تعطيل الملاحه في قناه السويس علي اجنده ايران من زمن الزمن هي رورسيا لكون الاتنين بيطمحوا انهم يكونوا ممر من اسيا لاوروبا كبديل عنها..
ولو تفتكر القبض علي خليه سامي شهاب الايرانييه في مصر ايام مبارك كان اول أهداف الخليه هي مهاجمه سفن في قناه السويس ومش محدد كونها امريكيه اسراءيليه لان الهدف هو امن الملاحه مش اسرائيل وبتاع زي مابيتصيح ايران واذنابها من الاسلامنجيه واليسار الملتحي..
وايضا في ايام جنوح السفينه Evergreen بعرض القناه
عرضت كل الدول تقريبا المساعده علي مصر الا ايران وروسيا طالبوا بمحور بديل وعدم الاعتماد الكلي علي القناه كمعبر وحيد بين الشرق والغرب.. فروسيا ايضا غير مستبعده..
ثانيا بالنسبه للناس اللي بتعتقد ان امريكا سايبه الحوثي يعمل كده لتحجيم اسرائيل؛ امريكا لو عاوزه تحجم اسراءيل هتحجمها بحجات كثيره جدا .. واللوبي اليهودي او غيره مش عاءق ابدا قصاد اي مصلحه لامريكا من اسرائيل.
اللوبي اليهودي بيشتغل بالريموت من الرأسماليه الغربيه اللي هو جزء منها ومن اجندتها واسراائيل بالنسبه لهم ماهي الا دوله وظيفيه للتخديم علي مصالحهم مقابل كم مليار بيرموها ليها سنويا مقابل تريليونات جنوها من وجودها
