أنا فيه سؤال جه في دماغي ايه اقل سعر صرف ممكن للجنيه حاليا ؟
الاجابة كانت هبده من النوع التقيل بالرغم ان الجنيه المفروض انه مدعوم بأصول الدولة من اراضي وآبار غاز ونفط وذهب وشركات وقناة سويس لكن أنا ساويت ده كله بالصفر ركزت فقط ع الاحتياطي المحدود ٣٥ ملياردولار
وقسمته على حجم السيولة اللي بتشمل النقود وأشباهها يعني كل الودائع وشهادات الادخار واللي قدر ب ٨,٧ تريليون جنيه يا سيدي قول وصل ٩ تريليون جنيه
٩٠٠٠ مليار جنيه على ٣٥ = ٢٥٧,١٤ جنيه لكل دولار
يعني ده اقل سعر ممكن للجنيه اللي هو مستحيل يوصل له 😜 يعني السوق السوداء الحالية تقترب لأرقام تجعلها فخ للمتعاملين فيها
لاحظ ان ده هبد وغير علمي وأهمل التزامات مصر الخارجية وقيمة الأصول والثروات المملوكة للدولة وحجم الانتاج المحلى من صناعات ومزروعات وخدمات بالجنيه وكل ده بيدعم الجنيه ويخلق عليه طلب
اه نسيت كمان ان الفائدة على الجنيه في مصر مرتفعة مقارنة بالفائدة على الدولار وده كمان عامل طلب على الجنيه مهمل