
ليه بقى احنا مستباحين إعلاميا قوي كده واي حاجه تخص مصر واي حدث في مصر بقى من حق أي حد واي برنامج واي قناه من اعلام الاخوه العرب يهبد فيها وكآن مصر دوله مالهاش اهل ولا ليها أصحاب وليه احنا مش بنتكلم إعلاميا عن أي حاجه بتحصل في بلاد الاخوه العرب زي ما هما بيعملوا معانا ؟؟؟ اهو على الاقل يحسوا على دمهم شويه ويعرفوا ان قله ادبهم الاعلاميه مع مصر هيكون ليها رد مصري او على الاقل نمشي معاهم بطريقه سيب وانا اسيب
طبعا مش محتاج اقولكم ان كل الإعلام المصري بربطه المعلم لن يجرؤ علي ذكر حادث الهجوم على القنصليه الامريكيه في السعوديه وطبعا صمت الإعلام المصري على اساس اننا في أيام عيد وكده وبتاع !!!! وعلى أساس اننا ما ينفعش نزعل مننا الاخوه العرب