مرحبا بك في منتدى الشرق الأوسط للعلوم العسكرية

[مرمبتاح]

 

[عبد الله]

مساعدات طارئة لإسرائيل


يدرس مجلس النواب تقديم مساعدات طارئة بقيمة 14.3 مليار دولار لإسرائيل.

من فضلك, تسجيل الدخول أو تسجيل لعرض المحتوي!

 

[مرمبتاح]

من فضلك, تسجيل الدخول أو تسجيل لعرض المحتوى !

يعني الامارات وكيله لتنفيذ مخططات اسراءيل اللي هي وكيله لتنفيذ مخططات الغرب

 

[مرمبتاح]

 

[مرمبتاح]

من فضلك, تسجيل الدخول أو تسجيل لعرض المحتوي!

 

[Hossam Hamed]

من فضلك, تسجيل الدخول أو تسجيل لعرض المحتوى !

و بعد ما كنا بنطالب بالعودة الى جدود 1948 ثم حدود 1967 الان سوف نطالب بالعودة الى حدود 2023
و ننسى بقى حكاية تحرير الاقصى
اسرائيل نجحت و مساحتها زادت
و حماس وقعت فى الفخ

 

[IBRAHIM_EGYPT]

من فضلك, تسجيل الدخول أو تسجيل لعرض المحتوى !

السيناريو الامثل من وجهة نظري هو دخول حزب الله للحرب
خلى بالك اسرائيل مش عايزة احتلال وادارة القطاع هي عايزه كره النار تبعد عنها او ترميها علي غيرها "مصر"
ودخلت القطاع مضطرة بعد ما حدث لها في 7 اكتوبر

 

[𓈙𓉔𓏲𓎡𓂋𓏭]

من فضلك, تسجيل الدخول أو تسجيل لعرض المحتوى !

هو الافضل دخول المنطقة كلها عدا مصر ونخش نلم المكاسب زي أمريكا بعد الحرب العالمية

 

[AHMED LABEB]

من فضلك, تسجيل الدخول أو تسجيل لعرض المحتوى !

الصهاينه لن يبقوا فى القطاع هذا شرط اساسى امريكى لدعم العمليه​

 

[IBRAHIM_EGYPT]

من فضلك, تسجيل الدخول أو تسجيل لعرض المحتوى !

والله صح

 

[Thunder wolf]

من فضلك, تسجيل الدخول أو تسجيل لعرض المحتوى !

كردية و بتتكلم 6 لغات بنت الهرمة

She is multilingual and speaks English, Kurdish, Arabic, Turkish, Spanish and Greek. Mustafa's family sought asylum in the United States in 1976. Her father was a Kurdish political activist and an opponent of the regime of Saddam Hussein.

 

[𓈙𓉔𓏲𓎡𓂋𓏭]

من فضلك, تسجيل الدخول أو تسجيل لعرض المحتوى !

خللي بالك هما دخلوا المستنقع اللي حفروه ليك ٦ مرات ع الأقل
ادعي ربنا يكرمهم وميخرجوش

 

[IBRAHIM_EGYPT]

من فضلك, تسجيل الدخول أو تسجيل لعرض المحتوى !

لولا دم الاطفال والابرياء
كنت هتكلم علي المكشوف لتحليل الموقف بين حماس واسرائيل
اسرائيل شيطان وحماس ليست ملاك

 

[𓈙𓉔𓏲𓎡𓂋𓏭]

من فضلك, تسجيل الدخول أو تسجيل لعرض المحتوى !

احنا بلا قافية مع الأكراد المضطهدين من الأتراك وعايزين نساعدهم بالسلاح فياريت نقل تكنولوجيا لمضادات الدروع والمدفعية الصاروخية الموجهة وشوية اقمار تجسس عشان نعملهم توازن مع الاتراك

 

[𓈙𓉔𓏲𓎡𓂋𓏭]

من فضلك, تسجيل الدخول أو تسجيل لعرض المحتوى !

قول اللي في بالك يااستاذنا ميهمكش

 

[AHMED LABEB]

​

 

[Hossam Hamed]

من فضلك, تسجيل الدخول أو تسجيل لعرض المحتوى !

دة على اساس تهجير سكان القطاع لمصر كان دعوى برازيلية
لا خطوط حمراء لاسراءيل فى غزة
امريكا تقول ذلك ..
ثم مش الراجل لسة قايل توزيع اراضى غزة على الجنود الاسرائليين
الشواهد بتقول ان شمال عزة خلاص طار و راح لصاحب النصيب

 

[IBRAHIM_EGYPT]

من فضلك, تسجيل الدخول أو تسجيل لعرض المحتوى !

مصر لو فلتت من مخطط التهجير
ايا كان ما حدث وسيحدث مين انتصر ومين اتهزم بين حماس واسرائيل
مصر هتكون هي الكسبانه
سريعا وللتوضيح
هقتبس تحليل احمد برهام لانه تقريبا نفس تحليلي وبشكل مرتب وسريع
المهم اللى يقراه يتخلص من اي ابتزاز عاطفي ويحسبها مكسب وخساره

تحليل مواقف الجميع فى الازمه الاسرائيليه الحمساويه !!

اسرائيل فى مزنق ، خسرانه فيه فى كل الاحوال!

من جهة... شعبها بيطالب حكومتها بالقضاء نهائيا على المليشيات فى غزه ، حماس واخواتها ايا تكن الكلفه !! وبرضه المشاريع الدوليه اللى كان فيه كلام عنها ( ممر الهند الى اوروبا مثلا ) اصبح فى مهب الريح بعد اللى حصل ، وعشان تعيد تشغيله لازم تثبت على ارض الواقع ان معدش فيه تهديد امنى والا هيبقى الاستثمار فيه عباره عن بناء قصر على رمال متحركه !! وده ازعج قوى اقليميه ودوليه كتير طبعا كانت عاوزه المشروع ده ، ولو حتى مكنش له قيمه اقتصاديه كبيره كمنافس لقناة السويس او الحزام والطريق ، بس كفايه الفوائد السياسيه والاعلاميه والمناكفه الاقتصاديه !!
كده اى نتيجه غير القضاء النهائى على المليشيات ، هتعتبر هزيمه ( ولو معنويه واستراتيجيه ) ، مهما اعلنت حماس من ارقام ضحايا ، و ضربتهم فى عشره حتى ، فهذا لن يرضى الناخب الاسرائيلى ، ولا المستثمر الدولى ، بالعكس ده هيعقد خطط التطبيع فى المنطقه !! يعنى فى الحقيقه اسرائيل معدتش مهتمه بزيادة ارقام الضحايا ، لان الموضوع هيبقى له سلبيات اكبر من اى فوائد داخليه ، الداخل معدش مكتفى بالارقام الانتقاميه دى !! والاستثمارات مش هتشوفها كافيه !! والتطبيع هيتعقد بالارقام دى برضه !!

ومن جهة تانيه !! اسرائيل مش عاوزه تقضى على المليشيات لاسباب استراتيجيه و سياسيه مفهومه ، مهو لما تختفى المليشيات والحركات دى ، مين هيدير قطاع غزه ؟ غالبا هتتسلم للسلطه الفلسطينيه ، وساعتها هيتم مطالبة اسرائيل بتنفيذ كل تعهداتها ، لان خلاص معدش فيه مليشيات ، معدش فيه حماس !! معدش فيه انقسام فلسطينى !! كده فلسطين بقت شعب واحد و سلطه واحده ملتزمه بتنفيذ الاتفاقات !! اتفضل اقعد نتفق و ننفذ بقى !! وطبعا ده اساسا سبب انشاء حماس ، زى ما كان سبب انشاء الاخوان !! تقسيم الشعب والقوى الوطنيه !! دلوقت لما هتقضى عليها ، وعلى حسابك انت والامريكان ، هيبقى الوضع محتاج حل سياسى حقيقى والارض ممهده لهذا ، ومعتقدش اسرائيل عاوزه ده يحصل بجديه !!

بالنسبه لينا فى مصر ، فسواء ده او ده ، احنا مستفيدين تماما !!

اسرائيل قضت على المليشيات ، فاحنا لينا ثأر قديم ، خير وبركه ، والمليشيات دى حاربتنا سنوات بالوكاله و ساعدوا بالمال والافراد كل الجماعات الارهابيه فى سيناء ، واختفاء امارة اخوانيه بمليشياتها المتطرفه والمموله والمدربه من ايران ، امر لن يضرنا فى شىء ، بالعكس ربما يزيد من السيطره الامنيه على شمال سيناء وتحسين الوضع الاستثمارى فيها مستقبلا !! والقضاء عليهم مش هيكلفنا حاجه ، ده على حساب صاحب المخل ، اللى انشأ حماس نفسها !!

فشل اسرائيل فى القضاء على المليشيات ، بالنسبه لنا برضه حاجه زى الفل !! كده تقدر تفضل تستعملها برضه ككارت ضغط على اسرائيل والغرب ( هى السياسه كده يا بن الحلال لو مش فاهم ده خليك على جنب ) يضعف صورة اسرائيل كجيش خارق قادر ، لانه مش قادر ينفذ مهمه هزيمة المليشيات وتصفيتها ، عكس الصوره الذهنيه اللى بيروجها ، بينما احنا مثلا قضينا على المليشيات الارهابيه فى سينا !! ، وده برضه (الفشل فى القضاء على المليشيات يعنى) بيخلى ليك اهميه استراتيجيه اكبر ، لان زى موقفنا الحالى ، محدش قادر يعمل حاجه غير من خلالك ، مينفعش حد يتجاوزك ، وانت اثبت ده فى القمه الاخيره اللى انت عملتها ! انت القوه الاقليميه الوحيده اللى ليها الكلمه الاخيره فى اللى هيحصل على الارض ، اللى عاوز يتكلم يتكلم ، انما التنفيذ معاك انت !! وطبعا اى ضغوط سياسيه على حكومة اسرائيل بتخليها فى موقف اضعف فى اى مفاوضات معاك مستقبلا ، انت بقيت حريف فى اللعب مع الاسرائيليين خلاص ، وفى استعمال كارت المقاومه ، سواء داخليا ، او عربيا او دوليا ! اديك شايف اسرائيل بلعت لسانها بعد حادث السياح فى اسكندريه ، وحادث المجند بتاعنا من كام شهر ، والنهارده بتشكرك عشان ساعدت فى الافراج عن الرهينتين ! لان على ارض الواقع ، انت اثبت ان ايدك طايله ، جوه غزه رغم العداوات والخصومات ، ولسه قادر تضغط و تطلع بمكاسب من جميع الاطراف حسب رغبتك ، رغم مشاكلك وازماتك !! انت طرف قادر وموثوق من الاخر !! بتنفذ ومبتتكلمش كتير ولا تحرج حد الا اللى عاوز يتهزأ ! ده بتعلم عليه بالطريقه اللى تناسبه !

بالنسبه لحماس ، فهى هتعتبر ان مجرد بقاءها ولو مجرد ميكروفون فى الجزيره ، هو انتصار ، وصمود ، الى اخر البلح المعروف ، العمليه الاخيره ، ملهاش اى اهداف واضحه ، ملهاش اى هدف استراتيجى مفهوم ، بالتالى لايمكن تصور انه يمكن قياس نجاحها او فشلها ، محدش عارف ايه الهدف غير اللى خطط لها ( مستحيل الجزم بهوية المخطط ولا اعتقد انه تخطيط داخلى اساسا انما ده موضوع اخر ) ، وفى كل الاحوال حماس هتفضل موجوده ( ولو فضائيا وميكروفونيا ) بالتالى فى كل الاحوال حماس هتعلن انها انتصرت وصمدت حتى لو مفضلش حد حى فى غزه !! ، حتى لو مفضلش ليها مقاتل على الارض !! ولنا فى الاخوان وقنواتهم التركيه اسوه حسنه !!

بالنسبه لامريكا فمن الواضح ان فيه ارتباك شديد !

تصريحات متضاربه ، هم عاوزين يدعموا اسرائيل وخلاص عشان الانتخابات القادمه ، وعشان مشروعات اقليميه سياسيه ،وعشان مشروع الممر الهندى الاوروبى ، كل دى اسباب تحتم عليهم الدعم ، لكن ، هيدعموا بايه ؟
سياسيا امريكا خرجت نفسها من خانة الوسيط و الضامن المقبول لدى الطرفين ، الى خانة حليف لاحد الاطراف و عدو للطرف التانى ، يعنى خسرت مكانتها وتراجعت ، المكانه اللى عملت كامب ديفيد و عملت اوسلو و غيره ، راحت ، معدش حد هيقبل بيها كوسيط دلوقت ، على الاقل فى الاداره الفاشله الحاليه !
تحريك حاملات الطائرات ، تبدوا خطوه استعراضيه لا معنى لها ، اسرائيل مش محتاجه الحركه دى ، ايران اللى بيتقال عليها انها هى المستهدف ، مش هتوصل لاسرائيل اصلا بشكل مباشر كفايه وكلاءها شمالا وجنوبا ، ووجود الحامله الامريكيه لن يغير موقف حماس شبرا ! ولن يستهدف ايران من البحر المتوسط !! و حتى فكرة ان المستهدف مصر برضه مش واقعيه اوى دلوقت ، لان ببساطه ، محدش فى الزمن ده ، بوضعك الحالى يقدر يفرض عليك توطين الفلسطينيين بقوة السلاح ! السلاح الامريكى والاسرائيلى !! الفلسطينيين نفسهم مش هيقبلوا بده ، وهيرفضوه ، هيعندوا يعنى !! حتى لو كانوا موافقين او بعضهم موافق زمان ( اخوان حماس ) ، فالموافقه دى هتتعقد دلوقت ، لو حسوا انهم مجبرين على ده بالسلاح الامريكى والاسرائيلى فوق رأسهم !! شىء بديهى ، فامريكا بتعقد الاوضاع ، بدون فائده حقيقيه ، و الامور اتدهورت ، لما طرقعنا لبلينكن علنا ، ورفضنا طلبات الامريكان ، و تسببنا فى الغاء القمه الاردنيه اللى امريكا كانت هتحضرها ، و عملنا قمة تانيه من غيرهم !! انت خرجتهم من المعادله مؤقتا ، والمبرر جاهز ، انهم خدوا صف اسرائيل بالشكل الاخرق ده ، بشكل عسكرى ، بالتالى معدش لهم مكان فى الدبلوماسيه ، الا بجوار اسرائيل ، نفس الكرسى لو حبينا نتكلمها سياسه يعنى ، لان واضح ان مفاوضتهم هتبقى بنفس النبره و نفس الطلبات نسبيا !! يبقى هتفاوض مع امريكا ليه ؟ ما اتفاوض مع اسرائيل نفسها على طول وخلاص !! هحتاج امريكا ليه على طاولة المفاوضات ؟ كفايه طرف واحد !
امريكا اضطرت تضغط برضه على اسرائيل عشان تطلع الناس بتوعها من غزه، وبرضه اضطرت تضغط على نتنياهو عشان يأجل الاجتياج البرى لقطاع غزه لان الاجتياح البرى هيكون معناه مزيد من الضحايا وصعوبة الافراج عن اى رعايا كرد فعل ، وبالتالى مزيد من العويل الاعلامى من قبل حلفاءهم الاسلاميين فى منابرهم ، سواء فى واشنطن او اوروبا ، ومع استمرار الضحايا والصور والفيديوهات ، اكيد مواقف الشعوب الغربيه هتتحرك بضع خانات يسارا فى اتجاه معارضة استمرار الحرب ، واستمرار الضحايا ، موقف سىء قبل الانتخابات فى مواجهة الجمهوريين ، اللى طبعا هيعلوا المزاد وهيعلنوا دعم غير مشروط لاسرائيل ، بينما الديمقراط بتوع الاقليات ، كده بيتعرضوا لمخاطر خسارة اقليات تانيه كتير متعاطفه مع الفلسطينيين ، العرب ، المسلمين ، بتوع امريكا اللاتينيه ، وغيره ، صعب تفضل تقنع الناس مدة طويله ان اللى بيموتوا دول فراخ ، مش بنى ادمين !!
حلقه مفرغه من الخسائر على طول الخط وفى كل الاتجاهات ، حتى مع حليفهم اسرائيل هم بيخسروا تعاطف الاسرائيليين اللى شايفين الاداره الامريكيه بتضغط عليهم عشان يفرملوا الهجوم البرى رغم ان العسكريين قالوا انهم جاهزين !! بالنسبه للاسرائيليين انت كده بتضرنى سياسيا وعسكريا برضه !!

بالنسبه للاوروبيين ، موقفهم كالعاده مايع

مش عاوزين يدينوا اسرائيل خصوصا ان خبطه 7 اكتوبر كانت صادمه ، عسكريا و امنيا وغيره ، بس برضه صعب يكملوا فى الوضع ده ، لازم نخلص بسرعه ، لان البترول بيرتفع واحنا داخلين شتا ياعم الحج وفيه تضخم و الناس على شعره مش مستحمله ، فخلص اهدافك بس بسرعه الله لايسيئك ، وعشان كده ، هم مش ضد وقف اطلاق النهار حتى لو اسرائيل فشلت فى تحقيق انتصار على الارض ، المهم انه يبقى بسرعه قبل ما الامور الاقتصاديه تدهور ، وقبل ما الامور الانسانيه تتحول لصداع فى المظاهرات الاوروبيه من قبل المهاجرين اللى فتحولهم الباب من كام سنه عشان يجنسوهم و ياخدوا اصواتهم !!

الدول العربيه بقى ....فحسب
اللى كان له مشروع اقليمى وعاوز يغير صياغة التحالفات القديمه مع الغرب عشان تبقى فى مواجهة عدو اقليمى قديم ، زى ايران بدل اسرائيل اللى ممكن متبقاش عدو دلوقت ، على الاقل فى المستقبل القريب ، فمشروعه اتأجل لاجل غير مسمى ، وطبعا ده لا يسعده ، بس هنعمل ايه ؟ ادى الله وادى حكمته !! وكل ما الامور تطول والضحايا يزيدوا ، الامور بتتعقد !!
اللى ملوش مشروع مستقبلى ، هيدخل معانا فى استعمال الموضوع ككارت مزايده ، وحتى لو له مشروع صغير كده ، هيعمله فى السكرته ، من غير اعلان بقى وخلاص ، لو ينفع طبعا ، والحاجات اللى مينفعش غير باعلان ، هيتم تأجيلها شويه لحين ميسره ، وفيه ناس زى دول المغرب العربى ، لا هتشارك ولا هتدفع ولا هتزايد معانا ، دول هيزايدوا لوحدهم عشان ميحسوش اننا أكلنا منهم الجو بحكم الموقع الجغرافى والتاريخ والثقل السياسى ، وكده كده ، شعوبهم بتحس بالغربه اللغويه احيانا معانا ، وبتفضل المواقف المنفصله ، فلا جديد غالبا ، مش هيزعلوا اوروبا ، ولا هيزعلوا اسرائيل ولا هيزعلوا امريكا ، و هيفضل دعمهم صوتى فقط ، وده مبيزعلش حد !

 

[AHMED LABEB]

من فضلك, تسجيل الدخول أو تسجيل لعرض المحتوى !

مش هايحصل والايام بيننا سيبك من تصريحات الصهاينه المتطرفين عن التهجير او توزع الاراضى ليس لهم قيمه امريكا الكلمه النهائيه هى الى ماسكه الصهاينه من رقابيهم لولا امريكا اصلا الصهاينه هايتفشخوا وكل المسئولين هايتحولوا لمحكمه الجنايات بتهم جرائم حرب يكفى بس امريكا تشيل ايدها والصهاينه عارفين كده​

 

[عبد الله]