🔻كاهن المعبد… آنتا ديوب أبو المركزية الأفريقية و أُستاذ آنتوني براودر🔻
بالتزامن مع حملتنا لمقاومة الأفروسينتريك هنتكلم عن شخصية يمكن هي الأخطر في تاريخ الأفروسينتريك. الشخصية دي هي الشيخ أنتا ديوب.
🔵مين دة؟🔵
-انتا ديوب هو مؤلف و باحث سينغالي تُعتبر مؤلفاته هي الأهم في حركة المركزية الافريقية. أهم نظرية عملها أنتا ديوب بيقول فيها ان دور الحضارات الافريقية تم تهميشه و إخفاؤه عمداً على يد العِرق الأبيض، و ان الحضارة الافريقية تمتد من المكسيك لحد الصين لكن كل دة اتدمر و سرقوا الاوروبيين و نسبوه لنفسهم.
🔵الكاهن الأكبر🔵
-مقالات و كتب أنتا ديوب بتُدرس في المناهج التعليمية في السينغال و في دول أفريقية تانية و طبعاً فيه محاولات كتير في امريكا عشان يخلوا مؤلفاته جزء من المناهج. الشيخ أنتا ديوب من أول الناس اللي دعمت فكرة القومية الإفريقية القائمة على مبدأ ان مصر هي اول حضارة إفريقية سوداء و هي الموطن الأصلي للشعب الافريقي الأسود و منها انتشر الشعب الأفريقي في باقي قارة افريقيا و العالم و خرجت من مصر باقي الحضارات الافريقية من المكسيك للصين. بعد سقوط حُكم المصريين في مصر اليونانيين احتلوا مصر و سرقوا الحضارة المصرية الز-نجية و نسبوها لنفسهم و بعد اكتشاف حجر رشيد و تأسيس عِلم المصريات الأوروبيين كملوا سرقة لباقي التاريخ المصري حسب مُعتقده.
-قبل أنتا ديوب حركة الأفروسينتريك كانت مش مركزة على مصر اوي زي دلوقتي و كان هدفها افريقيا ككل عشان كدة الشيخ أنتا ديوب أخد لقب "فرعون المعرِفة" لأنه غير أساس فِكر الأفروسينتريك و وجهه ناحية مصر. الشيخ أنتا ديوب له مقولة شهيرة بتقول "وِلادة علوم المصريات كانت تحتاج لمسح اي ذكريات عن مصر الزن-جية من كل العقول بأي ثمن ممكن".
-علماء المصريات كانوا بيطلبوا يعملوا مناظرات مع أنتا ديوب و يناقشوا نظرياته لكن كان دايماً بيرفض عشان بيقول ان كل علماء المصريات كدابين و علومهم كلها كدب فا مش هينفع يجادلهم في حاجة أصلاً كدب حسب مُعتقده.
🔵يا أفارقة العالم اتحدوا، مصر هي وطنكم الأم🔵
-أنتا ديوب له تأثير كبير جداً على شعوب غرب أفريقيا و خصوصاً بلده السينغال اللي بتحتفي جداً بأنتا ديوب و عملوله تمثال في أكبر جامعة في العاصمة داكار و غيروا اسم الجامعة من "جامعة داكار" لجامعة أنتا ديوب. من أشهر كُتُب أنتا ديوب هو كتاب “The African Origins of Civilization” و دة فيه مُعظم نظرياته الخطيرة اللي انتشرت بقوة من أول التمانينات في غرب افريقيا و أمريكا.
🔵في النهاية🔵
أنتا ديوب هو مُجرم حقيقي و لا يمناع حدوث عنف بسبب نظرياته. انهاردة مفيش مصري في أمريكا مش بيتعرض للمضايقة من الأفارقة-الأمريكان اللي معاه في الشغل أو الدراسة، لدرجة ان أحيانًا كانت بتوصل للعنف و التهديد بقتل المصريين في امريكا زي ما حصل في ولاية نيو جيرسي. السينغال بتعلم ولادها اكاذيب أنتا ديوب، مستنيين ايه عشان نعلم ولاد مصر تاريخهم الكامل بدون أي مُجاملات لحد و نرجع هويتنا الأصيلة؟ هويتنا و حضارتنا هم سلاحنا لمقاومة الأفروسينتريك.
كُتب الشيخ أنتا ديوب:
#وقف_مسلسل_AfricanQueens
#Stop_AfricanQueens_Series
#Stop_Blackwashing_Cleopatra