بص من خبرتي انا زرت الحمد لله بيت الله الحرام كذا مرة وعملت عمرات الحمد لله و زرت المسجد النبوي
اللي بيحصل في اوقات الزحمة بيتم تطبيق بعض الاجرءات الصارمة لتخفيف الزحام
لان ما شاء الله الكل بيبقا عاوز مثلا يقف قدام الحجر الاسود في الكعبة او مثلا بيبقى عاوز يقف يشوف حجرة الرسول صلى الله عليه وسلم ويسلم عليه فلازم يمشي
وهيا البنت مش غلطانة ولا جدتها وربنا يتقبل منها
لكن بعض العساكر بسبب التشدد بتاعهم ممكن في الاجراءات يصيبوا بعد الناس او يزعلوا حد
يعني صادف اني كنت عاوز اطلع الدور الثالث من باب معين في المسجد الحرام
فالامن اذن لينا نعدي وندخل دخلنا جوا لقينا شيخ قال لا كده كفاية عشان الزحمة
و صلاة المغرب كانت بدأت وكان الشيخ السديس يصلي امام
فبتكلم معاه بقولوا مش هنقدر نرجع مفيش مكان بره حضرتك لان الناس صفت وبدءوا يصلوا
مش هنقدر نرجع لورا ولازم نطلع فوق
فهوا مصر وموقفنا في لا عارفين نصلي ولا عارفين نرجع لورا
لدرجة انه زق او دفع والدي
فانا لولا اني في بيت الله كنت هضربوا في صدره
بس جه واحد اكبر منه منصبا وقاله نصا كده ماذا تفعل هداك الله اتركهم يطلعون ويصلون مخبل انت
الحمد لله عدينا بسلام وخلصنا و الشيخ الاخر اعتذر مننا و اعتذر لوالدي
هما محترمين بصفة عامة وبيساعدوا الحجاج جدا جدا
خصوصا لو انت في حج هتلاقي كتير من العساكر ومن المسئولين هناك هيساعدوك
لكن بعض الحجات الصغيرة فعلا بتخرج كده بسبب صرامة في الاجراء او تشدد منهم
لكن الامور تسير ان شاء الله
يعني من رايي الشخصي واتمنى يعني يبقى في سعة صدر منكم
يعني يغلق الموضوع لانه لكل قاعدة شواذ اكيد
ويعني ما يثير بلبلة ابدا
لان دي شعائر دينية ليس بها اشياء سياسية او اقتصادية
وبسهودلة جدا جدا كانت الاستاذة الفاضلة كانت تروح لمكتب الدعوة بالحرم النبوي الشريف وكانت تشتكي وبيتم اجراء تطبيقات صارمة على من يتعدى على المصلين او المعتمرين
و ان شاء الله كله مسجل في الكاميرات
ويتم محاسبة العسكري ده
شكرا لكم
@صانع
@Shokry
