نعيد تاني
مفيش سلاح على وجه الأرض اسمه تم دعسه والكلام ده
لا إصابة الباتريوت هتمنع مبيعاته
ولا اسقاط كينزال هيمنع استخدامه مجددا
والباتريوت سلاح له سجل قتال مشرف
ولا ضير عندي في اصابة الباتريوت في أوكرانيا لسبب
لو الباتريوت صمد في أوكرانيا ... مكاسب للسماء ... لو انهزم ... مش هيمنع مبيعاته ... الموضوع Balanced not plus or minus
بس هنا بنحط متغير جديد
الباتريوت لو انقصف فده وارد كون العدو هو الروس يعني حزمة صواريخ جو أرض وإغراق وقدرة هايبرسونيك وده غير السكود في العراق مثلا
طيب الباتريوت تصدى ... نظام له تاريخ وناجح ... طيب لم يتصدى ... هو كم دولة عندها باتريوت هتواجه خصم بقوة الروس
يعني فيه باتريوت في السعودية ... لكن إيران ولا الحوثي لا يمتلكون قدرة اغراق وضرب بهايبرسونيك فعلى قدر العدائيات الباتريوت كافي ... طيب تم اثبات قدرته في أوكرانيا ضد الروس وتسليحهم الكثيف الثقيل ... معاك باتريوت أعلى من مستوى تهديداتك
فالحد الأدنى كونه سلاح مجرب وكافي لعدائياتك المحتملة
غير مثلا في بلد زي بولندا ولا اليابان ... العدو روسيا أو كوريا الشمالية ومدخلوش حرب عكس أوكرانيا
فهنلاقي باتريوت وايجيس وثاد وحط منظومات كتير معاه
الله طيب ماهو نظام مجرب ... اّه بس حلقة في سلسلة ضد عدائيات تمتلك غزارة هجومية وسرعة مقذوفات لمرحلة هايبر سونيك
الموضوع مش خناقة
لا الروس هيبطلوا استخدام الكينجال ولا السوخوي 35/34 برغم خسائرها
ولا الأمريكان هيبطلوا نشر باتريوت
وكل اللي حصل هو حلقة في سلسلة صراع تدي فوائد لكن مش لدرجة تنحية سلاح جانبا