مرحبا بك في منتدى الشرق الأوسط للعلوم العسكرية

[Rafal 100]

*بسم الله الرحمن الرحيم *

** في الحقيقه هذا الموضوع من أكثر المواضيع صعوبه من ناحية الطرح وأكثر حساسيه من حيث الحصول علي تلك التقنيات....

** وذلك لعدة اسباب متها قلة ماهو متاح من تلك النظم التقنيه عالية الحساسيه ومنها أيضا مدي أداء وموثوقية هذه النظم لكثافة وتعقيد صناعاتها وماينتج عنها من اتخاذ قرارات هامه ومصيريه أثناء سير العمليات القتاليه ...

** وفي الحقيقه هناك بعض الاراء المستفزه والغريبه كلما تم الحديث عن طائرات الانذار المبكر المصريه ..
حيث اري مثلا ،،مصر الدوله الوحيده في أفريقيا التي تمتلك طائرات ايواكس!!!!!

* فهل أصبحت الدول الأفريقية هي معيار القياس للقدرات العسكريه !!!!
ده لو عندهم قوات جويه من الأساس،،،،،،

** طيب مايمكن قصدك علي دوله في شمال أفريقيا؟؟؟
** قصدك الجزائر،،، والله الجزائر متاح لها الايواكس الروسي والصيني ومفيش مشكله في الحصول عليها لو أرادوا..

* وبرضو الجزائر رغم الاختلاف معاهم بس هما مش معيار للقياس ..

** طيب بقولك ايه ،، ماتيجي ناخد حد بيصرف فعلا وعنده قدرة علي امتلاك تلك النظم ونقيس قدراتهم عليه؟؟
** الإمارات ودي عندها الرائعه Global Eye..
** والسعودية ودي عندها Global Eye وال E3..

** تمام بس دول دي مهما امتلكت مش أسياد قرارهم لأسباب كتير كلنا عارفينها .

** بس برضو إياك تفتكر ان علي الرغم من اننا في مصر أسياد قراراتنا ،، بامتلاكنا منصات تسليحيه متقادمه ،، ان المنصات دي هتصنع فارق ،لا لا لا......
** ولا عمر المنصات دي هتتساوي في التقنيات مع دول مسلوبة الارادة ....
** القصد ان مع او ضد استقلال القرار هتفضل الفوارق التقنيه بيننا وبينهم كبيره وهنا القصد علي النظم التسليحيه ..
** وجب التوضيح بس برضو الدول دي عمرها ماهتصبح عدو لمصر ،ع العموم مش هتفرق معانا ..

** طيب في معيار تاني للقياس ؟؟
** ايوه يافندم فيه ...
** اسرائيل.......
ودي كارثه لوحدها وهي دي المعيار الحقيقي لقياس قدراتنا التسليحيه ومنها الايواكس ،وطبعا كلنا عارفين الأسباب.....

الجزء الأول.....
بعد اذن الاخوه الزملاء.
@Figo .
@AMNN .
@راس البر .
بالمشاركه لاثراء الموضوع لما يمتلوكه من معلومات قيمه في هذا المجال ..
كل الشكر لهم ...

 

[Rafal 100]

** الجزء الثاني :
اسرائيل..
** ودي لوحدهابتمتلك قدرات إنذار مبكر وحرب الكترونيه رهيبه ومتطوره جدا وبيتم تصديرها ادول اكتر تقدما من اسرائيل نفسها ،،، ودي حقيقه مش تضخيم ...

** وهنا قياس مدي قدرات الخصم هيعرفك ويوضحلك انت فين بالظبط علي معيار القياس ...

** طيب علشان مطولش في الشرح والدخول في تفاصيل فنيه ممكن اي حد يحصل عليه من النت عادي جدا ...
** سوف اكتفي فقط بالاشاره لما يمتلوكونه فقط ..
1- طائرات الانذار المبكر Falcon - 707..


2- Nahchon..



3- Eitam..



4- طائرة الP-600 إنتاج اسرائيلي، والمغرب عينها عليها ...



** عرفت احنا فين ؟؟؟؟؟

** وهنا اسرائيل هي الخصم الرئيسي لمصر مش الدول الأفريقية ولا الدول العربية،، اللي البعض واخدهم معيار للقياس ...

 

[Rafal 100]

** الجزء الثالث؛
** طيب ،، مصر حقيقة اللي بتمتلكه الآن أصبح غير قادر علي الوفاء بمتطلبات المعارك الجويه الحديثه مثل E2C والBeechcraft ، والC-130 .

** المنصات دي أصبحت زيها زي أنظمة الرادار السوفيتيه القديمه اللي في الخدمه اهي بتلف وشغاله ،بس أصبحت لاتواكب تطورات العصر الرهيبه ..

** اهي E2C والطقم اللي معاها عندنا ،، عند البعض بتطير وبتلقط وبتوجه بس اللي يشوف قدرات المنصات الاسرائيلي هيعرف زي ماقولنا احنا فين ..

** عايز بس أوضح مدي كارثة النظم القتاليه القديمه وموقفها من ثورة الذكاء الاصطناعي الرهيبه القادمه ..
رجاء قراة السطرين دول من احد الاصدقاء عن قدرة الذكاء الاصطناعي في أحداث ثوره علي المجال العسكري ..
اقرأهم صدقني هيفرقوا معاك جدا ..

من فضلك, تسجيل الدخول أو تسجيل لعرض المحتوي!

** طيب ايه المتاح علي الساحه العالميه مصر ممكن تحصل عليه ؟؟؟
1- الامريكان:
** وطبعا مش محتاجين نشرح كتير ..
** لان مصر بالفعل من الدول المرشحه للحصول علي النسخه الأحدث E2D ..
** طبعا المرشحين دول استلموا بالفعل طائراتهم زي فرنسا وتايوان واليابان ..
** ومصر طبعا خارج الحسابات الامريكيه..
** كده قفلنا باب امريكا ،،اللي هو مقفول بالفعل ...

 

[AMNN]

الموضوع ده يتم عن طريق تقييم defensive and offensive capability gaps.

بابنسبة للDefensive Capabilty فمصر عليها

اولا: امتلاك و تطوير كل اصول سلاح الجو و الدفاع جوي و البحرية لتكون قادرة على العمل في بيئات elctromagentic شديدة التعقيد و مقاومة للتشويش هو الاهم الآن .. ده يتم بتطوير جميع اصولك العسكرية باستخدام رادرات متقدمة AESA قادرة على القفز الترددي و على العمل الشبكي بها قدر كبير من ال Redundancy و معززة بالذكاء الاصطناعي ذات مكتبات ضخمة للتعرف على الاهداف المختلفة و ترددها و طيفها الالكترونية.

ثانيا: امتلاك شبكات قياده و سيطرة و اتصالات عسكرية محصنه ضد التشويش و الcyber attacks.

ثالثا: تدريبات anti jamming مشتركه مع الدول الصديقة.

رابعا: امتلاك اصول لمراقبة و تحليل المجال الكهروماغنطيسي بشكل دائم و متصل و ده ممكن من خلال الدرونات الجديده زى الFH-95 الصينية.

 

[Rafal 100]

2- فرنسا :
** ودي لا تمتلك مشاريع ايواكس خاصه بيها لأنها بتعتمد علي المنصات الأمريكية من الأساس زي E2D ..

** بس الغريب ان عندهم مشروع منصة حرب الكترونيه ممتازه بس مطلعش للنور لغاية دلوقتي ، وهو مشروع Epicure..

** وحتي الان غير معروف الي اين وصل المشروع ..

 

[Rafal 100]

3- السويد :
** ودي عندها منصة الانذار والحرب الالكترونيه الرائعه Global Eye..
** وهنا مفيش اي اخبار عن مفاوضات او اهتاما مصر بالمنصه دي بالذات ..
سوي حضور النسخه الاماراتيه لمعرض مصر الأول للطيران بالعلمين ،، هل ده كان بطلب مننا للاضطلاع عليها؛ الله اعلم ؟؟؟

** هل ممكن نطلب مساعدة الإمارات في الحصول عليها؟؟ طيب ايه هي المساعدة االي ممكن تقدمها لنا الإمارات؟؟؟
** بس احنا ليه فعلا ماطلبنهاش هل بسبب حجة حقوق الإنسان، نرجع ونقول يعني باكستان والسعودية افضل من مصر في الملف ده ؟؟؟
* بكل التأكيد لأ..

** بس السبب الرئيسي اعتقد هو اسرائيل وشكرا ..

 

[AMNN]

اما فيما يخص الoffensive Capabilities

فشراء طائرات و انظمه ارضية و بحرية لها قدرات للتشويش الالكتروني و الاستثمار في هذا المجال هو الحل و من غير ما تدور كتير ...

الصين هى الحل و يجب الشراء و التعلم منها كثيرا في هذا المجال اللي قطعت في اشواط ضخمه جدا سواء في القدرات الدفاعية و ال jamming counter measures او القدرات الهجومية من انظمة التشويش و الخداع. و الغرب بدء يعترف بقدرات الصين المتنامية و يصنفها على انها خطر حقيقي جدا. كذاك الروس عندم باع طويل في هذا المجال.

الصين الان تمتلك كثير من الاصول للاستطلاع و الحرب الاكترونية و التشويش العسكري مثل طائرات الاستطلاع الانذار المبكر KJ-500 , KJ-600, KJ-3000 و كلهم يصنفوا جيل ثالث برادار AESA بمدىيات ضخمة معززة بالAI و طائرات التشويش و المقاتلات المجهزة للتشويش و pods EW على المقاتلات و الهيل و الاجهزة الارضية الموجده في انظمت القياده و الدفاع الجوي.

الlist طويلة جدا .. ممكن الشباب يعمل لنا search كدا و يقول لنا ... الصين سوبر ماركت في هذا المجال.

 

[AMNN]

في كذاك KJ-2000B و Y-9LG و الاثنين يستخدموا نفس الplatform على ما اعتقد اللي هو الY-9

 

[ن - 1]

أحدث حاجة عند الصين هي KJ-3000 ودي لسه في مرحلة الاختبارات ولو تعاقدت عليها مصر فمش عارف ازاي هتقدر تربط مع المقاتلات الجوية المصرية أو الدفاع الجوي الأرضي.

 

[Aymanop1522]

من فضلك, تسجيل الدخول أو تسجيل لعرض المحتوى !

يتخط فيها داتا لينك غربي من فرنسا عادي جدا

 

[ن - 1]

من فضلك, تسجيل الدخول أو تسجيل لعرض المحتوى !

أنهي داتا لينك تقدر تربط بين أواكس صيني وبين أسطول مقاتلات القوات الجوية والدفاع الجوي؟

 

[AMNN]

الصين بتمزج بين التكنولوجيا الغربية و الشرقية و دي أحد مميزاتها ... الهاركز الصينون ان ينور عليهم الصراحه. و بعدين مصر بتشغل منصات غربية و شرقية في الطيران و الدفاع الجوي ولازم تكون وصلت لحل للمشكلة دي ... المفروض نوجه كل جهودنا لخلق نقل سلس للمعلومات بين الشرقي و الغربي.

 

[AMNN]

حاليا مفيش افضل من الصين في تصنيع الcommunication datalinks سواء مدني او عسكري و اعتقد الجيش مضى مع Huawei عقد ما بخصوص الاتصالات.

 

[أسد سيناء]

بالفعل الصين هي الحل
أرخص وأسرع تسليم+ تكنولوجيا متقدمة+حلول متكاملة+ مشاركة التقنية
والربط أمره سهل ليس كما يهول له الغرب

 

[AMNN]

ممكن تربط الغربي و الشرقي على منصة مصرية حديثة للتحكم و السيطره عبر اقمارك الصناعية ثم بثها للاصول الجوية مجددا بس حيبقى في lag بسيط ...
احنا بنقول اى كلام والله 🤣😂.. بس تمام ... احنا بالفعل بنتعامل من تكنولوجيا من اصول متعدده و من زمان.

 

[Rafal 100]

4-تمويل مشروع خاص :
** يمكن لمصر تمويل مشروعها الخاص مع العملاق الإيطالي ليوناردو لدمج ماتحتاجه مصر علي الاقل للخروج بنسخة حرب الكترونيه خاصه بنا .

** بس الحقيقي احنا مش شاطرين في نقطة تمويل مشاريع خاصه بينا ،،يمكن تكون المشكله ماديه او تكون مصر بتحب تتعاقد علي مشاريع خلصانه ومنتهيه، الله اعلم.
** بس اهو احد الحلول..

**دي منصة C-295 وعلي مااتذكر مشروع الرادار نفسه اسرائيلي وكان لصالح احدي الدول الاسيويه..

 

[Rafal 100]

اسف ع التأخير كان فيه مشكله في النت ..
الجزء الأخير:
5- الصين :

** ومع الصين دايما نجد اعتراضات وتشكك في قدرات النظم القتاليه الصينيه .
وخاصة لو كانت تلك النظم ذات تقنيات عاليه وحساسه زي الايواكس وطائرات الحرب الالكترونية..

** تمام وانا معاك في التشكك ده !!!
** بس القوات المسلحة لها رأي تاني ،،ازاي ..
بالفعل مصر وضعت ثقتها بعد دراسه ،،بالاستحواذ علي نظم حرب الكترونيه بريه لاتقل حساسيه عن الايواكس .
بمعني اخر اللي صنع دي هو اللي برضو اللي صنع دي ...

** وحقيقي الصين لديها الكثير من تلك المنصات ..
احدثهم علي الاطلاق KJ-3000 علي منصة Y-20.



** وقبل ذلك لديهم منصات مثل :
kj-2000.
Kj-200.
KJ-500.






** طبعا التفاصيل الفنيه كتير ،،واللي حابب يتعرف اكتر يعمل بحث عن أي طراز من دول ..

** بس هنا في سؤال محيرني هو علشان أمتلك ايواكس صيني لازم يكون في شق صيني من المقاتلات زي J10 والJ-35 مثلا ..

 

[Rafal 100]

** طبعا بالاضافه ان الصين عندها منصات حرب الكترونيه؛
طائرات الحرب الإلكترونية/المكافحة الإلكترونية الصينية الجديدة GX-11 / Y-9G...

 

[Rafal 100]

** في الاخير اتمني ان تسرع مصر في هذا الشق بالذات لشدة حساسيته ولانه عصب العمليات القتاليه الحديثه ولا يمكن الاستغناء او التأخير في تطويره بأي حال من الأحوال..

** في هذا الموضوع حاولت ان اطرح كل الاختيارات المتاحه ،وكل الأبواب التي يمكن لمصر ان تطرق عليها ..
ونتمني من الله كل الخير ...
تحياتي للجميع ....

 

[راس البر]

من فضلك, تسجيل الدخول أو تسجيل لعرض المحتوى !

كان فيه اتهامات امريكية لفرنسا بتصديرها طائرة حرب الكترونية لمصر على منصة فالكون إكس 7 ,
مصر كانت اتعاقدت على 4 طائرات فرنسية فالكون إكس 7 لتنقلات الرئاسة و كبار المسؤلين,
لكن لم يظهر سواء طائرتين فقط عليها علامات الطائرات الرئاسية المصرية, رموز تسجيلها (SU-BTU، SU-BTV) و أرقامها التسلسلية (243، 246)




فهل فعلا كانت الطائرتين الاخرتين مجهزة للحرب الالكترونية؟؟
هذا ما يعتقده الامريكان مع صمت فرنسى مصرى,,,

اعتقد احتمالات حصول مصر على الاواكس الصينى كبيرة جدا بعد نضوج الجيل الاحدث منها مثل,
احدث اواكس ثقيل و اخر طراز KJ-3000 اللى بدأ التجارب بالفعل,
والاواكس المتوسط KJ-700 قيد التطوير



والاواكس KJ-600 الخاص بحاملات الطائرات و المشابه لل هوك اى الموجود بالخدمة فى مصر E2C الامريكية,,