•• إعتداءات المركزية الأفريقية على المصريين | عن صعود "معاداة المصريين" في أوروبا وأمريكا ••
في الحقيقة البوست ده أكتر بوست معمول وقلبنا بيعتصر من الحزن وده لأن أثناء ما إحنا بنكتب، في هاشتاج ومجموعة بوستات باسم #أنا_مصري_داعم_الأفروسنتريك
بيروجه مجموعة منحط..ين لدعم أصحاب فكر المركزية الأفريقية "الأفروسنتريزم" في حقهم لسرقة تاريخنا وحضارتنا وهويتنا المصرية نكاية في القوميين المصريين حتى لو في سبيل ده هيتغاضوا عن اساءجة المركزية الأفريقية للإسلام والمسيحية وتغاضيهم عن جرايم العنصرية والكراهية ضد المصريين في الخارج والبعض الآخر بيحاول يقلب الترابيزة إننا احنا العنصريين..ولا هما مصريين ولا هم يحزنون..
البوست ده هيسرد مجموعة من الجرائم البشعة بحق المصريين المقيمين في الخارج بسبب العنصرية وترويج خطاب المركزية الأفريقية بأننا عرب متطرفين في أوروبا والغرب بشكل عام..
🔴 إلى روح مريم مصطفى
مريم بنت مصرية عندها ١٨ سنة عايشة في بريطانيا مع أسرتها وطالبة في كلية الهندسة في مدينة نوتنجهام..ترصدلها مجموعة مكونة من ٦ بنات منهم من أصول أفريقية للتنمر عليها والعنصرة تجاهها..
رغم إن مريم كانت طالبة متفوقة ومسالمة جدًا بالإضافة إنها عندها حالة مرضية في قلبها كانت بتتعالج منها..
البنات ال٦ تعرضوا ليها في أكتر من موقف للعنصرة عليها وأذيتها نفسيًا وضربها وسبها وتصويرها واذلالها لكونها طالبة مصرية..
وأخيرًا اتجمعوا ال٦ واعتدوا عليها جسديًا وضربوها في وشها إلى ان هربوا وتركوها في اصاباتها البالغة اللي علي اثرها دخلت في غيبوبة وانتقلت للمستشفى..وبعدها بفترة وجيزة جالها سكتة قلبية توفت علي اثرها مريم..
عشان تبدأ سلسلة محاكمات بعد القبض عالمتهمين وياخدوا عقاب مخفف لا يليق بجريمة القتل اللي تمت..
الله يرحمك يا مريم، جرايمهم متوثقة في التعليقات..
🔴 إلى روح شادن الجوهري
طالبة مصرية ٢٢ سنة جميلة مقيمة في المانيا وهي بتعبر الشارع داس عليها ألماني بعربيته بدم بارد وهي بتتألم وروحها بتخرج وتفارق الحياة وغرقانة في دمها بينزل الألماني بيصرخ فيها وبيشتمها ويقول: "ارجعي لبلدك يا عربية يا متطرفة".
عشان تنتهي حياة شادن اللي مكملتش ال٢٣ سنة في عز شبابها بسبب خطاب عنصري رسخه أصحاب فكر المركزية الأفريقية عن إننا عرب متطرفين واللي خلي خطابات العنف وجرائم التطرف تصعد ضد كل من هو مصري او مسلم..
🔴 إلى ملك محمد
ملك محمد اخت مريم..عانت معاها على مدة شهور من التنمر والكراهية والاعتداء الجسدي بجانب اختها عشان يشاء القدر هي تنجو من هذه الجريمة البشعة بينما الأخت تنتهي حياتها بشكل مأساوي..
🔴 إلى كل مصري ومصرية تعرضوا للعنصرية والاعتداء
البنات دي مكنوش الحالات الوحيدة اللي تعرضوا لجرايم بشعة من متطرفين منساقين ورا خطابات المركزية الأفريقية..مصرية كذلك تعرضت لابتزاز وعنصرية من نيجيرية في جامعة كالجاري مكان دراستها هناك من إحدى زميلاتها والسبب هو إنها "بتفتخر بكونها مصرية".
في شكوى زوجها قال إنها واجهت إساءات مباشرة ليها وقالت: "أنها تكره هذا العاه**ة لأنها تصر علي كونها مصرية زورًا".
عائلة مصرية أخرى في الولايات المتحدة الأمريكية اشتكوا احدى المدرسات في مدرسة ابنتهم في أمريكا لأن لما البنت قالت إنها مصرية..وقفتها المدرسة وحذرتها من انها تقول ده لأن بشرتها مش "سوداء" ولا تمت لمصر بصلة..وإنها لازم تكون خجلانة لأن الموجودين حاليا هناك هما محتلين قتل.وا واستعب.دوا المصريين الحقيقيين وطردوهم".
🔴 القومية المصرية ترى..نحن نسجل
جايز الوعي لسه موصلش لدرجة إن الدولة المصرية تبدأ تتخذ إجراءات حاسمة تجاه هذا الفكر..وبينما احنا بنكتب البوست"أنتوني براودر" أكبر مروجي فكر المركزية الأفريقية في امريكا واللي كان مسؤول عن تنظيم مؤتمر أسوان السنة دي واللي تم الغاؤه..موجود حاليًا في الأقصر بيحضر تعامد الشمس علي معبد الكرنك هو ومجموعة كبيرة من الأفارقة المؤمنين بالمركزية الأفريقية وبيرسخ تواجده في مصر بشكل يومي وطبيعي..في ظل ما أصحاب فكر المركزية علي أرضنا بيهينوا فينا وفي آثارنا!!
وعد مننا إننا لن نتهاون مع كل مروج لهذا الفكر المنحط العنصري وكل من دعم وأيدهم في الاعتداء علينا وعلي تاريخنا وعلي هويتنا المصرية وحتى علي أدياننا ومعتقداتنا..وهيتم فضحهم واحد واحد
وإن غدًا لناظره قريب..تحيا الأمة المصرية مدى الدهر 🇪🇬
#القومية_المصرية
#المركزية_الأفريقية
#الهوية_المصرية
#وعي_مصر
https://www.facebook.com/