طيب صدقني لما بفكر في حاجه ،بفكر في الأنسب سياسيا والمفتاح ماديا :
تعالي نحسبها ونشوف ينفع ولا لأ.
احنا عندنا قطع كتير + 2 حامله الميسترال محتاجين هليكوبتر لمكافحة الغواصات صح .
طيب ايه المتاح عندنا الأول علي مااتذكر 9 مروحيات SH2G سي سبرايت تم تطويرها خصيصا لمتطلبات البحريه المصرية ومع ذلك أصبحت قديمه ،بالاضافه اننا طلبنا عدد إضافي من امريكا وتم إيقاف التسليم .
ايه المتاح في السوق العالمي :
روسي وصيني اردم عليهم .
أمريكي s70 ,UH 60 انسي .
مفيش غير أوروبا - ايطاليا
(AW 101 ميرلين -AW 159).
فرنسا بال NH90 بالرغم من تكلفتها العاليه جدا ، بالاضافه لظهور مشاكل تقنيه في المروحيه نفسها الا كان فيه تفاوض مع الفرنسيين فعلا وتوقفت مننا للأسباب السابقه .
يبقي كده نرجع للطاليان تاني لان مفيش سكه غيرهم .
الا اذا تم التوافق مع الطاليان برضوا علي نسخه خاصه لحسابنا من AW149 للعمل كصائدة غواصات ،بس ساعتها كل مصاريف التطوير هتكون علي حسابك لأنهم معندهمش المنصه دي جاهزه .
يبقي النتيجه نرجع لنفس النقطه (AW101-AW159).
نقطه تانيه مهمة من وجهة نظري الشخصيه .
انا شايف اننا بنعتمد علي الشينوك في أعمال النقل الثقيل وخلافه وفيه صفقة 23 مروحية جديده مع الامريكان لو اتملعنوا معانا كعادتهم يبقي الخيار الأنسب Aw101 بحمولة 45جندي .
نقطه اخيره وهي ATR72MP زي ماذكر بعض الأعضاء كان فيه كلام مع الطاليان عليها ومنعرفش وصل لفين .
احنا علي ماربنا يكرمنا بصفقة الغواصات الاضافيه لعمل التوازن في هذا السلاح الاستراتيجي مع تركيا أو ولاد العم وانا بخص سلاح الغواصات بعيدا عن قطع السطح .
فالنوعيه دي من الطائرات مش موجوده عندنا .
معادله كده: يعني ATR72 + قطع السطح الموجوده في مكافحة الغواصات نقدر نقفل الثغره دي وبقوه لسنين قدام حتي لو تأخرت صفقة الغواصات الاضافيه .
ولو جبنا غواصات جديده تبقي قوتنا مضاعفه .
طيب اسعار الطائرات المذكوره كام لو تعرف علشان نحسب التكلفه .
يعني ده اللي وصلت له بعد متابعات وآراء كتير هنا .
اتمني مشاركات الأعضاء لان فيه أعضاء حقيقي خبرتهم كبيره .
اسف علي الاطاله .
اشكرك .