مرحبا بك في منتدى الشرق الأوسط للعلوم العسكرية

[Egyptian lion]

من فضلك, تسجيل الدخول أو تسجيل لعرض المحتوى !

بصراحة أنا اللي منرفزنى
الناس اللي كانوا معارضين
ونقوا على الصفقة 😂

رغم انها كانت ماشية زى السكينة في الزبدة
فية ناس كدة تحب تعارض وخلاص

 

[Nile Crocodiles]

من فضلك, تسجيل الدخول أو تسجيل لعرض المحتوى !

كانوا بيتكلموا عن عبئ اضافي على اطقم الصيانة لدينا.....عل اساس ان هم اللي كانوا هيقوموا بالصيانة

 

[Rafal 100]

من فضلك, تسجيل الدخول أو تسجيل لعرض المحتوى !

يانهار ابيض ياعم أسد..

لو 36 ل48 تايفون مع الرافال..
اقسم بالله تكامل رهيب تحط علي اجدعها قوات جويه بما فيهم F35 اللي ولاادري الكاتعه فرحانين بيها ...

شغل كده تقني تكنولوجي نضييييييف ..
التايفون فوق في العلالي والرافال تحتها لأعمال التسلل الصامت ..

واقولك حط تحتهم اي حاجه بتطير وتنفع تشتغل قاذفه ..

بس هنقول ايه مالناش في التايفون نصيب ..

 

[Rafal 100]

من فضلك, تسجيل الدخول أو تسجيل لعرض المحتوى !

ده احنا بنشغل سلاح من طوب الأرض..

 

[Rafal 100]

التعاقد ع التايفون ماكنش ضغط ع الفرنسيين علشان الرافال الإضافي...
لان الرافال لها خطط زيادة اعداد من الاول مع التطويرات..

اختيار التايفون لأنها الأقرب تقنيا وتسليحيا وتكامليا مع الرافال ،،، بخلاف ان خطوط إنتاجها مش مشغوله زي الرافال ..

 

[Egyptian lion]

من فضلك, تسجيل الدخول أو تسجيل لعرض المحتوى !

فية أعضاء اتكلموا فنيا
ودول احنا بنتعلم منهم

وفية ناس تانية قلبهم بيتقطع
على ميزانية البلد والجيش
والحالة الاقتصادية اللى واقفة على الصفقة دى🤬

 

[Egyptian lion]

من فضلك, تسجيل الدخول أو تسجيل لعرض المحتوى !

طيب نفكر شوية مع بعض

انا كنت بتفاوض على التايفون
وروحت غالبا اتعاقدت على j 10
والسوخوى مش عارفين موقفها

اية هى خطتى التسليحية بالظبط
احنا هواة بس ممكن نفهم هما كانوا عايزين
التايفون لأى غرض

 

[أحمد الشافعي]

من فضلك, تسجيل الدخول أو تسجيل لعرض المحتوى !

فين الفرص دي؟
صفقاتنا كلها بقروض
وده المعلن مننا ومنهم مش توقع من محللين او قنوات

من فضلك, تسجيل الدخول أو تسجيل لعرض المحتوي!

الفرص متاحة للي معاه كاش

 

[Egyptian lion]

من فضلك, تسجيل الدخول أو تسجيل لعرض المحتوى !

الإيطاليين كانوا موفرين التمويل
والالمان كمان على فكرة
كانوا متساهلين معانا جدا على حسب latribune
وعرضوا تسهيلات في السداد
ودة الصح في التعامل معاهم

 

[OSORIS]

من فضلك, تسجيل الدخول أو تسجيل لعرض المحتوى !

التابفون ترانش 3 نظير اوربي محترم للرافال ..تفاصيل فنية او مالية للصفقة ممكن تؤدي لصرف نظر مصري عن الصفقة بالكلية

مصر الان هي اقرب لزيادة اعداد الرافال مع الفرنسيين اكثر من اي وقت مضى

 

[Rafal 100]

من فضلك, تسجيل الدخول أو تسجيل لعرض المحتوى !

الخطه ..

اعتقد حسب المعلن من أخبار..
اننا كنا ماشيين في شقين زي الدفاع الجوي بالظبط ..
شق غربي وده كان هيرتكز علي الرافال والتايفون وF16.

والشق الشرقي كان Mig29 وفوقها SU35 ..

بس عدم زيادة اعداد Mig29 وإلغاء Su35 لخبط لنا الدنيا وغالبا علشان كده دخلنا الصين ع الخط بالJ10 .

بالنسبه للتايفون غير معروف سبب إلغاء الصفقه ...

إنما حاليا خطة تطوير القوات الجويه بعد الضغوط اللي شغاله علينا ..
علي الله أن شاء الله..

 

[Rafal 100]

من فضلك, تسجيل الدخول أو تسجيل لعرض المحتوى !

ع الاقل إيطاليا وفرت بالفعل إتاحة ماليه =قرض .
لصفقة التايفون ...
غير أن غالبا لم يتم استكمال التفاوض علي باقي الصفقه زي البرجاميني،،، وقمر الاستطلاع الراداري ،،، و20 لنش صواريخ ..

فرنسا متاح تفعيل بند 2 جوويند إضافي....

ودع حصل مع الرافال كان البند الإضافي 12 ووصل ل30 ...

وحصل مع الألمان لما زودت اعداد بطاريات الiris-t..

 

[Rafal 100]

وحاليا للي مش شايف الوضع عامل ازاي هنقول عاشر ...

شوف برنامج تطوير البحريه التركيه من خلال التصنيع المحلي ...
ده غير سعيهم علي إتمام عقد 40 تايفون..

اليونان بدأت من سنتين مع عقد4بيلارا فرنسي ،،ولسه هيكملوا بعد شراهة الأتراك اللي انفتحت مره واحده ...

اسرائيل حدث ولا حرج وكل يوم بنشوف الكرم الأمريكي معاهم ...
دول الخليج فاتحه معاهم ع الاخر اي كان بيستخدموا السلاح ولا لأ ..

احنا وقفنا تعاقدات مباشره للبحريه علي امل ان فيه شغل محلي مع لورسن ...
وفي الاخر رسييت علي لانش دوريه او صواريخ كرواتي الأصل وشكرا بلح ...

تطوير القوات المسلحة محتاج كتير واحنا وقفنا لتا ييجي 4سنين اي كان السبب بقي ظروف اقتصاديه ،،، مفيش تمويل ....

كانت حجة البعض ماينفعش نعمل صفقات جديده ولسه بنستلم القديم ....
طيب ياسيدي اهو استلمنا تقريبا كل حاجه ،،اخر ميكو عندنا ....
الرافال هنبدأ نستلم ،،، مفيش غير الiris-t هي الغير معروف مصيرها ....

 

[أحمد الشافعي]

من فضلك, تسجيل الدخول أو تسجيل لعرض المحتوى !

معلش ممكن مصدر علي موافقه ايطاليا علي قرض لشراء التايفون؟
ده احنا كل صفقاتنا قروض بسبب مشكلة السيولة
يعني مستحيل دولة توافق علي قرض واحنا نرفض!!

وتفعيل اي صفقة اضافية محتاج قروض جديدة واحنا لازم نسدد 43 مليار دولار قروض وفوايد حتي سبتمبر 2025
ده غير الديون العسكرية وديون الصين اللي ساهمت في العاصمه الإدارية الجديدة بس الأرقام بتاعتها غير معلنة

 

[Rafal 100]

من فضلك, تسجيل الدخول أو تسجيل لعرض المحتوى !

موجود .

 

[أحمد الشافعي]

تطوير القوات المسلحة مرتبط بالاقتصاد
لما نحل مشكلة الديون وانخفاض قيمة العملة هنقدر نعمل انفاق عسكري محترم زي باقي دول المنطقه الكبيرة

وحجم اقتصاد القوات المسلحة لا يتجاوز 1% من الناتج القومي
ده الواقع بعيدا عن مبالغات الاخوان والجزيرة وساويروس
شركات القوات المسلحة مش سر وجهاز مشروعات الخدمه الوطنية شغله كله معلن وليه موقع علي النت وتقريبا يتبعه حوالي 40 شركة
وشركات وانشطة القوات المسلحة الاقتصاديه مش حاجه مستخبية لان اي حد شغال في اي مجال عارف مين أكبر المستثمرين ومين أصحاب المصانع

 

[Rafal 100]

من فضلك, تسجيل الدخول أو تسجيل لعرض المحتوى !

وأعلنت

من فضلك, تسجيل الدخول أو تسجيل لعرض المحتوي!

Milano Finanza المالية الإيطالية، في أواخر عام 2020، أن روما وافقت على صفقة عسكرية كبيرة مع مصر، وأوضحت أن الحكومة الإيطالية وافقت على ضمانات مالية جديدة لمصر لصفقة مليارية منتظرة ربما تشمل

من فضلك, تسجيل الدخول أو تسجيل لعرض المحتوي!

وطائرات التدريب المتقدم والقتال الخفيف المتطورة “إيرماكي M-346”.

الخبر كان نازل رسمي بمبلغ التايفون ...
هحاول تاني هو موجود في موضوع الصفقات المصريه الايطاليه هنا في المنتدي ..

 

[Rafal 100]

من فضلك, تسجيل الدخول أو تسجيل لعرض المحتوى !

معلش هختلف معاك ...
يبقي عمرنا ماهنعمل حاجه تاني ،،، لان الوضع العالمي والاقليمي سنه عن سنه بيزداد سوء ،،، وده ممكن نكون احنا مالناش ذنب فيه ...

وبعدين احنا عملنا صفقاتنا اللي فاتت في ظروف اقتصاديه أصعب من كده ....
ودوله زي تركيا ظروفها الاقتصاديه سيئه جدا ومعدل التضخم وسعر صرف العمله أسوأ من عندنا بكتير ..
ورغم كده زادوا من برامج التطوير عندهم ...

 

[Egyptian lion]

من فضلك, تسجيل الدخول أو تسجيل لعرض المحتوى !

كلامك في العموم سليم
بس الميزانية العسكرية مفصولة عن ميزانية الدولة

انا فاكر بعد ٢٠١١ القوات المسلحة وفرت للحكومة
او البنك المركزي مليار دولار
وهى اللى كانت ضامنة مشاريع سيمنز فى الكهرباء
(هيئة التسليح)
ودة اتقال علنى فى حفل الافتتاح

 

[OSORIS]

من فضلك, تسجيل الدخول أو تسجيل لعرض المحتوى !

مصر هتستكمل صفقاتها البحرية هذا العام مع تحسن متوقع لكل مؤشرات الاقتصاد الكلي و عودة ايرادات القناة والسياحة لمعدلاتها الطبيعية مع عودة دخول حقول الغاز المتوقفه كظهر مرة اخرى للانتاج و دخول حقول اخرى جديدة كحقل كنج مريوط ... جويا غير مضمون ان نستكمل صفقة الجيان باعداد اضافية مع الصين في وجود إدارة ترامب الحالية المتصارعة اقتصاديا معها