-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
متابعة مستمرة صفقة السوخوي المصرية
- إنضم
- 19 نوفمبر 2021
- المشاركات
- 11,494
- مستوى التفاعل
- 39,007
- المستوي
- 10
- الرتب
- 10
بص انا هقولها وعلى الله فى ناس هتزعل لكن انا هقول الحقيقه والمنطق
هل تظن انك فى مواجه جويه مع اسرائيل ممكن تنجح فى التفوق التكنولوجى ؟؟؟ ابدا ولو مر 100 سنه مش هيحصل ولو عندى 400 مقاتله من افضل الطائرات (الى مش هتكون منافس لى f35و F15) فى الحرب ووقع منى 200 ومن اسرائيل 200 الغرب هيعوضها انما انا مش هعرف اعوض وعندك 2 سرب f22 فى الشرق الاوسط لحماية اسرائيل ومحتطوين تحت امرها اذا تعرضت للحرب .يبقا من الاخر مينفعش اجارى اسرائيل فى الجو كل الى محتاجه طائرات تعمل تحت مظلت الدفاع الجوى فقط تحمى الدفاع من التعرض للهجوم وعدم تطوير اسرائيل لهجوم جوى .ده المطلوب منها فقط .....اى معركه قادمه اسرائيل الى هتكون معتديه مصر مش هتحارب ....فى المنطق يقول مدام انا عارف الحقيقه انى مش هجاريهم ومش هعرف يبقا اشوف الضعف بتاعهم وامنع القوه بتاعتهم انها تتحرك ( الصواريخ و الدرونز) واستغل صغر المساحه بتاعتهم واعمل اغراق على المطارات قبل استخدام قوتهم (الجويه) يجب ان تستخدم مصر تكتيك كوريا الشماله فى الردع مهما اشترينا هيظلو متفوقين لكن لو صرفنا نصف الفلوس على تطوير كروز ودرونز وبالستى افضل من 700 طائر
مجرد رأى
ممكن اضيف حاجه بسيطه صحيح تاريخ وزمان ولكن حرب اكتوبر والاستنزاف خير مثال على انك بتقدر تطوع قدرات ضعيفه ضد أى تهديد حتى لو كان أقوى.
واكيد هتكون متفق معى أن القدرات العسكرية أصبحت مختلفة واقوى وأكثر تقدم حتى لو مازال هناك فارق كما تفضلت ولكن القدرات العسكرية أصبحت اصعب لهم كما لنا تماما.
- إنضم
- 19 نوفمبر 2021
- المشاركات
- 11,494
- مستوى التفاعل
- 39,007
- المستوي
- 10
- الرتب
- 10
لما انت كنت مدافع قدمت اداء جيد جدا لكن لما حبيت تطور الهجوم بلاش نذكرها ...وده الى بتكلم فيه انا عاوز طائرات قليله تدافع فقط
مش بعرف اجامل فى هلتزم السكوت لكن هذكر شئ بسيط...يكفى ان اخبرك ان اسرائيل انتجت صاروخ من الجل الخامس فى ما نتناقش احنا هنا فى المنتدى عن امنيات فى اننا هنصنع الكروز من اى دوله وبنتخانق مع بعض على اسم الدوله
حتى الدفاع او البريه او الراجمات والدرونز ....انت بدأت لكن امامك كثير جدا جدا متفكرش حتى تقارن الان
بالفعل احنا مش بنقارن بس باكد ان الوضع مش بسيط.
وموضوع تطوير الهجوم وضعه أنتهى وعرف أسبابه وما حدث فيه من مساعده.
وأيضاً بالفعل امامك الكثير وان تأتى متأخراً خير من ألا تأتي أبداً.
وبالطبع لن تحدث الحرب ضدهم فى الوقت الحالى ولا القريب والله اعلم كيف ومتى.
ولكن الثقه فى ربنا وفى نفس الشعب والجيش الذى أنهى الحرب فى ٧٣ وحرر الأرض وارجع حدوده وهى دى النتيجه النهائيه تم إعلان هزيمتهم.
ياشباب المولي سبحانه وتعالى يخبرنا في محكم التنزيل أن أعدوا ما استطعتم من قوة ومن رباط الخيل ترهبون به عدو الله و عدوكم
علينا السعي و علي الله التوفيق و السداد
و للعلم إسرائيل لها عند الله و عد و وعيد و نعلم ذلك
و المستوي الذي نتحدث عنه في سلاح المقاتلات يقارب عدد المقاتلات في الخطط المستقبلية لسلاح الجو الهندي الذي يضع الصين و باكستان أعداء محتملة
و ده مستوي يناظر رابع أكبر قوة عسكرية وفقا لمواقع الترتيب العسكري عديمة الفائدة و لكن تعطينا مؤشر عن مستوي القوة التي نسعي إليها و يبين حجم الطموح الذي نراه كمصريين و هذا في حد ذاته امر يدعو للتفاؤل و البشر بنصر و تمكين من المولي سبحانه وتعالى
و تفاءلوا بالخير تجدوه ، و بارك الله في القوة لا بارك الله في الصعف
علينا السعي و علي الله التوفيق و السداد
و للعلم إسرائيل لها عند الله و عد و وعيد و نعلم ذلك
و المستوي الذي نتحدث عنه في سلاح المقاتلات يقارب عدد المقاتلات في الخطط المستقبلية لسلاح الجو الهندي الذي يضع الصين و باكستان أعداء محتملة
و ده مستوي يناظر رابع أكبر قوة عسكرية وفقا لمواقع الترتيب العسكري عديمة الفائدة و لكن تعطينا مؤشر عن مستوي القوة التي نسعي إليها و يبين حجم الطموح الذي نراه كمصريين و هذا في حد ذاته امر يدعو للتفاؤل و البشر بنصر و تمكين من المولي سبحانه وتعالى
و تفاءلوا بالخير تجدوه ، و بارك الله في القوة لا بارك الله في الصعف
تمام ياأحمد متفق ومختلف معاك .
اولا متفقين في اننا لازم نستغل نقطة ضعفهم في صغر عمقهم الجغرافي .
بأننا نمتلك قوه صاروخيه حديثه ومعتبره
(كروز ،وصواريخ تكتيكيه حديثه غير السكود العتيق طبعا ،راجمات ثقيله وبعيده المدي )
وده مش في ايدينا لغاية مايظهر عكس ذلك .
جويا مش صعب خالص اننا نمتلك 150 رافال وتايفون.
واحنا مش هنقدر نجاريهم جويا مقاتله بمقاتله وده لأسباب كتير .
ولكن الفرق مش زي ماالناس متخيله زي ايام 73 ،بالعكس الوضع حاليا افضل بكتير .
حاليا احنا صعبنا عليهم اللعبه بشكل يفوق تصور اي حد علي فكره .
# يعني F35 حطلهم قصادها رافال وتايفون والتفوق لنا بسبب تعدد المنصات والذخاير .
# F15&F16 حطلهم Mig29 وsu35 وF16 .
عايز تقرف ابو اللي جاب ابوهم ،دخل الدفاع الجوي البري والبحري المتطور جدا في المعادله .
يعني اللي كان هيواجه mig21 وf16 .
أصبح الان يواجه منتخب من المنصات الجويه والدفاع الجوي اللي كمان قدراته زادت أضعاف مضاعفه .
وده صعب عليهم المواجهه جدا جدا جدا ،حتي لو هما في وضع هجومي واحنا اللي بندافع .
وهما عارفين كده كويس ، كفايه انهم في اي مواجهه مستقبليه ينسوا الالتفاف من ناحيه البحر ، لأنهم عارفين قدرة الدفاع الجوي اللي علي القطع البحريه صدقني ده كابوس علي اي قوه جويه .
الدفاع الجوي عنده ،تكتيك ظهر من خلال حرب 73 وهو تحييد القوي الجويه للخصم حتي لو كان متفوق ،يعني احنا نقدر ونقدر ونقدر بإذن الله نتصدي لأي هجمه جويه مهما كانت قوتها ومش شرط اننا نسقط كل المقاتلات المهاجمه، يكفي فقط منعها هي وذخائرها من الوصول لاهدافها .
هما متفوفين علينا في عملية استعاضة الخسائر، احنا ممكن ده ميتوفرش ،هما متفوقين في تصنيع ذخائرهم ،وتعديلاتهم علي مقاتلاتهم ،احنا لأ.
علشان كده دايما هتلاقني مستعجل في الاستحواذ علي اي حاجه تخص الدفاع الجوي والقوات الجويه بالذات .
وعلشان كده لازم اللي يقع تحت ايدينا نجيبه ،لأن ده هو الضامن لعمل التوازن معاهم .
وخد بالك اننا حاليا اعتقد والله اعلم بعد تعاظم قوتنا ابتدينا نعمل تكتيك مختلط في الدفاع بين القوات الجويه والدفاع الجوي ، مش بالشكل اللي كان 73 وهو اتباع العقيده الشرقيه بالقاء كل التقل علي الدفاع الجوي الأرضي ودعمه ببضع مقاتلات لسد الثغرات .
لأ، حاليا التكتيك ده توسع وأصبح مرن بين الدفاع الجوي الأرضي وبيتم دعمه بقوه جويه ضخمه علي غرار التكتيك الغربي ،وده مش سهل عليهم .
اسف علي الاطاله ياصديقي.
التعديل الأخير:
الله ينور عليك و الفيديو ده من التصريحات اللي كيفتني من الراجل الوطني اللي معانا ده اوي
من فضلك,
تسجيل الدخول
أو
تسجيل
لعرض المحتوي!
استمرار تدريب الطيارين في روسيا، بس ده من شهر 8 اللي فات ،احنا حاليا في 12 .
- إنضم
- 19 نوفمبر 2021
- المشاركات
- 11,494
- مستوى التفاعل
- 39,007
- المستوي
- 10
- الرتب
- 10
اسف جدا جدا على التأخير
اولا تحياتى لحضرتك ..واتمنى ان لا تتأسف لانى استمتع بكلامك ومناقشتك لانك صاحب فكر و المناقشه بتخلى الواحد يشوف حاجه جديده هوه مش واخد باله منها
.طب انا فرحان انك موضعتش الصواريخ والكروز من ضمن النقاش لانها فيها شك فى الافضل نخلينا فى الموجود
..انما لما كنت هواجه اسرائيل بى الميج 21 و f16 كان اسرائيل تمتلك f15 .f16 فقط وهل تتخيل فرق التكنولوجيا ؟ لما احنا الان دخلنا الرافال هما دخلو f35 بردو ماالو متفوقين باشواط انت قللت الفارق من 10الى 1 الى 10الى 4 بانك احللت الميج 21 ودخلت ميج 29 ..لحد الان اسرائيل تتفوق جوى طب لو انا اشتريت التايفون والسوخوى وبدأت اعدل المعادله 10 الى 8 او 9 ...ايه رد اسرايل التعاقد على اف 22 بسرعه جدا وهنشوف تفوق تانى لاسرائيل لكن المره دى بشكل كبير جدا وهيفرق عنننا ما اقصده ان الجو ملك للغرب عموما واحنا بنشترى اسلحه من الغرب فى بالتالى مهما عمالنا المعادله هتفضل فى صالح اليهود الى بيدعمهم الغرب ...واعمل حساب معركه الغرب الى اداك الاسلحه مش هيدعمك اولا باى قطع غيار او تعويض فى انت هتكون واضع ايدك تحتهم .....مينفعش ادخل سباق انا عارف انى مش هجارى عدوى فيه ...هما متفوقين كما قلت حضرتك فى صناعة الذخائر والدفاع وخلافه ...على شان بس اوضح لحضرتك حاجه انت قلت ان الفرق بيننا مش كبير لكن خلينى اقلك ان الدوله الى اتعملها جسر جوى لنها لم تكن تمتلك سلاح او تصنعه النهردا المانيا بتشترى منها دفاع جوى ودرونز اغلب دول العالم بيشترى منها السلاح الى انت بتروح تشترى من الدول دة وشايف ان الاسلحه الى بتاخدها متطوره ...اتمنى اكون عرفت اوصل النقطه دى ..هما بعاد بشكل كبير وده لا يقل مننا لاننا كنا نايمين لكن الان قمنا وان شاء الله نحاول ان نقلل الفارق .. واتمنى ان تحاول مصر التركيز على نقاط الضعف وتصنع الكروز والدرونز بأعداد كبيره لان ده الردع الحقيقى
تحياتى لحضرتك
للاسف مفيش اي اخبار رسمية تأكد او تنفي
لكن لو حللنا الموضوع وفقا للمعطيات ، ف مصر لم تستلم السو٣٥ حتي الان ، هل مقاتلات السو٣٥ بالتمويه المصري الموجوده في روسيا موجوده لصالح مصر او لا ، الله واعلم
وزير الخارجية الامريكي اول محادثة ليه بعد استلام بايدن الحكم حظر سامح شكري من الاستمرار في الصفقة و استلام المقاتلات و فقا لقانون كاتسا
وده يوضح طبعا ان مفيش استلام للصفقة
اما موضوع اننا استلمنا المقاتلات و مخبينها في المطار الفلاني ف ده كلام لا يستحق النقاش
الجزائر لما حبت تستلم الميج٢٩ ام ٢ جبتها مفككة علي اساس تجمعها في الجزائر الامريكان عرفوا ، الامريكان بيعرفوا دبة النملة حرفيا بسبب قدراتهم الفضائية
الموضوع بعيد تماما عن افكار الارادة المصرية و مصر لن تنحني و الكلام الشعبوي ده ، الدولة بتحسب الموضوع مكسب و خسارة
- إنضم
- 28 نوفمبر 2021
- المشاركات
- 263
- مستوى التفاعل
- 1,080
كلام محترم جدا جدا بعيد عن الهبد والهجص اللي قرفنا منه
من عينة انا المصدر وده اللي خللي شكلنا سئ جدا من عينة الباتريوت علي السد العالي والميج اللي مخبينها تحت السرير 👌
مادام بنفكر بالطريقة دية يبقى عمرنا ما هنتقدم و هنرضى بالقليل على انه مكسب كبيييييييييييير
بس عامة .... التفوق الاسرائيليى هيكون اكبر من مجموع الدول العربية و الاسلامية و الافريقية كمان...
و لو انت شايف ان الغرب هيمنعوا عنك السلاح وقطع الغيار ساعة الحرب... احب اقولك ان الشرق كمان هيعملوا كدة و دة حصل فعلا ...
تقليل الفارق لازم يكون بحساب ... خلينا واقعين لا اروربا ولا الشرق و لا امريكا و لا افريقيا و لا حتى اخواتك عايزينك تنجح او تقوى ... فالفارق لازم يكون واقعى بحيث تحقق الردع من غير ما تخل بميزان القوى...
ودة اللى بتعمله الحكومة حاليا ... فلو اعتبرنا ان السوخوى هيتجى و تقلل الفارق الى 5 و ساعتها اسرائيل هتاخد الاف 22 و الفارق يزيد تانى ... وفالمقابل الاف 15 هتيجى ومعاها الامرام النسخة البى و الفارق هيقل الى 4 و اسرائيل مش هتاخد حاجة و تكمل زى ما هى ... يبقى هنختار الاف 15.
و هنفضل كددة لحد لما ربنا يكرمنا بمشروع الوطنية
- إنضم
- 19 نوفمبر 2021
- المشاركات
- 11,494
- مستوى التفاعل
- 39,007
- المستوي
- 10
- الرتب
- 10
انا مع اننا نشترى اسلحه مش شرط اسرائيل تكون هى العدو الاول ليا فيه دول تانيه محتاجه السلاح الى عاندى وممكن يتفوق الجو بتاعى عنهم مثل تركيا وايران واثيوبيا ...كل الحضرتك قلته صحيح لكن كلامى انى لو واضع فى تفكيرى ان سلاح الجوى عندى ممكن يتفوق على اسرائيل ابقا انا مخطئ وبقول اننا ندور على استراتجيه تمنع قوتهم ...لو انت هتقابل واحد بعضلات وعملاق فى الشارع وانت جسمك على قدك هل تروح تضربه ؟؟ لا طبعا لكن اكيد عنده نقطة ضعف استغلها انت ...ده مغزى كلامى احنا عارفين ان الكل هيف ضدنا فى معركه مع اسرائيل يبقا الحل تطوير سلاح مثل الكروز والدرونز محلى محدش يعرف يتحكم فيها وكمان تكون رادع لقوتهم الجويه انهم لو فكرو يضربونا هيرجعو مش هيلاقو مكان ينزلو فيه او وطن ليهم ....لازم نفكر بطريقه صحيحه فى كل عدو وطريقة محاربته مش كله نفس الحاجه
تحياتي، ياصديقي ، صدقني بتشرف بالحديث معاك أو مع أي عضو في المنتدي ،اشكرك .
لا طبعا مع دخول التايفون والsu35 الفارق بيننا وبينهم جويا هيقل كتير ،وهما هيفضلوا سابقين بس مش بنفس الفارق زمان .
وعارف عمرنا مانتفوق جويا عليهم ،بس حاليا احنا عاملين معهم توازن .
وعلي فكره كون ان امريكا تديهم f22 بالساهل ،لا خد بالك وتأكد مليون % ،امريكا بتضمن تفوق نسبي لإسرائيل، مش تفوق كامل لأنها برضو لها مصالح مع الأطراف الاخري .
صدقني تايفون مع رافال يحييدوا دور F35 الي الأبد.
وعلي فكره المقاتلات دي بالذات نجحت اكتر من مره قصاد F22 نفسها مش الF35 .
بس هات التايفون ومالكش دعوه وشوف اللي هيحصل.
علشان كده ربنا يكرمنا ونتعاقد علي التايفون .
ونزيد الدفاع الجوي اكتر منعه وقوه ،بإضافة منظومات متطوره واحلال المتقادم.
تحياتي ياصديقي.
تمام بالظبط كده الفارق مازال وسيزال موجود ولكن احنا مؤخرا قللنا الفارق ده ،وبنتبع سياسة انه ميرجعش للاتساع تاني .
تحياتي ياصديقي.
كانوا عرفوا موعد حرب ٧٣ او مسكوا مواد الكاربون الاسود قبل ماتوصل لمصر او عملية الحفار و كذا و كذا و كذا. خلي عندك ثقة في بلدك و الناس دي مهيبرة نفسها في الافلام
مظنش ان هدفنا رءيسي هو اسراءيل. في حاجات اكبر من كدة و هو هيمنة على المنطقة بالكامل
