واضح ان في شيء معين او تجربه بشكل ما جعلتك بهذا الاسلوب الهجومي الشخصي ..
الحقيقه مصر اللي انا عايش فيها مفيهاش حقد واستحقار لباقي الشعب لمجرد ان اسافر للخارج وتبهرني اضواء الخليج ..!!
بتفكرني زمان من حوالي 20 سنه لمًا كنت بخرج من الجيش ولابس ميري وواقف في الموقف مستنيين عربيات نركبها …. الاقي ناس واقفين جنبي زي (حضرتك كده ) بيشتموا اللي راكبين عربيات ملاكي لانهم مش بياخدوا الناس اللي واقفين ويركبوهم معاهم … شيء كنت يستغربه جدا وكنت مره همسك في خناق واحد فيهم … رغم اني مكانش معايا عربيه انا او والدي في الوقت ده الحمد لله…. لكن كنت شايف ان استمراء اخد ما للناس دون حق … شيء مؤسف .
وعلى كل حال … اللهم لك الحمد …
اكثر ما يسعدني ان ارى هؤلاء الشباب الذين خرجوا من قرى الدلتا والصعيد وتعلموا تعليم حكومي مصري …. ويكونوا الآن مديرين بمناصب مختلفه في شركات عالميه سواء في مصر او في مقراتها المختلفه … واعرف شخصيا من منهم في دبي ، لندن ، بازل، روما ، لوس انجليس ، الاردن ، نيودلهي و بكين …
والتعليم ( المجاني ) كان اساسا لهؤلاء الرجال المصريين … الذين لم تبهرهم اضواء العالم … بل ابهروا العالم بعلمهم .