من فترة كده جيت أنا قولتلكم اللي معاه دولار برا حسابات البنوك الرسمية و هيفضل معاه لحد بعد تاريخ 24 فبراير 2024
هيزعل جدااا
و هيبقا ورق الكرنب له قيمة عنه
وقتها مكنش ينفع اقول ليه ... اااه طبعا كان عندي معلومة عن خطوة أكيدة و كنت مزقططة بيها المعلومة دي
لكن مكنش ينفع اصرح بيها
لكن بعد اجتماع لجنة السياسات المالية مع رؤوساء البنوك و اصحاب شركات الصرافة في تاريخ الخميس 26 اكتوبر 2023
الموضوع مبقاش سر لأن اصحاب شركات الصرافة هما جزء من السوق السودا طبعاااا
ايه هيحصل
هيتم تشفير الدولار
يعني ايه هنشفر الدولار
هيبقا باشتراك زي bien sport
لا يا عزيزي
القصة ان كل الدولار اللي هتدخل في البنوك في الفترة القادمة و لحد التاريخ ده هيتم ترقيمه ب serial معين
طب و الدولار اللي هيظهر بعد كده ملوش serial
تديه للعيال تلعب بيه في بنك الحظ
لأ معلش احنا اسفين انتي تقصدي اعدامات للدولار
اعدم ايه يا حبيبي
هو اساسا مش موجود
هو في سوق موازي
" فيييين التعابين .. طب هو فين الظاااابط
.. عم ايوب ستايل "
ممكن يطلع خبير اقتصادي يقول بس دي مغامرة كبيرة و مجازفة برقم كبيييير من السيولة الدولارية
" يا سيييييدي و يفوز باللذات كل مغامر و احنا جايين الدنيا نتبسط "
هو مش السوق السودا عمالة تشدكم وراها لدرجة 50 جنيه ... البنك المركزي هيخليه 50 قرش
طب هو البنك المركزي بيتصرف كده عنترية مثلا
لا يا عزيزي
مفيش اقتصادي بيفهم عنتري
البنك المركزي قدم عرض مزدوج
اولا
هيقبل اي ايداعات دولارية في كل البنوك
حتي لو مجهولة المصدر
" يعني من السوق السودا "
لكن بشرط
هخصم 2% من قيمتها
يعني لو سعر البنك انهاردة 30.90 ج/ دولار .. انا گ بنك هاخد منك ب 30.28 ج/ دولار
طب و انا احطهم عندك لييييه ... ما انا مواطن مفتح و ببيع في السوق السودا وخربت بيت البلد و اوديهم السوق السودا
براحتك يا بيه
لو لقيت حد ياخدهم منك
ما هو بتاع السوق السودا مش عبيط .. عارف ان معاه 4 شهور و بعد كده هيعملهم مراتب ينام عليها
الوجه التاني من العرض المزدوج بقا
ان البنوك هتوفرلك السيولة الدولارية ك مستورد
لككككككن هرفع نسبة العائد
يعني لو حضرتك بتستورد سلعة اساسية بدل ما كنت باخد منك 10% فايدة علي الاعتماد
هاخد منك 20%
و لو حضرتك بتستورد دراي فوود و شيكولاتة بالقرفة الامازوني و فونديشن بدل ما كنت باخد منك 20% هاخد 45%
و هوفرلك اللي تحتاجه من الدولار
طب ليه البنك المركزي عمل كده :
اقولك
مثال
هفترض ان مستورد محتاج 100 الف دولار
قدامه طريقين :
البنك : و هنا ال 100 الف هيرجعهم 120 الف
طب ال 100 الف دولار اساسا واقفين عليه بكااااام
ب 3 مليون و 90 ألف مصري
هيرجعهم ب 20%
يعني 20 الف دولار × 30.90 = 618 الف جنيه
نضيفهم علي اصل المبلغ
يبقا تكلفة الحصول علي الاموال بالنسبة للمستورد ده تساااااوي
3 مليون و 708 ألف جنيه
او يلجأ للطريق التاني
السوق السودا :
و في الحالة دي هيبقا ال 100 ألف دولار واقفين عليه
من 4 مليون ونص الي 5 مليون جنيه
بالمنطق اي الطريقين اوفر
مؤكد البنك
في كل معادلة اقتصادية يا عزيزي ريكاردو هناك رابح و خاسر
هنا الاطراف الرابحة
البنك و المستورد
و الطرف الخاسر
السوق السودا
ازاااااي
ببساطة هيقل الطلب علي الدولار بتاعهم مع زيادة المعروض عندهم
و احنا درسناها في اولي أول رقعات اقتصاد
لما الطلب يقل و العرض يزيد السعر يحصله اييييييه
ايووووون ينخفض
حسن عبد الله عوم الجنيه بتاع السوق السودا
... يا اخي ده جون أحلي من جون الدقيقة 90 عند الأهلاوية اللي زي
فهمنا كده النقطة دي
هيطلع بقا المواطن اللي شايف عند نفسه استحقاق ان رئيس الدولة لازم يعدي عليه ياخد رأيه في قرارات اليوم
و يسأل و هو البنك المركزي هيجيب دولارات منيييين
أنا
ميخصكش
دي مشكلة تيم سياسات مالية وهما ادري بيها .. كمل انت تقطيع الجوافة للعيال عشان الانفلونزا
--------------------------------------------------
د/ جيلان قاسم