مرحبا بك في منتدى الشرق الأوسط للعلوم العسكرية

انضم إلينا الآن للوصول إلى جميع ميزاتنا. بمجرد التسجيل وتسجيل الدخول ، ستتمكن من إنشاء مواضيع ونشر الردود على المواضيع الحالية وإعطاء سمعة لزملائك الأعضاء والحصول على برنامج المراسلة الخاص بك وغير ذلك الكثير. إنها أيضًا سريعة ومجانية تمامًا ، فماذا تنتظر؟
  • يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......

الدولار يسجل 17.4 جنيه فى البنك الأهلى المصرى

Atum

مراسلين المنتدى
إنضم
20 نوفمبر 2021
المشاركات
28,553
مستوى التفاعل
90,392
المستوي
11
الرتب
11
Country flag
سجل سعر الدولار 17.40 جنيه فى البنك الأهلى المصرى لسعر الشراء وسجل سعر البيع 17.50 جنيه.

وقرر البنك الأهلى المصرى إصدار شهادة ادخار تتمتع بمعدل عائد ثابت طوال مدة الاحتفاظ بالشهادة وتبلغ نسبة العائد للشهادة السنوية 18%، حيث تبلغ مدة الشهادة سنة ويصرف العائد شهريا.

ويتم احتساب المدة اعتبارا من يوم العمل التالي للشراء، وتبدأ فئات الشهادة من 1000 جنيه ومضاعفاتها وتصدر للأفراد الطبيعيين أو القصر.
 

Atum

مراسلين المنتدى
إنضم
20 نوفمبر 2021
المشاركات
28,553
مستوى التفاعل
90,392
المستوي
11
الرتب
11
Country flag

البنك المركزى يقرر رفع أسعار الفائدة بنسبة 1%


قررت لجنة السياسة النقديـة للبنك المركزي المصـري في اجتماعهـا الاستثنائى اليـوم، رفع سعري عائد الإيداع والإقراض لليلة واحدة وسعر العملية الرئيسية للبنك المركزي بواقع 100 نقطة أساس ليصل إلى 9,25% و10,25% و9,75%، على الترتيب، كما تم رفع سعر الائتمان والخصم بواقع 100 نقطة أساس ليصل إلي 9,75%.

علي مدار الفترة الماضية نجح برنامج الإصلاح الاقتصادي المصري في تحقيق العديد من المكتسبات وعلي رأسها رفع كفاءة مؤشرات الاقتصاد الكلي لمصر؛ وهو ما مهد الطريق لمواجهة أي تحديات واضطرابات اقتصادية قد تطرأ نتيجة لعوامل خارجية بالأساس، حيث كان لمكتسبات برنامج الإصلاح الاقتصادي بالغ الأثر في حماية الاقتصاد من التقلبات المفرطة والأزمات، كما ساعدت الإصلاحات الهيكلية التي تبناها كل من البنك المركزي والحكومة المصرية في تقديم إجراءات إقتصادية وحزم تحفيز إستثنائية علي مدار العامين الماضيين بهدف توفير الدعم للمواطنين وتخفيف العبء عليهم خلال أزمة فيروس كورونا.

وخلال الفترة الأخيرة، بدأت الضغوط التضخمية العالمية في الظهور من جديد بعد بوادر تعافي الاقتصاد العالمي من الاضطرابات الناجمة عن جائحة فيروس كورونا المستجد، وذلك بسبب تطورات الصراع الروسي الأوكراني؛ حيث ارتفعت المخاطر المتعلقة بالاقتصاد العالمي نتيجة هذا الصراع. ويأتي علي رأس تلك الضغوط الارتفاع الملحوظ في الأسعار العالمية للسلع الأساسية، واضطراب سلاسل الإمداد وارتفاع تكاليف الشحن، بالإضافة إلى تقلبات الأسواق المالية في الدول الناشئة؛ مما أدى إلي ضغوط تضخمية محلية وزيادة الضغط علي الميزان الخارجي.

وحرصًا من البنك المركزي على الحفاظ على استقرار الاقتصاد الكلي ومكتسباته، فإن البنك المركزي يؤمن بأهمية مرونة سعر الصرف لتكون بمثابة أداة لامتصاص الصدمات والحفاظ على القدرة التنافسية لمصر.

في ضوء هذه التطورات؛ وبالنظر إلى معدل التضخم المستهدف للبنك المركزي والبالغ 7٪ (± 2 نقطة مئوية) في المتوسط خلال الربع الرابع من عام 2022؛ فقد قررت لجنة السياسة النقدية رفع أسعار العائد الأساسية لدى البنك المركزي بمقدار 100 نقطة أساس. وتؤكد لجنة السياسة النقدية أن تحقيق معدلات تضخم منخفضة ومستقرة علي المدي المتوسط هو شرط أساسي لدعم القوة الشرائية للمواطن المصري وتحقيق معدلات نمو مرتفعة ومستدامة.

وسوف تتابع اللجنة عن كثب كافة التطورات الاقتصادية ولن تتردد في إستخدام كافة أدواتها النقدية لتحقيق هدف استقرار الأسعار على المدى المتوسط.
 

Atum

مراسلين المنتدى
إنضم
20 نوفمبر 2021
المشاركات
28,553
مستوى التفاعل
90,392
المستوي
11
الرتب
11
Country flag

بنك مصر يقرر إصدار شهادة ادخار جديدة بفائدة 18% لمدة عام


أعاد بنك مصر اليوم اصدار الوعاء الادخاري الجديد شهادة " طلعت حرب" وهي شهادة ادخار تتمتع بمعدل عائد ثابت طوال مدة الاحتفاظ بالشهادة وتبلغ نسبة العائد للشهادة السنوية 18%، حيث تبلغ مدة الشهادة سنة ويصرف العائد شهريا، ويتم احتساب المدة اعتبارا من يوم العمل التالي للشراء، وتبدأ فئات الشهادة من 1000 جنيه ومضاعفاتها وتصدر للأفراد الطبيعيين أو القصر.

هذا ويمكن الاقتراض بضمان الشهادة بالإضافة إلى إمكانية إصدار بطاقات ائتمانية بضمانها. ويمكن استرداد الشهادة بعد مضى 6 شهور اعتباراً من يوم العمل التالي لتاريخ الشراء (تاريخ الإصدار).

هذا ويمكن شراء الشهادات من أي فرع من فروع البنك التي يصل عددها إلى أكثر من 750 فرعا ووحدة مصرفية منتشرة بجميع أنحاء الجمهورية، ويأتي ذلك في إطار حرص البنك الدائم علي إرضاء عملائه وتلبية رغباتهم واحتياجاتهم والعمل علي التطوير الدائم لأوعيته الادخارية القائمة واستحداث كل ما هو جديد و يتلائم مع هذه الاحتياجات.
 

Atum

مراسلين المنتدى
إنضم
20 نوفمبر 2021
المشاركات
28,553
مستوى التفاعل
90,392
المستوي
11
الرتب
11
Country flag

البنك الأهلى المصرى يقرر إصدار شهادة ادخار جديدة بفائدة 18% لمدة عام


قرر البنك الأهلى المصرى إصدار شهادة ادخار تتمتع بمعدل عائد ثابت طوال مدة الاحتفاظ بالشهادة وتبلغ نسبة العائد للشهادة السنوية 18%، حيث تبلغ مدة الشهادة سنة ويصرف العائد شهريا.

ويتم احتساب المدة اعتبارا من يوم العمل التالي للشراء، وتبدأ فئات الشهادة من 1000 جنيه ومضاعفاتها وتصدر للأفراد الطبيعيين أو القصر.
 

neo

عضو معروف
إنضم
24 نوفمبر 2021
المشاركات
173
مستوى التفاعل
921
Country flag
لسه طالع من البنك

جنيه ونص ذياده دولار

وارتفاع الفائده 1 %

على القروض

واصلا اوقفوا التعامل على القروض اليوم

طبعا ده البنك الاهلى

الشهادات مش معروف حتذيد الفائده ولا لا لسه
 

Hunter

عضو مميز
إنضم
18 نوفمبر 2021
المشاركات
4,452
مستوى التفاعل
20,411
المستوي
4
الرتب
4
Country flag
كارثة على الناس على كل مستوى المقاييس
ربنا يكون فى عون الناس الصراحة
 
التعديل الأخير:

TOPOL

الشك .. الشك هيمووتني !
إنضم
19 نوفمبر 2021
المشاركات
1,462
مستوى التفاعل
8,290
المستوي
3
الرتب
2
Country flag
الراجل دا اختصر كل الي عاوز اقوله .. عمليات الاستيراد كلها تقريبا في مصر راقدة في الانعاش

بمناسبة وصول الدولار ل 17.5 بالبنوك؛ نكتب بوست بقى عن رأيي الشخصي وقناعاتي حول اللي بيحصل.
اللي كان ب يسألني لغاية السنة اللي فاتت الدولار هيبقي ب 20 و 18 ووو كنت بقول لا؛ ثابت ومستمر او يمكن زيادة قروش...
بداية السنة دي حصلت متغيرات كثيرة وقولت اتوقع كبيره قوي يعني يتحرك 10% يعني ل 17.5 بس بالتدريج علي سنة؛ يعني علي ديسمبر كده بالكثير قوي نشوف 17.5 دي علي نهاية السنة... فدا كلامي ومش هنكره يعني عشان شوفناها في يوم...
المشكلة إن مصر عندها مشاكل اكسترا في موضوع الحرب دي؛ في البداية حوالي 30% من السياحة بتيجي لنا من روسيا وأوكرانيا وساعات أكثر؛ وكمان بنستورد منهم سلع كثير استراتيجية؛ وضيف عليهم انهم يعتبروا أسواق ناشئة زي حالاتنا؛ فاللي هو ضرب اكسترا أصلاً عن الطبيعي.
لكن في الشق الآخر تحريك الدولار بشكل عنيف شيء كارثي؛ وكنت بقول إن الدولة هتستخدم أدوات السياسة المالية للتحكم في الدولار؛ وأدوات السياسة المالية دي يعني زي الضرايب وتحجيم الاستيراد وكده... ومش هتروح هوبا لتحريك الدولار... بمعني تاني... عندنا عجز في الدولار الوارد لينا؛ يبقي اما نزود سعر الدولار بحيث الطلب يقل... او نخنق اصلا الطلب ونقلله بذراعنا بحيث يبقي اد المعروض.
يعني اكن بيدخل لمصر 50 مليار والطلب عالدولار 50 مليار (مجرد أمثلة رقمية) فهوبا حصل ظرف خلي اللي هيخش لنا 40 مليار؛ يبقي خلاص نقلل الطلب ونخليه 40 وبكده الدولار مش هيزيد.
بالفعل خلال آخر 3 اسابيع مصر قفلت؛ أيوا مصر قفلت الاستيراد؛ الشركات تقدم عاوزة اعتماد بنكي يتقالها من عنيا؛ شايف قايمة الانتظار دي اقعد فيها؛ لغاية امتي؟ لغاية لما ربنا يسهل إن شاء الله يا أخي مستعجل علي ايه.... واللي حتى يستورد وبضاعته توصل؛ مهياش خارجة من الجمارك... اقفلي يا ابني البلد دي ومحدش يستورد قشاية بدون موافقة مننا.
المشكلة إن عدم الشفافية دي اترجمت إن مصر مفيهاش دولار والبنك المركزي مفلس؛ ودا مش سليم؛ المركزي معاه دولار كثير ؛ عالاقل 3 اضعاف اللي كان معاه في تعويم 2016... ومتبصش بس للاحتياطي... طارق عامر معاه فلوس شايلها علي جنب بره الاحتياطي... ودا بجد ودا كلامه هو بنفسه ان في فلوس علي جنب
😂
....
هتقولي بس البنوك بعضها عنده عجز ؛ دا صحيح بس وقت الزنقة بجد فالمركزي معاه فلوس تكفي لسد الزنقة؛ بس هو مش عاوز... ليييه الله أعلم محدش عارف بس الأكيد لو هتولع فعندنا طفايات كفاية...
لسبب ما المركزي قال للبنوك اتصرفوا؛ خدوا قروض او لموا من السوق دولار؛ المهم ان اللي معايا دا للطوارئ مش للاستخدام العادي.
فمن هنا البنوك بطلت تدي الناس دولار؛ قبل كده كانت بتديهم والمركزي في ظهرها... هو سابهم ورماهم في البحر وقالهم عوموا يلا؛ هو واقف واكيد لو حد هيغرق هينقذه... بس هو عاوز غالبا يشوفهم بيتصرفوا بعيد عنه.
⬅️
ايه بقي المتوقع في الوضع الحالي
في رأيي الشخصي في 4 سيناريو
1️⃣
ودا انا مستبعده ولا اتمني حدوثه؛ وهو إننا نخش سباق دولرة؛ الناس تقولك ايه دا بقي 17.5 يبقي بكره 18.5 وبكره ناس تشتري ب 18.5 وتقولك بكره يجيب 20 ولما يبقي 20 الناس تشتري وتقولك بكره 25 وهكذا... تخش سباق دولرة... هو الشواهد بتقول انك داخل الطريق دا؛ بس نفتكر المركزي معاه احتياطي وفلوس بره الاحتياطي تخليه يمنع دا... فنتمني يكون ذكي وميقعش في الفخ ونلبس.
2️⃣
السوق يبقي كيوت؛ ودا سيناريو مثالي؛ ان السوق يتعارف مع نفسه ان سعر معين ليكن 17 او 17.5 او 18 خلاص دا سعر الدولار الجديد؛ فالدنيا تهدي وخلاص يقف عند كده... دا سيناريو مثالي قوي وتوقعي له لا يزيد عن 10%... والمثالي يعني خلاص ستوب يقف؛ لكن يطلع وينزل وبعدين يستقر اكيد دا هيتم ويستقر لكني بقول بدون طلوع ونزول.
3️⃣
سيناريو هعوركم كلكم... دا السيناريو المفضل لطارق عامر وعمله في 2016 وعمله في 2018... وهو انه لما يشوف السوق السوداء اشتغلت؛ يطلع معاها في السعر؛ بحيث يعور ويزعل المضاربين؛ نفتكر سوا بعد تعويم 2016 لما الدولار قرب من 20 جنية وبعدين نزله؛ اللي اشتراه وقتها بالسعر دا خسران لغاية النهاردة اهو... فممكن يكون في بال المركزي سعر 17 جنية... فهو يخلي السوق يطلع ل 20 جنية وبعدين يضخ فلوس يغرق السوق فينزله ل 17 ويخرب بيت كل اللي اشترى علي 18 و 19 و 20 دول عشان يحرموا يدولروا تاني... عملها زي ما قولت مرتين طارق عامر فيا تري هيعملها الثالثة.
4️⃣
دا مش سيناريو دا مشتق من فوق؛ وهو ان خلاص كده خلصت الشوطة المجنونة والدولار هينزل يعني 17.5 السقف وينزل وخلاص شكراً كده
توقعي الشخصي وامنيتي هي السيناريو رقم 3
*️⃣
افتكروا ان في بتاع 30 مليار دولار استثمارات اجنبية في اذون الخزينة المحلية؛ يعني اجانب دخلوا دولار وحولوه جنية واشتروا ديون حكومية بفايدة 10 و 12 و 15%... دلوقتي لو انتا جيت زودت لهم الدولار 15% مثلا فهما يكسبوا 12% من ادوات الدين؛ يروحوا يشتروا دولار يلاقوا نفسهم خسروا... كده هما خسروا ومش هييجوا لك السوق تاني... فلازم تحافظ عليهم كسبانين عشان ييجوا تاني...
*️⃣
في السنوات الماضية مصر كانت مفضلة ليهم؛ ياخدوا فايدة 12% وبعدين يروحوا بشتروا دولار يلاقوه رخص كمان
😂
فيكسبوا 15% فعليا عالدولار... ارباح خزعبلية محدش في الكوكب بيحققها... كنا سوق مثالي ليهم. فهل خلاص مش عاوزينهم تاني؟
*️⃣
بس خلاص واديني قولت رأيي وكنت ولازلت شايف ان اللي بيحصل دا مش منطقي؛ ومش مفروض القفزة السعرية دي تحصل... لكن ادينا هنشوف ايه هيحصل بقي.
*️⃣
اه متنسوش اي سلعة هتزيد تقولوا جشع تجار... استنوا زيادة بنزين خلال ايام
*️⃣
اه الاخوه اللي عايشين بره؛ عارف ان نفسكم الدولار ب 35 جنية والريال ب 10 جنية واليورو ب 40 جنية؛ عادي مهو انتم كده كسبانين دوبل... من ناحية ثرواتكم بتزيد؛ ومن ناحية ثانية تفرحوا في النظام السياسي اللي انتم معارضين ليه... بس عاوز افكركم ان الدولار لو حتى بقي ب 100 جنية؛ النظام السياسي مستمر؛ اللي مش هيستمر هو اخواتكم المصريين هيموتوا من الجوع... ف و انتا بتفرح في النظام وقاعد بتحسب دخلك الاجنبي بقي كام في مصر وهتقدر تشتري بيه ايه؛ افتكر ان في ناس هتموت حرفياً من الجوع... هتقولوا لي يعني هما عملوا ايه... مصدر اخبار يلا دولرة وحولوا كل فلوسكم لدولار وووو عادة من ناس بره... النار عشان تستمر محتاجة وقود واوكسجين وانتم بتوفروا دا بالفعل للنار.
طبعا هتسيبوا البوست كله وتعلقوا علي اخر فقرة عارف طبعاً
 

TOPOL

الشك .. الشك هيمووتني !
إنضم
19 نوفمبر 2021
المشاركات
1,462
مستوى التفاعل
8,290
المستوي
3
الرتب
2
Country flag


خواطر غير مرتبه
اي سعر للدولار انهارده مش حقيقي محتاجين ننتظر كام يوم الأمور تستقر( اعتقد لغايه ١٧.٥ سعر معقول)
الشهادات ١٨٪‏ فرصه هتقلل جدا الدولره (بعيدا عن الحكم الشرعي الرقم ده كويس جدا و في رايي افضل من الاستثمار في الدولار لأنه آمن و غالبا هيكون اعلي من زياده الدولار)
موقف البنوك من تدبير العمله للمستوردين مؤثر جدا في سعر الدولار (اعتقد هيوفر)
ركود كبير متوقع مع الفائده العاليه و زياده الاسعار
الركود قدامه بطاله هتزيد و شركات هتمشي موظفين
اسعار اغلي
ممكن كمان ندره في بعض المنتجات بسبب تأخر البنك في فتح الاعتمادات، لو الموضوع طول في مصانع ممكن تقفل
الشركات الصغيره اكثر تضررا من الشركات الكبيره اللي هتقدر تتحمل الضغوط و عندها تسهيلات من البنوك و علاقات
اي بيزنس معتمد علي الاستيراد هيتاثر بشده
الناس هتدور علي منتجات بدائل ارخص
تصدقوا
 

عزت

عضو مميز
إنضم
23 نوفمبر 2021
المشاركات
1,726
مستوى التفاعل
5,061
المستوي
1
الرتب
1
Country flag
وبعدين بقى سياسات البنك المركزي كده هتودى مصر لمجاعة أو كارثة اسوء منها
 

TOPOL

الشك .. الشك هيمووتني !
إنضم
19 نوفمبر 2021
المشاركات
1,462
مستوى التفاعل
8,290
المستوي
3
الرتب
2
Country flag

Egypt 2017

عضو معروف
إنضم
18 نوفمبر 2021
المشاركات
219
مستوى التفاعل
782
Country flag
ربنا يستر الوضع مش مستحمل اقسم بالله واحد قريبي جاله جلطه من الزعل بسبب كمية الديون اللي عليه ووقف الحال في الكام شهر إلى فاتو تخيلو الوضع هيبقى عامل ازاي بعد الارتفاع المتوقع لكل حاجه في البلد على الناس ربنا يسترها
 

hazem

In a mad world, only the mad are sane
طاقم الإدارة
إنضم
18 نوفمبر 2021
المشاركات
5,987
مستوى التفاعل
29,202
المستوي
5
الرتب
5
Country flag
دي أكتر أزمة أقتصادية هتخشها مصر أكتر من أزمة التعويم, ربنا يستر حقيقي أنا لأول مرة في 8 سنين مبقاش متفأل
 

برومثيوس

قبطان ومستني سفينة
إنضم
21 نوفمبر 2021
المشاركات
2,287
مستوى التفاعل
9,331
المستوي
2
الرتب
2
Country flag
الله يخربيت امريكا علي روسيا علي الصين
علي الكرونا علي ياميش رمضان وعلي اللاجئين علشان مرمبتاح يرتاح
images (8).jpeg
 
التعديل الأخير:

الذين يشاهدون الموضوع الآن

أعلى أسفل