الموضوع فية شقين :
المعركة وطبعاً رايحة لاسرائيل لانها معركة غير متكافئة تماماً درونات بتراقب كل حركة في كل بوصة وطيارات بتضرب اللي بيخرج وبتفضي الارض قدام الدبابات الي بتشي كل حاجة من على الارض في طريقها وبتفضي مساحة للعساكر المجهزين بشكل احترافي قدام ناس لابسة ترنج ومعاها قاذفة محلية اة في مناوشات من حماس بس بتسفر عن اية ؟ دبابة بتعطب او الية بتبوظ او عسكري بيقتل او ثلاثة واربعة في اليوم ! والمخزون بينقص من كل شئ من اول الذخيرة والصواريخ ومفيش ماء ولا كهرباء ولا وقود >..هيستحملوا قد اية يعني في الطبيعي من غير رهائن ؟ زي ما قولت الورقة اللي ساندة حماس هما بس الرهائن ولولاها كانت حماس انتهت من اسبوع ولو سلموا الرهائن كلهم هيبقوا خسروا كل حاجة بعكس طول ما حافظوا على الرهائن وطولوا المدة هيكون الضغوط في صالحهم
نيجي للشق التاني واللي هوة الضغوط : مين اكثر حد فاعل على الارض ولية كلمة ويقدر يضغط = الامريكان وبعدهم الغرب بمسافة
طيب النهاردة مستشار بايدن للشرق الاوسط قال مفيش وقف اطلاق نار غير لما يطلق سراح الرهائن زي ما قولنا في النقطة اللي فوق وبايدن برضة قال لن نتراجع حتى نوقف حماس .. طبعاً دة بالتوازي مع العسكرة الامريكية الكبيرة للشرق الاوسط والترهيب والتحجيز اللي عملتة لكل الدول والتخاذل التام ايضاً في المواقف العربية والاسلامية حتى اللي ناس كانت متعشمة فية من ايران محصلش ولما تيجي للغرب اقوى دولة غربية ( بريطانيا) كان لسة وزير الخارجية البريطاني كان في اسرائيل لاظهار الدعم المتجدد وكل الدول الغربية عمالة تزود اجراءات ادانة حماس وعقوبات حتى على المتظاهرين اللي بيحاواوا يتعاطفوا معاهم
ف الموضوع حالياً هينحصر على الارض ومدى تحمل حماس وقدرتها على كسب الوقت والحفاظ على الرهائن لاطول فترة مع تكبيد اليهود خسائر زيادة في الارواح هيبدا الداخل الاسرائيلي يبقى اكبر ضاغط على الجيش الاسرائيلي وقتها مع اهل المختطفين ووقتها هنخش في مرحلة وقف اطلاق النار و الحل الدبلوماسي وتبادل الرهائن وورقة ملزمة للطرفين تضمنها الدول الكبرى والامم المتحدة ودول المنطقة مع مساعدات اعمار كالعادة ويكون فيها الافراج عن الرهائن بشكل تدريجي على فترات طويلة لضمان تنفيذ الاتفاق
دي الحالة الوحيدة حالياً اللي انا شايفها ممكن تكون موجود غير كدة يبقى هاروح لوجهة نظرك بالتأكيد وأيدها
ملحوظة : اليهود لو عرفوا مكان الرهائن هيضربوهم هما وحماس عادي جداً وهيقولك حماس موتوهم ويخلصوا الليلة انما طول ما الرهائن عايشيين هيفضل الرهان اللي فوق دة موجود