مرحبا بك في منتدى الشرق الأوسط للعلوم العسكرية

[Nile Crocodiles]

من فضلك, تسجيل الدخول أو تسجيل لعرض المحتوى !

بالفعل ايران واقع ومن الصعب تغييره لذلك يجب التعامل مع هذا الواقع بما يحقق اهدافك في النهاية.........انت فتحت صدرك امام ذراع واحد من اذرعها ولم تستطع ان تحقق اي هدف لك والان بتحاول ان تلم الموضوع علشان تخرج باقل الخسائر وليس بمكسب واحد حتى........

تقديرات الموقف الخاطئة والغرور بيقودوا اي انسان الى السقوط والهزيمة لكن الذكي هو من يستفيد من اخطائه ويصححها
تحياتي لك استاذي

 

[sasa555m]

من فضلك, تسجيل الدخول أو تسجيل لعرض المحتوى !

 

[Vlad the Impaler]

وتستمر حلقه الردح ما بين النظامين
حاجه بترجعنا للأيام الجميلة بتاعت القذافى وحافظ وصدام ومحور المقاومة الجميل ، مش فاضل غير أن mbc تشغل اغنية البلحة نور شال فنرد عليها على إذاعة CBC بيا سنية هانى المنشار

 

[Shokry]

من فضلك, تسجيل الدخول أو تسجيل لعرض المحتوى !

مش فارقة هي قطرية ولا كويتية لانها في الاغلب انجليزية وبتركب الترند

 

[SU35EG]

من فضلك, تسجيل الدخول أو تسجيل لعرض المحتوى !

انا بس عاوز أسال سؤال

طبعا بغض النظر إن فية مصريين خو.. آت وسطنا وبيسمحوا بالاهانات لرأس السلطة في مصر لأنو من الأساس البيت مسوس وفية ما فية

هل بقي السيسي عملهم حاجة وحشة بتوجع ومحاسبهمش ؟

أشك ​

 

[Shokry]

من فضلك, تسجيل الدخول أو تسجيل لعرض المحتوى !

 

[Vlad the Impaler]

احمد قذاف الدم المبعوث الشخصى للقذافى لما كان فى مصر وحب يلعب بديله نزله عمود من الاستاذ صلاح جاهين فى الاهرام "الجريدة الرسمية" قعد يرفص ومعرفش يعمل حاجة وراح لمبارك كان عاوز يفصله وينزل اعتذار ليه واخرتها كتب مقال يدافع فيه عن نفسه فى نفس الجريدة لما معرفش يعمل حاجة وراضوه زى العيل الصغير ولما رجع ليبيا وحب يعمل مشاكل هناك نزله 3 صفحات فى الروزاليوسف وكاركاتير وسكت ومسمعناش صوته من ساعتها.
جيرانا الناحية التانية من البحر حبو يقلدونا وعملو لضحية حادثة المنشار قناه يدافع بيه عن ارض الحمى و ولما حصلت نفس العركة بتاعت 2016 وطلع يدافع عن الوزير اللى شالوه اتقرص وفضل كام اسبوع ساكت لغاية ماساب البلد وهج
الناس اللى الماسكة ملف الاعلام فى مصر اليومين دول لسه ورعين خضر وواضح انهم مش قد المقام فيا يسيبوه ييشدوا حلهم معانا شوية

 

[Vlad the Impaler]

من فضلك, تسجيل الدخول أو تسجيل لعرض المحتوى !

للناس المعاصرتش العهد الجميل فكان بيتفرد الاذاعات العربية بالشرشرحة من تحت الحزام عن طريق اذاعات الاغانى التى بها اسقاطات على رؤساء الدول والملوك
فعلى سبيل المثال "يا صبحة هاتى الصينية" و "صبوحة خطبها نصيب" اسقاطا على صبحة والدة صدام حسين التى كان يطلق عليها ام المجاهدين.
واغنية "ام سليمان" وكان يرمز لزوجها على انه حافظ الاسد.
و اغنية "البوسطجية اشتكوا من كتر المراسيل" و"يا بتاع البوسطه" نكاية عن والد عبدالناصر انه كان بوسطجى

 

[مرمبتاح]

 

[مرمبتاح]

من فضلك, تسجيل الدخول أو تسجيل لعرض المحتوى !

و اغنيه من يجري يقول بتاعه ذكري تمويل القذافي وكتابه شاعر يقال القذافي بس في الواقع هو الشاعر الليبي علي الكيلاني
و
السبب الظاهري رفض السعودية دخول حجاج ليبيين الى اراضيها
ولكن الواقعي هو اختلاف السياسات الكلي والتوجه
..
الردح كان بشياكه واحترافيه حتي انتج اغاني جميله

 

[Shokry]

من فضلك, تسجيل الدخول أو تسجيل لعرض المحتوى !

الله يرحمها وينتقم من المجرمين اللي قتلوها
بس تحس ان ساعتها اللي ماسك الملف كان معلم مش منشار

 

[Aymanop1522]

من فضلك, تسجيل الدخول أو تسجيل لعرض المحتوى !

ايمن السويدي جوزها هو الي قتلها

 

[مرمبتاح]

من فضلك, تسجيل الدخول أو تسجيل لعرض المحتوى !

احقاقا للحق اللي قتلها مش سعوديين وجوزها كان ليه سوابق وكان تخصص فنانات وهو زوج حنان ترك ايضا

 

[s e t]

الغريب ان فيه مصرين لسه مقتنعين يالرباعى

 

[s e t]

 

[s e t]

فيه خناقه بين السعوديه والامارات ....السعودين اتحولو ونازلين شتيمه فى الكل

 

[s e t]

 

[s e t]

 

[s e t]

 

[Atum]

الرئيس السيسي: سياسة مصر قائمة على التوازن والانضباط.. علاقاتنا طيبة مع جميع الدول ولا يليق أن نسيء لأشقائنا أو ننسى مواقفهم الداعمة لمصر وفين "لاتنسوا الفضل بينكم".. يطمئن المصريين: السلع موجودة وليس بها مشكلة​

​

شهد الرئيس عبدالفتاح السيسى، صباح اليوم الخميس، افتتاح المرحلة الثانية من مصنع "سايلو فوودز" للصناعات الغذائية بمدينة السادات فى محافظة المنوفية.

وشدد الرئيس السيسى، على الاستعداد الكامل لجهاز الخدمة الوطنية للشراكة مع القطاع الخاص، مؤكدا أن الدولة لديها استعداد تام للشراكة أيضا مع القطاع الخاص بكل مؤسسات وشركات القطاع العام، معلقا: " الامر ده متاح علشان يصل لكل الناس واللى عنده استعداد يخش فى شراكة مع الدولة".

وأضاف الرئيس السيسي: "منزلين شركتين للأطروحات ومستعدين ننزل كل الشركات"..."لما اتكلمنا عن الوجبات المدرسية كان العدد المستهدف معين ولما اشتغلنا زدنا 2 مليون".

عن منظومة التغذية المدرسية، قال الرئيس عبدالفتاح السيسى، "إن منظومة التغذية المدرسية مستقرة ومؤمنة.. ومفيش مشكلة فى الكلام اللى كان قبل كده.. بنحاول تكون عناصر التغذية مناسبة لسن الطلبة وعاوزين نحسن مش باكو بسكوت بس".

واصل الرئيس السيسي: "إذا كنا عاوزين نحقق توازن فى أسعار المنتجات الغذائية لكل المواطنين محتاجين يكون عندنا عدد أكبر من الكمية المطروحة.. والمنتجات بتبقا طبقا لمواصفات ومعايير الصحة العالمية وهيئة سلامة الغذاء.. ولا يمكن إقرار أى شركة والتعاقد معها إلا إذا تم إقرارها من هيئة سلامة الغذاء".

وجه الرئيس السيسى، رسالة طمأنة المصريين، حول استقرارالمخزون الاستراتيجى للسلع مدة 6 أشهر، رغم الأعباء المالية الكبيرة.

قال الرئيس السيسي: "مش عاوزين نتكلم فى موضوع الأكل كتير فى التليفزيون.. ميصحش.. الحاجة موجودة واحنا شفافين جدا معاكم وصادقين جدا وبنقولكم كل حاجة.. موسم القمح والرز والبنجر والقصب ده معناه حتى لو انت شايف 4.5 شهور للقمح ده معناه أن الإنتاج القادم ده بيسلم ده ومحافظين على 6 شهور.. رغم أن ده بيكلفنا أعباء مالية.. ومعناه حجز فلوس لمدة 6 شهور.. يعنى بشترى وأحطهم فى المخازن.. ده اللى احنا بنعمله وتكلفة كبيرة جدا فى ظل اللى بيحصل فى العالم كله.. لكن لا باس مستمرين على موقفنا رغم الظروف الاقتصادية الصعبة اللى بتقابلنا".

قال الرئيس السيسى، إن مصر تستورد 2.5 مليون طن زيت طعام، وهذا الرقم يمثل نسبة 90 % من حجم احتياجات الدولة، مضيفا: "بنستورد 2.5 مليون طن زيت وده اكتر من 90 % من احتياجاتنا وشغالين فى خطة لزراعة 52 ألف فدان فول صويا.. والعام القادم 500 ألف فدان فول صويا لزيادة حجم إنتاج الزيت من فول الصويا.. وعلشان الفلاح المصرى يستفيد بدل ما بنشتريه من بره".

وأضاف الرئيس السيسي: "متنسوش أن البلد خلال 40 سنة زادت بنسبة كبيرة جدا.. وكمان الدولة مقدرتش تعمل خطط وتنفذها تجابه بها هذا النمو الكبير".

طمأن الرئيس عبدالفتاح السيسى، جمع المصريين، بتوافر السلع قائلا: "أطمئن الجميع بأن السلع موجودة ومفيش فيها مشكلة، والأزمة اللى مرت علينا خلال 4 شهور أن شاء الله متجيش تانى، ونكمل طريقنا بشكل أفضل مما كنا عليه".

أضاف الرئيس السيسي: "بس الدكتور على مصيلحى مش قادر يسيطر على الأسواق وده كلام مهم يا دكتور على، والبرلمان كلموك فى الموضوع ده، وده كلام مهم صحيح بس عاوز أقولكم النهاردة بيتكلم تبعه هو 30 ألف منفذ غير منافذ القوات المسلحة ووزارة الداخلية يخش فى 40 ألف منفذ ده علشان يحاول يخفف من حجم الأزمة الكبيرة اللى بنتكلم فيها على مستوى العالم.

واصل الرئيس: "لو تصورتوا كدولة سواء التموين أو الداخلية تقدر تقوم بدور وتسيطر على ده ده صعب لكن احنا كمواطنين لو لقيت المحل ده غالى متشتريش منه ونبقا ادناهم الدرس طالما بتغلى فى أسعارك اكتر من غيرك بلاش منها خالص مع جهد الرقابة فى التموين ووزارة الداخلية.

ومازح الرئيس الداخلية قائلا: "مش مستريح كل يوم وزارة الداخلية تطلع مسكنا ومسكنا، مطلع شكلنا وحش قوى كل يوم فى النشرة يقولك مسكنا معرفش كام واحد، ما تمسكهم وخلاص".

أكد الرئيس السيسى، أن سياسة مصر تتسم بالاعتدال والتوازن والانظباط الشديد تجاه الجميع فى الداخل والخارج، مضيفا: "عاوز أقول بتابع مواقع التواصل وبشوف أنه ساعات حماس زيادة أو حتى أقول تجاوزات فى الكلام مش بتكلم عن موضوعات محلية بتكلم عن موضوعات خاصة بعلاقتنا مع أشقائنا وده أمر ننتبه إليه كويس".

أضاف الرئيس السيسي: "ارجو اننا نخلى بالنا بتعكس مدى فهمنا ومدى تقديرنا للعلاقات مع الأشقاء وبالتالى لما يبقا فيه موضوع يتم تداوله بدون أساس وملوش خلفية بنعقد ونتكلم أمور قد لا يكون لها أساس من الصحة طيب ليه؟.. هنمشى وراء بعض المواقع المغرضة اللى عاوزة تعمل فتنة بينا وبين الأشقاء.. أقل حاجة نعملها نسكت أن مكوناش نقول كلام طيب نسكت.. حتى وسائل إعلامنا اللى احنا مش نبتدخل فيها..احنا مش بنكتب الا دايما لصالح تحسين ودعم العلاقات مش العكس علاقتنا طيبة بالجميع وده منهج ماشين بيه مش النهاردة ومنذ توليت المسئولية ده مسار بننتهجه كدولة حتى فى الأزمات والخلافات الكبيرة".

تابع الرئيس السيسي: "احنا دايما مفيش تصريحات سلبية ومنظبطة جدا وميصحش نسئ لأشقائنا ومننساش وقفة اشقاءنا معانا.. لو فيه ازمة انا أطول لسانى وأقول كلام مش مظبوط ده كلام لا يليق ابدا..فين لا تنسوا الفضل بينكم.. لما نعمل كده كمواقع تواصل وبعض المقالات اللى اشوفها مع أشقائنا فى المملكة العربية السعودية أو أى دولة أخرى.. لا لا احنا حريصين وده توجه دولة وأرجو كمواطنين ننتبه أن احنا لا ننساق وراء مواقع تريد الفتنة بيننا وعلاقتنا طيبة بالجميع وحتى فى أصعب الظروف.. ومش عاوز أقول أسماء دول لأن الأمور كلها تجاوزناها وكنت عارف كده ولو كان فيه خلاف مع دولة شقيقة خلال السنين اللى فاتت، كنت عارف إننا هنتجاوزها، حتى الأزمة مع إثيوبيا فى سد النهضة بتلاحظوا إننا مابنقولش كلمة واحدة تسيئ.

أكمل الرئيس: "مكوناش نقول حاجة جيدة منقولش ولو مش هنبنى منهدش أرجو ناخد بالنا قوى وارجو مواقع التواصل وساعات بلاقى بعض الزملاء فى الإعلام لو فيه خط وتصريح هنقوله كدولة بشكل رسمى ولو مقولناش ده يبقا الأمور ماشية طيبة..طيب يبقا نبنى ونسئ ولا نحسن ونخلى بالنا يعني".

وتقع "سايلوفودز" فى مدينة السادات بإجمالى مساحة تبلغ 346 ألف متر مربع تقريبا، تشمل عددا من المصانع على أحدث طراز يستخدم فيها أحدث التقنيات والمنشآت الصناعية عالية التقنية، كما تضم مساحة واسعة للتخزين والتى يتم إدارتها بمنظومات عالمية هى الأكثر تطورا من كبار الموردين الدوليين، وتشمل أيضا 14 صومعة للحبوب، ومجمع طباعة شاملا لتغليف المنتجات الصديقة للبيئة لضمان تلبية متطلبات كل مستهلك لمنتجات صحية وعالية الجودة وآمنة.

​