الميراج الاماراتيه ..... القوات الجويه المصريه ..

مصر دمى قال:

صح واكثر
لكن التمويل كان مشكلة كبيرة

أنقر للتوسيع...

JOKer 88 قال:

مشاهدة المرفق 30381
خلص الكلام علي كده 😂

أنقر للتوسيع...

Nile Crocodiles قال:

الحقيقة لا اعلم ان كان تم ادراج قنابل الطارق على الميراج 2000 المصرية ام لا لكن هناك مصادر تتحدث عن ادراجها

أنقر للتوسيع...

Nile Crocodiles قال:

لتكوين راي انسب وادق حول رغبة مصر في الحصول على جزء من اسطول الميراج 2000 الاماراتية يجب ان نعد مقارنة بين الطرازين لكي نستطيع ان نحكم على الاوضاع بشكل دقيق وسوف ابدأ بالميراج المصرية

الطائرة الميراج 2000 المصرية


1- تخدم في قواتنا الجوية من عام 1985 اي بعد عام من دخولها الخدمة في القوات الجوية الفرنسية.

2- حصلت مصر على اول سرب مكون من 14 طائرة ميراج 2000 عام 1985 وكانت اغلى في الثمن من F16 في هذا التوقيت ولكن هناك الكثير من المصادر يتحدث عن وجود ما بين 18 الى 20 طائرة تخدم في صفوف قواتنا الجوية.

3- رادار RDY-2 للرصد واطلاق النيران مجهز بحزمة مضادة للتشويش الالكتروني (ECCM Electronic Counter-Countermeasures) ومداه ضد المقاتلات يصل الى 160 كم.
مواصفات الرادار RDY-2: يحتوي على نظام تعريف العدو من الصديق (IFF) ويمكنه رصد وتتبع 24 هدف في نفس الوقت والتصويب والاطلاق على 4 اهداف جو-جو.
عمل مسح راداري لتحديد اكثر 8 اهداف ذات أولوية ويمكنه اطلاق صواريخ MICA جو/جو.
يتميز الرادار ايضا بخاصية (Look-Down/Shoot-Down) وهو مخصص لضرب الاهداف الجوية التي تطير تحت المستوى الافقي الموازي للمقاتلة.

4- نظام تصوير ارضي بدقة عالية.

5- نظام Sabre RF jammer للتشويش على الرادار (ECM) Electronic Countermeasures وكذلك منظومة حرب الكترونية متكاملة Electronic Warfare.

6- بود التشويش الالكتروني الهجومي (ECM Offensive Pod Caiman) المتخصص في عمليات التشويش على الرادارات والدفاعات الجوية اثناء القيام بمهام الاخماد للدفاع الجوي المعادي ( SEAD ) Suppression of Enemy Air-Defense.

7- بود التشويش الالكتروني الدفاعي (ECM Defensive Pod Barracuda) متخصص في الحماية من الصواريخ الموجهة حراريا وراداريا ويحتوي على وصلة بيانات لاطلاق الشعلات الحرارية والاهداف الخداعية (Chaffs & Flares).

8- بود Damocles المتطور لتصويب القنابل والصواريخ الليزرية ويمتلك نظام تصوير عالي الدقة (High Resolution Imagery) بجانب نظام كشف بالاشعة تحت الحمراء يتيح قدرة الملاحة والقصف الليلي (FLIR Forward Look Infrared).

9- نظام استطلاع مجهز ببث مباشر للصور لمحطات الاستقبال الارضية (Instant Transmission ) يستطيع توجيه القنابل الليزرية الى مدى 16كلم وكذلك الكشف عن المدرعات و القوات البرية من مدى 27 كم وعمل تحليل لنتائج الضربة (Post-Strike Analysis).

10- جهاز ملاحة بالقصور الذاتي (Inertial Navigation System INS).

11- خزانات وقود اضافية لزيادة مدى المقاتلة.
مشاهدة المرفق 30384

تسليح المقاتلة الميراج 2000 المصرية

1- الصاروخ MICA-EM صاروخ موجه بالرادار النشط بنظام اضرب وانسى يحتوي على نظام مضاد للتشويش الالكتروني ( ECCM Electronic Counter-Countermeasures ).

2- الصاروخ MICA-IR مداه 60 كلم موجه بالاشعة تحت الحمراء بنفس القدرات والامكانيات مع نظام مضاد لانظمة التشويش الحرارية (IRCM IR-Countermeasures) ولا يمكن التشويش عليه راداريا.

3- الصاروخ ARMAT مداه 120 كم المضاد للردارات ويعمل بنظام التوجيه السلبي (Passive Radar Homing).

4- الصاروخ AM-39 EXOCET مداه 180 كم وهو من افضل الصواريخ الفرنسية وهو موجه بالرادار النشط والملاحة بالقصور الذاتي ( Inertial Navigation System INS ).

5- صاروخ AS-30L جو/ارض تكتيكي موجه بالليزر يبلغ مداه 3كلم - 11كلم.

6- مدفع DEFA-554 عيار 30ملم للقتال التلاحمي يبلغ معدله النيراني 1300 طلقة/دقيقة.

7- الحقيقة لا اعلم ان كان تم ادراج قنابل الطارق على الميراج 2000 المصرية ام لا لكن هناك مصادر تتحدث عن ادراجها

ونعود الان لذكر بعض المميزات التي اراها في طائرة الميراج 2000 المصرية واول نقطة هو تصميمها والذي يعتمد على اجنحة الدلتا المثلثة وهذا التصميم يساعد الطائرة على الطيران الى ارتفاعات شاهقة وقدرة عالية على المناورة......

ثاني نقطة وكانت ميزة مؤقتة وهي ان الميراج 2000 المصرية كانت تحتوي على بودات الاعاقة الالكترونية جنب القنابل ولكن الان بدخول الرافال اصبح لدينا هذه الميزة وكذلك على ما اتذكر F16 Block 52

ان شاء الله سوف اقوم باضافة مواصفات الميراج 2000 الاماراتية في اقرب وقت لكي نستطيع ان نحكم عليها ايضا @Rafal 100

أنقر للتوسيع...

Rafal 100 قال:

لو هينفع حارب بيه .
وبعدين هو مينفعش نحترم أراء بعض ، من غير تهكم .

أنقر للتوسيع...

Rafal 100 قال:

انت علشان تعمل ده محتاج بنيه تحتيه قويه جدا .
عشرات المصانع المغذيه لصناعة حساسه زي دي .

اما كده هيبقي تجميع أجزاء فقط لاغير .
علشان تتخيل بعض المكونات .
زي البدن اللي بيتصتع من مواد مركبه تتحمل الضغوط العاليه ،هل احنا وصلنا لحاجه زي كده ؟؟

مجموعة الضفاير الكهربائيه ودي قصه كبيره ،أخبارها ايه؟؟

كمبيوتر المهام وإدارة النيران ،اخباره ايه ؟؟؟

مجموعة الهيدروليك، اخبارها ايه .

المحرك والمجموعه الميكانيكية، أخبارها ايه ؟؟

أجهزة الاستشعار والتحذير والحرب الالكترونيه الموزعه علي جسم المقاتله ،أخبارها ايه ؟؟؟

طيب الرادار اللي هو أهم مكون ،اخباره ايه؟؟

التسليح والذخاير اللي هتحملها علي المقاتله، انت بتعمل منها ايه ؟؟

البنيه التحتيه ،من مصانع وعماله فنيه ؟؟؟؟

وصعب اي دوله تديك نقل تقنيه لكل اللي فات .

وخد بالك كل نقطة من اللي فاتت دي وراءها عشرات المصانع والتخصصات .

عايز حجم الكام نقطه اللي فاتت ،ادخل اتفرج علي صناعة اي طائره سوا مدنيه او عسكريه .
وانت تعرف يعني ايه صناعة جويه .

احنا ممكن نجمع حاجه مع طرف تاني .

أنقر للتوسيع...

MaD84 قال:

تم إدراجها و ظهرت فيديو للمتحدث العسكرى

أنقر للتوسيع...

JOKer 88 قال:

ده كلامك كله من اوله يزعل اصلا ومخلي اننا مجرد هوامش وماشيين كده علي الله
مش كده يعني

أنقر للتوسيع...

JOKer 88 قال:

مش اكتر من 300مصنع
وانت عندك بنيه تحتيه كامله هلي فكره كفايه تجهيز مجمع بلبيس

أنقر للتوسيع...

Rafal 100 قال:

كلامي يزعل ليه ،ويزعل مين .
كلامي لا هو كلام اهانه شخصيه ليك ولا غيرك .

ده مجرد رأي لا اكتر ولا أقل.
انت نفسك ياأحمد أكدت علي صفقة الرافال الاضافيه في شهر يناير اللي فات، ولما مظهرتش أخبار قولت شهر أبريل.

حد قالك كلامك يزعل ،ولا اي حاجه .
انت حر في رأيك .
والكل احترم ده رغم ان مفيش حاجه تمت حتي الآن.

احنا نتمني مش الرافال بس، يارب نصحي الصبح نلاقي امريكا موافقه لنا علي صفقة F35 ، انا هزعل ابدا .
يارب نملك كل سلاح الدنيا .

تحياتي ياأحمد.

أنقر للتوسيع...

Rafal 100 قال:

والله يااستاذ ايمن نتمتي .
بس علي مستواي الشخصي معدتش بتعب نفسي في نقطة انه فيه صفقات جديده .

وده مش نظره سلبيه ولا حاجه .
الفتره اللي فاتت كانت المشكله في تمويل صفقات جديده.
والحمد لله حاليا في انفراجه والوضع علي ماهو عليه .

إنما حاليا المشكله اكبر من الشق المادي،وهو موقف مصر من حرب غزه ، علي الرغم من اننا لعبنا مع الكل بحرفنه.
وجنبنا المنطقه كلها من الاشتعال .

فطبعا الامريكان وعيالهم مش هينسوا لنا حاجه زي كده وأننا واقفين في زورهم .

فأنا شايف ان فيه شبه حصار وحظر عسكري غير معلن علي مصر .

والدليل أن كان فيه صفقات شبه منتهيه ولم تستكمل حتي مع انفراجة الظروف الاقتصاديه .

يعني محدش عارف لغاية دلوقت موقف .
Su35 ، F15 ،التايفون، البرجاميني الإضافي.
وغيرهم .
حاجات كتير كنا طالبنها من برنامج الفوائض العسكريه الامريكيه ماتمش الموافقه عليها .

كل ده مخليني رايح ناحية أن فيه حظر تسليح غير معلن علينا .
وربنا يصلح الحال .

أنقر للتوسيع...

Bright sky قال:

اه طبعا مصر عليها محاذير في تسليح جيشها هو مش حصار في التسليح لكن حدود في التسليح و ده شئ مش جديد و معروف للجميع

أنقر للتوسيع...

s e t قال:

الميراج هتكن مقاتله فوق الجيده لمصر لو جت وبالذات النسخه بتاعت الامارات لان حقيقى هى ممتازه بالتسليح والتكنولوجيا ومع دخول قنابل القطر الصغير الفرنسيه السنه دى للخدمه هتصبح وحش ...قطع الغيار + الصيانه مع اطقم العمل + الطيارين كله موجود ..فى مش هيكون فيه تعقيد او حمل لوجستى عليا
نضيف ان صعب التعاقد على الرافال الى 2028 اقل حاجه ومش هيكون فيه عقود للوقت ده + التايفون مشكوك فى امرها من البدايه وانها كانت مفاوضات من اجل المناوره مع فرنسا + f15 او f35 لو قلنا حصل معجزه من السماء وعرفنا ناخد حاجه منهم فى هيكون الاستلام بعد وقت كبير ومزعج (بالنسبه للتكنولوجيا فى لو جت انا متأكد اننا هنحصل عليها بتسليح كامل بس الفكره فى المماطله بتاعت الامريكان) + su35 موقف مصر منها هى قدرتنا الاقتصاديه ومدى قوة امريكا (مش فتحت صدر او جو الصقور ) لو انتا اقتصادك اصبح قوى ومفيش احتياج لامريكا او الغرب هتعرف تجيب الطائره فى ارضك تانى يوم وهتظهر للعن والكل هيعرف +طائرات الصين (دولة محدش عارف يفسر سبب عدم الوصول معاهم لاتفاق ) كان فيه اخبار عن j10 ونقل التكنولوجيا لكن توقفة كل الاخبار

دى اغلب الطائرات الى مصر ممكن تحصل عليها وكلها فيها حاجه مش ممشيه الموضوع يبقا افضل خيار هى الميراج الامراتيه او رفال قديمه من فرانسا حتى تنفرج الاوضاع

أنقر للتوسيع...

Mohamed Gamal قال:

أنقر للتوسيع...