ندخل بقا علي شغل الوصاية العالي
فبراير 2011 : تفجير خط الغاز في العريش
3 يوليو 2011 : هجوم مسلح علي نقطة الشرطة في العريش و الضحية 6 شهداء
2 اغسطس 2011 : تنظيم القاعدة اللي بيديره ال cia " احسن تكون مسمعتش "
اعلن عن تدشين الخلافة الاسلامية في سيناء و اتخاذ رفح مقر لها
في 14 اغسطس 2011 :
اطلق الجيش المصري العملية نسر و طربق رفح علي دماغهم و هرب اكتر من 1000 ارهابي عبر الانفاق و اتقتل منهم 2000 كلب و يزيد
5 اغسطس 2012 :
مجزرة كمين العريش
اللي راح فيها 16 عسكري غلبان صايمين
نفذها ايمن نوفل الحمساوي ورفاقه
من اجل تمكين الاخوان من الاطاحة بالمشير طنطاوي
و اتسرق مدرعتين
و ظهر المدرعتين في قطاع غزة
9 اغسطس 2012 :
انطلقت العملية العسكرية سيناء
و اتقبص علي 38 منهم حمساوية طبعا
و اتقتل عدد كبير
و تم استرداد المدرعتين
" راحوا رجالتنا جابوهم من جوا غزة "
3 مايو 2013 :
اتخطف ظباط شرطة
حوالي 11 ظابط
20 مايو 2013 :
انطلقت عملية عسكرية وتم تحرير المخطوفين
" ده غير ال 3 اللي خطفهم ايمن نوفل و قتلهم في غزة "
من 3 يوليو الي 23 يوليو 2013 : بعد عزل المجحوم
39 هجمة كلها مصدرها الانفاق
ضحاياها مش بس عسكريين
و مدنيين كمان " عمال مصنع اسمنت العريش
2 اغسطس 2013 : قنبلة فندق الجيش في العريش
25اغسطس 2013 :
استشهاد 25 فرد شرطة
اللي اتكتفوا و اترقدوا علي الارض و انضرب عليهم نار
فاكرينهم و لا نسيتوهم
و انطلقت عملية عاصفة سيناء
اتقبض علي 11 شخص منهم 5 من حماس و 3 امريكان منهم ظابط من ال cia
" اللي طالبتوا بالافراج عنه ده "
23 اغسطس 2013 :
اتقبض علي 32 اجنبي منهم 4 امريكان
11 سبتمبر 2013 :
تفجير مقر المخابرات في رفح
و نقطة التفتيش
و للصدفة البحتة يا عيني يطلع الانتحاري اللي فجر مبني المخابرات فلسطيني
" يمكن كان رايح تل ابيب و ال gps كان بايظ
"
16 فبراير 2014 :
تفجير اتوبيس طابا بتاع الكوريين
24 سبتمبر 2014 :
تفجير مديرية امن الدقهلية
مين اللي نفذه بقاااااا
تنظيم جيش الاسلام الذراع العسكري لانصار بيت المقدس
اللي هو مقره فييييين
في غزة
و مين القائد بتاعه
محمد درمش اللي هو فلسطيني من حماس من كتائب القسام
" مفاجأة مش كده
"
قام ال cia معجبهش الشغل القطاعي ده
قالك ننزل بالجملة
في 11 اكتوبر 2014 : نزل ابو بكر البغدادي الملاعب
و غيرتوا اسم تنظيم بيت المقدس الي ولاية سيناء
واعلنوا البيعة للبغدادي
في 14 اكتوبر 2014 : نقلتوا تنظيم التوحيد و الجهاد من كابول الي رفح و الشيخ زويد
اللي هو مرتبط ارتباط وثيق بحركة الجهاد الاسلامي في غزة و لهم نفس القادة و نفس البيعة
مين بقا مؤسس التنظيم ده
خالد مساعد فلسطيني من مخيم جباليا
و بعد ما اتصفي تولي التنظيم ممتاز دغمش
فلسطيني كان رقيب في سجن الامن الوقائي في غزة عند محمد دحلان
و لما اتصفي تولي التنظيم حمادة ابو شيتة و فايز ابو شيتة
الاسطورة بتقول انهم سيناوية
لكن هما من الفرما فلسطين .. جدهم مححد ابو شيتة حاكم الفرما
و نزحوا لمصر بعد النكبة
تبدأ تظهر بقا بركات البغدادي
فتي ال cia المتميز
24 اكتوبر 2014 : مدبحة كرم القواديس
12 يناير 2015 : اختطاف ظبط شرطة
منهم ايمن الدسوقي اللي قتلوه علي الهوا
29 يناير 2015 : تنفيذ 6 هجمات في العريش ضحيتها 32 شهيد
31 اكتوبر 2015 : تفجير الطيارة المتروجت
و كمين البرث
و الكتيبة 101
و .. و .. و
دي ليستة توجع القلب و تحرق الدم من تاني
لحد انطلاق العملية الشاملة لتطهير سينا في 2018
و بدأت نارنا تبرد شوية وحسينا اننا بدأنا ناخد التار
هي دي تجارتنا عبر الانفاق
تجارة مع الله لن تبور
بيبيعوا ارواحهم للشهادة .. عشان يشترولنا أمان و مستقبل
ولادنا .. تحويشة عمر مصر و ضفايرها الحلوة
عليك العوض و منك العوض يارب
--------------------------------------------------
لكن ليه مايكل روبين بيدعي الادعاءات الساذجة بتاعت الانفاق دي
تمهيد للادعاء القادم
الادعاء الخامس :
و ده بيصيغه في صورة سؤال :
هو ازااااي اسرائيل وجدت اسلحة كورية شمالية و صينية و روسية بالكم ده داخل غزة
دخلت منييييين .. مشممقن انا هتجنن يا كماااحة
اتحدااااك انك تجيب قصقوصة ورق اسرائيل زعمت فيها الاكاذيب دي
اسرائيل نفسها مكذبتش الكذبة دي
انني اتحداااااعك علي رأي كارمن
انت لميت كل الدول اللي مدياكم علي قفاكم .. وحطتهم في السؤال النابع من خيالات حالة السكر النابعة من ادمان شرب براندي معفن منتهي الصلاحية تفوح منه رائحة الايثانول
كل الميديا العبري بتتكلم عن اسلحة بدائية الصنع او ايرانية
بقا حماااااس هتشتري سلاح من مليارات ثرواتها .. ياخي اناااااه
كل مليارات قادة حماس علي كل قادة التنظيمات الارهابية السالف ذكرها بعملياتها اللي اتنفذت في مصر
لو كانت اتوجهت لاسرائيل
كان زماننا بنكتب كتب كتاب امك في الاقصي دلوقت علي عريس فلسطيني
بس للاسف بوصلتهم بطاريتها بتسرب شحن
و يجي يسأل سؤال تاني :
اسرائيل مسيطرة علي معظم حدود القطاع
و احبطت كتير عمليات دخول اسلحة تركية و ايرانية عبر البحر
السلاح ده دخل منيييييين
مسمعناش عن الاحباطات دي في طبق اليوم حتي
تركيا مين اللي احبطوا لها سلاح
تحب اسردلك تاريخ العلاقات الاسرائيلية التركية الطيبة
و اخرها لقاءات اغسطس 2023 الحميمية بين نتنياهو و اردوغان " لقاءات ود يعني .. احنا عندنا ولايا
"
انت جي تشتغل مين
ده كل الناس بعتت مساعدات لغزة اردوغان بعت 400 طن فواكه و خضروات لاسرائيل
و لكن لأن مايكل روبين ذكي جدا و ال IQ بتاعه IQ اير فراير صيني
فاكتشف السر بقا
و عرف ازاي السلاح دخل غزة
--------------------------------------------------
الادعاء السادس :
السلاح الايراني دخل غزة عن طريق الانفاق في سينا
برعاية الجيش المصري
في مقابل الحصول علي الاموال
و الجيش المصري أغمض عينه عشان يتقي شر الاذي و الفوضي التي من الممكن ان تحدثها طهران في مصر
لقد انتابتني القشعريرة
لا واحنا بنتهدد و بنخاف فعلا
ايران دي تلعب فيك انت و في بايدن بتاعك " قصدي أمن دولتهم
"
انما مش في مصر خااااالص
و لاااا تجرؤ اساساااا
وده ليييييييه
انا اقولك
و عشان اقولك ... لازم احكي تاريخ ايران الاسود مع مصر حديثااااا
قديما ده عايز بيتر ميمي و تامر مرسي سينرچي و يعملوا اللي أمر من الممر
نتكلم بالاحداث و التاريخ :
هي حقبة لا تتعدي 7 سنوات كانت فيها ايران ومصر بيمثلوا انهم كويسين و بعدها بححح
اكبر شارع في ايران اسمه خالد الاسلامبولي .. قاتل السادات
طب قبل كده :
نزاع دبلوماسي و قطع علاقات بسبب مصاهرة فاشلة بين أسرة مجموعة المرضي النفسيين بتوع بهلوي و الاميرة فوزية و احتجاز بنتها شاهيناز و الهم ده
لحد حقبة عبد الناصر
و القطيعة المصرية الايرانية التامة
نتيجة اعتراض عبد الناصر لضم مصر لحلف بغداد سنة 1955 اللي ضم " بريطانيا .. تركيا .. العراق .. ايران .. باكستان "
اللي اسسته امريكا بالمناسبة .. وهي اللي مولته و ده من اجل اعادة نفوذ بريطانيا في المنطقة تااااني " راجع مذكرات هنري كيسنجر عن حلف بغداد و انت تعرف بلاااااوي "
عبد الناصر قال مصر بعيد عن الحلف ده و مش هتحط ايدها في ايد بريطانيا اساسا
و ده خلي عبد الناصر ينشئ حلف عدم الانحياز مع نهرو و سوكارنو و جوزيف تيتو
سنة 1956 بعد التأميم :
ايران وقعت علي وثيقة رفض تأميم قناة السويس و وجوب عودتها لبريطانيا في مؤتمر لندن
و عينت الدكتور " عليقلي اردلان " "هو اسمه كده
"
مندوب ايران في لجنة اعادة قناة السويس الي الحيازة البريطانية
و بعتت وفد دبلوماسي لعبد الناصر عشان يخليه يلغي تأميم القناة .. راح عبد الناصر طاردهم و قالهم من مكتبي علي المطار .. مترجعوش حتي الفندق تخدوا شنطكم و قد كان
عربيات خدتهم رمتهم في المطار و غاروا في داهية .. و أممنا شنطهم
الله يرحمك يا ابو خالد .. عز الرجال و الله
" طبعا مش هننسي هنا مفيش كلمة غلط تتقال علي ناصر
"
في 24 ديسمبر سنة 1956 :
بريطانيا جابتنا في مجلس الامن جلسة طارئة
" كانوا ضاربنا في العدوان الثلاثي .. و رايحين يشتكونا بجاحة منقطعة النظير "
ميييييين يا عزيزي كان رئيس مجلس الامن في الدورة دي
المدعوقة ايران
اللي هي رفضت تأميم قناة السويس و مولت العدوان الثلاثي عن طريق تزويد الطائرات الاسرائيلية باحتياجاتها من الوقود " دي اعترافات طنط جولدا مائيير قبل ما تموت للصحفي اللي اتملا مذكراتها "
وزير خارجية مصر محمد فوزي تقدم لرئيس المجلس الايراني محمد عبده بملف مصر و قاله احنا طالبين منك الحياد
رااااح محمد عبده بعد سماع مندوب بريطانيا .. مسمعش كلمة مندوب مصر
و اعلن عن الاجماع بالموافقة علي تعيين مندوب سامي بريطاني علي القناة
و تشكيل لجنة من الدول المعنية مع تزكية البريطانيين لادارة القناة
ده خلي رد فعل وزير الخارجية محمد فوزي يرمي اوراق الجلسة كلها في وش محمد عبده
و يرمي الميكروفون علي الارض و يغادر هو والوفد المصري و هو بيقول عبارته الشهيرة " الراجل فيكم يقرب من القنال " " يا ريتني كنت معاهم عملوها الوحوووش
"
تسكت ايران علي كده .. ابداااا
جت في جلسة 29 ديسمبر 1956 قدمت مشروع قرار باصدار عقوبات علي مصر اقتصادية و عسكرية
و استصدار توصية للمؤسسات التمويل الدولية رفض تمويل مصر بأي قروض
" المقصود ميييين يا عزيزي
صندوق النقد
يمولوا ايييه
بناء السد العالي "
و ده اللي خلي الاتحاد السوفيتي يبعت لمصر مليار دولار لتمويل السد العالي
طب تخلص بقا الخناقة علي كده ... ابداااا
في يوم 24 يوليو 1960 :
و في توقيت حرج العرب كلهم متكاتلين ضد اسرائيل في تكتل رافض وجودهم
يطلع محمد رضا بهلوي في الامم المتحدة يعلن اعتراف ايران بدولة اسرائيل و أحقيتها التاريخية في أرض فلسطين
و يوقع علي الوثيقة دي اللي بتنص في احد بنودها ان الفلسطينيين هم مجموعة قبائل رعاة لا ارض لهم استوطنوا بجوار الزرع لرعاية اغنامهم
" اتفاجئت يا عزيزي .. اصبرررررر ده انا لسه هبهرك
"
و اعلن الشاه عن ترحيبه بإقامة علاقات دبلوماسية مع اسرائيل الدولة اللي هتقووووود تقدم المنطقة
هنا العرب استشاطوا غضبا .. و عبد الناصر في الخطاب بتاعه قال عليه ده راجل رخيص اشترته الصهيونية
بعد كده دخلنا في سجالات بقا :
رضا بهلوي اتهم عبد الناصر انه بيحاول يسقط حكمه
عن طريق معمم شيعي لبناني اسمه عبد القيس جوجو
اتقبض عليه في مطار مهرآباد في ايران .. معاه 150 الف دولار
قالوا جايبهم من عبد الناصر عشان يدفعهم لناس تسقط حكم الشاه
" بقا عبد النااااااصر يطلع 150 جنيه حتي .. ما تولع ايران علي دماغ صحابها
"
وبعدها منوجهر هاشمي رئيس السافاك قال دي ادعاءات كاذبة من الشاه الغير متزن
" السافاك جهاز الامن الايراني .. دوكها الشاباك الصهيوني .. الاتنين اخوات من الام
"
و حاول مصدق وزير خارجية ايران او رئيس الوزراء يسترضي عبد الناصر
و بعت المندوب ابراهيم يزدي للسفير المصري فتحي الديب اجتمع معاه ... لكن مكنش اجتماع موفق
لانهم كانوا محتاجين دعمه لثورة الخميني
وطلب منهم ارساء الاشتراكية و الغاء اعترافهم باسرائيل
راحوا رفضوا
و كان في ظباط بيدربها الضباط المصريين في معسكر انشاص .. تعدوا علي ظباط مصريين
راح مرزوعين علقة موت و اتكوموا غي زنزانة حربي .. وامر ناصر بعد كده بطردهم
تعالي بقا يا عزيزي للمفاجأة القادمة :
بعد نكسة 1967 اجتمعت الدول العربية و الاسلامية المصدرة للنفط
و قررت قطع النفط عن اسرائيل
ميييييين رفضت و قالت لا انا لازم امد اسرائيل بالنفط
ايراااان
طب تسكت علي كده .. ابداااا
في 8 يوليو 1968 اعلنت اسرائيل و ايران الانتهاء من انشاء محطة تفريغ النفط الخاص بها في ميناء ايلات
و اللي هي موجودة لحد انهاردة وبتشغل 27% من مساحة ميناء ايلات
و العجيب في الامر يا عزيزي
ان العقوبات الامريكية علي النفط الايراني لاااا تشمل النفط المفرل في محطة ايرناف في ايلات و اللي بيستوعب سنويا 59% من انتاج النفط الايراني
يا تري الواد العبيط بتاع ايران بتحرر الاقصي .. عرف اسرائيل بتجيب وقودها منييييين
دي بتبيع الزيادة عن حاجتها كماااااان
عرفتوا مين الديلر بتاع ايران النوتي اليااااي المتعاقبة من ماما شيكا بيكا
" كنت هنسسسسي .. يوووه يقطعني
ال 16 مليار دولار اللي اندفعوا لايران بعد طوفان الابادة ده .. و اللي امريكا اعلنت افراجها عنهم گأموال النفط .. محدش سأل هما كانوا محجوزين فيييين
كانوا فلوس محتجزة في اسرائيل مقابل النفط
"
The simple fact :
ان مفيش عقوبات امريكية علي ايران و كل دي اكاذيب
عشان تكريث نفط ايران لأنه يقوم اسرائيل في غفلة من العالم .. واهو بالمرة يشتغلوا العرب السذج
و ميعرفوش ان نفط ايران هو سبب اقامة اسرائيل و هو اللي بيشغل مصانعها و محطات كهرباءها لحد اللحظة
و يجي واحد ساذج يصدق فيلم الحوثي و السفن اللي بيستهدفها اللي رايحة اسرائيل و بتاع
دايرة من الاكاذيب الامريكية الايرانية لكنها محكمة
و اي حد يقدر يرجع لكتب المؤرخ السياسي الايراني سيد نيما حسيني و من اشهر سياسيين ايران و كان شبه متعاطف مع العرب
افتش اسرار التحالف الايراني الاسرائيلي .. وعمل لجوء للعراق
و قبله صدام حسين مهيب الركن الله يرحمه
تعب و صدام بعته ألمانيا يعمل جراحة استئصال ورم .. خطفته ال cia و اغتالته سنة 1986
و له تسجيلات كتير صوت وصورة و فيها وثايق
لما امريكا غزت العراق اخدتها من مكتب برزان التكريتي و اعدمتها ... مع انها كانت اتنشرت زمان في الصحف العراقية و النمساوية و الهولندية
" أظن شوية حقايق و فضايح من بيت الكلاوي .. بتبقا طرية ومبتخدش تسوية
"
الله .. اومال مصر و ايران اتصالحوا ازاي
هي مش ايران وقفت جنب مصر في حرب اكتوبر
و الله كبرتوا الموضوع يا شباب .. دي مركب حزينة مفيش غيرها
بس هحكيلك :
السادات الله يرحمه مكنش بيحب السوفييت و كان ضد الشيوعية تماما
و ده شئ يدعمه رجل امريكا في المنطقة شاه ايران
راح الشاه عرض علي السادات تسوية النزاعات بين الدولتين و انشاء تحالف لمقاومة المد الشيوعي
السادات وافق و انشأوا نادي السفاري بعضوية فرنسا و السعودية كمان
واما قامت الحرب السادات طلب منه بترول .. طبعا لو رفض كان هيكشف نفسه .. راح باعت المركب
لكن شهر العسل لم يدم طويلا
و الشاه جه لجوء في مصر .. و اتقطعت علاقتنا تماما بايران
" احنا بنأوي اشكال ضالة كتير والله
"
ومبارك كان منفض دماغه من ايران تماما .. اللهم ان مصر دعمت موقف العراق ضد ايران
راحت ايران مقدمة فينا مذكرة شكوي في الامم المتحدة و مجلس الامن
" عملولنا محضر في القسم
"
طب امتي عادت طهران للتواجد في مصر :
وقت حكم كلاب امريكا الوفية
سنة الاخوان السودا
و احمدي نجاد دخل مصر اللي مكنش يحلم يعدي جنبها اصلا .. وصلي في الازهر و رفع علامة النصر في وش المصريين
صحابي دخلوني غصب عنكم يا مصريين اهوووو
طب ليه لم يجرؤ يدخل مصر الا في السنة دي
The simple fact :
الاخوان المسلمين بكل اذرعتهم عسكرية سياسية اجتماعية مدارس تجمعات .. ايران بكل ذيولها في اليمن الحوث او حزب الله في لبنان
ما هم الا احذية في اقدام الصهيونية العالمية
مين اللي عمل اتفاقية الرمح الثلاثي
اللي بتنص علي التخالف الاستخباراتي و الامني علي الدول العربية و التحالف العسكري ضدهم
ايران .. اسرائيل .. تركيا .. بريطانيا
و اللي ايران انسحبت منها بعد تهويد القدس علي ايد ترامب
عشان ده خالف مادة 24 في الاتفاقية .. و اللي بتنص علي وعد لايران بوضع المقدسات الاسلامية و المسيحية و السياحة الدينية في القدس تحت اشراف ايران
يبقا مين حليف اسرائيل في المنطقة
ايران
مين بيديهم نفط لحد اليوم
ايران
مين حبيب ماما اسرائيل
ايران
مين روح ماما اسرائيل
ايران
مين اللي راح ايران قعد حافي قدام المرشد زي التلميذ اللي هيتمد علي رجليه
قادة حماس اللي هما اخوان مسلمين
مين اللي دفع ال 16مليار دولار لايران و صالحها علي اسرائيل بعد قمصة التهويد و شغل كيد النسا في بعض
و جابها دلوقت تمثل دور الشرير اللي هيفترس الضحية اسرائيل
امريكا
يبقا مين يا مايكل اللي اغمض عينه و دخل الاسلحة لحماس " زمانه تاه مني و اغم عليه مايكل روبين
"
- اللي اعطي تعليمات بتعطيل القبة الحديدية
- واللي حط في الخدمة يومها ظباط اغلقت الرادرات
- و اللي اعطي اوامر لطيارته انها تقصف المستوطنين الصهاينة في الحفلة الغنائية
اللي طلعوا انضربوا بمقاتلات F 16 مش خفاش ايراني
يبقا مين اللي رتب احداث المسلسل من اوله
و المخرج اللي اختار الابطال
و المنتج اللي بيمول العمل و بيدفع للممثلين
امريكا
و ترجعوا تجيبوا سيرة مصر و انتوا مفضوحين فضيحة السمكة في طاسة القلية
تجتاحوا رفح
تجتاحوا سور برلين حتي
انتوا احرار اولعوا في بعض
لكن تدخلوا سينا .. هنا هستعير جملة السفير محمد فوزي " الراااااجل فيكم يقرب منها "
--------------------------------------------------
الرد ده هيوصل للجريدة و لمايكل روبين و عارفة كويس انه هيروح ابعد من توقعاتي كمان
لكن انا سردت فيه حاجات لمخاطبتك انت
لمخاطبة المصري الطيب اللي مسحول في قصص متخصوش و بيهلل لعصابات هما في الاصل ألد اعداءه
من حق أي صحفي في أي حتة يكتب اللي عايزه .. و من حقي اديله بالجزمة
زمن المقالات اللي بتوزع اتهامات علي مصر و نسكتولها ده اعتقد آن الاوان انه ينتهي
و بكرر تاني
انا لا امثل الا نفسي فقط و لا اتحدث الا باسمي
دمتم بخير احبابي
حمد الله علي سلامتششششي
و ربنا نورت
كتبته
دكتوره/ چيلان قاسم