-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
أمير الكويت يزور مصر اليوم
- بادئ الموضوع Atum
- تاريخ البدء
الإعلام الكويتية: زيارة أمير البلاد لمصر تجسيدا لمتانة علاقات القيادتين
أكدت وزارة الإعلام الكويتية أن زيارة أمير الكويت الشيخ مشعل الأحمد الجابر الصباح اليوم الثلاثاء، إلى مصر تعد تجسيدا لقوة ومتانة العلاقات بين القيادتين المصرية عبد الفتاح السيسي، والكويتية الشيخ مشعل الصباح والشعبين الشقيقين.
وذكرت الوزارة في فيديو مصور تم نشره على مواقع التواصل الاجتماعي اليوم، أن الزيارة تؤكد أيضا وحدة المصير المشترك بين البلدين وخصوصية العلاقات وتلاحم البلدين .
وتضمن الفيديو المصور زيارات الرئيس السيسي لدولة الكويت ولقائه أمير الكويت، والأمير الراحل الشيخ نواف الأحمد الجابر الصباح، والراحل الشيخ صباح الأحمد الجابر الصباح .
- إنضم
- 18 نوفمبر 2021
- المشاركات
- 5,925
- مستوى التفاعل
- 28,892
- المستوي
- 5
- الرتب
- 5
الكلام ده مش حقيقي وللأسف ضار كمان يا أستاذ مصطفي
أنا خالي دكتور هناك من سنين كتير كمان ٥-٦ قرايبي من مهندسين لغيره الناس بتتعامل معاهم في منتهي الأحترام والود كمان
المشكلة بدأت لما مصريين كتير وأغلبهم مش متعلمين راحوا علي هناك وقبلوا يشتغلوا في أي حاجة وبهدلوا الدنيا وطبعا الكويتي بياخد منهم ١٥٠٠ل٣ الالاف دينار سنويا ومقدم فمش فارق معاه أنت هتعمل أيه في البلد ومن هنا بدأت المشكلة
أنما قضاة مجلس الدولة هناك بيتعاملوا أحسن معاملة دكاترة مهندسيين وغيره يتشالوا من الارض شيل
أعتراض الشعب علي الاشكال الضالة وده حقهم الصراحة
فيز الشغل اتفتحت عندهم اسبوع تقريبا اتحدي ان مكانش ٥٠ ٦٠ ألف قدموا في اليومين اللي فاتوا وكله بيقدم علي أي حاجة وده مسبب ضغط كبير علي
ولو بتسال ليه المصريين اللي بيقفلوا عليهم تحديدا لأننا الجالية الاكبر هناك طبقا لاخر احصاء قريته المصريين هناك ٧٠٠ الف تقريبا والكوايتة مليون ونص يعني بنتكلم نص عدد الكوايتة
في مصريين خونوا الرئيس والحكومة والكل علشان عدد الاجانب اللي في مصر مقيمين ولاجئيين وغيره قارب علي ١٠ مليون من تعداد دولة حجمها ١١٠ مليون تقريبا
ما بالك لو العدد ده اترفع ل٥٠% حتي لو معاهم ورق وسليم الناس كلها هتعترض وده اللي حاصل هناك
بشمهندس حازم تحياتي لك قبل اي شيء .
حضرتك خالك هناك وبالمقابل انا عمتي كويتية الجنسية وولادها كوايتة اب وجنسية . دايما الوسط المحيط بيك لو انت مركزك الاجتماعي كويس مينفعش يكون اساس التقييم لان هتلاقي معاملة مختلفة منهم .
انا ليا الاصوات العالية من الكوايتة هناك ودول الأكثرية كلهم ضدك كشعب وكدولة . الجالية الهندية اكتر منك ومشاكلهم اعلى منك ولكن دائما التركيز عليك انت . حتى الدولة كانت بتقدم اعتراضات للدولة المصرية على تفاهات في حين ان رموزك وشعبك دايما مشتومين هناك ومحدش بيشغل باله . مصريين انضربوا واتسحلوا هناك ولما كان الموضوع ترند يطلع مسؤول ويقولك هنحاسب المتهمين وبمجرد ما الموضوع يهدى تلاقي الادانة بقت على المصري .
لما اصوات من مجلس الامة تغلط فيك بدون حسيب ولا رقيب فدة اعتبره موافقه من باقي سلطات الدولة .
طبعا كلامي لا ينفي ان في اصوات عاقله هناك وفي ناس محترمه بتقدرك وتحترمك بس للاسف صوتهم مش ظاهر
- إنضم
- 18 نوفمبر 2021
- المشاركات
- 5,925
- مستوى التفاعل
- 28,892
- المستوي
- 5
- الرتب
- 5
أزي حضرتك يا فندم واحشني يا رب تكون في صحة وخير وسعادة
لو حضرتك بتتكلم علي أصوات المعارضة هناك فدول برضه بيغلطوا في الكوايتة نفسهم وزي ما أحنا شايفين أعمل حكومة ومجلس حل حكومة ومجلس والموال شغال لا ينتهي
مش هننكر أن فيهم ناس صعبة ومحتاجة تتعالج نفسيا بس ده مينفعش يتعمم علي دولة كاملة خصوصا لما بنحتاجهم بنلاقيهم
الكويت هي الديمقراطية الوحيدة في الخليج علشان كده هتلاقي الوحش أكتر من الحلو وكمان أي حد عايز يتشهر بيحط مصر في جملة مفيدة
الحمد لله في فضل ونعمة والله يا بشمهندس .
يارب تكون في صحة وعافية دايما.
والله يا بشمهندس لو كنت الاقي تحرك رسمي من راس الدولة عندهم للإساءة اللي بتحصل كنت هقتنع ان الموضوع عادي ولكن للاسف مش بيحصل . وبرضو برجع واقول ان فيها محترمين كتير بس اصواتهم مش عالية.
للاسف ديموقراطية الكويت لا تصلح لبلد بوضعها ، اخوان وشيعة متغلغلين فيها .
عاجبني اكتر نموذج البحرين في النقطة دي.
عموما ربنا يصلح الحال للجميع
اديها لكل من هب ودب لغاية ما تفقد قيمتها ورمزيتها
منح الرئيس عبد الفتاح السيسى،
من فضلك,
تسجيل الدخول
أو
تسجيل
لعرض المحتوي!
للشيخ مشعل الأحمد الجابر الصباح أمير الكويت، والتي تعد أرفع الأوسمة المصرية.
قلادة النيل
ويجوز إهداء قلادة النيل لرؤساء الدول ولأولياء العهود ولنواب الرؤساء، كما يجوز منحها لمن يقدمون خدمات جليلة للوطن أو للإنسانية
بلده فعلا قدمت خدمات للوطن واهانت المصريين بما فيه الكفاية
خلينا نتفق في البداية أن قلادة النيل العظمى صعب جدا يتم منحها لأي شخص أجنبي الا لو كان حقق لمصر مكسب ضخم
ومش هتطلع لحد على سبيل المجاملة بدليل أنها لم تمنح مثلا لقادة السعوديه او الإمارات مثلا رغم كل ما قامت بلادهم به لمصر
طيب هي الكويت عملت ايه لمصر النهارده علشان نمنح أميرها الوسام المصري الأعظم ؟
انتم فاهمين طبعا أن حاجات كتير يتم التعتيم الإعلامي عليها بس هحاول اوصل لبعض التفاصيل ونعملها مقال قريب باذن الله
ومش هتطلع لحد على سبيل المجاملة بدليل أنها لم تمنح مثلا لقادة السعوديه او الإمارات مثلا رغم كل ما قامت بلادهم به لمصر
طيب هي الكويت عملت ايه لمصر النهارده علشان نمنح أميرها الوسام المصري الأعظم ؟
انتم فاهمين طبعا أن حاجات كتير يتم التعتيم الإعلامي عليها بس هحاول اوصل لبعض التفاصيل ونعملها مقال قريب باذن الله
الامير قدم خدمات قيمة لمصر من وقت ما كان وزير الداخلية وكان له دور هام في قطع الحبل السري المغذي لجماعات الارهاب الاخوانية القادم من اخوان الكويت ..وحاجات تانية لا يسع الظرف لذكرها ... الكويت بلد له وضع خاص ومختلف عن باقي امارات وممالك الخليج .. التجاوزات ضد المصريين هيتم ضبطها مع انضباط عملية استقدام المصريين وهو ده السبب الرئيسي
النهارده الشيخ مشعل الأحمد أمير الكويت كان في زياره هامه جدا لمصر ، والتي ينوي عمل أكبر اصلاح اقتصادي لبلاده التي تعاني اقتصاديا وتحاول القيام بنهضة اقتصادية عبر صندوقها السيادي الذي يتجاوز 923 مليار دولار ( بالمركز الخامس عالميا بين الصناديق السيادية بالعالم )
علشان كده كان أمير الكويت على رأس وفد عملاق مكون من رجال الأعمال الكويتيين و رئيس الصندوق السيادي الكويتي وقادمين بمشاريع عملاقة جاهزه ليتم عرضها على مصر لتنفيذها بمصر (والفايده مشتركه طبعا )
تحتاج الكويت للدعم السياسي المصري والإستجاره بها وخاصة في ظل التوترات الدولية الحاليه في مقابل دعم اقتصادي ضخم لمصر استغلالا للنهضة العملاقة التي قامت بها مصر في بنيتها التحتية مؤخرا
يبلغ متوسط استثمار الكويت سنويا بمصر 630 مليون دولار ، ويبدو أن هذا الرقم قد يصبح متواضع لاحقا مع الهجمه الإستثماريه الكويتية المرتقبه ... أصل مصر أصبحت الملتقى الدولي للإستثمارات العالمية ( الكورية والصينية والهندية والروسية والإماراتية والأوروبية ... وسيب القوس مفتوح )
مصر شغاله في مشاريع تحتاج مليارات لا حصر لها من أول توشكى وشرق العوينات أقصى جنوب مصر وحتى منطقة غرب مصر بجرجوب مرورا بالدلتا الجديدة ومشاريع سيناء العملاقة ... إلخ ، والجميع يحجز مكانه فيها من الان والمتأخر سيخسر كثيرا
طبيعة الإتفاقات الإقتصادية التي تم الإتفاق عليها مش منشوره حتى الأن ولكن طبعا سيتم تسريبها قريبا جدا ... وربنا يسهل ونقرأها مع بعض قريبا
علشان كده كان أمير الكويت على رأس وفد عملاق مكون من رجال الأعمال الكويتيين و رئيس الصندوق السيادي الكويتي وقادمين بمشاريع عملاقة جاهزه ليتم عرضها على مصر لتنفيذها بمصر (والفايده مشتركه طبعا )
تحتاج الكويت للدعم السياسي المصري والإستجاره بها وخاصة في ظل التوترات الدولية الحاليه في مقابل دعم اقتصادي ضخم لمصر استغلالا للنهضة العملاقة التي قامت بها مصر في بنيتها التحتية مؤخرا
يبلغ متوسط استثمار الكويت سنويا بمصر 630 مليون دولار ، ويبدو أن هذا الرقم قد يصبح متواضع لاحقا مع الهجمه الإستثماريه الكويتية المرتقبه ... أصل مصر أصبحت الملتقى الدولي للإستثمارات العالمية ( الكورية والصينية والهندية والروسية والإماراتية والأوروبية ... وسيب القوس مفتوح )
مصر شغاله في مشاريع تحتاج مليارات لا حصر لها من أول توشكى وشرق العوينات أقصى جنوب مصر وحتى منطقة غرب مصر بجرجوب مرورا بالدلتا الجديدة ومشاريع سيناء العملاقة ... إلخ ، والجميع يحجز مكانه فيها من الان والمتأخر سيخسر كثيرا
طبيعة الإتفاقات الإقتصادية التي تم الإتفاق عليها مش منشوره حتى الأن ولكن طبعا سيتم تسريبها قريبا جدا ... وربنا يسهل ونقرأها مع بعض قريبا
