مرحبا بك في منتدى الشرق الأوسط للعلوم العسكرية

[Nile Crocodiles]

من فضلك, تسجيل الدخول أو تسجيل لعرض المحتوى !

بردوا انت مفهمتش تعليقي يا استاذي مع الاسف.......ربما لم استطع ان اوصل الفكرة لحضرتك

مرة اخرى انا لم اقل ان اللاجئين ممتازين........لكن قلت بالحرف ان رمي مشاكلنا كلها على موضوع اللاجئين فقط غير صحيح وكان كلامي مع صديقي العضو المحترم مرمبتاح عن ادخاله لموضوع اللاجئين في اي مشكلة او موضوع اصبح ظاهرة

انا لست مع زيادة اعدادهم ولكن في نفس الوقت عملية حشرهم في كل شئ في مصر او في اي موضوع اصبح ايضا ظاهرة ولن يفيد بعكس ما قد يضر......نحن لا ندير الدولة بل نتنخب من يديرها واذا كان اداراته لا تروق للبعض وهذا حقهم فعليهم اختيار غيره في الانتخابات القادمة والحكم والفيصل في النهاية سيكون للشعب ولمن سينزل الى الانتخابات للادلاء بصوته
تحياتي لك

 

[hazem]

من فضلك, تسجيل الدخول أو تسجيل لعرض المحتوى !

أحساسي زيك ناصبين السرك جامد المرة دي معرفش مرحلي ولا مكمل معانا 13 شهر كمان

 

[Aymanop1522]

من فضلك, تسجيل الدخول أو تسجيل لعرض المحتوى !

بس ياريس طالما معاة أجهزة الدولة بالذات الجيش انسي خليهم يتنططوا توقعي الشخصي الانتخابات تعدي بسلام وهيتم ضربهم بالجزم

 

[SU35EG]

من فضلك, تسجيل الدخول أو تسجيل لعرض المحتوى !

إن شاء الله يكون من نصيب القوات المسلحة اليمنية مستقبلا خنجر في مؤخرتهم

 

[مرمبتاح]

من فضلك, تسجيل الدخول أو تسجيل لعرض المحتوى !

معايير التغيير بالانتخابات من اعلام حر واحزاب وحريه حركه لكوادى حزبيه تصل كل بيت وقريه مش موجوده .. حتي شفيق وعنان فكروا بس معروف مصيرهم فين ..
فقصه انتاخابات صح اخ بس لا تنطبق علي الحاله الحاليه نهاءي ..
احنا اشبه بالستينات واستفتاؤات ٩٩.٩%

 

[مطلع الشمس]

سمعت حوار نصيف ساويرس مع قناة العربية عن رفضه للاستثمار في مصر و توجهه للاستثمار في السعودية , و مش فاهم الهري اللي شغال ده ليه أصلًا!!
و سمعت كلامه عن التجرية التركية (الناجحة) في استمرار الاستيراد رغم انخفاض سعر العملة المحلية التركية مقابل الدولار , و أنا الصراحة مش فاهم ايه الحلاوة في كده , و ليه الناس متحمسين اوي كده!!!!
يا عم المواطن ده حضرتك بتلطم من الاسعار الحالية و الدولار بـ 30 , طب هتعمل ايه لما نطبق كلام الأخ ده و الدولار يعمل 70 و لا 80 جنيه , هيديك ايه سميح ساويرس يعني مش فاهم!!!
و للأمانة برضو الراجل قال إن مصر بتقدم ضمان اجتماعي محترم لغير القادرين , و إن ده مش موجود في تركيا , لكن اللي مش من الأمانة في كلامه إنه يحسسنا إن المشكلة في مصر بس , ما اخوك ناصف مثلاً خسر 800 مليون دولار في 10 شهور في شوية شركات مالهاش أي لازمة ما بين انجلترا و أمر-يكا!!!
و أخوك الثاني أنسي ساويرس اتنصب عليه في نصباية بنك السيلكون فالي و مش عارف يرجع فلوسه لحد دلوقتي , و أخوك نجيب ساويرس بالع 400 مليون دولار خسائر نفس السكة , ده كله و لسه الخساير اللي هيلطم عليه لما نجيب حميرتي في شوال!!
طب ما انتوا متقلبين في كل بلاد العالم اهو , و اللي ليه لازمة و اللي مالوش لازمة حط عليكم في فلوس كتير , و لا فتحتوا بقكم!!!!
يا سيدي عايز تروح السعودية روح , مقولناش حاجة , ربنا يسهل لعبيده و يهني سعيد بسعيدة , على الله بس مايتحطش عليك و نلاقيك نزيل في الريتز كارلتون و بيجيبولك الأكل لحد عندك و يتقالك ادفع علشان تمشي!!
بس ايه لزوم حصة الاقتصاد المنزلي دي , كسبت أنت منها ايه , و لا ده جزء من الصفقة و لا ايه القصة بالضبط!!
أنا حسيت بوجعك و الله و أنت بتقول انكماش حصة القطاع الخاص في الاقتصاد الكلي من 62% إلى 21% خلال 10 سنين , ما أنت تلاقي عليك أقساط و مش عارف تدفعها , و الظروف صعبة علينا كلنا , محدش قال إنها وردي يعني , بس ع الكل و الله يا وحش الكون مش علينا احنا بس!!!
كمان أنت ايه مشكلتك مع الاستيراد , ده أنت ما شاء الله شغلك كله في الهلس , لا بتصنع و لا بنطلع منك أي مصلحة كمصريين , كله في الهجايص و شغل في اللحمة الحمرا و لا مؤاخذة!!!
و في النهاية , أتمنى و الله اسمع رأيك في كل الفلوس اللي اتحط عليكم فيها خارج مصر , مش بس من أول الأزمة دي , ده من أيام جيزي في الجزائر و عراقنا في العراق و غيرهم من المشروعات اللي اتحط عليكم فيها و محدش سمع لكم حس حتى !!!!!

 

[المنتصر]

من فضلك, تسجيل الدخول أو تسجيل لعرض المحتوى !

هو فعلا كلامه من باب اخد بن سلمان على قد عقله واعرص شوية ومش مهم اقل من مصر ان كان ده يراضيه واطلع بصفقة معاه تعوضني عن خسارتي في الخارج بس فعلا هو خسر مصر ومحدش هيقف معاه لو بن سلمان قلب عليه

 

[مطلع الشمس]

شايفين كلام الناس اللي بتفهم اقتصاد صح ، دولار ايه أبو ٣٠ جنيه ده ، احنا هنهرج ، يا باشا افتح الاستيراد ع البحري ، خلينا نعوم الجنيه زي الدول المتقدمة و نخليه ب ٦٠ و لا ٧٠ قصاد الدولار ، احنا مش أقل من تركيا و الدول المتقدمة

​

 

[صاعق-1]

مش بحبه لا هوه و لا اخوه و موقفه من الدعم السريع
بس لاسف احنا محتاجين الاشكال دي عشان نكون سوق منافس و قوي

 

[Bright sky]

الرئيس السيسي معندوش رجال اعمال محسوبين عليه زي مبارك ، فلول مبارك من رجال الاعمال كانوا فكرينه زي مبارك و تلموا حوليه لكن عرفوا انه مختلف تماما عن مبارك و محدش ليه عنده فواتير

 

[s e t]

من فضلك, تسجيل الدخول أو تسجيل لعرض المحتوى !

السيسى هيكسب وانا مغمض بقولها وعلى رهان الجيش بيدعمه واجهزة الدوله والناس شايفه مفيش بديل ....الصح انه يغير جلده كلنا عارفين ان لازم يحصل ده

 

[Aymanop1522]

عاوزين الحق لازم يحصل ثورة تصحيح علي حاجات كتير أولها رجال أعمال عصر مبارك في القلب منهم ال ساويرس نعمل ذي بوتين في بداية حكمة مذبحة القلعة

 

[SU35EG]

من فضلك, تسجيل الدخول أو تسجيل لعرض المحتوى !

حقيقي والله
بس إحنا ملناش في اللي اتعمل في روسيا في بدايات عصر بوتن

بوتن بأول 7 سنين دي يتحكم عليها العمر كله

 

[مطلع الشمس]

#آل_ساويرس
الجيش مسيطر ع السوق في مصر و الجنيه منهار ، انما السعودية في حرية و انطلاق و هتبقى دبي الثانية في المنطقة

فندق ريتز كارلتون الرياض بعد ما سمع البوقين دول

​

 

[JOKer 88]

من فضلك, تسجيل الدخول أو تسجيل لعرض المحتوى !

احلي حاجه انكم تبقو عارفين الي حصل في الفندق فعلا ده شئ كويس ازاي عرف يفرض الطاعه

 

[Lion84]

من عجائب الشعب المصريّ في منظوره للاقتصاد - هو إنّه بينظر للاقتصاد المصريّ بنظرة التقييم - وليس بنظرة المسؤوليّة
تخيّل طالب في المدرسة - بينظر للامتحان بنظرة تقييمه للامتحان والمدرّس والمدرسة - مش بنظرة مسؤوليّته تجاه المذاكرة !!
-
أو تخيّل زوج في البيت - بيشتكي من زوجته إنّ البيت ازّاي ما فيش فيه رزّ يا هانم - حضرتك المفروض تجيب رزّ يا بيه
أو زوجة بتشتكي لزوجها إنّه إزّاي بيتنا مش نضيف - دا دور حضرتك يا ستّ هانم
-
فتيجي تلاقي الشعب المصريّ عنده نفس النظرة للاقتصاد - إنّه ازّاي مصر ما بتصنّعش دينامو العربيّة
يعني مصر هتصنّعه ازّاي حضرتك - هيّا مين مصر دي أصلا - هل فيه كائن حيّ اسمه مصر كان المفروض يعمل مصنع ديناموهات ؟!
-
ولّا تكونش قصدك ( الحكومة ) المصريّة المفروض تعمل مصنع ديناموهات ؟!
-
يعني حضرتك عاوز ترجّعنا لنظام القطاع العامّ - وترجع الدولة توزّع عليك كستور - والفراخ تيجي في الجمعيّة والنظام ده
نعمل لك كده يعني ؟!!
مش هتقول وقتها إنّه ازّاي رجعنا 100 سنة ورا
وشوفوا أوروبّا وشوفوا أمريكا
-
تقصد إنّ الحكومة مش مقصّرة ؟
لأ طبعا
الحكومة مقصّرة
لكنّها مقصّرة في دورها - وهو ( تنظيم الاقتصاد )
-
إنتا بقى معتبر إنّ الحكومة مقصّرة في ( الاقتصاد نفسه )
والفرق كبير !
كبير جددددددددددا
-
دور الحكومة هو تنظيم الاقتصاد
يعني وضع القوانين اللي تسهّل للناس الاستثمار - لكن اللي هيستثمر همّا الناس
-
الحكومة دورها توفّر دولارات في البنك - لكن اللي هيستورد هوّا المستثمر
الحكومة دورها توفّر مؤسّسات تدريب مهنيّ للطلبة عشان يتحوّلوا لفنّيّين مهرة - لكن اللي هيشغّل الفنّيّين هو حضرتك
-
الحكومة دورها توصّل المرافق للمناطق الصناعيّة ( كهرباء - مياه - صرف - غاز - صرف صناعيّ ) - لكن اللي هيبني المصنع هو المستثمر
الحكومة دورها تسهّل للمستثمر الأجنبيّ دخول وخروج أمواله - لكن اللي هيجيب مستثمر أجنبيّ من برّا يشاركه في مصنع عالميّ هنا هو المستثمر المصريّ
-
الحكومة دورها تعمل اتّفاقيّات تبادل تجاريّ حرّ بدون جمارك مع دول العالم - لكن اللي هيصنّع في مصر ويصدّر للدول دي بدون جمارك هوّا المواطن - مش الحكومة
-
وعلى ذلك فقس بقى
الحاجات اللي فاتت دي بعضها الحكومة بتعملها فعلا - وبعضها الحكومة ما بتعملهاش - فهنعترض عليها
لكن لمّا حضرتك تحبّ تاخد النصف الثاني من كلّ سطر من السطور اللي فاتت وتلوم عليه الحكومة - فدهبالظبط اللي انا باتكلّم عنّه في البوست ده
اللي هوّا إنّ المواطن المصريّ بيلوم الحكومة على واجبه هوّا الشخصيّ
-
عاوز تلوم الحكومة - لومها على دورها - على تقصيرها في ( تنظيم ) الاستثمار
لكن ما تلومهاش على الاستثمار نفسه
لإنّ الاستثمار ده هوّا دور حضرتك أصلا
-
إزّاي حصلت الفجوة دي عند الشعب المصريّ ؟!
أعتقد إنّ ده مردوده لسببين تاريخيّين
-
السبب الأوّل /
-
الفترة الاشتراكيّة اللي عاشتها مصر بعد ثورة 52 - كان فيها عقد اجتماعيّ بين الدولة والمواطن - غير مكتوب ولكنّه كان معروف وواضح جدّا للجميع
-
العقد الاجتماعيّ ده كان ببساطة بيقول /
إنتا كمواطن حقّك على الدولة إنّها تعلّمك وتوظّفك وتدّيك مرتّب تعيش بيه عيشة معقولة
تشتغل لحدّ الساعة 2 الظهر بسّ - وتطلع تجيب الجرنان والبطّيخة - وترجع بيتكم تغدّى وتقرأ الجرنان بين العصر والمغرب
بين المغرب والعشاء هييجي مسلسل
وبالليل ممكن تروح سينما أو تسمع حفلة أمّ كلثوم
وتنام
-
عارف اللي هاسمع صوته
أنا مش عاوز قلق هنا
-
عاوز هدوم - فيه كستور
عاوز أكل - فيه فراخ في الجمعيّة
إحنا بقى مش عاوزين نسمع صوتك
-
ولو سمعنا صوتك - أو صوت اللي جنبك - أو صوت حدّ معدّي في الشارع اللي فيه بيتكم
هنجيلك بين العشاء والفجر - وانتا عارف الباقي
-
ولو مش عارف - هنعمل لك أفلام نشرح لك فيها بالتفصيل إيه اللي هيحصل
لتكون فاكر إنّ أحمد زكيّ في البريء أو عادل إمام في احنا بتوع الأتوبيس أو سعاد حسنيّ في الكرنك كانوا بيتحدّوا الدولة
دا كلّه كان بأسّ من الدولة لتوصيل رسائل للشعب بخصوص النصف الثاني من العقد الاجتماعيّ
كل سكّر يا شعب
امشي جنب الحيط وكل سكّر
-
والشعب ارتضى الوضع ده - ومشيت الدنيا حوالي 50 سنة بالنظام ده
-
خلال ال 50 سنة دول - تأصّل عند الشعب فكرة إنّ ( الدولة ) ( مسؤولة ) عن الاقتصاد
والحقيقة إنّ اللي أصّل الفكرة دي هيّا ( الدولة ) نفسها !!
-
عاوز أرض زراعيّة ؟!
( الدولة ) هتسحب الأرض من الإقطاعيّين وتعطيك أرض ببلاش
زرعتها قطن - ( الدولة ) هتاخد منّك القطن - وهيّا اللي هتحدّد سعر القطن بردو
-
عاوز تشتغل في مصنع ؟!
الدولة هتعمل مصانع الإنتاج الحربيّ
ومن بعدها مصانع الهيئة العربيّة للتصنيع
ومن قبلها شركات القطاع العامّ بمختلف أنواعها بقى
حديد وصلب وغزل ونسيج وكيماويّات و و و
روح اشتغل في الشركات دي
-
كلّ ده بقى بيأصّل عند الناس عقيدة إنّ المسؤول عن الاقتصاد هو ( الدولة )
-
فدلوقتي ما تستغربش لمّا تلاقي الجيل القديم بـ ( ينتقد ) تقصير الدولة في الاقتصاد
لإنّ الدولة نفسها بقالها 50 سنة بتغذّي عنده مبدأ إنّها هيّا المسؤولة عن الاقتصاد
-
السبب الثاني /
-
السبب الثاني في وجهة نظري هو ( تجهيز الأهل للشباب للزواج ) !!
-
أعرف أمّ كانت بتحلّ الواجب لابنها
مش بتحلّ ( معاه ) الواجب
لأ
دي كانت بتاخد الكرّاسة بتاعته - وتحلّ هيّا الواجب بنفسها - وروح نام يا حبيبي خلاص
-
الطفل ده عاوزه لمّا يكبر يبقى إيه ؟!
-
الطفل ده لمّا كبر - بدؤوا الناس يغالوا على بعض في متطلّبات الزواج
فأصبح الطفل ده كشابّ لسّه متخرّج من الجامعة بيقبض مثلا 3 آلاف جنيه
مطلوب منّه 300 ألف جنيه عشان يجهّز شقّة
مستحيل طبعا
-
وهنا ظهرت فكرة إنّ الأهل همّا اللي يجهّزوا بيت الزوجيّة للعروسين
-
فالشابّ ده اتأصّلت عنده تاني فكرة إنّه ( بيقيّم ) مشتريات أبوه وأمّه ليه
المشتريات اللي الأصل فيها إنّها كانت من ( مسؤوليّاته )
تحوّلت مع الزمن إنّه بقى بيقيّمها !!
-
والمسؤول هنا هيّا الأجيال القديمة اللي عاشت في سفاهة زيادة مستلزمات الزواج
وكّلّ واحدة عاوزة تعلّى على سلفتها ومرات أخوها في مجايبها لبنتها
وكلّ واحد عاوز يغلّى على عريس بنته عشان بنته مش أقلّ من بنت خالها
محروق أبوه على أبوها على خالها
-
لحدّ ما وصلنا لنقطة إنّه مستحيل الشابّ يجوّز نفسه بنفسه فعلا
فبقى الأهل دول - اللي صنعوا النار - بيتكووا بيها
-
بسّ مش دي الكارثة
الكارثة الأكرث من الكارثة دي هي إنّ العريس والعروسة دول نفسهم تأصّلت عندهم فكرة إنّ دورهم هوّا إنّهم يقيّموا
همّا مش مسؤولين - همّا مقيّمين
-
وده اللي صنع عندنا دلوقتي فكرة إنّنا قاعدين في المدرّجات نقيّم الاقتصاد المصريّ
ونشتكي إنّ ليه مصر ما بتصنّعش دينامو
-
مصر مين ؟!
نفسي أشوف الستّ اللي اسمها مصر دي
نفسي حدّ من الناس اللي بيقولوا مصر قالت لي أقول لك كذا - نفسي ياخدني معاه مرّة وهوّا رايح لمصر عشان تقول له يقول لنا نعمل لها إيه - وتقول لي كده صول فا صو بدون ما تدخّل حدّ بيننا
-
مصر هيّا المصريّين
والمشكلة إنّ المصريّين ما صنّعوش دينامو
لكن المصريّين تحوّلوا لإنّهم بيقولوا إنّ ( مصر ) هيّا اللي ما صنّعتش الدينامو !!
-
وده حصل زيّ ما قلنا بناءا على الممارستين التاريخيّتين دول - اللي استمرّوا سنين - مش يوم ولا يومين يعني - فأصبح أصبح الشعب قاعد في مقاعد المقيّم للأمور - مش المسؤول عنها
-
طيّب انتا بتلوم على الشعب ليه ؟!
مش بتقول إنّ الحكومة هيّا اللي عملت العقد الاجتماعيّ بتاع إنّها هيّ المسؤولة عن كلّ حاجة دي ؟!
-
آااااه
ما انا نسيت أقول لك
فاكر العقد الاجتماعيّ بتاع ثورة 52 ؟!
بتاع كلّ واحد يخلّيه في هاله يا موهي ده
خلاص
بحّ
بخّ
فركش
فينيتو
كان فيه وخلص
-
الدولة جات بداية من سنة 2000 كده - وممكن قبلها بشويّة
وقالت خلاص - أنا سحبت مسؤوليّاتي من الجزء الخاصّ بيّا من العقد ده
لا فيه كستور ولا فيه فراخ في الجمعيّة - وكلّ واحد على حجر أبوه
لكن النصّ التاني من العقد لسّه شغّال - ههههههههه
عيش نملة بردو - بسّ ما فيش سكّر
-
فالجزء بتاع مسؤوليّة الدولة عن المواطن ده بدأ يقلّ شيئا فشيئا
-
أوّل إرهاصة للموضوع ده عملها السادات في أواخر السبعينات فيما عرف وقتها بسياسة ( الانفتاح )
-
لكن الموضوع بقى ظاهر للعيان جدّا بداية من الألفينات كده
-
وهنا بدأ الشعب المصريّ ينقسم لنصفين
أو بمعنى أصحّ
بدأ الشعب المصريّ ينقسم ل 5 % - و 95 %
-
5 % من الشعب فهموا الموضوع ده بدري
فهموا إنّ البلد مش هتعمل لك حاجة - عاوز تعمل حاجة لنفسك - اعملها بنفسك
-
وال 95 % فضلوا عايشين في نفس الوهم الأوّلانيّ
-
هوّا ما كانش وهم زمان - يعني زمان فعلا كانت الدولة مسؤولة عن الاقتصاد وعن المواطن نفسه
لكنّه خلاص دا بقى وهم دلوقتي
-
فالنصّين دول دلوقتي حاصل بينهم فجوة ثقافيّة كبيرة جدّا
-
ال 5 % الأوّلانيّين مش فارق معاهم الدولة بتقول إيه ولا بتعمل إيه
فارق معاهم ( أنا ) ممكن اعمل إيه لنفسي
-
بقول دايما إنّ النجاح في مصر نجاح فرديّ
عشان كده زمان كنت بحبّ الكاراتيه - مش كرة القدم
عاوز تنجح في الكاراتيه - إعتمد على نفسك بعد الله سبحانه وتعالى - وكذلك تفعل إذا أردت النجاح في البيزنس في مصر
-
لكن - لو بتفكّر في نجاح الدولة - فاخبط راسك في الحيط بقى - مع نفسك - أنا مش معاك في الحرب الخسرانة دي
-
ما تشغلش بالك ليه ( مصر ) ما بتعملش مصنع ديناموهات
يا سيدي مش هتعمل
-
لكن !!
لو عاوز إنتا تعمل مصنع ديناموهات - هوّا ده - وأنا معاك في ده
-
هتقول لي
يا ريت الدولة كانت شالت إيدها وبسّ
يعني يا ريتها سابت اللي عاوز يستثمر يستثمر - واللي مش عاوز يستثمر ما يستثمرش
لأ
هيّا ما عملتش كده
دي هيّا بتعوق مسار اللي عاوز يستثمر
-
وهنا أقول لحضرتك على حاجة بسيطة
شوف حضرتك
سواءا كنت حضرتك في دولة بتشجّع الاستثمار وموّفرة له البيئة الخصبة
أو كنت في دولة بتعوق الاستثمار
فالاتنين واحد
-
يا راجل !!!
أيوه بكلّمك بجدّ
-
إنتا لو في دولة بتشجّع الاستثمار - ما تنساش إنّها بتشجّع الاستثمار للشعب كلّه - ولّا انتا فاكرها هتشجّعك لوحدك ؟!!
فلو متخيّل إنّك هتنجح بسهولة - متهيأ لك - لازم تعافر عشان تنجح بردو
لإنّ البيز لاين بتاعك وبتاع الشعب كلّه واحد
-
فلو انتا عاوز تعمل مصنع ديناموهات في ألمانيا مثلا - هتلاقي 100 واحد غيرك عندهم نفس التسهيلات - فهتدخل معاهم في حرب المنافسة على الجودة
-
وإلّا ليه مش كلّ الألمان أصحاب مصانع
ليه فيه أمريكان عمّال في مصانع
ما هو ده السبب
-
سواءا البيئة مشجّعة - أو بتحارب الاستثمار - فالنتيجة واحدة
النتيجة الواحدة إنّه مش هينج إلّا ( المقاتل ) - سواءا في مصر أو ألمانيا او أمريكا
-
لو كنت في دولة بتعوق الاستثمار - فالنتيجة واحدة بردو
لإنّ نفس المعوقات اللي هتقابلك - هتقابل المنافس
وإلّا - بردو - ليه فيه ناس ناجحة في مصر ؟!
-
سواءا البيئة داعمة أو مثبّطة - فالنتيجة واحدة
النتيجة إنّ اللي بيعافر في البيئتين - بينجح
والمتراخي في البيئتين - بيفشل
-
البيئة السهلة هي ميزة وعيب
والبيئة الصعبة بردو هيّا عيب وميزة
-
من حوالي أسبوعين خدنا قرار بعدم الاستمرار في دراسة مصنع صلصة - لإنّ المعطيات في الدراسة بتقول كده
-
لكن !!
لو اتطلب منّي دراسة مصنع صلصة تاني - مع حدّ معاه راس مال كافي - هشجّعه عليها جدّا
ليه ؟!!!
لإنّ المجال ده ( فيه معوّقات كتير )
-
يا راجل !!
يبقى المجال فيه معوّقات - وتشجّع المستثمر عليه ؟!
-
أيوه طبعا
المجال اللي فيه معوّقات كتير ده لو دخلته وظبطت نفسك فيه - هتكون في أمان كبير جدّا من المنافس الجديد
لإنّ المنافس الجديد هيشوف نفس المعوّقات دي
-
ده يختلف عن دراسة مصنع الاسطمبات مثلا - عملتها لحدّ - وبعد ما خلّصنا الدراسة - كانت النتيجة سلبيّة
لكن !!
لمّا حدّ بيطلبها منّي بعد كده - بقول له لأ ما تعملوش !!!
-
إيه الفرق بين الصلصة والاسطمبات ؟!
الفرق إنّ معوّقات مجال الصلصة معوّقات خارجيّة - من خارج المشروع - لكن انتا لو عندك الإمكانيّات تعمل مصنع الصلصة - هتقدر تتجاوز العقبات بتاعته
لكن معوّقات مجال الاسطمبات معوّقات داخليّة - الاسطمبات نفسها كمجال هو مجال سيء - فلو قدرت تعمل المصنع - هتفشل بردو !!!
-
الصلصة مجال جيّد - بسّ صعب
لكن الاسطمبات مجال سيء
هل وصلك الفرق ؟!!!
-
نرجع لموضوع المواطن اللي بيقيّم الاقتصاد - مش بيساهم فيه
الموضوع ده باربطه بحاجة اسمها ( معضلة الشرّ )
ودي من أكبر أسباب الإلحاد
-
معضلة الشرّ دي بتقول ( أنا شفت طفل عنده السرطان - فألحدت )
إيه العلاقة ؟
يقول لك
السرطان ده شرّ - لو فيه إله فعلا - كان عالجه - فربّنا مش موجود
-
أو ممكن يكون ربّنا موجود - بسّ مش عارف يعالج السرطان - يبقى ربّنا ضعيف - وأنا لا أؤمن بإله ضعيف
-
أو ممكن يكون موجود - وقادر يعالج السرطان - بسّ هوّا حابب الشرّ - يبقى ربّنا شرّير - وانا لا أعبد إله شرّير
-
الاحتمال الصحيح الوحيد بقى - أخينا ده لم يذكره
ألا وهو ( فين دورك انتا في علاج السرطان ؟!! )
إنتا عاوز ربّنا سبحانه وتعالى يخلق السرطان - ويعالجه - طب ما كانش يخلقه أحسن
-
أو عاوز ربّنا يجعل لنا الحياة كلّها جميلة - تبقى ازّاي كانت هتكون اختبار لتقييم الناس مين منهم حلو ومين وحش
-
فلازم تكون فيه صعوبات في الحياة
تصوّر الحياة الجميلة من مجاميعو ده اسمه تصوّر ( الإله الأبّ )
إنّ ربّنا من واجبه يخلّي لنا الحياة جميلة - زيّ ما واجب بابا إنّه يخلّي لي الحياة جميلة
-
ربّنا سبحانه وتعالى مش أبوك - ربّنا سبحانه وتعالى خلقك وبيختبرك - اللي هينجح هيدخل الجنّة - واللي هيسقط هيدخل النار
-
إنتا في موضوع ( نظريّة الشرّ ) ده - حوّلت نفسك بردو من واحد كان من واجبه إنّه يشتغل ويجتهد عشان يوصل لعلاج للسرطان - وبالفعل فيه آلاف الناس قبلك اشتغلوا وعالجوا آلاف الأمراض الأخرى
لكن إنتا حوّلت نفسك لـ ( مقيّم ) لربّنا سبحانه وتعالى - يا ترى هوّا عاجز ولّا شرّير - والعياذ بالله
-
نفس القياس ده هو قياس المواطن اللي بيتعامل مع الاقتصاد من منظور المقيّم - مش المسؤول
-
وبالمناسبة
أنا مش بقول إنّك مسؤول عن اقتصاد مصر - أنا مش بتاع كلام حمّصيّ
انا بقول لك - إنتا مسؤول عن ( اقتصادك ) - لتكون فاهمني غلط من أوّل البوست !!!
-
مصر دولة غنيّة أو فقيرة دا مش شغلك - ما تشغلش بالك بالكلام ده
إشغل بالك بمحفظتك - وبخزنة شركتك - وفقط
إنتا مش مالك مصر عشان تشغل بالك باقتصادها
-
أخيرا
حابب اتكلّم عن نموذج المواطن الأمريكيّ
ومقارنة بينه وبين المواطن المصريّ في منظورهم تجاه الاقتصاد
-
قلنا إنّ المواطن المصريّ منظوره للاقتصاد هو منظور ( التقييم )
المواطن المصريّ بيقيّم آداء مصر الاقتصادي - مش بيعتبر نفسه مسؤول عنّه
فتلاقيه بيرجّع ضهره لورا قوي كده - ويقول لك ( مصر مين دي يا عمّ اللي ما صنّعتش قلم رصاص ؟! )
-
مش واخد باله إنّه كده زيّ الزوج اللي بيقول على بيته ( بيت إيه ده اللي ما فيهوش رزّ )
أو زيّ الزوجة اللي بتقول ( بيت إيه ده اللي مش نضيف )
-
لكن المواطن الأمريكيّ ما بينظرش كده للاقتصاد الأمريكيّ
ليه ؟!
فاكر السببين بتوع العقد الاجتماعيّ وتجهيز الأهل للشباب للزواج
خلّيك فاكرهم
وتعالى اكلّمك بقى عن أمريكا
-
كتبت قبل كده بوست طويل على صفحة مرزوقيّات باشرح فيه ليه أمريكا بقت أمريكا
كيف تأمركت أمريكا
وذكرت فيه 4 أسباب
وهي
-
أوّلا /
-
إنّ أمريكا جزيرة - ففضلت منعزلة عن العالم 200 أو 300 سنة بيكبروا في هدوء وما حدّش طايلهم عشان يحتلّهم
-
ثانيا /
-
أمريكا أرض واسعة وغنيّة - غير دول كتير أرضها صغيرة - أو فقيرة
-
ثالثا /
-
امريكا خلائط من شعوب مختلفة - وده ساعد أمريكا في تجميع خبرات متنوّعة من ثقافات محتلفة
اللي طوّر الصناعة واللي طوّر الزراعة واللي طوّر الأدب - إلخّ
-
خصوصا !!
وده مهمّ جدّا
إنّه ما سافرش لأمريكا من بلاد أوروبّا إلّا ( المغامرين - والمجرمين )
والصنفين دول مؤهّلين جدّا إنّهم يعملوا عظمة
-
رابعا /
وده الأهمّ !!!
أمريكا اتعملت ( كتجربة ثانية )
-
عارف حضرتك لمّا بتبني بيت لأوّل مرّة - بتغلط غلطات كتير
تاني مرّة تبني بيت - بتنتبه للغلطات دي
-
فأمريكا بيت بناه صاحبه على كبر - بناه كما تبني أنت بيتك الثاني
فانتبهوا لكلّ الأخطاء اللي شافوها في بلادهم في أوروبّا - وتجنّبوها في أمريكا
-
لكن !!!
دلوقتي - وبمناسبة البوست ده - شفت سبب خامس - قد يكون أهمّ
ألا وهو
إنّ المواطن الأمريكي الأوّل - ما كانش عنده حكومة يقعد وينتظرها تشتغل - وبعدين يقيّم شغلها !!! زيّ ما بيعمل المواطن المصريّ دلوقتي
-
همّا راحوا لقوا أرض بكر - وموارد مجنونة
وهمّا إمّا مغامرين أو مجرمين
فكلّ واحد اعتمد على نفسه إنّه إزّاي ياخد أكبر نصيب من الكعكة دي
-
كلّ واحد فكّر إنّه ازّاي يكوّش على أكبر مساحة من الأرض الزراعيّة
كلّ واحد اتكعبل في مورد خام - كان هوّا أوّل واحد يتكعبل فيه - فقام حاطط إيده عليه وبدأ يستثمره بأقصى طاقة وأعلى كثافة عشان يصنع منّه ثروة عملاقة
-
فالعقيدة المترسّخة في جينات المواطن الأمريكي الحالي - هيّا اللي ورثها من المواطن الأمريكيّ الأوّل - ألا وهي - الدنيا قدّامك - خد منها على قدّ ما تقدر - ما حدّش هيساعدك - صاحبك دراعك وعمّك قرشك
-
لكن العقيدة المترسّخة عند المواطن المصريّ هي - يا ترى الحكومة عملت اللي عليها تجاهي ولّا لأ
-
ويتبقّى 5 % من الشعب المصريّ - اللي غيّروا عقيدتهم من فترة من عقيدة المواطن المصريّ - لعقيدة المواطن الأمريكيّ
فأصبحوا كلّ واحد بيشوف ازّاي يصنع أكبر ثروة - لوحده
وأنا منهم
(العبقري محمود مزوق)
لقيت البوست ده ينفع في الموضوع ده

 

[JOKer 88]

من فضلك, تسجيل الدخول أو تسجيل لعرض المحتوى !

ده الكلام والحل

 

[عزت]

من فضلك, تسجيل الدخول أو تسجيل لعرض المحتوى !

دى عيلة وسخة الصراحة ورجل أعمال فاسد بامتياز

 

[Hossam Hamed]

مسكين مش عارف يسرق و ينهب من يوم ما مبارك روح

 

[مرمبتاح]

من فضلك, تسجيل الدخول أو تسجيل لعرض المحتوى !

الجزء اللي فوق في كلامك اغلبه صح بس اغلب شغله في العلس اختلف معاك..
اغلب شغله في السياحه وهو مؤسس لمدينه الجونه والمدينه دي فيها مجموعه فنادق نقلت السياحه نقله تاتبه لكونها مدينه ذات بنيه تحتيه فندقبه ما كنتش موجوده في مصر قبل كده .. وصور مدبنه الجونه وفنادقها المميزه كانت بتتصدر الحملات الاعلاميه السياحيه لمصر للفت الانتباه بيها
ثانيا هو اسسها من الاشيء تقريبا وكان بيعرف يسوق لنفسه وفنادقه خارجيا وكان بيعمل شغل وزاره السياحه وقطاعهت التسويقي ماكنش ببعرف يعمل نصفه واخقاقا للحق لتغير شويه ايام احمد المغربي
والاقتصاد العالمي الان قايم علي صناعه الخدمات ومنها السياحه واللوجستيات دوله زي هولندا من اعلي ١٠ دخول في العالم بدخل ستوي تجاوز ٥٥ الف$
٧١% من اقتصادها قايم علي السياحه والقكاع الخدمي والمانيا ايضا فوق ال ٣٥% وانجلتىا فوق ال ٦٠%
وفرتسا واسبانيا وايطاليا واليونان وكرواتيا وقبرص عايشين من السياحه والمهرجانات والهلس ...
هولندا مثلا كل يوم مهرجان لطمطام لنط الحبل لاي شيء وعشان كده توقفوا عن التسويق ااسياحي لاكتظاظ الدوله بالسياح وعدم وجود اماكن ليهم !

ودبي والامارات جنبنا بتستقبل سياح عدد ودخل يفوق مصر ضعفين وهم دول بنت ٥٠ سنه علي اقصي تقدير ..
كلمه هلس ولعن القطاع السياحي والفندقي والترفبهي ده من متخللات ثقافه السبعينات اللي صدرها الخليج لينا لما كان لابس نقاب ودقن لما كان المستقبل للبترول .. بس الان اول ماعصر البترول قرب علي النفاذ قلعوا التقاب والدقن ولبسوا مايوه
واحنا مستمرين في التفكير بثقافه الدقن