مرحبا بك في منتدى الشرق الأوسط للعلوم العسكرية

[𓌳𓄿𓍛𓅓𓍯𓂧𓀙]

السلام عليكم ورحمة الله

الاخوة الاعضاء الكرام،،،

عندي سؤال بخصوص القدرات العسكرية المصرية علي القيام عملية خارج الحدود
والمطلوب إنزال بحري لفرقه مدرعة علي شاطئ معاد مع وجود سيطرة جويه مصرية وتقديم الدعم النيراني للقوات المقتحمه
السؤال هل نمتلكه لجويستيات النقل الكافيه للقيام بهكذا عمليه ؟؟

 

[Rafal 100]

مرحبا بك معنا ياصديقي .

فرقه ومدرعه مره واحده .
لا لسه موصلناش لأسباب.

# محتاجين سفن إنزال خفيفه اقل من الميسترال باعداد محترمه ودي مش موجوده .
# محتاجين مدرعات برمائيه اقتحاميه متطوره سوا علي عجل او جنزير ودي مش موجوده .
#محتاجين دبابات خفيفه وكان هيقوم بالدور ده T90MS بس تقريبا الصفقه متوقفه .
اللي فات ده عناصر من مكونات القوه البرمائيه...

# احنا قطعنا شوط كبير العناصر اللي ناقصانا سهل تدبيرها بس محدش يعرف سبب التأخير.

إنما ماهو متاح من باقي العناصر موجود .

# قوه بحريه لتقديم دعم أعمال القتال والحمايه موجود .
#استطلاع جوي وبري موجود .
# قوه جويه لدعم العمليات ،موجوده.
#هيل هجومي متطور ،هيل لأعمال النقل والاقتحام موجود.
#قوات نخبه زي الصاعقه البحريه ودي اللي هتكون النواه لقوات الابرار موجوده وعلي اعلي مستوي .
# دفاع جوي ، مشاه ، مدفعية موجود .
# قوات دعم هندسي موجود وحاجه محترمه .

 

[Mohamed M78]

من فضلك, تسجيل الدخول أو تسجيل لعرض المحتوى !

وعليك السلام ورحمة الله وبركاته
تحياتي لحضرتك ❤❤❤
وأهلا بيك في المنتدي

 

[Mohamed M78]

الفرقه المدرعه ما بين أربع وخمس ألويه وكمثال تشكيل الفرقه التاسعه المدرعه بيتكون من ٤ ألويه زوج من الألوية المُدرعة هُما (71 و72) مُدرع، فضلاً عن لواء 90 ميكانيكى، ولواء 44 مدفعية
يعني بتتكلم في أعداد ممكن توصل ما بين ١٥ و٢٠ الف مقاتل غير المعدات وطبعا لسه بدري أوي علينا لإمتلاك قدرات النقل لتشكيل بالحجم ده
محتاجين سفن LPD ,LST بأعداد كبيره بجانب الميسترال وبالطبع حاملة طائرات عشان توفر الغطاء الكافي لقوة بالحجم ده
ده غير سفن الإمداد

 

[s e t]

من فضلك, تسجيل الدخول أو تسجيل لعرض المحتوى !

اولا تحياتى لحضرتك

عندى قناعه خاصه بيا ممكن تكون خطأ بشوف الانزال البحرى مينفعش غير فى دوله جايه على الارض خلاف كده يبقا انتحار .فى الموضوع هيكون اشبه بى الضربه الامريكيه الاولى لافغانستان او ضربة الناتو لليبيا دك جميع المواقع بصواريخ الكروز من القطع البحريه والغواصات والطائرات تمهيد نيرانى كبير جدا اخفى بيه اى قوه هتعيق نزول القوات بتاعتى وبعدين انزال مظلى للتأمين وبعد كده ممكن افكر فى انزال بحرى دى اخر حاجه فى بالطريقه دى نعم لدينا امكانيات على ذالك ...انما لو بطريقة النوماندى لا خالص ولسه امامنا كثير وقطعه ومعدات اكثر

 

[Ahmed Hassan]

من فضلك, تسجيل الدخول أو تسجيل لعرض المحتوى !

انزال ودعم خارج الحدود ليه شكلين الاول إن تكون الدولة دى على حدود مباشرة معاك والتانى إن الدولة لا تقع على خطوط تماس معاك وحدود مباشرة الحالة الأولى ايوا عندنا القدرة طبعا وبشكل يفوق فرقة مدرعة بكتير ومناوة بدر ٩٦ قدمت نموذج حقيقى للأمر دا وكان موجه لاسرائيل بشكل مباشر ووصلت الرسالة
لو دولة بعيدة عن حدودك فالموضوع يحتاج معاك وقت أطول وإمكانيات اكبر واهم حاجة تأمين خطوط الإمداد وكل دا محتاج مجهود وإمكانيات ضخمه جدا بيتطلب وجود قواعد عسكرية قريبة من تلك الدولة أو المكان وأما تكون القواعد دى ليك أو دولة مجاورة للدولة دى سمحتلك تستخدم قواعدها ودا مش مستحيل ولا صعب لمصر لكن لابد من توافر الظروف والامكانيات المذكورة امريكا نفسها لم تستطع أن تنفذ تلك العمليات دون استخدام قواعدها حول العالم أو دول أخرى تسمح لها باستخدام قواعدها

 

[Rafal 100]

من فضلك, تسجيل الدخول أو تسجيل لعرض المحتوى !

ايوه ياأحمد انت صح مش غلط .
بس خد بالك انه بيحصل عادي لو حتي الدوله المقصوده.
قوة الابرار بتكون اخر حاجه .
لان لازم تمهيد نيراني من البحر والجو لإسكات القوه المدافعه وبعد التمهيد النيراني في استطلاع بري وجوي .
القصد انت مش بتاخد قوة الابرار وترميها في النار وتسيبها، لأن اساسا هي تسليحها العضوي يؤهلها للقيام بتلك المهام الاقتحاميه .
يعني البرمائيات المدرعه بتكون مؤهله للاشتباك أثناء العوم .
عندك العنصر الجوي من طائرات هيل بتكون مسلحه تسليح تقيل .
وخد بالك ان ده تم مع عدو متفوق في 73 وكان عندنا اللواء 130 برمائي بس ماكنش قوه كبيره هو كان لواء واحد .
وعمل شغل كويس جدا،رغم ضعف الامكانيات تلك الفتره .
علشان كده العمليات دي معقده جدا .
زييها زي عمليات الإنزال الجوي مش مظلات بس .
لا ده كمان مدرعات خفيفه زي قوات الإنزال الجوي الروسي ،وعملوا ده في اوكرانيا بكل قوتها ودعم الغرب لها .

 

[Shokry]

من فضلك, تسجيل الدخول أو تسجيل لعرض المحتوى !

اهلا بيك استاذ محمود نورت المنتدى 🌹
وسؤال مهم جدا

تعليقي الوحيد ان عادة بيتم نقل الوية وليس فرق كاملة وعندنا الوية محمولة جوا بشكل كبير زي اللي في الفرقة التانية والرابعة والتامنة

بجانب الانزال البرمائي من الميسترال و٣ سفن بولندية بتشيل ٤ دبابات الواحدة و٩ سفن سوفيتية الواحدة تشيل ٣ دبابات يعني سفن الانزال بدون الميسترال تقدر تنقل لواء دبابات كامل على مرتين

من فضلك, تسجيل الدخول أو تسجيل لعرض المحتوي!

 

[JOKer 88]

اي انزال لا بد من تمهيد نيراني وللاسف كان صعب الاول الا بالقطع البحريه
اما الان من الممكن ان يتم الامر بصوره كبيره من انور السادات وحمال عبد الناصر عن طريق الطيران
الكم والكيف كان مطلوب وتقدر aw149والكاموف ان تقوم بالتمهيد النيران وانزال في نفس الوقت من aw149
السؤال الاهم هو تحريم العدو من استخدام الاجواء وتأمين راس الشاطئ
نقل القوات بيتم علي مراحل وكل ما زاد العدد زاد الانتشار وتطوير الهجوم
السيطره علي مسرح العمليات بالاعاقه والشوشره وتحليل الاشارات والاتصالات لمعرفه طريقه تحركات العدو في صد الهجوم
الانزال الجوي بيتم خلف خطوط العدو لقطع الامداد من الوصول الي الشاطئ والانتهاء من احتلاله وبدايه الحشد لتطوير الهجوم
النقطه الاخري وهي منع العدو من استخدام الانظمه تلدفاعيه ودي هتحتاج الطيران الجوي في إخماد الانظمه والدفاعات الجويه والدفاع الساحلي
اهم شئ وده كان الاتجاه له من اول اقتناء المستيرال هي انظمه الاتصال المشفر ونقل الصور لحظيه الي مركز قياده الميستيرال والقوات علي الارض
تحديد الخسائر وسرعه اخلاء الجرحي ودي كانت ناقصه ايضا وقدر توفرها في الميستيرال
مصر لن تستخدم الميستيرال وقوارب الانزال فقط بال سفن الدحرجه ايضا بعد تامين راس الشاطي وعارف الكلام ان يكون ميناء مش شرط لو بلاطيم تم نزالها الفرد لا يستغرق ١٥ د للتجهيز والاستعداد
الاهم نقل قوات بصوره كبيره مع توفير غطاء جوي ودفاعي وغطاء للقوات الانزال
وايضا الهامفي والتمساح سيسبقهم معده تجهيز الشاطي حتي لا تعطل سير العمليات وبعدها فرق هندسيه لفتح الثغرات وبعدها القوات المدرعه اي كانت حجم القوات
فيه نقطه اخري ضروره استمرار الامداد وده هتوفره ابو سمبل والاقصر القلعه
من غذاء ومياه شرب واسلحه وذخيره بصوره دائمه

 

[𓌳𓄿𓍛𓅓𓍯𓂧𓀙]

بالفعل أنا قصدت زي متفضل الاستاذ احمد إنزال نورماندي وشكرا لحضراتكم ودايما نتعلم منكم❤️

 

[Mohamed Salah]

أولا اهلا بحضرتك معانا في المنتدي
علشان تقوم بعملية انزال بحري بعيد عن حدودك هتحتاج حاجات كتير جدا علي سبيل المثال
حاملة طائرات لفرض سيطرة جوية فوق المنطقة المراد احتلالها لحماية القوات قبل عملية الانزال
سفن وغواصات بقدرات اطلاق صواريخ كروز لتوفير دعم ناري للقوات المشاركة في الانزال
سفن مستشفيات عائمة لنقل الجرحي وتوفير الرعاية الطبية للمصابين
مدرعات ودبابات خفيفة للمشاركة في عمليات الانزال
سفن LPD بأعداد لنقل القوات بجانب الميسترال
سفن الامداد والتموين لنقل الغذاء والوقود للقوات
وغيرهم من الاسلحة ذي طائرات نقل علشان قوات المظلات

 

[JOKer 88]

من فضلك, تسجيل الدخول أو تسجيل لعرض المحتوى !

دولتين فقط تاخد منهم سرعه بناء وكمان ممكن تبني منهم هنا
الصين واندونسيا
وافضل اندونسيا ويكون واحده منها مستشفي عائم لانهم مجموعه من الجزر ومجهزيين جيدا

 

[Shokry]

من فضلك, تسجيل الدخول أو تسجيل لعرض المحتوى !

وليه مش عندك؟
التكنولوجيات والخبرة عندنا

 

[Mohamed M78]

من فضلك, تسجيل الدخول أو تسجيل لعرض المحتوى !

ماكاسار

سفينة الإبرار البحري الثقيل ماكاسار

Makassar-class landing platform dock ماكاسار سفينة إبرار بحري ثقيلة صناعة كوريا الجنوبية و اندونيسيا بلد المنشأ اندونيسيا / كوريا الجنوبية دخلت الخدمة 2007 طاقم العمل 126 تحمل البحر 30 يوما الأبعاد والإزاحة: طول122 م العرض 22 م الغاطس 6م الازاحة القياسيه 7300 طن الازاحة حمولة كاملة 11394 طن...

www.memilitary.com

 

[JOKer 88]

من فضلك, تسجيل الدخول أو تسجيل لعرض المحتوى !

سفن ro -ro غير وتختلف جدا عنها
ان جيت للحق احنا ناقصنا اشياء كثيره
وان شاء الله ضالتنا سنجدها في دوله اروبيه

 

[صاعق-1]

من فضلك, تسجيل الدخول أو تسجيل لعرض المحتوى !

الهامفي في صراع حقيقي هتغرز في الرمل
محتاجين مجنزره محترمه

 

[Mohamed M78]

من فضلك, تسجيل الدخول أو تسجيل لعرض المحتوى !

أو حتي 8×8

 

[JOKer 88]

من فضلك, تسجيل الدخول أو تسجيل لعرض المحتوى !

انا قولت ليها عربه مجهزه لسلاح المهندسين لفرد طريق انزال

 

[𓌳𓄿𓍛𓅓𓍯𓂧𓀙]

من فضلك, تسجيل الدخول أو تسجيل لعرض المحتوى !

زي الايتان كده؟؟ وهل اعتماديتها هتكون أفضل من الجنزير خصوصا في سينا أو فالغرب؟

 

[JOKer 88]

من فضلك, تسجيل الدخول أو تسجيل لعرض المحتوى !

المدولبات فشلت في حروب الصحراء علي الرغم من الاعتماديه النيرانيه في قنص الدباباب بمدفع 105
ولكن المدرعات يوجد حساسيه منها في الجيش تحس كده مش مفضله ليه لذلك تجد معظم السكوت الاسباني في الجيش الثالث