قولنا زمان ان محرك السياسة هو الاقتصاد
و بالنسبة ل واحدة زي
لما تسمع عن زيارة محتملة لرئيس مكنش بيعمل حاجة في حياته غير انه يرفع شعار رابعة .. ويهاجم رئيسي
و تلاقيه جي بضهره كده بالرغم من اخونيته الصرفة .. و برغم من قفا الخط الاحمر سرت - الجفرة
لازم ابحث عن المصلحة
اللي داست المرشدير اللطيف ده .. خصوصا بعد خسارة اردوغان سياسيا في كافة النواحي
اذن المصلحة اقتصادية
عشان نعرف سبب الزيارة
لازم نبص بصة علي الاقتصاد التركي الشبه منهار
" سمعاك يا خروف ياللي بتتريق .. الاقتصاد المصري اقوي من التركي 6 مرات .. و بالارقام .. بس انت عشان خروف ف اللية بتهرب منك في العصعوص بس "
♦️لسه كانت السيدة حفيظة اركان محافظ البنك المركزي التركي مقدمة استقالتها الشهر اللي فات بعد ما مرمطت الارض بالليرة و التضخم
و تعد من افشل محافظي البنوك المركزية عالميا .. اللهم لا حسد يعني 📌 في الوقت اللي العالم بيعاني من تضخم و مجبر انه يرفع الفايدة
الست حفيظة كانت بتخفضها
الناس ترفع .. هي تخفض
و لما تخفض الفايدة علي الاقراض و الاقتراض الناس تاخد قرووووض ف البنكنوت يزيد في ايد الشعب مع ارتفاع اسعار السلع الفلوس كتير بس مش بتشتري كتير تفقد قيمتها ف يزيد التضخم
محضرتش سيكشن مالية عامة في حياتها
كانت بتقعد في الكافيه باين و تزوغ
📌 فضلت تسحب التضخم لأعلي لما وصلته ل 87%
بعد ما راح علي 90% بقاااا
قالت ااحييييييه ده الزرار مش شغال
اما ارفع الفايدة بقا
راحت رفعتها 8 مرات في 3 شهور
" دي الست الوحيدة اللي لما يتقالها ع المطبخ .. انا مش هزعل اطلاقا .. دي مكانها حوض المواعين نفسه "
📌 طبعا اجراءات غير محسوبة
و معرفتش توفق بين السياسات النقدية و المالية
ف بقا التضخم في تركيا ثلاثي الابعاد
تضخم ورقي 64.77%
تضخم بنكي 89.9%
تضخم سوقي 120%
( التضخم البنكي : هو التضخم في السلع والخدمات اللي بتمولها الحكومة ..اما التضخم السوقي : اللي هو تضخم اجمالي سلع السوق )
وطبعا ده زيادة جدااا علي كاهل المواطن التركي
اللي لا قادر يقترض لسداد حاجته بسبب ارتفاع سعر الفايدة .. و لا قادر يستكمل القوة الشرائية بسبب انخفاض قيمة النقود امام السلع
♦️ده غييييير تعويم الليرة
( ما كل العملات عايمة في بحر الغدر .. شط الدولار مليان )
من 5 سنين كانت الليرة = دولار
لييييه عشان المركزي التركي كان بيدعم الليرة
لأنه كان متعشم يدخل الاتحاد الاوروبي .. ف تبقا عملته قوية اعلي من اليورو
قال يعني بيغريهم كده
و بعد كده اما ينضم
يبقا يوقف دعم و يسيبها تقع عادي لانه هيشتغل باليورو و هياخد دعم من المركزي الاوروبي غصب عنهم احسن يأثر علي سمعة اليورو
( لو لقيت تعبان مسلم .. تلقي اخواني سالك )
فلما اتقاله نوووو .. انت مش هتدخل الاتحاد
بدأ يقلل دعم الليرة عشان يقلل تكلفة العملة
و سابها تعيش حياتها
وصلت ل 32 ليرة / دولار
( الليرة ب 99 قرش الي جنيه وقرش )
و هي اساسا فضلت تعمل تراجعات طول 2023 لوحدها كده .. تحرير سعر صرف
لا شروط صندوق و لا غيره
📌 ده كله كوم .. و عجز الموازنة كوم تاني خااااالص
في 31 ديسمبر 2023
الموازنة التركية سجلت عجز 911%
( سمعاك يا خروف ياللي بتقول اسم الله علي موازنة مصر
عجز الموازنة المصرية 6.9% - 2023/2024 )
و لذلك تخفيضا للنفقات و تقشفا بقا
قرروا في 11 يناير 2014 انهاء دعم الليرة تماما راحت انخفضت بنسبة 37% من قيمتها ووصلت بقا لحالها ده
📌 و اتجهوا الي نيويورك
ااااه وول ستريت سوق المال العالمي
عملوا event كده اسمه يوم المستثمر في چي بي مورجان
و عرضوا علي المستثمرين فرص الاستثمار في بعض الاصول .. و استثمارات مصرفية .. سوق المال
لكن الحقيقة رجعوا كسبانين 12 جنيه و ربع
و ده بسبب ايييييه بسبب ان سنداتهم غير جيدة
📌 ايه حوار سندات غير جيدة دي :
السند السيادي الغير جيد اقتصاديا له احتمالين :
▪️اما دولة متعثرة لا تسدد زي سندات 6 يناير بتاعت امريكا كده
▪️او دولة اصدرت سندات بفائدة مرتفعة غير متوقع لاقتصادها القدرة علي السداد
زي اردوغاز كده
الست حفيظة اركان قالت انا هسيطر علي هروب الاموال الساخنة دي .. و هجيبها تااااني
هاااا هتعملي ايه يا ظاظا
قالت هصدر سندات بفايدة اعلي من قيمة السند الامريكي
الليرة ريأكتد : يا نهار اسووود
و بالفعل راحت اصدرت نوعين سندات
واحد بفايدة 265 نقطة 26.5% و قيمتها 7.5 مليار دولار
مكفاااااش
راحت اصدرت التاني بفايدة 394.4 نقطة 39.44%
قيمتها 2.5 مليار دولار
( حاسة اني عايزة اعتذر لدكتور معيط سيكا .. عشان كنت متعصبة منه انه اصدر سندات ب 100 مليون دولار بفايدة 9.5% )
بقا كده من مايو 2023 الي ديسمبر 2023 اصدروا سندات ب 10 مليار دولار مدتها 5 سنين
ده اسمه عبث مبدئيا
انك تصدر سندات بفايدة 40% .. ده عبث
و احتمالية السداد طبعا متدنية وفقا للمعطيات
بالتالي فشلوا في يوم المستثمر .. و يمكن الحج مورجان دفعلهم حق تيكيت الطيران
📌 نيجي بقا نبص علي التصنيع .. و تركيا اساسا دولة مصدرة
نلاقيها بقالها 3 سنين تعاني من الانكماش التصنيعي
ليييييه لانها في كل صناعتهتا بتعتمد علي مواد خام مستوردة
و عندها مشكلة توفير عملة زي كل الدول
و الدول اللي بتستورد منها عندها مشكلة سلاسل امداد
و ده واحد من اهم اسباب العجز في الموازنة علي فكرة
و حتي اكون منصفة الانفاق علي اعادة الاعمار بعد الزلزال بردو اثر علي الموازنة
بس ده لييييييه عشان الاحتياطي النقدي بتاعه صفررر و هو بيشتغل الشعب .. ف اضطر يسحب ع المكشوف
يا عزيزي محدش يعرف يشتغل الاقتصاد
او بيبقا محتاج صياد قروش عشان يعرف يقفش عيوب الموازنة بالنظر كده
جه بقا محافظ بنك مركز جديد فاتح كاراهان
اول حاجة قرر يعملها الاستغناء عن الدولار في الاستيراد
🔸معلش هنتوقف هنا قليلا عشان تاخد بالك من حاجة مهمة :
كل دولة عندها مشكلة في الاقتصاد .. سببها الرئيسي هو انها رابطة اقتصادها بالدولار
و ده شئ ارغامي لانه العملة الصعبة الرسمية عالميا
ف اول حاجة بيتوجه لها الاقتصاديين هو فك الارتباط ده و محاولة تعظيم قيمة العملة المحلية
و ده يبرهن علي صدق كلام سيد الكرملين مع تاكر كارلسون لما قاله استخدام امريكا الدولار گ سلاح اقتصادي هو عين الغباء
عشان كده اوووول هدف للتحالف الجديد هو اغتيال الدولار و الخلاص منه
" ده كلام چيلان قاسم من يونيو 2022 كل الدول اللي هترغب في انقاذ نفسها اقتصاديا سوف تتجه للتخلي عن الدولار "
نرجع للأغا :
هنا كانت نصيحة فاتح كاران بالتوجه الي الدول التي يمكن التعاون معها بالعملات المحلية
و علي رأسها مييييين مصر
شوفت مشيتك مشوار طويل ازاي عشان اجيبك للنقطة دي
معلش بس الاقتصاد كده
( سمعاك يا خروف ياللي بتقول ومصر بقا اللي هتحل ل تركيا ازمتها )
♦شوف يا عزيزي
و انت يا خروف تعالي عشان تتعلم .. ياكش تفهم
في 2023 تركيا تصدرت قايمة الدول اللي استوردت من مصر صادرات غير بترولية
دخلت في صناعات وسيطة عندها
لو قدرت تخلي الواردات دي بالليرة او الجنيه ده هيقلل من العبء الدولاري عليها
لكن مش هي دي القصة و بسسسس
في نقطتين مهمتين :
▪الچوكر المصري المنطقة الاقتصادية في قناة السويس
و تركيا متارجتة انها تعمل منطقة تركية فيها
تقدر من خلالها تصنع بعض السلع بتكلفة اقل ممكن من خلالها تفتح سوق افريقي من خلال مصر
و في نفس الوقت تستفيد من معروضات الحزام و الطريق و تواجدها في المنطقة الاقتصادية
▪النقطة التانية :
مين حبيب بوتين السيسي
مين روح بوتين السيسي
و مادمت انت مش عارف تطول من بوتين لا بلح الشام و لا عنب اليمن
و مخدتش غير وعود
ف اللي ممكن تحتاجه من بوتين ممكن جدا تخلي السيسي يستوردهولك ... و يبعته لك و بسعر تفاضلي و ذلك وفقا لوجود مصر في بريكس
ادفع 2000 يورو لو مش هو ده اللي جايب الاغا علي ملا وشه لمصر
من اول ما سمعت فاتح كاران و هو بيقول التواصل مع دول يمكن ان تمنحنا ميزات اقتصادية مالية او استيرادية
و بعدها عرفت موضوع الزيارة
و انا ضحكت و قولت تعالي تعالي
ده انت الغدا بتاعك هيبقا فتة و موزة ضاني
تبقا بتاكل موزة و خروف
منتهي الالام النفسية و الله
تقولي بقا هو جي عشان يدينا البيرقدار ... بيرقدار في الهوا شاشي
حبيبي البيرقدار اخد تكنولوجيا تصنيعها اخونا بوتين في مصنع السلاح اللي في مدينة سوتشي .. يعني لو لزمانا اوي ده بيت اخووونا نغرف و ناكل
بوتين اخد منه البيرقدار و اداله بالباقي لبان اساسا
بس هو عشان غلبان و مكسوف يدخل بايديه فاضية فقال انا رايح مصر اديهم البيرقدار
من هنا لحد الزيارة " لوووو تمت " و لبعدها هنشم ريحة لية ضاني بتسيح كتشييييير
و في انتظار بقا مطاريد الاخوان في لندن و هما بيعملوا حلقات عن الانقلاب اللي جه يترنح قام ساند بإيده الشمال علي كتف الخليفة
دي التوقعات المرئية
لاحتمالية زيارة الراعي الرسمي لذوات اللية
الي العظمي ست العالم و ام الدنيا و حلوة الحلوات بهية
د/ جيلان قاسم