مرحبا بك في منتدى الشرق الأوسط للعلوم العسكرية

[مطلع الشمس]

من فضلك, تسجيل الدخول أو تسجيل لعرض المحتوى !

شعوره حاجة من الاتنين دول وبس

​

 

[مصر دمى]

من فضلك, تسجيل الدخول أو تسجيل لعرض المحتوى !

كم الدولار من اجمالى القيمة بالجنيه
هؤلاء المتأمرين على الشعب لابد من سلب ثرواتهم المادية والعينية
قبل قتلهم فى ميادين عامة عقابا لهم ولا امثالهم سواء ان كان مصرى او اجنبى ممكن يحتمى فى سفارته

 

[مطلع الشمس]

الدكتور محمد شادى يكتب :
ريمونتادا الجنيه ونهاية الشوط الأول!
بعد التراجع الكبير للدولار في السوق السودة حبيت بس أأكد مع حضراتكم على كام نُقطة غاية في الأهمية!
أولًا :
حصل زي ما الرئيس أكد والإدارة كُلها من بعده إن مفيش تعويم بالمعني اللي الناس كانت متوقعاه والللي زرعه في عقولهم أشر خلق الله من شياطين الخارج ومُغيبين الداخل
ثانيًا :
مصر انتصرت في معركتها مع صندوق النقد الدولي وفرضت إرادتها بالكامل في ملف التحرير والقرض والبرنامج واللي حصل النهاردة جُزء أساسي من هذا الانتصار
ثالثًا :
الإدارة المصرية بكامل أجهزتها في أعلى درجات كفائتها ولأول مرة في تاريخ مصر بنشوف تكامل بين سُلطاتها بالمنظر دا
الخارجية بتمد الدعم للمجموعة الاقتصادية ووزارة التعاون الدولي والهيئة العامة للاستثمار داخلة تساند البنك المركزي في ملف سعر الصرف
الداخلية والأجهزة الأمنية بيحاصروا تجار السوق السودة وبيهاجموا مخازنهم ومستودعاتهم وأوكراهم
رابعًا :
الإدارة المصرية حاسبة خطواتها بالسنتيمتر وبتتصرف في التوقيت اللي يحقق أغراضها وأغراض مواطنيها بأفضل طريقة وأقل تكلفة حتى لو بعض المواطنين كانوا مش راضيين أو مش فاهمين كامل سياق التحركات دي (اللي حصل النهاردة بيتجهز له من ١٤ شهر)
المركزي بيحشد موارده النقدية وصندوق مصر السيادي بيدفع في اتجاه مزيد من جذب الاستثمار والرئيس موفر دعم وغطاء لتحركات الناس دي كلها وشايل ضغط الشارع وضغط الخارج علشان يحقق رؤيته
خامسًا :
إن الإدارة المصرية كسرت النهاردة ضهر الدولار الأسود ولسة هتكمل عليه خلال الأيام والأسابيع الجاية خصوصًا بعد لما حشدت ذخيرة كافية علشان تدخل معركة الإجهاز عليه بداية من الصفقة المُنتظرة مع الصندوق وحصيلة الطروحات الحكومية المتوقعة والصفقات الللي تمت لاستثمارات المدن الجديدة وخصوصًا رأس الحكمة وحزم الدعم من الاتحاد الأوروبي وخلافه
إحنا بنتكلم عن إجمالي حصيلة رُبما تتجاوز الاحتياط النقدي المصري لدى البنك المركزي بكامله
أخيرًا :
اللي حصل هو ريمونتادا في أخر دقيقة من الشوط الأول الشوط الجاي كله بتاع الإدارة اللي خطوتها عزيزة
بس لما بتجري بتسبق الريح!
دُمتم بخير ودامت مصر حرة مُزدهرة!

​

 

[مطلع الشمس]

معنديش ذرة شك أن الدولة حتفشخ المتلاعب في الدولار والأسعار
والله الذي لا اله الا هو ليطلع عين امهم ومشوها عين

اطمنوا مصر متأمنة

 

[مطلع الشمس]

ماذا حدث لدولار السوق السوداء؟!

ينفع نقول دلوقتي، إن دولار السوق السوداء بينهار؟!
بكل وضوح قول اللي أنت عايز تقوله، بس بتاع الاقتصاد، قبل ما يقول رأيه في أي حاجة، أو حتى يحلل.. بيسأل السؤال المهم، إيه اللي إختلف وحصل خلى الدولار يتراجع بالقدر ده؟! وخد بالك ده سؤال الشارع كله بيسأله لنفسه.. إيه اللي حصل؟! وطالما قادرين على كده.. ليه ما عملناش كده من زمان، بدل اللعب اللي حصل بمدخرات الناس ومقدراتها والأسعار اللي إرتفعت بشكل غريب في كل السلع، واللي الغربية أنها لسه بترفع؟!
طيب هي الدول صنعت، تاجرت، صدرت، وقفت إستيراد، لمت الكاش من أيد الناس، لعبت على ثقة الناس.. خلاص السياسات الاقتصادية، إستقرت، دولار السوق السوداء خلص، طيب البنوك فتحت السحب على الدولار للمواطن.. طيب الجمارك والموانئ فضيت وكل البضايع دخلت المينا، هل الدولار إنهار عالميًا، طيب هل مصر سددت ديونها، طيب هل حقق الجنيه نصر عظيم؟! أه فيه كام مبادرة زي السيارات والعقارات للمصريين بالخارج، بس حتى تحويلات المصريين متراجعة..
ويبقى أهم سؤال.. الموضوع ده مكمل لحد إمتى؟!
ده كلام منطقي.. كمل البوست للآخر ، تاني للآخر

بكل وضوح اللي حصل، شوية حاجات.. عد معايا:

أول حاجة ومن وجهة نظري أهم حاجة، تكامل بين أجهزة الدولة، بس علطول مش خبطة وأقف، وزارة الداخلية عملت خبطتين عيار تقيل أوووي يعوروا، مع تجار من نوعية التجار المليارديرات في السوق السوداء، فده هت تجار السوق السوداء شوية.. التجار اللي إتمسكوا دول، من نوعية تجار "إحنا فوق الحكومة"

تاني حاجة إن البنك المركزي، حسب معلومات مُسربة بدأ يضخ من يوم التلات اللي فات حوالي 6 مليار دولار في السوق ولسه بيضخ، مخلصش الـ6 مليار دولار.. ودي معلومة خاصة بـ

من فضلك, تسجيل الدخول أو تسجيل لعرض المحتوي!

.. وده دعمًا لإستقرار الدولة، لأن بقى فيه كلام مش لطيف بيتقال بين المصريين في الخارج عن استقرار الأوضاع في مصر وحالة الرفض الشعبي لزيادات الأسعار، المُبالغ فيها.. وده هيؤدي لإضطرابات، فبدأت الدولة تتدخل.. بس خد بالك الأسعار اللي عليت مش هتنزل.. ده المشكلة الأكبر، أن فيه زيادات في أسعار السلع الأساسية مكملة.. اللي هو الدولار بينزل، والأسعار بتعلى.. وكأن السوق بيجري تهيئة لأمر ما، إتكلمنا عنه النهاردة الصبح، في اللايف اللي هتلاقيه في أول كومنت..

خد بالك أنت محتاج 15 مليار دولار يترموا في السوق مرة واحدة وعشان نسد الفجوة دي وده مسألة وقت، فبدون شغل هيتبلعوا في السوق؟!

تالت حاجة، البنك المركزي قدر يدبر ما يزيد عن 14 مليار دولار، للحكومة وعشان تسدد دسون وفوايد دين وأقساط الديون في يناير اللي إنتهي، وعشان كده كان فيه توحش في عمليات الشرا في يناير، أقصد شراء الدولار..

رابع حاجة، رفع الفايدة 2%، وتهيئة السوق وعشان يتسوعب خطوة تعويم، بين قوسين سعر صرف مرن، لأن فيه اتفاق مع الصندوق، عندنا مرجعتين عطلانين بحوالي 700 مليون دولار، وقرض جديد، ففيه شروط آخرها هو سعر الصرف المرن، لأن فيه أهم بكتير منه، ولو متابعنا في خمسينة هتعرف الشروط دي اللي إنفردنا بيها..

خامس حاجة، عايز أعوم وعشان الصندوق، وأعادل سعر الصرف، ومعتقدش أني هعوم وأوصل الدولار لـ 70 جنيه، يبقى ينزلي هو.. فهو دلوقتي بينزل..

سادس حاجة، فيه حد تقيل كان بيشتري وبطل شرا، وأنت عارف مين وأنا قايل مين

وبدأ يشغل دماغه أكتر، أنه يرجع يشتري تاني بس على فترات..

سابع حاجة، صفقة رأس الحكمة، عجبتني اللعبة أوووي، صقف للي لعبها، حتى لو مفعولها مسألة وقت.. إلا أنها تثبت أن فيه أمل، أصل بكل وضوح، السوق السوداء بيحركها إشاعة، فمش من المنطقي أني أقابلها بالحسنى، لأ ده الحديد لا يفله إلا الحديد.. ده سوق مش سالك..

ثامن حاجة، عايز أفاجئك، وأقولك، إن الأسواق الرئيسية اللي بتلعب بالدولار عطلانه، مفيش بيع، زي العربيات، زي الذهب يعني، والأجهزة الكهربائية وسيب القوس مفتوح، زي ما قولتك الدولار بينزل جامد وكأنه بينزل لهدف، وفي نفس الوقت التسعير شغال على العالي.. مفيش منطق في السوق ده.. مفيش أصلًا بيع، التجار اللي واقفة في كل السلع،وده مش ركود هم مش عايزين يبيعوا

تاسع حاجة، عايز أفاجئك وأقولك إن مفيش سوق سوداء، اللي شغال أبليكيشن.. يعني قليل، ما هتلاقي حد يشتري منك، أو يبيع ليك.. وفيه توجيه صريح لكل السماسرة بينهم وبين بعض، ومشيها بينهم وبين بعض، لا تضارب ولا تشتري بكميات.. إستغل الازمة في أضيق الحدود.. برافو محافظ المركزي حسن عبدالله، لا مسيطر

بس لحد إمتى؟!

عاشر حاجة، الإتحاد الاوروبي أقر الـ 10 مليار دولار، استثمارات ومعونات ودعم وبرامج لمصر.. فده هدى الأسواق..

رقم 11، ودي قرآة مشهد، يبدوا أن هناك صفقة بين الحكومة والتجار، ودي مش هنفتي فيها.. طالما مفيش معلومة.

أخر حاجة، في حالة قلق، وشديدة، اللعبة دي هتخلي ناس كتير تجري على السوق تبيع دولارها.. يعني السوق فيه مدد، جايلة من الناس اللي مش عارفه آخر النزول ده إيه..

ده مكمل لإمتى؟!
ده سؤال ما يتجاوبش عليه، بس اللي إتعلمناه في السوق وكمان الاقتصاد، بيقول إن الإنهيار السريع، مسكن رهيب المفعول، بيعقبة ألم فظيع، بيخبط في السقف.. والتوقعات بتقول إنك هتقرب من الـ50 أو 45 جنيه، لأن التعويم هيوصل قريب للرقم ده، لو حصل ومشيها لو حصل..
في النهاية، حلوة اللقطة واللعبة، وبتقول فيه أمل، بس طالما الحكومة عملتها مرة ليه متعملهاش كل مرة، ده سؤال أنت تجاوبه بقى؟!

لكن في النهاية برافووو محافظ البنك المركزي المصري، المصرفي حسن عبدالله، ولو مؤقتا، مسيطر برده

أنا سعيد جدًا، لأن فيه ناس أعرفهم بيتعاملوا بالدولار، بقالهم يومين، بيفضلوا الجنيه المصري المستقر، عند الدولار الغير مستقر، هو شايف إستقراره مع الجنيه، مؤقتًا، ألعبوا على دي بقى ياحكومة..

تحذير: بلاش تعاملات السوق السوداء، حافظ على نفسك، وعلى اقتصاد بلدك، السوق السوداء وباء..
يارب أكون جاوبت على أسئلة كل حضراتكم، وفي النهاية شابووو محافظ البنك المركزي حسن عبد الله، وكل اللي ساعدوه.. أصل دي لعبته، لكن الأذرع مش هو لوحده.. دي مش لقطة حكومة، الحكومة كده معاها فرصة تانية..ياريت متضيعهاش، معاكم فسحة وقت.. والجميل أن الحكومة بقت بتسمع، ده تطور.. بس نطمح بأعلى من كده برغم التحديات..

من فضلك, تسجيل الدخول أو تسجيل لعرض المحتوي!

من فضلك, تسجيل الدخول أو تسجيل لعرض المحتوي!

من فضلك, تسجيل الدخول أو تسجيل لعرض المحتوي!

 

[OSORIS]

من فضلك, تسجيل الدخول أو تسجيل لعرض المحتوى !

ناس كتيرة وعاديين بالمناسبة اعرفهم ولعبوا لعبة الدولار بقالهم سنة وداقوا الشهد من وراها و دلوقتي بقالهم يومين بيجربوا الدموع ... هي لعبة قمار من الاخر

 

[المنتصر]

من فضلك, تسجيل الدخول أو تسجيل لعرض المحتوى !

مش عاجبني أسلوبه تحس انه قرب من عمرو اديب و لميس
اللي هو اضرب ولاقي 😜
بيضرب في الحكومة وبيقول ان البنك المركزي داخل وده محصلش وبيشكك في اتفاق راس الحكمة مش بس كده ده كمان مطلع اشاعة بيقول بنفسه ملهاش مصدر ان الحكومة متفقة مع التجار وكمان بيقول ان الهبوط ده مؤقت عشان احنا بلد معندهاش صناعة اللي هو امال المصانع اللي انت بنفسك شاهد عليها ديه ايه فيا ناس محدش يبيع أنا مضارب في الذهب و هيتخرب بيتي 😜
وعامل نفسه فرحان للبلد وهو شكله بيعيط مش نأسى له انه اول من كان بيدعى الناس لشراء الذهب والمضاربة من ساعتها غسلت ايدي منه
وكمان دعمه للسوريين واللاجئين

 

[الباز أفندي]

الحمار راشش نضافه 😁

 

[عاشق]

من فضلك, تسجيل الدخول أو تسجيل لعرض المحتوى !

اسمه ايه التطبيق ده موجود في كل المواقع الاخباريه كمصدر لهم .. ورغم كده مش عارف اوصل له في جوجل بلاى

 

[AHMED LABEB]

الدهب برضه اتهبد 600 جنيه فى يومين بواهاهاهاهاهاها

قلنالهم ان مستريجين الدهب والدولار بيتلاعبوا بيهم وكل دى مضاربات على فاشوش مفيش فايده

البس منك له يا قذر يالى بتمص دم البلد وعايز تلبسها للحكومه

​

 

[الرحال]

من فضلك, تسجيل الدخول أو تسجيل لعرض المحتوى !

افهم من كلام حضرتك انك شايف ان الحكومة تمام ومعندهاش اي أخطاء والمشكلة كاملة بسبب الشعب؟

 

[AHMED LABEB]

من فضلك, تسجيل الدخول أو تسجيل لعرض المحتوى !

لا طبعا المشكله مركبه واسبابها كتير اسباب خارجيه معروفه اخر 4 سنين اوبئه وحروب ورفع فدرالى امريكى للفايده ومص دولارات الدول الناشئه وتضخم خارجى وغيره وغيره والحكومه تتحمل جزء طبعا اعتمادها على الاموال الساخنه وعدم وصول الصادرات ل 100 مليار دولار وتنميه الروافد الدولاريه وغيره لكن المشكله بقى فى الى فاهم ان الشعب ملايكه ونازلين من السما ومش بينتقدهم ومش عايز يحملهم جزء من المشكله على اساس ان الى بيتاجر فى الدولار وبيخزنه وبيضارب عليه وحوله لسلعه والى بيخزن السلع وبيحجزها ويلمها من المزارعين عشان يضاعف تمنها من دوله تانيه ان مكانش ربع الشعب الموضوع مبقاش محصور فى تجار لا دا بقى فئه كبيره من الشعب بقى تاجر وعايز مكسب سريع وشغل فهلوه وهو مش عارف انه بياكل حرام وان ارتفاع سعر الدولار هايتردله فى رفع معدلات التضخم الى هياكل اى مكاسب يحققها وفى النهايه يقولك الحكومه وحدها السبب​

 

[واحد مصري]

السلام عليكم زملائي الاعزاء

دي اول مشاركة لي في المنتدي رغم اني متابع جيد جدا للمنتديات العسكرية العربية منذ اكثر من ١٤ سنة (٢٠٠٩) وطبعا في اول مشاركة لازم اشكر زملاء اعزاء بنتعلم منهم وبيردوا عننا خاصة في منتدي ولاد العم 🤣 لكن الموضوع ده بصراحة مستفز جدا وخلاني اخرج عن سكوتي ١٤ سنه وخلاني اتكلم😂😂

انا مهندس في مؤسسة ما ودوري هو حل المشاكل خارج الصندوق (والله باخد مرتبي علي كده🤣) فجه في بالي حل خارج الصندوق بس محتاج زملائنا خبراءالاقتصاد يحللوا الحل ده وهل هو قابل للتطبيق ولا لأ لأني بحل المشاكل الهندسية فقط مش الاقتصادية😉…

بسم الله نبدأ عشان مطولش عليكم …
عندنا في مصر بنك مركزي رسمي فيه الدولارات اللي تملكها الدولة بسعر ٣١ جنيه تقريبا وكمية الدولارات دي هي اللي الدولة بتتعامل بيها في التزاماتها الخارجية من سداد ديون واستيراد وفي نفس الوقت بتتكون من حصيلة مصر من التصدير والقناه والسياحة وتحويلات المصريين من الخارج …

وفي بنك مركزي موازي تقريبا موجود في ٥٠٪؜ من بيوت مصر سعره بيتحدد بالمزاج (تجار كبار ذهب وعمله وآثار) والتقديرات بتقول ان البنك المركزي الموازي ده فيه كمية من ١٠ الي ٤٠ مليار دولار😱

الحل هو (الدولار الرقمي)
هيكون عندنا مرحلتين ازاي بقي امشي معايا خطوة خطوة..
ان هضيف مرحلة مرحلة عشان ميكونش البوست طويل

 

[واحد مصري]

المرحلة الأولي: ودي عايزة دولة قوية وجريئة.

اولا: يتم الإعلان انه مفيش اي تعامل رسمي داخليا لأي مبادلات تجارية بالدولار وان اي تعامل بيكون بالجنيه المصري وان الدولار للتعامل بين الدوله والدول الاخري ..

ثانيا: من تاريخ اليوم يقوم البنك المركزي بمراجعة جميع سيريالات الدولارات الموجودة بالبنك والبنوك الاخري (الحكومية والخاصة) او اي دولارات تدخل علي البنوك بداية من الفترة دي.

ثالثا: يعلن محافظ البنك المركزي عن حاجتين:

• سعر الصرف الجديد وليكن 45 جنيه (عشان صندوق النقد ميزعلش)
• اعطاء مهلة 14 يوم لجميع حائزي الدولار بالدولة لتسليم الدولار للبنوك الوطنية بالسعر الجديد (عشان ميخسروش كتير رغم انهم يستهلوا) وتسجيل سيريالات الأموال المجمعة داخل البنك المركزي مع وقف تطبيق قانون من اين لك هذا مع اي كمية يتم تسليمها للبنك حتي لو مليار دولار..

رابعا: مجلس النواب يجتمع اجتماع عاجل وسن قانون منع التداول الورقي للدولار داخل الجمهورية بدأ من انتهاء مدة المهلة لتسليم الدولار..

خامسا: ودي مهمة جدا في بداية المهلة اخطار جميع السفارات وبالذات ولاد العم بمنع خروج العملات الاجنبية داخل الحقائب البلوماسية مع الموافقة علي المعاملة بالمثل (لا تخرج من عندي ولا اجيب من عندك)

سادسا: بعد انتهاء المدة يقوم البنك المركزي بأعلان ان اي دولار غير مسريل بالبنك المركزي او غير موجود بخزائنه او خزائن البنوك عملة عديمة القيمة وغير صالحة للتداول داخل حدود جمهورية مصر العربية وان حائزها يعاقب طبقا لأحكام قانون مجلس النواب الجديد (التداول الورقي للدولار وحيازة عملة عديمة القيمة).

وبكده خلصنا المرحلة الأولي بإختصار شديد...

 

[واحد مصري]

المرحلة الثانية:

اولا: هنا لازم البنك المركزي يعلن انه الجهة الوحيدة المالكة للدولار داخل حدود جمهورية مصر العربية وغير مسموح بتداوله طبقا لأحكام القانون الجديد..

ثانيا: المصانع او الشركات او الافراد داخل حدود جمهورية العربية التي لها مصادر دخل دولارية سواء نتيجة تجارة - تصدير - تحويلات خارجية يتم فتح حسابات دولارية باسمائهم وفي حالة الرغبة في التعامل علي الحسابات داخل الجمهورية يتم التعامل طبقا للأتي:

• في حالة سحب اموال يتم التحويل الي الجنيه المصري طبقا لسعر اليوم.
• التحويل بالدولار من حساب الي اخر دون سحب مع بيان السبب.

ثالثا: الهيئات الدبلوماسية والمنظمات والمؤسسات الدولية يطبق عليها نفس المعايير الخاصة بالمصانع والشركات والأفراد (معالي السفير لما بيدخل مطعم بيدفع بالجنيه مش بالدولار يعني والمرتبات للمصريين اللي شغالين في الهيئات دي تندفع بالمصري).

رابعا: بالنسبة للمسافرين من والي مصر (موضوع عايز تركيز شوية خليك معايا)

هيكون في المطار جرين زون (المنطقة الخضراء)وهيكون فيها زي مكاتب صرافة لاستبدال الدولار بالجنيه المصري واول لما تطلع بره المنطقة الخضراء بدولار واحد يقابلك القانون في وشك علي طول (التداول الورقي للدولار وحيازة عملة عديمة القيمة).

بالنسبة للمصريين:

اولا: في حالة العودة لأحضان الوطن:

الوطن ياخده بالاحضان وعلي المنطقة الخضراء عالطول وبسعر اليوم يا جميل وحمد لله علي سلامتك يا مواطن...


ثانيا: في حالة السفر للخارج:

• في حالة امتلاك حساب دولاري يستطيع التعامل بالفيزا مباشرة من الخارج (دولاره وهو حر فيه) مع وجود حد معين زي مثلا الف دولار يقوم بتحويلهم من مصري الي دولار في المنطقة الخضراء
• في حالة عدم امتلاك حساب دولاري:
• بعد استلام التأشيرة يتم التوجه الي البنك لقتح حساب دولاري مؤقت وسداد قيمة الدولار المطلوب لتغطية مدة السفر طبقا لمدة السفر الموجودة بالتأشيرة وطبقا لحدود التداول الشهرية من قبل الدولة مع ربط نظام الوصول بمطارات وموانئ الدولة بنظام البنك لإلغاء الحساب المؤقت ووقف التعامل عليه في حالة الرجوع لمصر مرة اخري (عشان مفيش حد يسافر بتأشيرة سنة ويرجع بعد شهر ويسيب الفيزا مع حد بره يسحب براحته) مع وجود حد معين زي مثلا الف دولار يقوم بتحويلهم من مصري الي دولار في المنطقة الخضراء.

ملحوظة: طبعا هيكون في استثناءات لبعض الظروف زي العمليات الجراحية والمصاريف الدراسية وعدد المسافرين مع ولي الأمر مثلا وطبعا كله بالدليل يا جميل.



بالنسبة لغير المصريين:

اولأ: في حالة الدخول الي مصر:

• اذا كان الشخص (مقيم / دبلوماسي) يتم التعامل معهم معاملة المصريين ويتم تغيير العملة بالمنطقة الخضراء.
• اذا كان الشخص سائح يتم تغيير كمية الدولار كاملة بسعر اليوم مع تسليم السائح كارت فيزا سياحة بالجنيه المصري مع صرف عملة برضوا لزوم التاكسي والبقشيش وبتوع الجمال لكن المعاملات الرئيسية زي حساب فندق وشراء هدايا ودخول متاحف او شواطئ او مشتريات هتكون عن طريق الفيزا ..

ثانيا في حالة الخروج من مصر:

• في حالة السائح:
• وهنا ناخد نفسنا شوية ونقول ان اي دولة محترمة بيكون فيها سيستم متابعة للسائح يعني من ساعة وصوله الي الفندق اللي ساكن فيه وتفاصيل الرحلة وبالتالي السائح لما دخل حول الدولار اللي معاه الي مصري وحاسب الفندق بالمصري وصرف واشتري هدايا بالمصري كله ده بقي علي السيستم عن طريق الفيزا وبكده هيدخل المنطقة الخضراء وهيسلم الفيزا وشوية الفكة اللي معاه ويستلم الباقي الموجود بالفيزا اللي معاه بالدولار ويتوكل علي الله وان شاء الله يكون له عودة.
• في حالة المقيم او الدبلوماسي:
• هيكون لهم حد معين زي الف دولار يقوم بتحويلهم من مصري الي دولار في المنطقة الخضراء لأن المقيمين والدبلوماسيين لهم حسابات بنكية دولارية بالاساس..

 

[واحد مصري]

ده تصور لفكرة ممكن تحل ازمة الدولار والسوق السوداء لأنها حولت الدولار الورقي لعملة غير ذات قيمة واي تعامل في الدولار هيكون الكترونيا عن طريق البنك المركزي والبنوك الوطنية وايضا اصبحت عملية دخول دولار السياحة عملية مباشرة جدا بمجرد دخول السائح الي مصر وكده اصبح البنك المركزي هو المتحكم في سعر الصرف لأنه اصبح هو المالك الوحيد للدولار في مصر ورجع الدولار لدوره الحقيقي لوسيلة تداول وليس سلعة تباع وتشتري...

اكيد في نقط وقعت مني اثناء طرح الفكرة لكن ممكن تكون بداية ونضيف عليهاوايضا في افكار اخري لحلحلة الوضوع الإقتصادي لكن عشان البوست ميكونش طويل ويكون مركز في صلب الموضوع....

في انتظار تعليقاتكم زملائي الأعزاء علي الفكرة الاقتصادية دي من واحد مصري مهندس...

 

[OSORIS]

من فضلك, تسجيل الدخول أو تسجيل لعرض المحتوى !

من فضلك, تسجيل الدخول أو تسجيل لعرض المحتوى !

اهلا وسهلا يا باشمهندس في منتدانا وشرفنا بوجودك ...حقيقة اقتراحك محترم جدا ممكن اكون لا اتفق مع بعض بنوده خصوصا بند احتكار البنك المركزي للدولار الورقي لان ده ممكن يسبب سمعة سيئة للنظام المصرفي بتاعنا ..لكن اتفق مع بعض البنود مثل تحديد التعامل مع العاملين بالخارج وحركة السياحة و الدبلوماسيين واراها عملية وقابلة للتطبيق

 

[واحد مصري]

من فضلك, تسجيل الدخول أو تسجيل لعرض المحتوى !

الشرف ليا زميلي العزيز ان اكون عضوا في منتدي مهم زي منتدانا ويكون ليا زملاء اعزاء محترمين زي حضرتك
اسمحلي اوضح ان فكرة احتكار البنك المركزي للدولار الورقي هيكون مهم جدا في المرحلة دي لجمع كل الدولار الموجود في السوق الموازية وممكن بعد فترة تكون الأمور اصبحت مستقرة يسمح مرة اخري بالتدوال ولكن بضوابط ويكون طبقا لنظام خاضع للبنك المركزي وان الدولار المتداول يكون مسريل بالبنك المركزي (لتحديد مسار التعامل)
كبح جماح ارتفاع السعر في الوضوع الحالي والسيطرة عليه مهم جدا حتي لو بضوابط قاسية ولو لفترة بسيطة

 

[AAF]

من فضلك, تسجيل الدخول أو تسجيل لعرض المحتوى !

ومعظم اللي بيصدر تجار سوريين وكذا حد اشتكي من الموضوع دا لانهم بيشتروا بأسعار رخيصة جدا من الفلاح بخسارة للفلاح

 

[مطلع الشمس]

د جيلان قاسم
The Queen of chess

:

هاااا
خلاااص الهبد خلص؟

وكل واحد ادلي بدلوه في اسباب هبوط الدولار؟
طب اسباب هبوط الدهب؟

طيب هو احنا ممكن نقول الاسباب من وجهة نظر علمية عااااادي؟

طبعا في تلميحات من الاعلامي السعودي ومن بعض اليوتيوبرز ان المشتري الاكبر من السوق السودا كان البنك المركزي او ان اللي بيدير السوق السودا هو البنك المركزي
وبالتالي قعدوا مع بعض واتفقوا عشان التعويم
نفند الهبدة بقا

البنك المركزي هيشتري من السوق السودا ليه؟

هتقولي عشان سداد الديون
هقولك ما هو يوم 26 اكتوبر 2023 اقر نظام التنازلات من البنوك والصرافة الرسمية وبقا كل خميس بيتورد له 10% من احتياطي الدولار في البنوك و 20% من الصرافة
وده خلاه عمل محفظة 9.6 مليار دولار بنهاية نوفمبر 2023
واللي انضاف عليها ايرادات الغاز المسال المصدر " واللي بالمناسبة بنبيعه كاش "وتم سداد ديون اقساط وخدمة الدين اللي كانت مستحقة في يناير 2024

ده غير ان البنك المركزي نزل علي موقعه الحساب الختامي للدولة في 31 ديسمبر 2023
واللي فيه قيمة الترشيد في فاتورة الواردات

منتهي الغباء لما اقول البنك المركزي مشغل السوق السودا

فالسعر يرتفع

فيرجع يشتري هو من السوق السودا بالمصري

فيزود مدفوعاته
هو انتوا مسمعتوش عن حاجة اسمها تكلفة التمويل " نظرية تكلفة الحصول علي الاموال "؟
لااااا بجد
معدتش عليكم؟

هتقولي ما الفلوس مع المركزي اساسا وهو اللي بيطبع

هقولك حضرتك غشيم
لان مصر تحت رقابة برنامج الاصلاح الاقتصادي اللي بيمنعك من طباعة البنكنوت عمال علي بطال
بالتالي يبقا سعادتك عشان تسحب فلوس من السوق النقدي وتتسبب في عجز تداول
هتسدده منيييييين؟

هو يعني ايه عجز سيولة دي يا چيلان ودي خطر يابا الحاج؟

عجز السيولة ده يا صديقي اقل تأثير سلبي له هو ان الشركات تروح تسحب فلوس الرواتب اول الشهر البنك يقولها هصرفلك في حدووووود بالتالي الشركات تصرف الرواتب في حدود

وده حاصل في بلدان كتير في العالم اولها تركيا

فانت بقا عايز تفهمني ان حسن عبد الله شخروميت سنة ادارة مصارف وفي النهاية هيولع اسعار السوق السودا و يخسر الاحتياطي المصري عشان الديون اللي اندفعت مرة واحدة ؟

طب لو مشينا مع الثعبان الاقرع وقولنا ان البنك المركزي جاب تجار العملة وعمل قعدة عرب عشان ينزلوا السعر شوية
كلام ميتقالش الا في قناة سبيستون
طب معملش كده من الاول ليه لما له دلال اوي كده؟

ساب الاسعار تولع ليه في السلع و يسبب حالة احتقان شعبي؟

طب هو ليه حالة الانكار دي؟ :
قولنا قبل كده ان العرض والطلب هو اللي بيحدد سعر السلعة
وان الدولار اتحول في مصر الي سلعة واعتبره الناس وعاء ادخاري

في خلال 10 ايام تم توجيه عدة ضربات امنية لمافيا الدولار واتقبض علي عتاولة واتصادر معاهم ارقام كبيرة جدا
( طب ولييييه مقبضش عليهم من بدري؟

مكنش حد بلغ عن المخازن
لما الناس اتشجعت ربنا ييسر لاخواتنا في الداخلية انها توقع بيهم متلبسين
ايه فايدة اني اقبض عليك في محلك واللا كافيه وتطلع بعد 4 ايام تحقيق؟

)

عزوف الناس عن الشراء بعد كمية الدولارات المزيفة اللي اتوجدت في السوق
ولبسها ناس كتير
ما بين اتمسكوا في بنوك
وما بين اتمسكوا بيها برا مصر خالص بقا

رفض البنك لاستلام الدولارات المجمدة والملغاة والغير مكودة واعلان البنوك رفض ايداعات الدولار بمصادر مجهولة " مجهولة غيري دوكها بتاعت السوق السودا

"
يعني اللي جاب دولارات من السوق السودا حطها في البيت مش هيقدر يعمل بيها شهادات دولار ويكسب من البنك
ولا هيقدر يشتري حافظة اسهم
ولا بعد سنة هيقدر يفتح حتي حساب دولاري يحطهم فيه
ومش منطقي حد يفضل شايل فلوسه في علبة صفيح تحت الشتوي والصيفي

حالة العزوف دي قللت الطلب بالتالي سعر المعروض بيقل السعر عشان تفضل حركة البيع والشرا شغالة

طبعا معلومة الانفراد اللي بجد اللي كانت في الفويس و شقلبت موازين السوق

عند الانتهاء من التوقيع علي صفقة راس الحكمة سيتم ضخ 7 مليار دولار في البنك المركزي
" اظن محدش اساسا كان عنده التفاصيل

"
وقولنا ان ده مبلغ اقل من ايرادات قناة السويس العام الماضي كله ب 2 مليار دولار فقط
يعني احنا هنقدر نعمل تغذية للسوق النقدي

كمااااان نتايج اجتماع بنك بريكس يوم 29 يناير الماضي
اللي اقر تبادل العملات المحلية بين الدول
بالتالي ده هيخفف كتير الضغط علي البنوك لتوفير الدولار
ومع الوقت هيبقا تاريخ زي ما مولانا وعدنا

كمان انهيار سوق الدهب
لأن تاجر السوق السودا هو تاجر الدهب هو تاجر العربيات هو تاجر المخدرات علي فكرة

فمش لاقيين منفذ يغسلوا فيه اموال السوق السودا

ده اسمه التحليل الاقتصادي لمستجدات السوق المالي
انما شغل التلقيح والهمز واللمز واتهام الدولة واتهام محافظ البنك المركزي
ده اسمه شغل ارزقية معلومة وهبيشة معلومات

اصل انا هقوم الصبح ألقي الدنيا مقلوبة
بص كده علي الخط البياني هتلاقي يوم 31 يناير كان 31
الفترة قبل 12 يناير كان اقل من 30.80

افتح كده اسعار الدولار في 5 بنوك مثلا هتلاقوا فروقات قروش
في حد اقصي وحد ادني

قرار تخفيض قيمة العملة مش قرار خفي
ولما اتاخد قبل كده 3 مرات
كان له تصريح واضح انه تم تخفيض قيمة العملة بنسبة كذا
في 2016 عوم تماما جاب 16.5 و اتحكم فيه قبل ما يوصل لل 19.60
ولما انطلب يكون التعويم حر اتساب لحد ال 19.75
ولما في يناير 2022 انطلب يخفض عملة اعلنها تخفيض بنسبة 24%
وفي مارس اعلنها تخفيض بنسبة 35%
يعني التخفيض مش هيكون قروش يا اخواننا استفاد ايه هو من القروش
واحدة واحدة علي نفسكم وعلي اعصابكم
التخفيض ل 40 الي 45 ج
ده نسبة 48% لو 45 ج
واقل نسبة تخفيض هتكون 25%
يعني 8 جنيه مثلا
يعني تصحي الصبح تلاقي شاشات البنوك متحركة ل 39 ج
زي كل مرة كده
مش قرووووش خالص ولا حتي 100 قرش كاملة

​