-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
تحليل للمشروع الصاروخي المصري
- بادئ الموضوع Aymanop1522
- تاريخ البدء
الواد ماشي كويس لحد أخر حتة وقام قافل القفلة المعتادة محدش عنده معلومة أكيدة
أيوة بس هو عمل تسلسل حلو وربط حاجات ببعضها
أه تحفة طبعا ومجهود حلو قوي بس برضه القفلة تخوف لما قال ممكن صواريخ سام وممكن ميكونش في حاجة أصلا الأكيد محدش يعرف حاجة
الواقع بيقول ان برنامج مصر الصاروخى توقف عند الأخبار المتداولة و المعروفة عنه ، و بلاش نعشم نفسنا اكتر من كده لما كان البرنامج نشط كان فيه شواهد له و كانت في تجارب و تعاون مع دول التطوير ، حالياً حتى الدول التى كنت تتعاون معها في تطوير برنامجك العلاقات معها لم تعد كالسابق لأسباب مختلفة و مفيش أخبار أننا بنقوم بتجارب صاروخية على ارضنا .
مش بحبطكم بس ايه يمنعنا لو في برنامج يبقي معلن و اسرائيل بتعمل ده كل فترة و غيرها ، وليه الأخبار كلها بتدور حول فترة زمنية معينه وبعدها بقى الموضوع مجهول و التطوير في المجال ده اعتقد صعب اخفاءوه
مش بحبطكم بس ايه يمنعنا لو في برنامج يبقي معلن و اسرائيل بتعمل ده كل فترة و غيرها ، وليه الأخبار كلها بتدور حول فترة زمنية معينه وبعدها بقى الموضوع مجهول و التطوير في المجال ده اعتقد صعب اخفاءوه
اما تشوف أمريكا بتجهز لعقوبات علي كيانات لها علاقة بتطوير السعودية صواريخ باليستية هتعرف ليه مفيش إعلان.
انا متأكد عندنا برنامج قوي في العيار والمدي ولكن ينقصه التوجيه والدقة وجاري العمل علي النواقص
بدون اختبار محرك و مدى و قدرة مناورة و توجيه هتعرف ازاى انك ماشي صح ؟
مجرد سؤال و أتمنى أكون مخطئ
منشأة اختبار المحركات في جبل حمزة تم تصويرها بعد تحديثها.
المدي ممكن اختباره في دول صديقه لها معنا تعاون في هذا المجال مثل كوريا الشمالية وهم يجرون تجارب ليل نهار.
قدرة المناورة معتقدش وصلنا للدرجة دي وكمان التوجيه.
هي مجرد صواريخ باليستية مبنية علي سكود سي او أحدث قليلا
لما تم تحديث بعض المنشأت فى جبل حمزة صور الاقمار الصناعية اتسربت و الأخبار انتشرت على المنتديات و احنا كهواه عرفنا فبالتالى لو تم اجراء اختبارات فعليه لمحركات كان ظهر عنها اخبار و لكن وجود تحديث هو مؤشر ان في خطوات بتم حتى ولو كانت بطيئة .
تقاربنا الحالى مع كوريا الجنوبية بيقول اننا جمدنا العلاقات مع كوريا الشمالية و خاصة ان الدولة مش كانت محتاجة مشاكل الفترة اللى فاتت للتفرغ لمعالجة المشكلات الداخلية .
احنا لو اشتغلنا ع مديات أقل من ٣٠٠ كم زى الفل كبداية لتطوير قدراتنا خاصة في التوجية و المحرك و غيره
السنوات الأخيرة من حكم الرئيس مبارك كان تقريباً مفيش اى برامج تطوير للقوات المسلحة و الصفقات محدودة و اللى بيشهده الجيش اليوم شئ عظيم من تطوير فعلى و سعى لنقل التكنولوجيا متفائلين خير بإذن الله
اسمعوا الكلام دا كويس جدا الصواريخ البالستية خيار الاغبياء والمتخلفين 
الكلام دا فى التسعينات يمكن فى بداية الالفية ممكن اى غبى بيفكر فى مشروع بالستى براس تقليدية دا حمار برخصة
احنا فى زمن الكروز والدرونات الانتحارية ولنا فى اليمن عبرة كل الصواريخ البالستية معظمها تم اعتراضه بنجاح معنى كدا انه بح كان فيه وخلص خصوصا سهل التنبأ بمساراته وسهوله اعتراضه
مش محتاج اتكلم عن ما فعله الكروز والدرونات الانتحارية فى السعودية وارمينيا
بالمناسبة صواريخ الكروز سهل الاخفاء ووزنه خفيف وغير جاذب للنظر ويمكن تطويره فى منشاات لا يمكن رصدها او مراقبتها وكذلك الدرونات مش محتاج اقول المنشات البالستية سهلة الرصد اد ايه 😄 سلام
الكلام دا فى التسعينات يمكن فى بداية الالفية ممكن اى غبى بيفكر فى مشروع بالستى براس تقليدية دا حمار برخصة احنا فى زمن الكروز والدرونات الانتحارية ولنا فى اليمن عبرة كل الصواريخ البالستية معظمها تم اعتراضه بنجاح معنى كدا انه بح كان فيه وخلص خصوصا سهل التنبأ بمساراته وسهوله اعتراضه
مش محتاج اتكلم عن ما فعله الكروز والدرونات الانتحارية فى السعودية وارمينيا
بالمناسبة صواريخ الكروز سهل الاخفاء ووزنه خفيف وغير جاذب للنظر ويمكن تطويره فى منشاات لا يمكن رصدها او مراقبتها وكذلك الدرونات
مش محتاج اقول المنشات البالستية سهلة الرصد اد ايه 😄 سلام
كلامك بعيد عن الواقع كليا ...لا يجب ان تشبه الكروز بالبالستى لان كل سلاح صنع لشى الضرب المساحى والضربات الدقيقه..لو كده نبعت رساله للصين وامريكا وروسيا ونقول لا تطور صواريخ بالستى تقليدى لانها عافى عليها الزمن وسوف تصد...ونسى ان الحوثى يستخدم صواريخ بدائيه للغراق فقط على السعوديه...وكمان لو رجعت لارمينا أذربيجان استخدمت صاروخ بالستى تقليدى🙃🙃
لا كل سلاح له هدف معين.. الصاروخ الباليستي مخصص لتدمير المواقع الحيويه والمدن والموانئ الخ... لكن الكروز موجه لنقطه معينه.. يعني قادر علي تدمير دشمه في مذار حربي لكن غير قادر علي ضرب مدن او موانئ.. شتان بين ذلك وذلك.. بخصوص رصد الهدف... الباليستي يرتفع لفوق 50 كلم وسرعه دخوله في الغلاف الجوي سريعه جدا.. و الانظمه المضاده.. معدوده.. يعني باتريوت وثاد واستر.. انما مش معقول تصد صاروخ باليستي.. بتور مثلا ولا بوك ولا ايريس حتي؟!..
مدي الباليستي فوق 500كلم.. قادر علي الوصول الي ابعد نقطه معينه.. ومطلق من منصات ارضيه يعني عربه الاطلاق ممكن تتخفي بعد اطلاق الصاروخ علي عكس الكروز مطلق من الجو أو البحر وصعب المناوره سواء بالطائرة او بالسفينه.. حتي في حاله الكروز يجب ان تقترب الطائره من الهدف المراد تدميره لمسافه لا تقل عن 250 كلم! علي عكس الباليستي shoot and Scott اطلق واختفي!
كوريا الجنوبية تقاربت مع مصر لاستثمار علاقتنا مع كوريا الشمالية لان كوريا الجنوبية عارفة ومتأكدة ان امريكا مش هتحميها ومبيثقوش في الامريكان من ساعة القرم ومن قبلها كمان فبتحاول تأمن نفسها بنفسها و بيحاولوا يعملوا اتفاق سلام مع الشمالية و شايفيين ان مصر ممكن تساعدهم. فعلاقتنا بكوريا الشمالية قوية جدا لا تقلق.
بالنسبة للصواريخ الباليستية..مصر بكل اريحية عدت مدايات كبيرة ودخلنا في البالستي متوسط المدى وبالنسبة للتوجيه جبنا التكنولوجيا دي من المانيا وسويسرا وصدرناها لكوريا الشمالية والكلام دا حصل في التمانينات ايام العظيم ابو غزالة الله يرحمه
المواضيع المشابهة
