مصر بتعصرهم عصر
-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
هام زيارة وزير الدفاع الهندي لمصر
- بادئ الموضوع Shokry
- تاريخ البدء
هام
- إنضم
- 18 نوفمبر 2021
- المشاركات
- 4,633
- مستوى التفاعل
- 23,626
- المستوي
- 4
- الرتب
- 4
طب ليه وزير الدفاع الهندي هو اللي جه مش احنا اللي روحنا وليه بيسلم بالشكل الاخر دا واحنا باردين معاهم؟
اظن أن مصر لا تريد الاتفاق مع دول لو سخنا شوية في الشغل ممكن نلحقهم في سنوات قليلة ، احنا عايزين افضل ما لديهم فأظن الاتفاق علي شي سيأخذ وقت للانتقاء و التجربة
هما بالفعل عارضين كل حاجة تقريبا
ممكن الموضوع المادي او نقل تكنولوجيا معينة هو اللي مخلينا تقلانين عليهم لاننا قدامنا عروض من كوريا اللي افضل تكنولوجيا لكن اقل في المتاح تسليحيا
لو شوفت رئيس وزراء الهند هتقول إنه قريبنا من بعيد بطريقة السلام لكن نيجي عالورق
1-صناعة الطيران تكنولوجيا حساسة
2-الهند فعليا بتاخد بعض القدرات والتجهيزات عالية التقنية من إسرائيل وعن احتياج (يعني فكرة صفقة تقلق الصهاينة ) صعب
3-الأفق المنظور بعد تصنيعينا الطائرات كأحد نقط تسويق الصفقة ... لو شوفنا الصفقات اللي أخدتها الدول من ال F/A-50 الكوري مش معنى كده زيادة نسبة نجاح صفقتنا مع الهند (وأقصد شق توطين تكنولوجيا رفيعة المستوى) لكن على البيع ... ماشي
فالهند مش منكبة علينا زي ماحنا شايفين أو متخيلين ... بدليل
إن لو هنقول طريقة السلام
طيب ليه وديناه متحف الطيران ونموذج حلوان ... مش هو مقتنع وجاي يسلم؟؟
ليه ورشة عمل
ليه وليه وليه
ماهو جاي متحمس من غير حاجه
فأعتقد إن فيه عوائق ما عندنا وعندهم والكل عاوز صفقة win-win لا أكثر ولا أقل
بالظبط كده
لو على بيع مقاتلة بتسليحها ... ماشي وإن كانت فكرة التسليح المفتوح بدون محددات صعبة بالنسبة ليا
رأيي ببساطة
وأنا مش شايفه رفاهية
إحنا نبدأ مشروع الطائرة الوطنية ولو هتبقى ميراج 5 حتى
ماناخد خط ال Mirage-2000 من فرنسا
وأنا مش شايفه رفاهية
إحنا نبدأ مشروع الطائرة الوطنية ولو هتبقى ميراج 5 حتى
ماناخد خط ال Mirage-2000 من فرنسا
بدون شريك هنرمي فلوس كتير أوي في المشروع
مش انا اللي بقول الهنود مدلوقين..دا كلامهم فيه فيديو في اول الموضوع من قنواتهم المتحدثة بالإنجليزية بيقول اد ايه الموضوع مهم ليهم خصوصا بعد خسارة صفقة ماليزيا
وبالنسبة لزيارة متحف الطيران بسبب حلوان ٣٠٠ لان الهند كانت عايزة تقنية المحركات من مصر وقتها لمشروع هندي اسمه ماروتي وبعد اغتيال الموساد للعلما المشروع وقف
هما بالفعل جايين عارضين تكنولوجيا البدن والمحرك و البراهموس يمكن احنا طالبين اكتر
احتياجك للوزن دا قليل ولو كفيت استثمار الخط..تكفي منين الصناعات المغذية؟
نشتري الخط ... ومستشارنا هو داسو زي مالهند ماعملت
ولو خطة طويلة الأمد هنحسب التكلفة عالزمن
هي هتبقى فلوس كتير ... بتراكم الوقت
لو طلع منها منتج كويس ... لو مش هتبيع منه لعوائق ما و هتاخد منه لسلاحك الجوي .... ساعتها حدة الكلفة الإقتصادية هتقل ولو نفسيا
النفسية بتفرق على فكرة
قنوات انجليزية طال عمرك
والبراهموس مش بتاعهم لوحدهم علشان يبيعوا ويشتروا في تقنيته
وده رامجيت يعني 10 سنسن ومش هتعرفهم
وعندهم برلمان ولوبي
أما القنوات الإنجليزية والمترجمة
أنا شوفت اللي باعلنا F-35 فيها
طب صراحة كدا هل الميراج 2000 حتي ولو اضفنا ليها(اضافه يعني فلوووس)...أحسن من التيجاس مع البراهموس وتسليح روسي وصيني وممكن حتي فرنسي؟
انا بقول سواء دا او دا هختار الاحسن ماديا لان الاتنين مش طيارات توب انا محتاجهم لتعويض عدد ومهام معينة عاوز فيها مساحة مناورة تسليحيا ....لكن التوب بتاعي معروف الرافال والسو 35 (لو جت او بديلها الي مش عارفينه لسه)
فهل الميراج تتفوق علي التيجاس لدرجة اننا نشتري الخط ونبدأ فيها ولا التيجاس احسن لنا ماديا وهنقدر من الهنود ناخد الي احنا عايزينه( بالنسبه ليا مش عاوز اكتر من سورس كود مفتوح وصيانة شاملة وتصنيع للبدن وشوية تسليح ....معرفش هيئة التسليح هنا دماغها ايه)
الفكرة الي احنا متأكدين منه اننا عاوزين نعوض الاعداد بمقاتله سورس كود مفتوح مع زقة لقدراتنا التصنيعية (بس الفكرة هنا ايه هي رغبات هيئة التسليح وايه طموحنا الصناعي وايه قدراتنا المادية لان بناءا علي دول هيتحدد وجهتنا.......وصراحة ماديا مظنش اننا هنرمي تقل اوي )
- إنضم
- 28 ديسمبر 2021
- المشاركات
- 120
- مستوى التفاعل
- 475
يبقى عليك وعلى كوريا الkf21 مشروع واعد و يختصر الوقت والأموال
معاك بس المشكله انك بتاخد منتج الله اعلم باعتماديته وموثوقيته وخاصه في سلاح مفيهوش هزار زي الطيران
وانتا فلوسك علي القد يعني معندكش رفاهيه انك تجرب في شئ مش مضمون
ثانيا تساؤلي لو حد عنده المعلومه هل احنا طلبنا من الصين او الروس ما يماثل الصفقه الهنديه سؤاء تيجاس او براهموس بنسب تصنيع ورفضوا
قناة هندية ناطقة بالانجليزية
والهنود فعلا موافقين على نقل التقنية وروسيا هتعارض ليه ؟
علاقتنا كويسة معاهم وفيه مصلحة متبادلة
البراهموس و التيجاس MK1a متجربين
والصين واضح انها رفضت تعمل خطوط انتاج لل J10C في باكستان بدليل الصرصار ودي اقرب حلفائها
هترضى تدي مصر؟؟؟
المواضيع المشابهة
