مرحبا بك في منتدى الشرق الأوسط للعلوم العسكرية

[S.P.Q.R]

من فضلك, تسجيل الدخول أو تسجيل لعرض المحتوى !

دول كتير ليها مصلحة ان مصر تفضل في الوضع ده مع اسرائيل زي تركيا مثلا و بيعرفوا ازاي يوجهوا الرأي العام عندنا عن طريق وكلائهم اللي هما الاخوان عشان يمنعك من اي استفادة من اسرائيل و يفضل هو فقط المستفيد الاكبر في كل حاجة سواء في السياسة او الاقتصاد و التكنولوجيا
جزء كبير من وعي المصريين بكافة انتمائاتهم اتشكل على ايد الاخوان بطريقة مباشرة او غير مباشرة

 

[Bright sky]

من فضلك, تسجيل الدخول أو تسجيل لعرض المحتوى !

انت تقريبا الخطر الوحيد الباقي لهم ، مشكلة اليهود انهم عارفين مدي كره المصريين لهم ، لذلك حاولوا يتقربوا لنا عبر اتفاقيات اقتصادية و ضغط امريكي حتي يكون السلام بنا اكثر دفئ

هم علي علم تماما ان حربهم النظامية القادمة ستكون ضدك ، الفكرة بالنسبالهم ليس وجود رئيس لن يحاربهم مثل مبارك سابقا او السيسي حاليا الفكرة في وجودة قيادة جديدة في المستقبل قد يتطور الامر معهم لصراع عسكري ، لذلك كانوا بيحاولوا التقرب من المصريين كشعب و ليس قيادة لتفادي هذا في المستقبل لكن فشلت محاولتهم عكس دول اخري كلنا عارفينهم
لذلك وجودك قوي ده في مصلحتهم لان الاضطراب الداخلي قد يأتي بقيادة معادية لهم لكن بقائك قوي بقدر معين حتي لا تكون تهديد وجودي لهم في المستقبل

 

[Nile Crocodiles]

من فضلك, تسجيل الدخول أو تسجيل لعرض المحتوى !

كدا انت بتتكلم في اننا لازم نلعب معاهم سياسة......وده ما فيش فيه اختلاف لان دائما السياسين بيبحثوا عن مصالح دولهم حتى لو هناك غضب شعبي
واتفق معك ان الشعب المصري سيظل لديه كره لهم

لكن اختلف معك قليلا في نقطة السلاح ففي العقد الاخير استطعنا ان نحصل على صفقات نوعية وتقريبا في كل الافرع بداية من الجوية وحصولنا على الرافال بالاسكالب وقريبا الميتور والدفاع الجوي بحصولنا على S300 وربما في المستقبل القريب S400 وفي البحرية حدث ولا حرج ويكفيني في رايي الفرقطاتين البيرجماني بالدفاع الجوي الاستر
30
ربما تختلف معي في طرحي وهذا حقك ولكني مازالت على رايي انهم يكفيهم اتفاقيتنا معهم للسلام ونحن يكفينا تطوير علاقتنا الاقتصادية بما يخدم مصالحنا لانهم لن يكفوا عن معارضتهم لاي طلقة سنشتريها حتى لو تقاربت معهم اكثر مما نحن عليه الان لانهم يعلمون انك عدوهم الاوحد والاقوى في المنطقة
تقبل تحياتي

 

[Nile Crocodiles]

من فضلك, تسجيل الدخول أو تسجيل لعرض المحتوى !

وسيظل الشعب المصري غير متقبل لهم لانه يعلم نواياهم الحقيقية
تحياتي لك

 

[Rsa eg]

من فضلك, تسجيل الدخول أو تسجيل لعرض المحتوى !

وتعتقد أنهم ممكن يوافقو مثلا فى سلاح مؤثر عندهم ولا احنا اصلا عاوزين حاجه منهم

 

[Xمارشال]

هو بس فيه نقطة الأول نتكلم فيها
قدرات الدولة المصرية من مراكز ومعامل تطوير وقوى بشرية وقدرة خلق أفكار جديدة لا يوجد الظل المكافئ لها على الأرض
يعني من خلال صفقات تسليحنا ومش الفترة دي تعديلاتنا على طلبيات تسليح معينة كانت بتبقى سابقة وقتها
يعني فيه فكر ودماغ ... طيب المفروض إني أمول بنية تحتية لإستثمار الدماغ دي
عندي طلبة كليات هندسة وفنية عسكرية ومعاهد هندسة وفنية ... أجمع منهم أفكار وأتبنى منها اللي ألاقيه ناجح وبيخدم استراتيجيتي وأحصن المجموعة دي وأحميها يا بمركبات وكومبوندات فيها كل خدماتهم وأحطلهم البنية التحتية اللازمة لعملهم
عندي خبراء كومبيوتر وشبكة معلومات وعندي تقريبا كل اللي أنا محتاجه واللي مقدرش عليه ... مش عيب أسرقه بعمليات استخبارات أو شراء أدمغة
تلخيص الكفاءة والتفكير المتجدد في العسكريين فيما يختص بصناعة السلاح ... غلط
أنا ممكن يكون عندي قاعدة بشرية بتطوير معين لطريقة تفكيرها ولا عملها أجني من وراها مكاسب لا تعد ولا تحصى
برضك مشاريع التصنيع المشترك والتفاوض على نسبة أعلى للمنتج المحلي وتوطين الصناعة ولو معايا فلوس أبقى زبون تطويري وأعمل شركات مشتركة مع الموردين
كل ده ممكن يزق الأمور لقدام

 

[Nile Crocodiles]

من فضلك, تسجيل الدخول أو تسجيل لعرض المحتوى !

اولا تحياتي لك
كل ما ذكرته افكار خارج الصندوق ونتمنى ان نرى تطور سريع في كافة المجالات واعتقد اننا في الفنرة الاخيرة بدانا نتهج مبدا توطين التقنيات والصناعات وليست العسكرية فتعاقدنا مع الشركاء الالمان لبناء مصنع ماكينات CNC يبرز هذا الفكر

وفيما يخص مشاركة المدنيين للعسكريين في المشاريع وفي الافكار اعتقد ان هذا يحدث منذ فترات طويلة لكن ربما ليس بالقدر الذي يرضي طمحونا كمصريين........لكنك تعلم بالطبع ان اي المجال العسكري لدينا ليس من السهل الدخول فيه بسبب الاختياطات الامنية التي تفرضها الدولة على هذا القطاع وهم لهم الحق في ذلك من وجهة نظري
وايضا تكملة لافكارك الممتازة مشاركة القطاع الخاص للصناعات العسكرية اصبح شئ واقع على الارض ووجدنا ذلك في مشروع المدرعة المصرية ST100 and ST500

 

[ديجافو]

من فضلك, تسجيل الدخول أو تسجيل لعرض المحتوى !

يا ريس احنا كنا هنعمل مشروع التخرج درون نص متر فنص متر بعد مبدأنا شغل فيه وصممناه واخترنا المكونات اترفض لدواع امنيه ??
غيرناه بحسرة لمشروع تاني وخلينا ساكتين

 

[ديجافو]

من فضلك, تسجيل الدخول أو تسجيل لعرض المحتوى !

الشعب المغربي بالمناسبة مش موافق على الي بيحصل لكن زي متقول كدة مفيش فإيده حاجة وميغركش الكام عضو الي ميقدروش يقولوا كلامهم ده للعامة
بالمناسبة عندنا كدة برده لو القيادة حاولت تعمل أي حاجة فعادي جدا محدش هيعترض ولا هيفكر يفتح بقه لأنه عارف هيحصله ايه مع انه هيكون كاره الي بيحصل كره العمى
وكل الدول المطبعة نفس الحال

 

[House]

من فضلك, تسجيل الدخول أو تسجيل لعرض المحتوى !

هو انت كلامك صحيح وكل حاجة .. لكنك لم تفسر سبب العداء حاليا وماذا تستفيد مصر منه .. بالعكس العداء ده مكتفنا ومخسرنا حاجات كتير وياريته حتى عداء له اسبابه المنطقية المتعلقة ب(((مصر)))

لكن لو استبدلنا العداء اللي خسرنا كتير ووقف تنميتنا عشرات السنين مش بس بحالة سلام لكن ب(((تحالف))) حقيقي اكبر حتى من الامارات والمغرب بفعل الحدود المشتركة احنا هننطلق انطلاقة كبيرة جدا بدون قيود .. وهنستفيد من واحدة من اكثر الدول تقدما على حدودنا .. بينما باقي حدودنا شعوب فقيرة اغلبها كاره لنا بالمناسبة

باختصار احنا مصاحبين على حدودنا ناس بتكرهنا عايزين يستفيدوا مننا من غير اي فايدة لينا .. ومعاديين الناس الوحيدة على حدودنا اللي يقدروا فعلا يساعدونا .. والعداء ده لم يعد لاسباب متعلقة بمصر

 

[House]

من فضلك, تسجيل الدخول أو تسجيل لعرض المحتوى !

هل احنا عايزين حاجة منهم ؟ طبعا اسرائيل تمتلك الكثير مش بس عسكريا يقدر يفيدنا

اكيد مش هيوافقوا على سلاح مؤثر في الوضع الحالي اللي عارفين فيه ان كل الشعب بيكرههم وعايز يحاربهم .. لكن لو مكنش ده تفكير الناس عندنا اكيد كان هيبقى فيه تعاون اكبر كمان من المغرب والامارات بسبب الحدود المشتركة

اسرائيل دي دولة محتلة .. اللي بيدعوا انه حقهم واخدينه كله .. وبالتالي هي من مصلحتها ان الناس تقبل بالامر الواقع .. وانت حاربت لسنين طويلة حرب مش بتاعتك دفاعا عن ناس مطمرش فيهم بل وكمان بيساعد على قتل جيشك .. ورغم كل ده مازال الشعب المصري متمسك بالدفاع عنهم على حساب مصلحته الشخصية

 

[Bright sky]

من فضلك, تسجيل الدخول أو تسجيل لعرض المحتوى !

يا صديقي هي دولة دينية قائمة علي معتقداتهم اليهودية ، و مازال لها احلام توسعية و انت تعيقهم ،
افترض انهارت مصر لقدر الله و اختفي الجيش المصري عن المشهد مثل الجيش العراقي ، ستبدأ إسرائيل في التوسع مرة اخري

هناك غياب ثقة بين الطرفين ، مصر في تسلحها تضع حساب حرب تقليدية مع اليهود وهم كذلك محتفظين بجيش كبير لنفس السبب علي الرغم من انهيار الجيوش العربية حولها او حتي ليست القريبة منها

حتي امريكا نفسها يهمها بقاء الجيش المصري قوي لكن بقدر حتي تسيطر علي إسرائيل

 

[Bright sky]

من فضلك, تسجيل الدخول أو تسجيل لعرض المحتوى !

اكيد انت عندك حق ، التعميم عموما خطأ

لكن الوضع مش زي في مصر ، خصوصا ان في اكثر من مليون اسرائيلي من اصل مغربي

كلنا بصفه عامة شعوب عاطفية و مرتبطين بقيادتنا و الكثير سيؤيد اي قرار و عكسه لحكامه

 

[ديجافو]

من فضلك, تسجيل الدخول أو تسجيل لعرض المحتوى !

يا أخي مفيش أي رابط بينهم وبين المغرب .. لا لغة ولا دين ولا وطن ولا ثقافة
أصله مغربي ازاي بس .. دي دعاية لتمريرها للشعب زي دعاية الامارات لايقاف الاستيطان
الشعوب ليست عاطفية هي مع الحق أيا كان مكانه
علشان كدة تلاقي موقفهم واحد (لأن سبب العداء لم ينتهي) عكس السياسيين الي كل يوم برأي
وياريته بفايدة خليني ساكت أحسن

 

[hazem]

من فضلك, تسجيل الدخول أو تسجيل لعرض المحتوى !

أنا عارف أن ناس كتير هتزعل أسرائيل أكتر دولة بكرها بس أنا موافق للتعاون المدني معاهم جدا
المدني هيرجع بفايدة عظيمة جدا علي مصر ولو ده حصل أمريكا هتفتح الصندوق الأسود اللي متحرم علينا

هو عموما الأدارة الحالية بدأت الشغل ده عباس كامل مش سهل خالص الصراحة وشوية والناس هتشوف نتائج ده التعاون المدني ومصر قوية هيرجع بفايدة علينا عظيمة

 

[Ayman beh]

انا ما عنديش مشكله ان المغرب تتعاون مع اسرائيل بس ده يكون لصالح تحرير ارضهم المحتل لكن للاسف كلنا عارفين ان كل الصفقات والاسلحه والتصنيع اللي حصل بينهم وبين الصهاينه موجه ضد الجزائر بشكل رئيسي ولا يمكن تسمح اسرائيل او امريكا بتوجيه السلاح ضد حليفهم اسبانيا

 

[Golden Fingers]

من فضلك, تسجيل الدخول أو تسجيل لعرض المحتوى !

حاليا بسبب الاستثمار الحكومي والمشروعات الضخمة و النمو الاقتصادي …. تتسابق الشركات العالمية في ايجاد موطىء قدم لها في السوق المصري الواعد …
ولذلك ترى ما هو منشور مثل اتفاقيات نقل التقنيه والحفاظ عليها وعدم نقلها لطرف ثالث مثل تلك الموقعه بين شركات المانيه والهيئه العربيه للتصنيع ….. وهناك ما هو ليس مشهورا في مجالات اخرى ( اعلم عنها يقينا ) … بإختيار مصر لتكون المركز الرئيس الصناعي والبحثي لافريقيا والشرق الاوسط …. لعدة اسباب :
- وفرة اليد العامله المدربه وتكلفتها القليله
- وجود البنيه التحتيه وسلاسل الامداد المحليه
- الموقع الجغرافي الاستراتيجي والقريب من خطوط النقل الرئيسيه .
- النمو الإقتصادي المتوقع للإقتصاد المصري .
- اتفاقيات التجاره الحره المتعدده التي وقعتها مصر مع العديد من دول المنطقه والعالم .

 

[Bright sky]

من فضلك, تسجيل الدخول أو تسجيل لعرض المحتوى !

يا استاذي اليهود كانوا كثير في المغرب و هاجروا الي إسرائيل ، و ابنائهم دلوقتي ليهم مناصب في الدولة اليهودية

ده مش تقليل منهم بس ديه الحقيقة

اربع وزارة من اصل مغربي في وزارة واحدة عندهم

من فضلك, تسجيل الدخول أو تسجيل لعرض المحتوي!

 

[OSORIS]

من فضلك, تسجيل الدخول أو تسجيل لعرض المحتوى !

منور يا استاذ مارشال ???

 

[Aymanop1522]

ممكن حضرتك تقول زي أية أمثلة علي الي مش مشهور