في 2016 لم يكن عندك 25 مليار دولار مطالب انك تدفعهم فوائد واقساط ديون للاربع سنين القادمه وايضا لم تكن فاتورتك الاستيراديه تتجاوز 90 مليار دولار كما اليوم
-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
هاني جنينة مصر ستشهد تعويما كاملا خلال أيام قليلة
- بادئ الموضوع Atum
- تاريخ البدء
- إنضم
- 18 نوفمبر 2021
- المشاركات
- 5,879
- مستوى التفاعل
- 28,619
- المستوي
- 5
- الرتب
- 5
كده بيخرجوا السوق السوداء من اللعب أصلا مهو هتضارب علي دولار أنت مش محتاجه ليه؟؟
في فلوس دخلت من السعودية الفترة دي هتساعد علي تنفيذ الكلام ده
- إنضم
- 18 نوفمبر 2021
- المشاركات
- 4,499
- مستوى التفاعل
- 22,978
- المستوي
- 4
- الرتب
- 4
تعامل بالاجل علي 90 يوم يعني الفاتورة تدفع بعد 90 يوم من وصول البضاعة الميناء بس تودع 125% مصري
- إنضم
- 18 نوفمبر 2021
- المشاركات
- 5,879
- مستوى التفاعل
- 28,619
- المستوي
- 5
- الرتب
- 5
110% ده من ناس بدأت الموضوع ده معرفش رقم 125% الله أعلم
- إنضم
- 23 نوفمبر 2021
- المشاركات
- 3,446
- مستوى التفاعل
- 14,060
- المستوي
- 3
- الرتب
- 3
الزيت كان في مارس ٢٠٢٠ ب ١٨ جنيه في حين سعر الدولار ١٥.٥جنيه
الزيت حاليا ٥٠ جنيه في حين سعر الدولار ٢٤.٦٠
يعني تضخم فوق ١٠٠%
انا بصراحة مش عارف الناس ديه بتفكر ازاي
بس هو استسهال افتكر اللعب في سعر الصرف اهون من الغاء الدعم لما كان الدولار ب15.5 كنت بقترح تثبيت السعر والغاء الدعم كان اثر ده على التضخم نفس اثر اللي عمله في سعر الصرف مع فارق واحد هو ان البلد هتحقق فائض في الموازنة العامة للدولة وهتقلص الدين المحلى المتضخم
دلوقتي الدنيا فلتت منه انعدام ثقة في الجنية المصري وتضخم وكمان الدعم ارقامه الحقيقية تضاعفت مع تخفيض قيمة الجنيه
اناكنت عاوزه يعمل المدرسة المغربية والاسرائيلية مفيش دعم بث فيه تثبيت لسعر الصرف
ودلوقتي مفيش حل للازمة ديه غير رفع سعر الفائدة لحد المستوى اللي المضاربات تتوقف عنده وتقليص الانفاق العام
الزيت أسعاره رفعت من يومين واللتر وصل في بعض المتاجر ل60 جنيه وزيت الذرة اغلي من كده لبعض الماركات المشهورة
ولسه موسم الحج والعمره والذهاب للقدس يعني ٤ مليار $ خارجين السعوديه مستريح وترجعهم لينا هي في صوره وداءع مستحقه الاسترداد
للاسف موجة الغلاء هذه نتيجة الحرب الروسية الاوكرانية وهذا على العالم كله وحتى الغرب لديه ازمة في ارتفاع اسعار السلع الاساسية لذلك فمع انتهاء الحرب الروسية الاوكرانية مفروض الدنيا تهدا عن كدا باذن الله
وربنا يسترها معانا جميعا
تحياتي لكما
من كلام الناس ان مفيش ثقة فى الدولة و الناس خايفة و خرفان تركيا و بريطانيا كل يوم بيزودو الخوف ده فى الشعب المصرى و للاسف الاعلام اللى بيقبض شئ و شويات مش قادر يطمن الناس و الحكومة قبضتها فى الرقابة و محاربة السوق السودا ضعيف لابعد مدى.....مش عارف ليه علطول بنجط نفسنا فى مشاكل و بنضطر نروح فى جولات عشان نعرف ندخل البلد كام مليار دولار.......لازم نوقف بعض المشاريع ذات العائد البعيد و التركيز على المشاريع ذات العائد القريب و المتوسط و .........الحكومة عامله زى طالب الثانوية العامة الفاشل الى يقضى طول السنة لعب و خروجات و بعدين يزنق نفسه مذاكرة زنقة الكلاب فى اخر شهرين..........على قد لحافنا نمد رجلينا.
لقد هلكنا من التعويم
الله ينور عليك
وهى المشكلة فى الحج والعمره طيب والناس إلى بتسافر أوروبا فى مباريات المنتخب من فلوس الشعب واتحاد مصرى أغلبه فاسد أو ضعيف
اولا .. المشكله مش في الحج والعمره ولا التقديس عند المسيحيين .. المشكله في ثقافه الشعب المصري لما يروح لازم يجيب هدايا للعيله وعيله للعيله بسبب النزعه الصوفيه المسيطره علي وعي المصريين في رحله الحج وانه عاوز حاجه يتبارك بيها وبيلموا كمان من بعض ويدوا اللي رايح حج يشتري ليهم حجات من السعوديه أغلبها صيني واغلبه متوفر في السوق المصري والنتيجة تقفل مصانع مصر وتتهجر عمالتها وتخرج عمله صعبه من اقتصادها وتروح لمصانع الصين وجيوب السعوديين ويردوها لينا في صوره وداءع مستحقه السداد والفايده وده مش منطقي بالنسبه لي ان يكون الحاج المصري حسب وزاره الحج والعمره السعوديه اكتر حاج انفاقا هناك في بلد نسبه الفقر ٤٠%
وليس منطقي واخد يطلع تلات اربع مرات وجنبه مدرسه مافيهاش مراوح وتلاميذها بيموتوا من الحر أو ست مش لاقيه انت عمليه جارته الخ .. كل ده عشان يرجع يرسم طياره وكعبه علي بيته فتتملف الدوله مليارات في عز ازمه اقتصاديه طاحنه مهما اخفوا علي الناس
افرض جمارك علي واردات الوافدين بحيث يروح يؤدي الشعيره ويرجع بشطنته
بالنسبه لللي بيسافر أوروبا وتركيا وغيرها سياحه افرض أيضا ضريبه مربوطه وهو طالع من المطار بنوع الفيزا لو فيزا شينجن يدفع حق الدوله ..
مش مختلف في كده...
البلد بينخرها الفساد المالي والاداري الناتج من المركزيه والشلليه وبسبب الهوه بين الشعب والحكومه واللي بتكبر بمرور الوقت وبتضعف يد الحكومه علي اتخاذ قرارات مصيرية لتصحيح حجات غلط كتير
أعتقد أن موضة شراء المستلزمات من السعودية أثناء الحج أو العمرة المصريين سيتخلون عنها مرغمين لانه لما بيحول الجنيه لريال مش هيلاقي نفسه عارف يشتري حاجة
مازالت عزيزي.. تفتكر واحد دافع ربع مليون في حج بالنسبه ليه مشكله أنه يصرف ١٠٠ الف هدايا يعني ٤ الالاف $ خرجوا من قوت المصريين للسعودي والصيني شوف في كم الف..
كلامك صح لو عند شعب عنده فقه الاولويات مش زي الشعب المصري بتاعنا..بس حتي في الزواج في الارياف والتباهي اللي خرب بيوت وشقي عمر شباب علي مظاهر فارغه وتنافس عاءلي..
مافيش شيء بيغير سلوك الانسان للافضل زي الدفع..
شوف تعامل المصريين وانا منهم مع استهلاك الكهرباء كان ازاي زمان والان أو السنكحه بالعربيات في الشوارع وبعد مابيغلي البنزين..
وكل ده ينطبق علي سلوك المصريين في كل شيء ..
جنبنا واحده طلعت عمره ٤ مرات وعلي بعد شارع ست عندها سرطان وماتدهاش جنيه وصرفت يجي ٧٠٠ الف جنيه في عمرات وهدايا ... عشان تبيض البيت وترسم طياره
دي علاجها الضرابب
وفيه في مصر طبقه الساحل أيضا دول رايحين كمظهر اجتماعي ودول مش فارق معاهم هدايا ب ١٠الااف $ ولا حتي ٢٠$
دفعهم ضرابب
التعديل الأخير:
عندك حق فعلا
انا صفيت المزرعة للاسف ومافيش اي حلول كل يوم العلف بسعر
النهاردة الشكارة ب ٦٠٠ج وزن ( ٥٠ كيلو ) كمان ساعتين هتبقي ٦٥٠ وهكذا
ربنا يعوض على حضرتك و يعدى الايام دى على خير. استمرار حالة عدم اليقين فى السوق وضع مش طبيعى
انا كنت بربي عندي في البيت لاني من سكان الريف اخر مرة اشترتها كانت ب290 جنيه ووقفت علي كده لاني يا أوكل الفراخ يا اوكل عيالي إنما 600 جنيه ده كده يعحز اللسان عن التعليق فعلا
تعديل انا اقصد الشيكارة ال25 كيلو وهذا منذ عام حاليا هي تخطت ال 500 جنيه لو الخمسين كيلو ب600 جنيه يبقي ده كده رخيص
التعديل الأخير:
