د جيلان قاسم بصراحة هى الى عايشه في جزيره البط جزيره الخيال وعماله تالف وتكتب
اولا نتمنى من الله الحكومه لا تجبر على التعويم .. وخلي بالك من تجبر لان مافيش حكومه في الدنيا بنفس معطياتها واردتها اكتر من صادرتها ودوله غير صناعيه تتمنى تخفض العمله .. هى خفضت خمس مرات قبل كده او هتخفض مش عشان عيون سكان كوكب البط انما عشان تعالج حاله فشل اقتصادى عندها الخ الخ
ثانيا الحكومه نفسها وبعض من المؤسسات والشركات الماليه عملت وضبطت موازنتها على دولار ب 36 ليه ؟ تقولى تحوط مش تحوط .. تمام هل معنى كده كل الشركات دى الى فيعا اعضاء من وزاره الماليه والتخطيط بيعملوا لحساب سكان كوكب البط بتاع جيهان بطوطه عشان يتحوطوا منهم .. لو كان عندهم ثقه مئه في المئه مستحيل يحطوا ميزانيتعم على الرقم ده .. بالعكس ده معناه ان التعويم بنسبه خمسين في المئه هيحصل هبحصل ..
ثالثا كل البنوك والشركات الماليه التحليليه العالميه زى مورجان ستانلى و HSBCوفيتش سولييوشنز وغيرهم وغيرهم كلهم توقعوا خفض اخر للجنيه ولو دول الاخت جيهان بطوطه بتعبرهم تفكير بط امال اخت جيهان بطوطه تفكيرها ايه ؟
رابعا وهو الاهم الحكومه الفاشله وسبب الخراب الى حصل لمصر مش عارفه تعوم الان بسبب انه مافيش دولار اصلا .. فالتعويم نفسه مش الحل السحري بدليل انها عومت خمس مرات قبل كدخ ايه الى حصل للاقتصاد المصري واحوال الناس ومستوى المعيشه ايه المحصله في النهايه غير الفشل والخراب والفقر الى زاد وارتفاع الديون وانفلات الاسعار الخ الخ .. ببساطه الازمه انه مافيش دولار اصلا .. هل يعنى لما حررت السعر من 15 الى 30 حنيه الازمه تحلت .. ولو حررته من 30 جنيه الى 60 جنيه مثلا هى كده الازمه تحلت ؟
ببساطه لا طول ما الفرد او المؤسسه الصناعيه بيروحوا للبنك ويطلبوا منه دولار وهو يقوله مافيش دولار استنى دورك .. طول ما الكروت البنكيه موقفه التعامل بالدولارومستلزمات الانتاج والصناعه كله لسه بيعانى من الحصول على الدولار .. ختفضل الازمه موجوده والسوق السوده شغاله مكان البنك العاجز عن توفير الدولار .. وعشان كده الحكومه فيه كذا سبب يخليها تاجل التعويم او لما تعوم برضه مش هتفتخها على البحرى وكل مواطن رايح يتفسح برا يخلص دولارت البنك ..
الموضوع معقد وله حسابات كتير في ماذا بعد تعويم ب 60 جنيه الازمه تحلت ؟ الاسعار ؟ التماسك الاجتماعي ؟ اسعار الخدمات الحكوميه نفسها زى البنزين والكهربا والعلاج هل انتهت السوق السوداء ووجود اكثر من سعر للصرف الى هو مشكله كبيره في الاستثمار وعائق وتحدى امام الدوله ونظامها المالى الخ الخ والعكس ماذا لو فضل الحال على ماهو عليه بدون تعويم هل برضه الازمه تحلت ؟ هل هتختفي السوق السوداء ووحود سعرين صرف في الدوله وما يترتب عليه اضطراب الاسعار وبالتالى فشل حكومى في التحكم والسيطره الاقتصاديه غير هروب العمله الصعبه خارج النظام المصرفي الخ الخ
فعلا الموضوع معقد ومالهوش علاقه بسطحيه التفكير الى عند الاخت جيهان
