الكلام يا صديقي على ان في الشق الجوي هيكون احد الخيارات الاتية ( الاف ١٦ فايبر او الاف ١٥ او التايفون ) مع زيادة عدد الرافال وانا رأيي الشخصي انه الأقرب للواقع هو الاف ١٦ الفايبر
لان مثلا التايفون بيتم انتاجها من كونسورتيوم فيه برطانيا واي دولة من الدول لها حق رفض التصدير زي ما حصل مع السعوديين من الالمان
وتاني جزئية هي ان الامريكان عمرهم ما هيدونا الاف ١٥ بالمواصفات الاحنا حبينها
ولان الامريكان برضه لسه موقعين على عدد ضخم من الاف ١٦ فايبر سواء كشراء او تطوير للأتراك واليونانيين الاف ٣٥ فإذا صح كلام محمود جمال الخيار المنطقي الوحيد هو مثلا صفقة ٢٤ فايبر مع تحديث عدد من القديم عندنا ولو اني اشك اننا هناخد اي حاجة من الامريكان أصلا غير دعم فني وقطع اخرى خاصة بصفقاتنا زي ما اخدنا المحركات الخاصة بالميكو من المعونة
اما بالنسبة لل FA50 الكوريين دايما متعبين مش من ناحية التمويل من ناحية اننا بنحاول نحصل على اعلى قدر من التصنيع المحلي وهم بيقفلوا دماغهم واغلب الظن برضه وديه مش معلومة ان الموضوع هينتهي في معرض الصناعات الجوية والله اعلم