علي فكرة اماكن نشر التشيع في مصر موجودة وبيتم محاربتها بالغلق و بالقبض علي اصحابها والكلام دا من زمان علي فكرة واللي بيبلغ عنهم مصريين ولو انت قريب من منطقة السيدة زينب هتفهمني، اللي اقصده انهم لما يجيوا مش هيعملوا حاجة جديدة لأنهم اصلا بيحاولوا و مبيعرفوش ، ليه بقا مستفدش منهم طالما كدا كدا بيحاولوا ؟
بنفس مبدأك يبقى نمنع السياحة الإسرائيلية وزيها التركية كمان يا استاذي......
انا بتكلم من مفهوه اقتصادى وسياسى (شخصى ) وبرجماتيه .انما الدوله المصريه عمرها ما هتعمل كده هوه الى بيحصل مثل ما حضرتك قلت اثبات حسن النيه لكن هما موجودين وسبق شفنا ليه ناس تابعهم والدوله مش بتتركهم يبقا المصلحه اخدها وانت عارف محدش بيعرف يحارب افكار سواء بالمنع او انك تستقبلهم ...ولو عاوز امنع طب ما امنع السعودين الى بينشرو الوهابيه ؟
هو مقصده انه عاوز اكبر استفادة اقتصادية من السياحة الايرانية فعشان كده هو بيتمنى مجىء اكبر عدد منهم لان ده هيعلي من حصيلتنا الدولارية ومدخولاتنا السياحية بشكل قوي .... لكن احمد يعلم تمام العلم انه يجب مراقبة الحركة السباحية الايرانية ايضا وبشكل دقيق
الدولة عمرها ما هتسمح بكدا ابدا اوعي تخلي قلقك من التجارب الجديدة يأثر عليك + مقارنة انتشار الشيعة ب انتشار السلفية مش مظبوط لان انتشار السلفية دا بسبب ان في مصريين كتير راحوا السعودية للعمل هناك ورجعوا محملين بالأفكار دي ودا وفر ارضية داعمة كبيرة لشيوخ السلفية و افكارهم انما هنا في مصر مفيش اعداد كبيرة بتشتغل في ايران او العراق عشان توفر الارضية لنشر الافكار دي زي السلفية.
طب هسأل حضرتك سؤال ، هل المخابرات الإيرانية صعب عليها انها تخلي عملائها ياخدوا الجنسية العراقية او السورية و من خلالها يقدروا يدخلوا كامل محافظات مصر و ينشروا افكارهم ؟
ثواني بس هوا عشان وهابي خلاص ... لا نأخذ بكلامه
راى الوهابيه معروف انه ضد اى حاجه فيها ال البيت فلا نعتد باراهم....مش بنقى ولا بستشهد بكلام ناس ونرجع نشتمهم مثل ما حصل مع على جمعه مثل حديثنا السابق... هما ليهم منهج مختلف فى يبقا سوق خضار لو خت منه حاجه ورجعت شتمته فى حاجه تانيه
بص يا احمد انا مش بحب اللي بيتكلموا عن ال البيت و الكلام ده
