هو بيتكلم عن الاداره مش التخصص
الاداره فعلا للجامعات المصريه سيءه
مش معني ان دكتور شاطر في مجاله انه يبقي تجيبه رءيس للجامعه
العمل الاداري ليه شكل تاني ..
علي سبيل المثال من ايام مبارك وهم بيقولوا تطوير التعليم ونظام الجوده شفت شيء
انا بطلع كل ورقي الكتروني وعمري مارحت سؤون عاملين
في مصر
بعت اميل عشان اطلع وثيقه ٨سنين من مابعت اميل للنهارده مافيش رد
لحد مادكتور بنفسه طلعها لي
وفي أوروبا بما فيها دول تعبانه اكتر شيء تلات ايام وزي ماقلت الكتروني وساعات قي وقتها
والاهم
مافيش ربط بين دراسات سوق العمل واختياجاته وتذويد الدكاتره بيهم ليحددوا مناهجهم علي اساسها فبيطلع الطالب محشي دماغه بحجات المهاش علاقه بشغله وللمطلوب من شغله مش عارفه!@
غير وسايط في تعيين ابناؤهم وولاد زمايلهم
اعرف واحد شخصيا ابوه دكتور جامعه كنا مسمينه في الاعدادي والثانوي ابوصفر جاب في للثانوي ٦٧ % ابوه الدكتور دخله تربيه نوعيه عشان زميله الدكتور هناك والحمد لله بقي دكتور الان وبيدرس وبنت الدكتور التاني اللي عين ابن زميله اتعينت في كليه ابوه الواد ايضا معيده ب ٧٢%
وبعدين جوزوهم لبعض
وبيربوا أجيال بعصاره عبقريتهم
ودي مش حالات فرديه
التعليم في مصر كمحتوي وكوادر جيد ولكن تنظيم واداره سيء
خش مكتبه جامعه في الغرب واسال عن كتاب هناك تلاقي امين المكتبه يلف معاك في كل ارجاؤها ويرشح ليك فصول معينه ويساعدك وساعات لو مش متوفر يدور علي النت ويجيبه ويبعته ليك في اميل لو الكتروني او الجامعه تشتريه
عندنا مثلا في مكتبه الجامعه ودي تجارب شخصيه تلاقي الموظف يقولك سجل اسمك وبعدين تسأله عن كتاب يقولك مش موجود طيب فيه بديل يقولك مش عارف وييسيبك وتتكلم مع صاحبتها عن المسلسل التركي
ف هل عندك زي كل العالم مكان تقييم الخدمه وعلي اساسها يقيم الموظف او ينفصل لو ماوصلشي الrating
بتاعه لمستوى معين ؟
طالما مافيش ده يبقي مش هيحصل تطوير
بالنسبه لعيب المتطومه الطبيه مش بس فلوس فهم بيعملوا فلوس جيده يمكن اكتر من الغرب من العيادات الخارجيه القصه واللي مدمره السياحه الطبيه ان مافيش منظومه متكامله لشكوي الدكتور ان اخطأ عن اهمال او سؤ خبره
افتكر استاذ رءيس قسم قالي كلمه الدكتور المصري اللي بيطلع بره بيبقي الافضل لان العيانين هنا بالكوم وبيتعلم فيهم وهو مش خايف عكس الدكتور في الغرب مابيحاولش يجرب اي وسيله اخري خوفا من انه يخرج عن البروتوكول ويحصل شيء فيتحاسب !
ولو غلط او اهمل يقولك كلمتين دروشه وشكرا اوروبا يحصل فيه تعويض وممكن سحب رخصه معاه ان كان الاهمال عمدي او سؤ خبره فلذلك كلهم بيطوؤوا من نفسهم باستمرار
المشكله في مصر مافيش جهه رقابه ومحاسبه فعاله من مقدم الخدمه لمتلقيها
