## والله ياصديقي انا مش مطن وخاصه الفترة الحاليه والقادمه،لعدة اسباب حقيقي وعندي هواجس ملهاش اخر.
ونفسي ربنا يكرمنا ونشوف حالنا بعيد عن الامريكان ...
## يعني مثلا مصر فعلا أمام فرص ذهبيه وليس فرصه واحده ،وخاصه في مجال نقل التقنيه وهناك اكتر من دوله يعني البرازيل وصربيا وعندهم نواقص احنا محتاجنها وهم متساهلين في نقل التقنيه عكس الصين مثلا .
## يعني من الهواجس اللي في دماغي بعد العلاقات والزيارات المتبادله مع بيلاروسيا بعد اكتر من 3 سنين تقريبا وبعد الآمال اللي حطيناها في مجال التعاون العسكري ،طلعنا بمحصله صفريه رغم انهم برضوا متساهلين في نقل التقنيه وعندهم نواقص تنفعنا زي منظومه الدفاع الجوي متوسطة المدي buk mواللي في حال الحصول علي تصنيعها محليا كنا نقدر نخرج كل بطاريات Sam 2علي الاقل ولكن ؟؟؟؟
## نفس الفكره مع الإمارات وخاصه في مجال الذخاير الذكيه وبالاخص نظم ومجموعات التوجيه للذخاير القديمه مثل قنابل mk الامريكيه ..
## نفس الفكره عندنا جنوب افريقا ،كل دي فرص لو اشغلتنا عليها هتنقل القوات المسلحه نقله نوعيه جباره ،وبعيد عن الامريكان .
# النقطه التانيه واللي قالقاني لان ظهرت بوادرها الفتره الماضيه وهي التضييق علي امتلاك مصر قدرات جويه قويه حتي علي مستوي الإقليم، يعني لو عملنا سرد كده:
1- صفقة su35 كلها مشاكل سياسيه وضغوط وكل شويه كلام آخرها اليوم وهي حصول الجزائر علي عدد منها .
2- صفقة التايفون مماطله من الطاليان.
3-الرافال ومش هنعرف نزود اعداد علشان انشغال خطوط الإنتاج لفتره طويله قادمه .
4- الmig 29 وهي من افض الصفقات التي أراها ناجحه ومفيده لنا مشكلتها الرادار ،وغالبا مش هنعرف نرفع اعدادها بسبب المشكله الروسيه الاوكرانيه.
5-مفيش مستقبل لاسطول f16 لأننا اكتوينا بنار الامريكان حتي لو طوروها، هيتحكموا في الزخاير.
## كتير بشوف تعليقات تقلل من امكانيات سلاح جو زي السعوديه رغم اننا لانمتلك حتي جزء صغير من كميات الذخاير الذكيه اللي بيمتلكوها ، ده غير الأسطول الضخم من f15 غير طائرات الدعم بالوقود والاواكس ...
## مؤخرا انتشرت اخبار عن امتلاك السودان للرائعه J10 حتي لو نسخه تصديريه بشوف تعليقات سخيفه زي تقليل مدي صاروخ من 200km ل145km حتي بعد التخفيض يظل ابعد مدي من ابعد صاروخ نمتلكه هلي الرافال وال mig .
## حقيقي كل يوم بفتح صفحة المنتدي بأمل نفسي بخبر عاجل عن صفقه جويه او صفقة نقل تقنيه ،بس بلاقي الدنيا متوقفه وخايف اكتر بسبب الظروف الاقتصاديه..
## مجرد هواجس في دماغي مش عارف هل ممكن نلاقي حلول والدنيا تطور ولا هنفضل كده ...
اسف علي الاطاله ياصديقي .
اشكرك ...